គួរបញ្ជាក់ថា កាលថ្ងៃទី២២ ខែ​ឧសភា​ ឆ្នាំ​២០២៦ ដោយអនុវត្តតាមបទបញ្ជាដ៏ខ្ពង់ខ្ពស់ ពី លោកនាយឧត្តមសេនីយ៍ ស ថេត អគ្គស្នងការនគរបាលជាតិ​ និង​ដឹក​នាំ​បញ្ជា​ផ្ទាល់​ពី​លោក​ឧត្ដមសេនីយ៍​ទោ​ ពេជ្រ​ វីរៈ​ ស្នងការ​នគរបាល​ខេត្ត​ស្វាយរៀង​ ​ ​ សហការ​ជាមួយ​គណៈបញ្ជាការឯកភាពរដ្ឋបាលក្រុងបាវិត​ កម្លាំង​នាយកដ្ឋាន​សន្តិសុខ​ផ្ទៃក្នុង​ នៃ​អគ្គស្នងការ​ដ្ឋាន​នគរបាល​ជាតិ​ និងដោយមានការសម្របសម្រួលពីលោក​ស្រី ស៊ុន​ យឺត​ ព្រះរាជអាជ្ញារង នៃ​អយ្យការ​អមសាលាដំបូងខេត្ត បានចុះ​ស្រាវជ្រាវ​

និងបង្រ្កាបទីតាំងសង្ស័យលួចលាក់ប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា (Online Scams)​ នៅចំណុច​ផ្ទះ​ជួល​របស់​លោក​ ពេជ្រ​ វុទ្ធី​ ស្ថិតក្នុងភូមិតាបឹប សង្កាត់បាវិត ក្រុងបាវិត​ ដោយ​ឃាត់​ខ្លួន​មនុស្សប្រុសស្រី​ចំនួន ០៩នាក់ ស្រី ០១នាក់ (ជនជាតិ​ម៉ាឡេស៊ី​ ០៨នាក់ ស្រី ០១នាក់, ជនជាតិ​វៀតណាម​ ០១នាក់​ ប្រុស)។ ដកហូតសម្ភារពាក់ព័ន្ធនឹងបទល្មើសរួមមាន÷កំព្យូទ័រលើតុ All-In-One ,​ ម៉ូនីទ័រ​ , ទូរស័ព្ទដៃ និងសម្ភារប្រើប្រាស់មួយចំនួនទៀត។

បច្ចុប្បន្ន ជនសង្ស័យរួមទាំងវត្ថុតាង ត្រូវបានសមត្ថកិច្ចជំនាញ កំពុងកសាងសំណុំរឿងបញ្ជូនទៅសាលាដំបូងខេត្ត​ ដើម្បីចាត់ការតាមនីតិវិធីច្បាប់ រី ឯ​ទីតាំង​ប្រព្រឹត្តិ​បទ​ល្មើស​ត្រូវបានក្រុមការ​ងារបិទ​ស៊ីល​ជាបណ្ដោះអាសន្ន​៕

The post សមត្ថកិច្ចខេត្តស្វាយរៀង បញ្ជូនជនសង្ស័យជនជាតិបរទេស៩នាក់ទៅសាលាដំបូងខេត្ត ពាក់ព័ន្ធបទល្មើស Online scam appeared first on Kampuchea Thmey Daily.

ដោយអនុវត្តតាមបទបញ្ជាដ៏ខ្ពង់ខ្ពស់ពី លោកនាយឧត្តមសេនីយ៍ ស ថេត អគ្គស្នងការនគរបាលជាតិ​ និង​ដឹក​នាំ​បញ្ជា​ផ្ទាល់​ពី​លោក​ឧត្ដមសេនីយ៍​ទោ​ ពេជ្រ​ វីរៈ​ ស្នងការ​នគរបាល​ខេត្ត​ស្វាយរៀង​ កាលថ្ងៃទី១៤ ខែ​ឧសភា​ ឆ្នាំ​២០២៦​ កម្លាំង​នគរបាល​ នៃ​ស្នង​ការ​ដ្ឋាន​នគរបាល​ខេត្ត​ស្វាយរៀង​ សហការ​ជាមួយ​គណៈបញ្ជាការឯកភាពរដ្ឋបាលក្រុងបាវិត និងដោយមានការសម្របសម្រួលពីលោក​ ឡាយ​ ជុងហេង​ ព្រះរាជអាជ្ញារង នៃ​អយ្យការ​អមសាលាដំបូងខេត្ត ចុះ​ស្រាវជ្រាវ​ និងបង្រ្កាបទីតាំងសង្ស័យលួចលាក់ប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា (Online Scams)នៅចំណុច​តំបន់​សកល​ផ្លាហ្សា ស្ថិតក្នុងភូមិបាវិតកណ្តាល សង្កាត់បាវិត ក្រុងបាវិត​។

ក្នុង​រង្វង់​ប្រតិបត្តិការនេះ​​ឃាត់​ខ្លួន​មនុស្ស​ប្រុស-ស្រី ១១១នាក់ ស្រី ១៤នាក់ (វៀតណាម ៥៩នាក់ ស្រី ១១នាក់, ចិន ៣៦នាក់ ស្រី ០២នាក់, ប៉ាគីស្ថាន ១៣នាក់ ប្រុស, ថៃ ០១នាក់ ស្រី, មីយ៉ាន់ម៉ា ០១នាក់ ប្រុស និងខ្មែរ ០១នាក់ ប្រុស)។ ដកហូតសម្ភារពាក់ព័ន្ធនឹងបទល្មើសរួមមាន÷កំព្យូទ័រលើតុ All-In-One , ទូរស័ព្ទដៃ , កំព្យូទ័រយួរដៃ , ម៉ាស៊ីនកំព្យូទ័រ CPU , ម៉ូនីទ័រ , រថយន្ត , ម៉ូតូ និងសម្ភារប្រើប្រាស់មួយចំនួនទៀត។

បច្ចុប្បន្ន ជនសង្ស័យរួមទាំងវត្ថុតាង ត្រូវបានសមត្ថកិច្ចជំនាញ កំពុងកសាងសំណុំរឿងបញ្ជូនទៅសាលាដំបូងខេត្ត​ ដើម្បីចាត់ការតាមនីតិវិធីច្បាប់ រីឯ​ទីតាំង​ប្រព្រឹត្តិ​បទ​ល្មើស​បានក្រុមការ​ងារបិទ​សុីល​ បិទ​ទីតាំង​បណ្ដោះអាសន្ន​៕

The post ​នគរបាល​ខេត្ត​ស្វាយរៀង​ បន្ត​ចុះបង្រ្កាបទីតាំងសង្ស័យ លួចលាក់ប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា Online Scamនៅតំបន់​សកល​ផ្លាហ្សា appeared first on Kampuchea Thmey Daily.

កាលពីថ្ងៃទី២៨ ខែមេសា​ ឆ្នាំ២០២៦ វេលាម៉ោង ១៧:៤០នាទី សមត្ថកិច្ចបានទទួលព័ត៌មានពី​ប្រជាពលរដ្ឋ​ថា នៅត្រង់ចំណុចភូមិអង្គ្រង ឃុំស្វាយរំពារ ស្រុកស្វាយទាប មានករណី គាស់បន្ទប់លួចយកម៉ូតូ។

ក្រោយពីទទួលបាន​ព័ត៍មាន និងពាក្យ​បណ្ដឹង​របស់​ជនរងគ្រោះ​ភ្លាម ដោយ​អនុវត្ត​ន៍​តាម​បទ​បញ្ជា​ដ៏​ម៉ឺងម៉ាត់​ដ៏​ខ្ពង់ខ្ពស់​របស់​ លោក នាយ​ឧត្តមសេនីយ៍​ ស​ ថេត​ អគ្គ​ស្នងការ​នគរបាល​ជាតិ​ និង​ដឹកនាំ​បញ្ជា​ផ្ទាល់​ពី​លោកឧត្តមសេនីយ៍ទោ ពេជ្រ វីរ: ស្នងការនគរបាលខេត្តស្វាយរៀង​​ កម្លាំង​អធិការ​ដ្ឋាន​នគរបាល​ស្រុក​ស្វាយទាប​ បានចុះពិនិត្យ​កន្លែង​កេីតហេតុ​ និងស្រាវជ្រាវ​ បង្ក្រាប ឃើញមុខសញ្ញាជិះ​ម៉ូតូគេចខ្លួន​ទិសដៅទៅស្រុក​ចន្ទ្រា​ រហូតដល់វេលាម៉ោង ២២ និង ០៥ នាទីយប់ នៅគោលដៅត្រួតពិនិត្យ អាវុធជាតិផ្ទុះ បង្ការបង្ក្រាបបទល្មើស គ្រប់ប្រភេទ នៃ​អធិការ​ដ្ឋាន​នគរបាល​ស្រុក​ចន្ទ្រា​ សមត្ថកិច្ចយើងបានឃាត់​ខ្លួន​ជនសង្ស័យចំនួន ០២នាក់ ភេទប្រុស​ ដែលបានគាស់បន្ទប់លួចម៉ូតូខាងលើ ដែលជាមុខសញ្ញា​ធ្លាប់​ជាប់​ពន្ធនាគារ​ និង​ជួញដូរគ្រឿង​ញៀន​ផងដែរ។

ចំពោះមុខសមត្ថកិច្ច ជនសង្ស័យទាំង ០២នាក់ បានសារភាពថា ខ្លួនពិតជាធ្វើសកម្មភាពគាស់បន្ទប់លួចម៉ូតូពិតប្រាកដមែន។

បច្ចុប្បន្នជនសង្ស័យ​ កំពុងកសាងសំណុំរឿង បញ្ជូនទៅសាលាដំបូងខេត្តចាត់ការតាមនីតិវិធីច្បាប់ ចំណែកឯវត្ថុតាង សមត្ថកិច្ចយើង កំពុងបន្តនីតិវិធីប្រគល់ជូនទៅម្ចាស់ដើមវិញ។

ជាមួយគ្នាផងដែរ កម្លាំងសូមថ្លែងអំណរគុណដល់ប្រជាពលរដ្ឋ និងអ្នកសារព័ត៍មាន ដែលបានចូលរួមសហការផ្តល់ព័ត៍មានបានឆាប់រហ័ស ដើម្បីសមត្ថកិច្ចជួយអន្តរាគមន៍ និងស្រាវជ្រាវបង្ក្រាបបទល្មើសបានទាន់ពេលវេលា ៕

The post បញ្ជូនជនសង្ស័យ០២នាក់ ទៅកាន់សាលាដំបូងខេត្តស្វាយរៀងពាក់ព័ន្ធករណីលួចគាស់បន្ទប់លួចម៉ូតូយ៉ាងសកម្ម appeared first on Kampuchea Thmey Daily.

ដោយអនុវត្តតាមបទបញ្ជារបស់នាយឧត្តមសេនីយ៍ ស ថេត អគ្គស្នងការនគរបាលជាតិ និងមានការចង្អុលដឹកនាំពីលោកឧត្ដមសេនីយ៍ទោ ពេជ្រ វីរៈ ស្នងការនគរបាលខេត្ត និងដឹកនាំបញ្ជាផ្ទាល់ដោយលោកឧត្ដមសេនីយ៍ត្រី កែវ សុថា ស្នងការរងទទួលផែនការងារប្រឆាំងគ្រឿងញៀន និងដោយមានការសម្របសម្រួលពីលោក ឡាយ ជយងហេង ព្រះរាជអាជ្ញារងអមសាលាដំបូងខេត្តស្វាយរៀង កាលពីថ្ងៃទី១៨ ខែមីនា ឆ្នាំ២០២៦ កម្លាំងជំនាញបានបើកការស្រាវជ្រាវបង្រ្កាបជាទ្រង់ទ្រាយធំ ដកហូតគ្រឿងញៀវ និងអាវុធមួយចំនួន។

លោកឧត្តមសេនីយ៍ត្រី កែវ សុថា បានអោយដឹងថា នៅថ្ងៃទី២៥ ខែមីនា ឆ្នាំ២០២៦ ក្នុងរង្វង់ប្រតិបត្តិការបង្ក្រាបនេះ ធ្វើឡើងដោយកម្លាំងការិយាល័យប្រឆាំងគ្រឿងញៀនខេត្ត សហការជាមួយកម្លាំងអធិការដ្ឋាននគរបាលក្រុងបាវិត ដោយឃាត់ខ្លួនជនសង្ស័យបានចំនួន៥នាក់ (ជនជាតិវៀតណាម៤នាក់ និងជនជាតិចិនម្នាក់) ជនសង្ស័យទាំង៥នាក់នោះ ឈ្មោះ លឿង មិនថាន់ អាយុ២៨ឆ្នាំ,  ឈ្មោះ ហ្វូ ហ្វុកញឹង អាយុ២៨ឆ្នាំ, ឈ្មោះ ង្វៀង ក្វាងជុង,  ឈ្មោះ ដូ ថាន់ឡុក អាយុ២៥ឆ្នាំ និង ឈ្មោះ ឈឹន សុីប៉ូ អាយុ២៨ឆ្នាំ។

ដកហូតសម្ភារវត្ថុតាង សារធាតុញៀនគ្រប់ប្រភេទទម្ងន់ ៤៤គីឡូក្រាម៧៦៨,២២ក្រាម សារធាតុមិនច្បាស់ទម្ងន់ ៨គីឡូ៩៦១,១៤ក្រាម ព្រមទាំងម៉ាសុីនសម្ភារឧបករណ៍កែឆ្នៃគ្រឿងញៀនមួយចំនួនទៀត អាវុធខ្លី ៤ដើម បង់៤ គ្រាប់កាំភ្លើងខ្លីចំនួន២០០គ្រាប់។

បច្ចុប្បន្នជនសង្ស័យ រួមទាំងវត្ថុតាងត្រូវបានសមត្ថកិច្ចជំនាញ កំពុងកសាងសំណុំរឿងបញ្ជូនទៅសាលាដំបូងខេត្ត ដើម្បីចាត់ការតាមនីតិវិធី៕ដោយ: ភក្ដី

The post សមត្ថកិច្ចខេត្តស្វាយរៀង បើកប្រតិបត្តិការបង្រ្កាបគ្រឿងញៀនជាង៤៤គីឡូ ឃាត់ជនសង្ស័យ៥នាក់និងអាវុធខ្លី៤ដើម appeared first on Kampuchea Thmey Daily.

ឯកឧត្តម ឧត្តមសេនីយ៍ឯក ឌី វិជ្ជា អគ្គស្នងការរងនគរបាលជាតិ នាព្រឹកថ្ងៃសុក្រ ទី០២ ខែមករា ឆ្នាំ២០២៦ បានអញ្ជើញអធិបតីភាពដ៏ខ្ពង់ខ្ពស់ ក្នុងកិច្ចប្រជុំបូកសរុបសភាពការណ៍ និងលទ្ធផលកិច្ចប្រតិបត្តិការ រក្សាសន្តិសុខ សណ្តាប់ធ្នាប់សាធារណៈ និងសុវត្ថិភាពសង្គមប្រចាំឆ្នាំ២០២៥ ព្រមទាំងដាក់ចេញទិសដៅការងារសម្រាប់ឆ្នាំ២០២៦ នៅស្នងការដ្ឋាននគរបាលខេត្តស្វាយរៀង។ អង្គពិធីនេះមានការចូលរួមពីសំណាក់លោកស្នងការ ស្នងការរង មន្ត្រីនគរបាលពាក់ព័ន្ធ និងអាជ្ញាធរដែនដីជាច្រើនរូប។

យោងតាមរបាយការណ៍បូកសរុបលទ្ធផលការងារប្រចាំឆ្នាំ២០២៥ បានឱ្យដឹងថា ក្នុងរយៈពេលពេញមួយឆ្នាំកន្លងទៅ កងកម្លាំងនៃស្នងការដ្ឋាននគរបាលខេត្តស្វាយរៀង បានខិតខំប្រឹងប្រែងយ៉ាងសកម្មក្នុងការបង្ក្រាបបទល្មើសផ្សេងៗ ជាពិសេសការអនុវត្តគោលនយោបាយ «ភូមិ-ឃុំ-សង្កាត់ មានសុវត្ថិភាព»។ ក្នុងនោះ បទល្មើសព្រហ្មទណ្ឌត្រូវបានបង្ក្រាបបានទាន់ពេលវេលា ការងារគ្រប់គ្រងសន្តិសុខតាមខ្សែបន្ទាត់ព្រំដែនត្រូវបានពង្រឹង និងការផ្ដល់សេវាសាធារណៈជូនប្រជាពលរដ្ឋមានភាពល្អប្រសើរ។

ថ្លែងក្នុងឱកាសនោះ អភិបាលខេត្តស្វាយរៀង ប៉េង ពោធិ៍សា បានកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់កងកម្លាំងនគរបាលខេត្តទាំងអស់ ដែលបានលះបង់កម្លាំងកាយចិត្ត ដើម្បីការពារសុខសុវត្ថិភាពជូនប្រជាពលរដ្ឋ និងរក្សាសន្តិសុខសណ្តាប់ធ្នាប់ក្នុងខេត្តបានយ៉ាងល្អប្រសើរ។

ទន្ទឹមនឹងនោះ ឯកឧត្តម ឧត្តមសេនីយ៍ឯក ឌី វិជ្ជា ក៏បានពាំនាំនូវការផ្ដាំផ្ញើសាកសួរសុខទុក្ខ និងការណែនាំពីសំណាក់ឯកឧត្តមអគ្គស្នងការនគរបាលជាតិ ដោយបានសង្កត់ធ្ងន់លើទិសដៅការងារសំខាន់ៗសម្រាប់ឆ្នាំ២០២៦ រួមមាន៖១. បន្តពង្រឹងការងារសន្តិសុខផ្ទៃក្នុង និងទប់ស្កាត់រាល់សកម្មភាពដែលបង្កអសន្តិសុខសង្គម។ ២. បង្កើនការយកចិត្តទុកដាក់លើការងារគ្រប់គ្រងជនបរទេស និងការបង្ក្រាបបទល្មើសឆ្លងដែនគ្រប់ប្រភេទ។ ៣. ជំរុញការអនុវត្តច្បាប់ចរាចរណ៍ផ្លូវគោកឱ្យមានប្រសិទ្ធភាពខ្ពស់ ដើម្បីកាត់បន្ថយគ្រោះថ្នាក់ និង៤. បន្តលើកកម្ពស់សមត្ថភាពមន្ត្រី និងពង្រឹងសីលធម៌ វិជ្ជាជីវៈ ក្នុងការបម្រើសេវាជូនប្រជាពលរដ្ឋ។

ក្នុងអង្គពិធីនេះ ក៏មានការបំពាក់គ្រឿងឥស្សរិយយស និងប្រគល់លិខិតសរសើរ ប័ណ្ណសរសើរ ជូនដល់មន្ត្រីនគរបាលដែលមានស្នាដៃឆ្នើមក្នុងការបំពេញភារកិច្ចកន្លងមក ដើម្បីជាការលើកទឹកចិត្តផងដែរ៕

ដោយ/ភក្ដី

The post ឧត្តមសេនីយ៍ឯក ឌី វិជ្ជា  អញ្ជើញបូកសរុបលទ្ធផលការងារប្រចាំឆ្នាំ២០២៥ និងដាក់ចេញទិសដៅការងារបន្តសម្រាប់ឆ្នាំ២០២៦ នៅស្នងការដ្ឋាននគរបាលខេត្តស្វាយរៀង appeared first on Kampuchea Thmey Daily.

បើតាមសេចក្តីប្រកាសព័ត៌មាន មុនពេលផ្ទុះអាវុធ ជនជាតិចិននោះ បានចុះពីរថយន្តគោលបំណងដើរចូល ក្នុងកាស៊ីណូ ប៉ុន្តែសន្តិសុខមិនអនុញ្ញាតឱ្យចូលឡើយ ព្រោះតែចតរថយន្តមិនត្រូវចំណត ចតចំកន្លែងមិនហាមឃាត់ ។ ពេលនោះហើយ ដែលជនជាតិចិនបានដកអាវុធខ្លីពីចង្កេះបម្រុងបាញ់ ក៏រាលកៃផ្ទុគ្រាប់កាំភ្លើងនៅចង្កេះបណ្តាលឱ្យរងបួសខ្លួនឯងតែម្តង។

ភ្លាមនោះបន្ទាប់ពីកើតហេតុ សមត្ថកិច្ចបានទៅដល់កន្លែងកើតហេតុ ពិនិត្យឃើញមានអ្នករងរបួសម្នាក់ដេកដួលលើដីនៅនិយាយស្ដី និងកម្រើកបាន និងរកឃើញក្បាលគ្រាប់កាំភ្លើងធ្លាក់ក្បែរខ្លួន។  សមត្ថកិច្ច ក៏បានហៅរថយន្តសង្គ្រោះដឹកយកទៅព្យាបាលនៅមន្ទីរពេទ្យ។

បច្ចុប្បន្នជនជាតិចិនខាងលើកំពុងសម្រាកព្យាបាលរបួសនៅមន្ទីរពេទ្យ ក្រោមការការពារពីសំណាក់កម្លាំងនគរបាលការពារ។

តាមសេចក្ដីប្រកាសព័ត៌មាន ស្នងការដ្ឋាននគរបាលខេត្តស្វាយរៀង កំពុងធ្វើការស៊ើបអង្កេតស្រាវជ្រាវករណីនេះ ឈានដល់ស្វែងរកប្រភពអាវុធ ដើម្បីចាត់ការ តាមនីតិវិធីច្បាប់៕

The post ជនជាតិចិនម្នាក់ដកកាំភ្លើងបាញ់សន្តិសុខកាស៊ីណូ តែបាបកម្មរាលកៃត្រូវចង្កេះខ្លួនឯងវិញ appeared first on Kampuchea Thmey Daily.

មានប្រសាសន៍នៅក្នុងពិធីបិទកិច្ចប្រជុំនេះ ឯកឧត្តម ឧត្តមសេនីយ៍ឯក ឌី វិជ្ជា បានថ្លែងនូវការចូលរួមអបអរសាទរ និងសម្ដែងនូវការកោតសរសើរ និងវាយតម្លៃខ្ពស់ចំពោះថ្នាក់ដឹកនាំស្នងការដ្ឋាននគរបាលខេត្ត និងកងកម្លាំងនគរបាលគ្រប់លំដាប់ថ្នាក់ គ្រប់ជំនាញ និងគ្រប់ផ្នែក ដែលបានខិតខំប្រែងប្រែង យកអស់កម្លាំងកាយចិត្ត លះបង់នូវពេលវេលា បំពេញការងារដោយមិនគិតពីការនឿយហត់ អនុវត្តតួនាទីភារកិច្ចប្រកបដោយវិន័យ សណ្តាប់ធ្នាប់ មានស្មារតីតស៊ូអត់ធ្មត់ និងសាមគ្គីភាពឯកភាពផ្ទៃក្នុងបានល្អ នាំឲ្យសម្រេចបាននូវលទ្ធផលលេចធ្លោវិជ្ជមានជាច្រើន នៅក្នុងវិស័យសន្តិសុខ សុវត្ថិភាព និងសណ្ដាប់ធ្នាប់សង្គម ក្នុងឆ្នាំ ២០២២កន្លងទៅ។

ឯកឧត្តម ឧត្តមសេនីយ៍ឯក បានបន្ថែមថា បើទោះបីសភាពការណ៍សន្តិសុខ សណ្តាប់ធ្នាប់សាធារណៈ មានបញ្ហាប្រឈមមួយចំនួនលេចឡើងស្មុគស្មាញ ជាពិសេសឧបាយកលទុច្ចរិតរបស់ពួកប្រឆាំង ក្នុងការបំផុសបំផុលចលនាក្នុងចេតនា នាំឲ្យមានចលាចលក្នុងសង្គម រួមជាមួយនិងការកើតមានឡើងនូវបទល្មើសផ្សេងៗក៏ដោយ ក៏កងកម្លាំងនគរបាលយើង នៅតែសម្រេចបានក្នុងការធានានូវរបៀបរៀបរយ សន្តិសុខ សុវត្ថិភាព ស្ថិរភាពនយោបាយ និង សណ្ដាប់ធ្នាប់សង្គមបានយ៉ាងល្អប្រសើរ។  

ឯកឧត្តម ឧត្តមសេនីយ៍ឯក ឌី វិជ្ជា បានបន្តទៀតថា តាមរយៈអង្គសន្និបាតរយ:ពេល ១ថ្ងៃដ៏មានសារៈសំខាន់នៅថ្ងៃនេះ ដោយមានការចូលរួមធ្វើបទអន្តរាគមន៍លើប្រធានបទ គន្លឹះមួយចំនួនពីសំណាក់កងកម្លាំងពាក់ព័ន្ធផងនោះ ពិតជាបានរួមចំណែកយ៉ាងសំខាន់ធ្វើ ឲ្យកិច្ចប្រតិបត្តិការរក្សាសន្តិសុខ សណ្ដាប់ធ្នាប់សង្គម នៅក្នុងខេត្តស្វាយរៀង និងការអនុវត្តទិសដៅការងារឆ្នាំ ២០២៣ របស់ក្រសួងមហាផ្ទៃ និងអគ្គស្នងការដ្ឋាននគរបាលជាតិ ពីសំណាក់កងកម្លាំងនគរបាលគ្រប់លំដាប់ថ្នាក់ក្នុងខេត្ត កាន់តែមានប្រសិទ្ធភាពថែមទៀត។

ឯកឧត្តម ឧត្តមសេនីយ៍ឯក ឌី វិជ្ជា បានសង្កត់ធ្ងន់ថា គ្រប់មន្ត្រីត្រូវស្វែងរកចំណុចខ្លាំងចុះណុចខ្សោយរបស់ខ្លួនឲ្យឃើញ ដើម្បីអភិវឌ្ឍន៍ជំនាញរបស់ខ្លួនទៅថ្ងៃក្រោយ។ ដោយឡែកនៅខេត្តស្វាយរៀងឆ្នាំនេះ គឺយើងនឹងមានកម្មវិធីបុណ្យ និងព្រឹត្តិការណ៍ធំៗមួយចំនួន ដូចជាពិធីបុណ្យចូលឆ្នាំ ពិធីសង្ក្រាន្តស្វាយរៀង និងការបោះឆ្នោតជ្រើសតាំងតំណាងរាស្ត្រនីតិកាលទី ៧។ ដូច្នេះសូមឲ្យកងកម្លាំងនគរ​បាលរបស់យើង ត្រូវរៀបចំឲ្យបានស្រេចបាច់ជាមុននូវផែនការសកម្មភាព និងវិធានការការពារសន្តិសុខ សុវត្ថិភាព របៀបរៀបរយ និងសណ្ដាប់ធ្នាប់សាធារណៈនៃព្រឹត្តិការណ៍ទាំងនេះ ឲ្យបានល្អប្រសើរ និងទទួលបានលទ្ធផលជោគជ័យ។

នៅក្នុងពិធីនេះផងដែរ ឯកឧត្តម ឧត្តមសេនីយ៍ឯក ឌី វិជ្ជា អគ្គស្នងការរងនគរបាលជាតិ ក៏បានឧបត្ថម្ភថវិកាចំនួន ៥ លានរៀល ដល់ស្នងការដ្ឋាននគរបាលខេត្តស្វាយរៀង, ឧបត្ថម្ភថវិកាដល់ផ្នែកសឹករងស្វាយរៀង ៣លានរៀល, កងរាជវត្ថខេត្តស្វាយរៀង ៣លានរៀល, និងអង្គភាពពន្ធនាគារខេត្ត ៣លានរៀលផងដែរ៕

អត្ថបទ៖ ភក្ដី

The post ឯកឧត្តម ឌី វិជ្ជា កោតសរសើរ និងវាយតម្លៃខ្ពស់ចំពោះលទ្ធផលសម្រេចបាន របស់ស្នងការដ្ឋាននគរបាលខេត្តស្វាយរៀង ក្នុងឆ្នាំ ២០២២កន្លងទៅនេះ appeared first on Kampuchea Thmey Daily.