ការប្រារព្ធទិវានារីអន្តរជាតិនេះ ធ្វើឡើងក៏ដើម្បីបញ្ឈប់ភាពលំអៀង និងបំបាត់នូវភាពមិនច្បាស់លាស់ ការមាក់ងាយ និងការរើសអើង ដែលរារាំងស្ត្រី និងកុមារី ទូទាំងពិភពលោក ពីសក្តានុពល និង ជោគជ័យរបស់ពួកគេ ។បើតាមសេចក្តីប្រកាសព័ត៌មាន ទិវានារីអន្តរជាតិ ឆ្នាំ២០២២នេះ ក៏បានរៀបចំនៅក្នុងបណ្តាប្រទេសជាច្រើនទៀតនៃប្រតិបត្តិការរបស់ AHF ផងដែ រហើយក៏នឹងធ្វើយុទ្ធនាការតាមប្រព័ន្ធផ្សព្វផ្សាយសង្គម ដែលមានស្ត្រីជោគជ័យ មកពីគ្រប់ការិយាល័យ ទូទាំងពិភពលោក។ ក្នុងនោះ ក៏មានរឿងដ៏គួរឱ្យកោតសសើរពីដំណើរផ្ទាល់ខ្លួនរបស់ពួកគេ និងបង្ហាញពីរបៀបដែលពួកគេបានធ្វើការដើម្បី «បញ្ឈប់ភាពលម្អៀង» ជំនះឧបសគ្គ និងជោគជ័យក្នុងជីវិតរបស់ពួកគេទាំងអស់ ដើម្បីជាការផ្តល់ការគាំទ្រដល់ស្រ្តីផ្សេងទៀត ។

អង្គការមូលនិធិថែទាំសុខភាពអ្នកជំងឺអេដស៍ (AHF) ជាអង្គការប្រយុទ្ធនឹងជំងឺអេដស៍ធំជាងគេបំផុតនៅលើពិភពលោក ដោយបច្ចុប្បន្ន អង្គការកំពុងផ្តល់ការថែទាំ បែបវេជ្ជសាស្ត្រ ឬសេវាកម្មដល់មនុស្សជាង១លាន ៥ សែននាក់ នៅក្នុង៤៥ ប្រទេសទូទាំងពិភពលោក ដូចជា នៅសហរដ្ឋអាមេរិក អាហ្រ្វិក អាមេរិកឡាទីន ការ៉ាបៀន តំបន់អាស៊ីប៉ាស៊ីហ្វិក និងអឺរ៉ុបខាងកើត៕

ដោយ ៖ សំអឿន

The post អង្គការAHF ប្រារព្ធទិវានារីអន្តរជាតិនៅថ្ងៃស្អែកនេះ ដើម្បីបញ្ឈប់ការមាក់ងាយ និងរើសអើងដល់ស្ត្រី និងកុមារី appeared first on Kampuchea Thmey Daily.

ប្រភពព័ត៌មាន ពីអ្នកដែលឃើញហេតុការណ៍នោះ បានឲ្យដឹងថា នៅវេលាកើតហេតុ គេឃើញស្ត្រីវ័យជាង ៣០ឆ្នាំម្នាក់ បានឡើងលើស្ពានជ្រោយចង្វារ។ លុះដល់ពេលដល់ ពាក់កណ្ដាលស្ពានស្ត្រីរូបនោះ បានឈរយំដោយដៃអោបនឹងបង្កាន់ដៃស្ពាន បំណងលោតទឹកសម្លាប់ខ្លួន។ ប៉ុន្តែខណៈពេល ដែលប៉ុនប៉ងលោតទឹកនោះ ក៏ត្រូវបានប្រជាពលរដ្ឋ ធ្វើដំណើរឆ្លងកាត់នាំគ្នាចុះចាប់ឃាត់ទាន់ពេល ខណៈដែលមេឃកំពុងតែធ្លាក់ភ្លៀងយ៉ាងខ្លាំង ផងដែរ។

បន្ទាប់ពីឃាត់រួចហើយ ស្ត្រីរូបនោះបានព្យាយាម មិនប្រាប់ពីអត្តសញ្ញាណរបស់គាត់ និងទីលំនៅនោះឡើយ ដោយគាត់ប្រាប់ថា មានទំនាស់ជាមួយប្តី ទើបបានសម្រេចចិត្តឡើងស្ពានជ្រោយចង្វារនេះ ដើម្បីបញ្ចប់ជីវិត។ បច្ចុប្បន្នស្ត្រីរូបនោះ បានវិលត្រឡប់ទៅផ្ទះរបស់គាត់ វិញហើយ៕

អត្ថបទ៖ រស្មី

The post ស្ត្រីម្នាក់ ឈរយំលើស្ពានជ្រោយចង្វារ ប៉ងលោតទឹកសម្លាប់ខ្លួន តែត្រូវអ្នកធ្វើដំណើរ ជួយឃាត់ទាន់ពេល appeared first on Kampuchea Thmey Daily.

ប្រភពព័ត៌មានពីកន្លែងកើតហេតុបានឲ្យដឹងថានៅមុនពេលកើតហេតុគេឃើញស្ត្រីវ័យចំណាស់ខាងលើបើកបររថយន្តមួយគ្រឿងម៉ាក Lexus RX 300 ធ្វើដំណើរពីររង្វង់មូលគួចកាណុងឡើងទៅលើស្ពានមិត្តភាពកម្ពុជាជប៉ុនជ្រោយចង្វាលុះមកដល់ចំណុចកើតហេតុក៏ឈប់រថយន្តហើយបើកទ្វាររថយន្តចុះដេីរមកបង្កាន់ដៃស្ពានក្នុងគោលបំណងលោតទឹកសម្លាប់ខ្លួនតែត្រូវបានប្រជាពលរដ្ឋសហការជាមួយនឹងកម្លាំងសមត្ថកិច្ចចរាចរណ៍នៅគោលដៅស្ពាននោះធ្វើការឃាត់ខ្លួនជួយសង្គ្រោះអាយុជីវិតស្ត្រីរងគ្រោះទាន់ពេលវេលា។

ក្នុងហេតុការណ៍នោះដែរដោយយោងសម្តីរបស់ស្រ្តីចំណាស់ដែលប៉ុនប៉ងលោតទឹកសម្លាប់ខ្លួន បានយំរៀបរាប់ថា មូលហេតុដែលគាត់គិតខ្លីបែបនេះដោយសារតែមានទំនាស់ក្នុងក្រុមគ្រួសារជាមួយប្ដី ដោយអះអាងថាប្ដីរបស់គាត់មានស្រីនៅខាងក្រៅ ធ្វើបាបចិត្តគាត់ ដូច្នេះក៏ខូចចិត្ត គិតអ្វីមិនចេញបានជិះរថយន្ត គោលបំណងមកលោតទឹកឲ្យស្លាប់តែមិនដូចបំណងនោះទេ។

ស្ត្រីរងគ្រោះរូបនោះមិនត្រូវបានស្គាល់អត្តសញ្ញាណនោះទេដោយក្នុងហេតុការណ៍គេឃើញមានក្មេងប្រុសម្នាក់ដែលជិះម៉ូតូមកពីក្រោយរថយន្តជនរងគ្រោះពេលជនរងគ្រោះឈប់ឡានបានបន្តិចក៏ក្មេងប្រុសដែលគេសួរនាំទៅថាជាកូន ជន រងគ្រោះបានចាប់គ្រៀកម្តាយរបស់គេជាប់ដើម្បីកុំឱ្យគាត់ស្ទុះទៅលោតទឹក។

ក្រោយពេលកើតហេតុសមត្ថកិច្ចចរាចណការពារគោលដៅនៅរង្វង់មូលគួចកាណុងបានធ្វើការទាក់ទងទៅក្រុមគ្រួសារសាច់ញាតិដេីម្បីមកទទួលយកស្ត្រីរងគ្រោះត្រឡប់ទៅផ្ទះវិញ៕ អត្ថបទ៖ រស្មី

The post ស្ដ្រីម្នាក់បើករថយន្តឡើងស្ពានជ្រោយចង្វាប្រុងលោតសម្លាប់ខ្លួន សំណាងបានកូនប្រុសមកដល់ចាប់ឃាត់ទាន់ appeared first on Kampuchea Thmey Daily.