ស្រីអ៊ិត Archives - Kampuchea Thmey Daily

ស្រីអ៊ិត ហួសចិត្ត ក្រោយឃើញការចែកចាយរឿងនាយ ចឺម និងអតីតសង្សាត្រូវគ្នាវិញ

Din Thary — Mon, 22 Jan 2024 10:04:18 +0000

តារាកំប្លែងអ្នកនាង សេន ចិន្តា ហៅ ស្រីអ៉ិត បានសម្តែងការហួសចិត្តជាខ្លាំងបន្ទាប់ពីឃើញការ ចែករំលែកព័ត៌មានពុំមែនជាការពិតទាក់ទង់រឿងរ៉ាវរវាងតារាចម្រៀងនាយ ចឺម ដែលត្រូវជាក្មួយប្រុសបង្កើត ជាមួយអ្នកមេម៉ាយចាយសម្រស់ សេង សុខឃីម ធ្វើឲ្យមានការយល់ច្រឡំដល់មហាជន។

ប្រតិកម្មរបស់តារាកំប្លែងសម្បូរសាច់អ្នកនាង ស្រីអ៉ិត នេះបន្ទាប់ពីមានការចុះផ្សាយមួយចំនួនដោយបានដាក់ការសង្ស័យលើទំនាក់ទំនងនាយ ចឺម ជាមួយសង្សាចាស់អ្នកនាង សេង សុខឃីម អាចនឹងត្រូវគ្នាវិញក្រោយឃើញមានរូបថតស្និទ្ធស្នាលកាលពីកន្លងមក។ប៉ុន្តែរូបភាពដែលត្រូវបានយកទៅប ង្ហោះនោះគឺជាគ្រាន់តែរូបភាពអតីតកាលរបស់អ្នកទាំ ងពីរប៉ុណ្ណោះ។

ងាកមកតារាកំប្លែង ស្រីអ៉ិត ក្រោយឃើញការចែករំលែកនៅលើផេកមួយភ្លាមៗបានធ្វើឲ្យនាងបង្ហាញការមិនសប្បាយចិត្តដោយលើកឡើងថា” ហេតុអី្វរឿងចប់យូរហើយ សុខៗចេះតែចេះចុះ មិនចប់សោះអ៊ីចឹង វាម៉េចឡូវ?“។ គេកត់សម្គាល់ដែរថា ជារឿយៗអ្នកនាង អ៉ិត តែងតែចេញមុខប្រតិកម្មឆ្លើយតបដោយច្រានចោលពាក់ព័ន្ធការផ្សាយព័ត៌មាននៃការត្រូវគ្នារវាងនាយ ចឺម និងអ្នកនាង សេង សុខឃីម ថាពុំមែនជាការពិតទេ។

ដោយឡែក កាលពីថ្មីៗនេះនៅលើផេកមួយក៏ បានបង្ហោះរូបភាពអមខ្លឹមសារថា អបអរសាទរជូនពរស្រលាញ់គ្នាម្តងទៀតដល់ចាស់កោងខ្នងណា ដូចការសង្ស័យ សេង សុខឃីម ត្រូវរ៉ូវជាមួយ នាយ ចឺម ក្រោយទម្លាយរូបភាពជាមួយអតីតនឹងថា ឱបខ្ញុំឱ្យណែនដូចថ្ងៃដំបូងដែលយើងស្រឡាញ់គ្នា អ្នកថ្មីទាមទារកុំឲ្យនៅនឹកអ្នកចាស់ទោះព្យាយាមបន្លំយ៉ាងណាក៏នៅនឹកគេនឹកស្តាយពេលវេលា និងនឹកស្រលាញ់វាខុសគ្នាបែងចែកឲ្យដាច់ណា។

ទោះយ៉ាងណាបន្ទាប់ពីមានការចែករំលែកដំណឹងដូចខាងលើភ្លាមៗ សាមីខ្លួនអ្នកនាងសេង សុខឃីម ក៏បានចេញមកឆ្លើយច្បាស់ៗវិញថា «អត់ទេបង….មិនមែន នៅនឹកនៅស្តាយអ្នកចាស់តែមិនមានសូម្បីអារម្មណ៍ចង់ចាប់ផ្តើមជាថ្មីជាមួយអ្នកណាម្នាក់ មានអារម្មណ៍ថាហត់គ្រាន់តែគិតថា និងត្រូវរកមនុស្សណាម្នាក់មកផ្តើជាថ្មី»៕

អត្ថបទ៖ ចាន់រ៉ា

The post ស្រីអ៊ិត ហួសចិត្ត ក្រោយឃើញការចែកចាយរឿងនាយ ចឺម និងអតីតសង្សាត្រូវគ្នាវិញ appeared first on Kampuchea Thmey Daily.

នាយ ក្រូច ប្រែសាច់ឈាមស្រស់ថ្លា ក្រោយធ្លាក់ខ្លួនឈឺស្គមស្លេកស្លាំងដោយសារជំងឺ

អ៊ិន ពិសី — Mon, 19 Jun 2023 07:18:13 +0000

ទស្សនិកជនដឹងហើយថា ថ្មីៗនេះតារាកំប្លែងអ្នកនាង ស្រីអ៊ិត បានទម្លាយយ៉ាងភ្ញាក់ផ្អើល ធ្វើឲ្យអ្នកគាំទ្របង្ហាញការព្រួយបារម្ភស្ទើរគ្រប់គ្នា ក្រោយបង្ហោះរូបភាព និងជូនពរតារាកំប្លែងនាយ ក្រូច ឆាប់ជាសះស្បើយពីជំងឺ។

គេចាំបានថា ខ្លឹមសារតារាកំប្លែង ស្រីអ៊ិត រៀបរាប់បានលើកឡើងដូច្នេះថា «សូមជូនពរបងប្រុសឆាប់ជាសះស្បើយ ចង់ឃើញបងមានសុខភាពល្អ ហើយមានសាច់ មានឈាមមកវិញ មិនចង់ឃើញបងឈឺ គ្មានសាច់ឈាមស្គមអ៊ីចឹងទេ ប្អូនពិតជាពិបាកចិត្តខ្លាំងណាស់បង គុណឪពុក គុណម្ដាយ ជួយថែរក្សាបងឆាប់ជាលែងឈឺណាបង»។ ដំណឹងខាងលើនេះ ឃើញមានអ្នកគាំទ្រមួយចំនួន ព្រមទាំងអ្នករួមអាជីពសិល្បៈ បានបង្ហាញការព្រួយបារម្ភ និងផ្ញើសារសួរនាំគ្រប់គ្នាផងដែរ។

មកដល់ពេលនេះ តារាកំប្លែងនាយក្រូច មិនទាន់អាចទាក់ទងដើម្បីសូមការសួរនាំបន្ថែមបាននៅឡើយទេ ខណៈកម្ពុជាថ្មី បានព្យាយាមធ្វើការទំនាក់ទំនងតាមរយៈប្រព័ន្ធសង្គមតេឡេក្រាមដែរ តែលោកមិនបានឆ្លើយតបនោះទេ។

ដោយឡែកបើងាកទៅចាប់អារម្មណ៍នៅលើបណ្ដាញសង្គមហ្វេសប៊ុករបស់ នាយក្រូច គេឃើញតារាកំប្លែងរូបនេះ បង្ហោះរូបភាពមួយសន្លឹកដែលមើលទៅមានសាច់ឈាមស្រស់ថ្លាជាងមុន។ ក្នុងនោះនាយក្រូច បាននិយាយថា «អរុណសួស្ដីបងប្អូន ព្រឹកនេះក្រោកពីគេងមកស្រស់ថ្លាច្រើន ចុះបងប្អូនវិញយ៉ាងម៉េចដែរ សូមមានលាភ មានជ័យ ហេងៗ ទាំងអស់គ្នា»។

បើតាមតារាកំប្លែង និងជាប្អូនស្រីបង្កើតរបស់នាយក្រូច គឺ អ្នកនាង អ៊ិត បានអះអាងប្រាប់ព័ត៌មានក្នុងស្រុកមួយថា បច្ចុប្បន្ននាយក្រូច កំពុងញាំញីដោយជំងឺទឹកនោមផ្អែម ជំងឺមួយនេះ បានកើតមានចំពោះលោកអស់ជាច្រើនឆ្នាំមកហើយ។ ស្រីអ៊ិត បញ្ជាក់បន្ថែមថា កន្លងមក ជំងឺនាយក្រូច មិនបានធ្វើទុក្ខខ្លាំងនោះឡើយ ប៉ុន្តែមួយរយៈចុងក្រោយនេះក៏ចាប់ផ្ដើមធ្វើទុក្ខខ្លាំង បណ្ដាលឲ្យលោកចុះស្គម និងទាមទារការព្យាបាលជាចាំបាច់៕

អត្ថបទ ៖ ចាន់រ៉ា

The post នាយ ក្រូច ប្រែសាច់ឈាមស្រស់ថ្លា ក្រោយធ្លាក់ខ្លួនឈឺស្គមស្លេកស្លាំងដោយសារជំងឺ appeared first on Kampuchea Thmey Daily.