Connect with us

KPT+

ស្ត្រីមូស្លីម ១០ រូប មានជាងគេលើពិភពលោក ក្នុងនោះក៏មានបុត្រីស្ដេចស៊ុលតង់ ២ អង្គដែរ

បានផុស

នៅ

មនុស្ស​ជា​ច្រើន​គិត​ថា​មាន​តែ​ស្ត្រី និង​បុរស​លោក​ខាង​លិច​ប៉ុណ្ណោះ ​ដែល​មាន​ទ្រព្យ​សម្បត្តិ​ច្រើន​ជាង​គេ ប៉ុន្តែ​​មិនទាំងអស់នោះទេ។ ស្ត្រី​មូស្លីម​ភាគច្រើននៅ​ជុំវិញ​ពិភពលោក ​​ក៏​មាន​លុយ​វាល់លាន ខណៈអ្នក​ខ្លះ​រក​បាន​ទ្រព្យ​សម្បត្តិ​ទាំង​អស់​ដោយ​ការ​ខិត​ខំ​ប្រឹង​ប្រែង ​ខ្លះ​ទៀត​កើត​មក​ទទួល​មរតក​អាជីវកម្ម​គ្រួសារ​​ ឬ​ជា​ម្ចាស់​ធនាគារ។

១០- ព្រះនាង Ameerah នៃប្រទេស​អារ៉ាប៊ីសាអូឌីត

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រសូតនៅថ្ងៃទី ០៦ ខែវិច្ឆិកា ឆ្នាំ ១៩៨៣ ទ្រង់​គឺជាសមាជិកនៃក្រុមប្រឹក្សាភិបាលនៅ Silatech ហើយ​បច្ចុប្បន្ន​បាន​រៀបការជា​មួយ​មហាសេដ្ឋី Emirati Khalifa bin Butti al Muhairi ។ ក្នុងឆ្នាំ២០១១ ព្រះនាងបានទទួលពានរង្វាន់ ITP Special “Humanitarian Award” ក្នុងនាមមូលនិធិ Alwaleed Bin Talal ក្នុងពិធីប្រគល់ពានរង្វាន់សមិទ្ធិផលធុរកិច្ចអារ៉ាប់។ ទ្រង់​គឺ​ជាអ្នកចំណូលថ្មី​ដែល​មាន​កេរ្តិ៍ឈ្មោះខ្ពស់​បំផុតក្នុងបញ្ជី CEO Middle East 100 Most Powerful Arab Women 2012 ជាមួយនឹងចំណាត់ថ្នាក់ទី​បួន។ ទ្រង់​ក៏ទទួលបានពានរង្វាន់ Woman Personality of the Year Award ពីវិទ្យាស្ថាន Middle East Excellence Award ផងដែរ។បច្ចុប្បន្ន​ស្វាមី​របស់​ទ្រង់​ស្ថិតនៅលេខ១៨១៨ ក្នុងបញ្ជី​មហាសេដ្ឋី​របស់​ទស្សនាវដ្ដី Forbes ដែលមានទ្រព្យសម្បត្តិសុទ្ធ ១.២ ពាន់លានដុល្លារ។

២ ម្ចាស់ក្សត្រីរបស់ហ្ស៊កដានី Rania

ទ្រង់ប្រសូត្រ​នៅថ្ងៃទី៣១ ខែសីហា ឆ្នាំ ១៩៧០ គឺជាមហាក្សត្រិយានីនៃប្រទេស​ហ្ស៊កដានី។ ចាប់តាំងពីអភិសេក​ជាមួយស្តេចហ្ស៊កដានី​ក្នុងឆ្នាំ ១៩៩៣ ទ្រង់​ត្រូវបានគេស្គាល់ថាជាអ្នក​តស៊ូម​ទាក់ទងនឹងការអប់រំ សុខភាព ការពង្រឹងសហគមន៍ យុវជន ការសន្ទនាឆ្លងវប្បធម៌ និងមីក្រូហិរញ្ញវត្ថុ។ ទ្រង់​បានធ្វើការជាមួយនឹងមេដឹកនាំពិភពលោកផ្សេងទៀត រួមទាំងអតីត​ប្រធានាធិបតី​អាហ្វ្រិក​ខាងត្បូង Nelson Mandela ក្នុងចលនាសកលមួយដែលកំពុងស្វែងរកការ​កែលម្អ​សុខុមាលភាព​របស់កុមារ។ ទ្រព្យសម្បត្តិរបស់​​ទ្រង់ ​គឺ ៣៥ លានដុល្លារ។

៣ ព្រះនាង Majeedah Bolkiah

ប្រសូតនៅថ្ងៃទី ១៦ខែមីនា ឆ្នាំ ១៩៧៦ គឺជាបុត្រទី ៤ របស់ស្ដេចស៊ុលតង់ Hassanal Bolkiah នៃប្រទេស​ព្រុយណេ ។ ទោះយ៉ាងណា ក្នុងនាម​ជាកូនស្ដេច​ដែល​មានទ្រព្យសម្បត្តិច្រើនជាងគេបំផុត​លើ​ពិភពលោក ក្នុង​នោះ​បុត្រី​អង្គ​នេះ​ក៏មាន​ទ្រព្យ​ចំនួន ២០ ពាន់លានដុល្លារ និង​ត្រូវ​បាន​គេ​រាយការណ៍​ថា​មិន​ផ្លាស់ប្ដូរ​ចាប់តាំងពីឆ្នាំ ២០០៩មក។

៤ ព្រះនាង Lalla Salma នៃ​ប្រទេស​ម៉ារ៉ុក

ប្រសូត​នៅ​ថ្ងៃទី ១០ ខែឧសភា ឆ្នាំ ១៩៧៨ ជា​ព្រះនាង​នៃ​ប្រទេស​ម៉ារ៉ុក។ នៅ​ថ្ងៃទី ២៩ខែមេសា ឆ្នាំ ២០១១ នាងបានចូលរួមក្នុង​ពិធីមង្គលការ​របស់​ព្រះអង្គម្ចាស់ William ។ ព្រះនាង Lalla បានបង្កើត​សមាគម​ការពារ​ជំងឺ​មហារីក​នៅ​ប្រទេស​ម៉ារ៉ុក។ ទ្រង់ក៏បានបង្កើតមូលនិធិ Lalla Salma ការ​ការពារ និងព្យាបាលជំងឺមហារីក ហើយក៏បានចូលរួមនៅក្នុងការបង្ការមេរោគអេដស៍ និងជំងឺអេដស៍នៅអាហ្វ្រិកផងដែរ។ ទ្រព្យសម្បត្តិសុទ្ធរបស់ស្វាមីនិងទ្រង់ ​ត្រូវបានគេរាយការណ៍ថា មានប្រហែល ២.៥ ពាន់លានដុល្លារ។

៥ Sheikha Maitha នៃទីក្រុងឌូបៃ

កើតថ្ងៃទី ០៥ ខែមីនា ឆ្នាំ ១៩៨០ គឺជាអត្តពលិកការ៉ាតេ និងតេក្វាន់ដូ ។ តំណាង​ប្រទេស​អារ៉ាប់រួម​ក្នុង​ព្រឹត្តិការណ៍ Asian Games ឆ្នាំ​២០០៦ នាង​បាន​ឈ្នះ​មេដាយ​ប្រាក់​ក្នុង​ព្រឹត្តិការណ៍​កីឡា​ការ៉ាតេ​ស្ត្រី​លើស​ពី​៦០​គីឡូក្រាម។ Sheikha Maitha តំណាងឲ្យ UAE នៅ Asian Games ឆ្នាំ ២០០៦ និងទទួលបានមេដាយប្រាក់មួយ។ ទ្រព្យសម្បត្តិសុទ្ធរបស់នាង និងគ្រួសាររបស់នាងគឺរាប់ពាន់លានដុល្លារ។ ក្នុងឆ្នាំ ២០០៨ នាងត្រូវបានបញ្ចូលក្នុងបញ្ជី “20 Hottest Young Royals” ដែលចងក្រងដោយទស្សនាវដ្តី Forbes ខណៈឪពុករបស់នាងមានទ្រព្យសម្បត្តិសរុបប្រហែល ៤.៥ ពាន់លានដុល្លារ។

៦ Sheikha Hanadi នៃប្រទេសកាតា

នាងគឺជាអ្នកវិនិយោគ សហគ្រិនអចលនទ្រព្យ និងជាធនាគារិក ហើយជាអ្នកប្រឹក្សានៅ Standard Chartered ហើយទ្រព្យសម្បត្តិរបស់នាងគឺច្រើនជាង ១៥ ពាន់លានដុល្លារ។​ នាងក៏ជាស្ថាបនិក និងជាប្រធានក្រុមហ៊ុន Amwal ស្ថាបនិក និងជានាយកប្រតិបត្តិនៃគម្រោងអភិវឌ្ឍន៍អចលនទ្រព្យ AL Waab City អនុប្រធានក្រុមហ៊ុន Nasser Bin Khaled Al-Thani & Sons Group និងជាប្រធានស្ថាបនិក Q-Auto ។

៧ ព្រះនាង Fatima នៃប្រទេសអារ៉ាប៊ីសាអូឌីត

ទ្រង់គឺជាភរិយារបស់ Sheikh Avdi Al Muhammad ហើយជាកម្មសិទ្ធិរបស់គ្រួសាររាជវង្សដែលមានជាងគេបំផុតនៅលើពិភពលោក នៃអារ៉ាប៊ីសាអូឌីត ដែលជាប្រទេសដែលមានទ្រព្យសម្បត្តិច្រើនជាងគេ ជាមួយនឹង៣៩ភាគរយ នៃប្រេងបម្រុងរបស់ OPEC ក្នុងស្រុក។ ទ្រង់​ត្រូវ​បាន​គេ​និយាយ​ថា​ជា​នារី​ដែល​ស្អាត​បំផុត​ក្នុង​ពិភពលោក ខណៈទ្រព្យសម្បត្តិសុទ្ធត្រូវបានគេរាយការណ៍ថា មានប្រហែល ១៨ពាន់លានដុល្លារ។

៨ Sultanah Nur Zahirah

ប្រសូត្រនៅថ្ងៃទី ០៧ខែធ្នូឆ្នាំ ១៩៧៣ គឺជាស្តេចស៊ុលតាណាបច្ចុប្បន្ននៃ Terengganu ។ នាងគឺជារាជបុត្រីទី ១៣ Raja Permaisuri Agong នៃប្រទេសម៉ាឡេស៊ី ពីឆ្នាំ ២០០៦ ដល់ឆ្នាំ ២០១១។ គូស្នេហ៍រាជវង្សនេះមានកូនចំនួន ៤ នាក់ ប្រុស២ និងស្រី ២ ។​​ នាងមានទ្រព្យសម្បត្តិប្រហែល ១៥ ពាន់លានដុល្លារ។

៩ ព្រះនាង Hajah Hafizah Suruul Bolkiah នៃប្រទេសព្រុយណេ

ព្រះនាង Hajah មានព្រះជន្ម ៣២ ព្រះវស្សា និង Pengiran Haji Muhammad Ruzaini ព្រះជន្ម ២៩ ព្រះវស្សា ត្រូវបានគេថ្វាយទៅព្រះរាជវាំងក្នុងពិធីប្រពៃណីដ៏ថ្លៃថ្លាមួយនៅឯវាំងដែលមានបន្ទប់ចំនួន ១៧០០ របស់ស្តេចស៊ុលតង់ ក្នុងពិធីរៀបអភិសេកដ៏ប្រណីតរបស់ទ្រង់។

១០ Sheikha Mozah នៃប្រទេសកាតា

Sheikha Moza bint Nasser កើតនៅទីក្រុង Doha ប្រទេសកាតា នៅថ្ងៃទី ១៥ ខែមករា ឆ្នាំ ១៩៥៩ គឺជាមហេសីរបស់ Sheikh Hamad bin Khalifa Al Thani អតីត Emir នៃរដ្ឋកាតា។ ចាប់តាំងពីឆ្នាំ១៩៩៥ Sheikha Moza បានដឹកនាំការអប់រំ និងកំណែទម្រង់សង្គមនៅក្នុងប្រទេសកាតា ហើយបានបង្កើតគម្រោងអភិវឌ្ឍន៍ជាតិ និងអន្តរជាតិ។ មិនដូចភរិយារាជានិយមដទៃទៀតនៅមជ្ឈិមបូព៌ា អ្នកស្រី Sheikha Moza គឺជាឥស្សរជនដ៏ខ្ពង់ខ្ពស់ក្នុងនយោបាយ និងសង្គមរបស់ប្រទេសជាតិ ហើយចូលរួមយ៉ាងសកម្មនៅក្នុងរដ្ឋាភិបាលរបស់ប្រទេសកាតា។ នាងគឺជាកម្លាំងជំរុញនៅពីក្រោយ Education City និង Al Jazeera Children’s Channel ។ នាង​គឺ​ជា​ម្ចាស់​ក្រុមហ៊ុន Le Tanneur ដែល​ជា​ក្រុមហ៊ុន​ផលិត​ស្បែក​សត្វ​របស់​ប្រទេស​បារាំង។ លើសពីនេះ នាងត្រូវបានគេដាក់ឈ្មោះថាជាស្ត្រីដែលមានឥទ្ធិពលបំផុតទាំង ១០០ របស់ទស្សនាវដ្តី Forbes នៅលេខ 75 ។ ទ្រព្យសម្បត្តិសុទ្ធរបស់ Sheikha Mozah គឺច្រើនជាង ៧ ពាន់លានអឺរ៉ូឯណោះ៕

ប្រែសម្រួល៖ សាង ស្រីល័ក្ខ

ចុចអាន៖គិតមកទល់បច្ចុប្បន្ន មហាក្សត្រិយានីសម័យបុរាណ ៥ អង្គ ជាស្ដេចស្រីមានទ្រព្យច្រើនជាងគេ

ចុចអាន៖នាឡិកាដៃកម្រ ៤ គ្រឿង ស្ដេចស៊ុលតង់ទ្រង់សព្វព្រះរាជហឬទ័យខ្លាំងបំផុត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣០ នាទី មុន

មន្ទីរសាធារណការខេត្តបន្ទាយមានជ័យចុះផ្សព្វផ្សាយច្បាប់ចរាចរណ៍ផ្លូវគោក ដើម្បី​ជំនួយស្មារតី​ដល់​អ្នកបើកបរ

ជីវិតកម្សាន្ដ៣៨ នាទី មុន

ស្ថាប័ន Miss Grand ថៃ ប្រកាសមិនអនុញ្ញាតឱ្យអតីត Miss Universe ចូលរួមប្រកួតកម្មវិធីរបស់ខ្លួន

ព័ត៌មានជាតិ៤៦ នាទី មុន

ទេសរដ្ឋមន្ត្រី លី ធុជ ចាត់​ទុក​ជំនួយ​របស់​ចិន គឺជា​ផ្នែក​ដ៏​សំខាន់​ក្នុង​ដំណើរការ​ឆ្ពោះទៅ​កម្ពុជា​គ្មាន​មីន​ឆ្នាំ​២០២៥

ព័ត៌មានជាតិ៥៤ នាទី មុន

មេបញ្ជាការ​កងទ័ពជើងគោក កម្ពុជា​-​ហ្វីលីពីន ចុះហត្ថលេខា​រួមគ្នាស្តីពី​កិច្ចសហប្រតិបត្តិការ​រ​វាង​កងទ័ពជើងគោក នៃ​ប្រទេស​ទាំងពីរ

ជីវិតកម្សាន្ដ១ ម៉ោង មុន

Dior កើនភាគហ៊ុនខ្ពស់បំផុតមិនធ្លាប់មាន ក្រោយតែងតាំង Jimin ជាទូតសុឆន្ទៈបានពីរថ្ងៃ

Sokha Hotels

ព័ត៌មានពេញនិយម