ហង្ស អច្ឆរិយា Archives - Kampuchea Thmey Daily

Update តារាសម្តែង ហង្ស អច្ឆរិយា ទទួលមរណភាពដោយសារជំងឺកូវីដ

Sokhom Khon — Sun, 03 Oct 2021 07:08:58 +0000

តារាសម្តែងនិងអ្នកនិពន្ធរូបសង្ហាលោក ហង្ស អច្ឆរិយា បានទទួលមរណភាពហើយបន្ទាប់ពីធ្លាក់ខ្លួនឈឺធ្ងន់និងបានរកឃើញឆ្លងជំងឺកូវីដ-១៩ផងនោះ។

ដំណឹងនៃមរណ:ទុក្ខដ៏សោកសៅ និងក្រៀមក្រំបំផុតសម្រាប់ក្រុមគ្រួសារតារាប្រុសរូបនេះបានធ្វើឲ្យមហាជន និងអ្នកសិល្ប:ជាច្រើនបានសម្តែងការសោកស្តាយជាពន់ពេក ព្រមជាមួយការផ្ញើសារចូលរួមរំលែកទុក្ខនេះផងដែរ។

នៅលើគណនីហ្វេសប៊ុកឈ្មោះPu Smey បានរៀបរាប់ទាំងក្តុកក្តួលដូច្នេះថា សឹងមិនជឿទេបងអើយថាលឿនយ៉ាងនេះ ណាត់គ្នាថតរូបម្តងទៀតមិនទាន់បានថតផងបងថាមិនហ៊ានចេញខ្លាចកូវីដមើលទៅបងប្រយ័ត្នខ្លាំងតែក៏មកជួបវាទៀត ។

ប្រភពបន្តថា នេះជាការបាត់បង់តារាសម្តែងប្រុសពោរពេញដោយទេពកោសល្យ,អ្នកនិពន្ធតារាម៉ូដែលប្រុសសិចស៊ី។បងមានក្តីប្រាថ្នាច្រើនមិនគួរណាបងទៅលឿនយ៉ាងនេះ សូមបួងសួងអោយជាតិណាៗបងជួបតែរឿងល្អៗ។

ដោយឡែកបើតាមការបញ្ជាក់ប្អូនប្រុសរបស់លោក គឺលោក ហង្ស វិទូ បានឲ្យដឹងថា តារាសម្តែង ហង្ស អច្ឆរិយា បានទទួលមរណភាពដោយសារជំងឺកូវីដ-១៩នៅមន្ទីរពេទ្យខេត្តបាត់ដំបង។ លោកថា បងប្រុសខ្លួនក៏មានជំងឺប្រចាំកាយដូចជា ក្រពះ ពោះវៀន និងសួតប៉ុន្តែក្រោយមកក៏ឆ្លងកូវីដ-១៩ធ្ងន់ធ្ងរទៀតទើបមិនអាចជួយសង្គ្រោះបានឡើយ៕

អត្ថបទ៖ ចាន់រ៉ា

The post Update តារាសម្តែង ហង្ស អច្ឆរិយា ទទួលមរណភាពដោយសារជំងឺកូវីដ appeared first on Kampuchea Thmey Daily.

ចូលរួមរំលែកទុក្ខ! តារាសម្តែង ហង្ស អច្ឆរិយា ទទួលមរណភាពទាំងវ័យក្មេង

Sonya — Sun, 03 Oct 2021 06:41:03 +0000

តារាសម្តែង និងអ្នកនិពន្ធរូបសង្ហារ លោក ហង្ស អច្ឆរិយា បានទទួលមរណភាពហើយ បន្ទាប់ពីធ្លាក់ខ្លួនឈឺធ្ងន់អស់រយ:ជាច្រើនខែកន្លងទៅនេះ។

ដំណឹងនៃមរណទុក្ខដ៏សោកសៅ និងក្រៀមក្រំបំផុតសម្រាប់ក្រុមគ្រួសារតារាប្រុសរូបនេះបានធ្វើឲ្យមហាជន និងអ្នកសិល្ប:ជាច្រើនបានសម្តែងការសោកស្តាយជាពន់ពេក ព្រមជាមួយការផ្ញើសារចូលរួមរំលែកទុក្ខនេះផងដែរ។

នៅលើគណនីហ្វេសប៊ុកឈ្មោះ Pu Smey បានរៀបរាប់ទាំងក្តុកក្តួលដូច្នេះថា “សឹងមិនជឿទេបងអើយ ថាលឿនយ៉ាងនេះ ណាត់គ្នាថតរូបម្តងទៀតមិនទាន់បានថតផង បងថាមិនហ៊ានចេញខ្លាចកូវីដ មើលទៅបងប្រយ័ត្នខ្លាំង តែក៏មកជួបវាទៀត។”

ប្រភពបន្តថា “នេះជាការបាត់បង់តារាសម្តែងប្រុសពោរពេញដោយទេពកោសល្យ អ្នកនិពន្ធ តារាម៉ូឌែលប្រុសសិចស៊ី។ បងមានក្តីប្រាថ្នាច្រើន មិនគួរណាបងទៅលឿនយ៉ាងនេះ សូមបួងសួងអោយជាតិណាៗបងជួបតែរឿងល្អៗ។”

សូមបញ្ជាក់ថា តារាប្រុសរូបនេះកន្លងបានប្រកាសធ្លាក់ខ្លួនឈឺជំងឺរលាកក្រពះ និងរលាកពោះវៀនធ្ងន់ធ្ងរ៕

អត្ថបទ៖ ចាន់រ៉ា

ចុចអាន៖ តារាសិចស៊ី សេង សូណា ជាជះស្បើយពីកូវីដក្រោយព្យាបាលជាង២០ថ្ងៃ

The post ចូលរួមរំលែកទុក្ខ! តារាសម្តែង ហង្ស អច្ឆរិយា ទទួលមរណភាពទាំងវ័យក្មេង appeared first on Kampuchea Thmey Daily.

ស្ងាត់ពីសិល្បៈមួយរយៈ កំពូលតារាប្រុសសិចស៊ី ប្រកាសចេញលក់ប្រលោមលោកថ្មី

Sonya — Wed, 12 May 2021 07:21:57 +0000

លោក ហង្ស អច្ឆរិយា ធ្លាប់តែដើរតួសម្ដែងភាពយន្តល្បីៗជាច្រើនរឿងកាលពីមុន ពេលនេះបែរជាងាកមកសរសេរនិងបោះពុម្ភសៀវភៅប្រលោមលោក ដោយសារវិបត្តិកូវីដ-១៩ នាំឱ្យការងារសិល្បៈរបស់របស់តារារូបនេះត្រូវបានផ្អាកបណ្ដោះអាសន្ន។

ស្របពេលដែលជំងឺកូវីដ-១៩ បានចូលលុកលុយក្នុងប្រទេសកម្ពុជា លោក ហង្ស អច្ឆរិយា ក៏មិនខុសពីសិល្បករដទៃទៀតដែរ គឺលោកបាត់បង់ប្រាក់ចំណូលក្នុងការបង់ថ្លៃបន្ទប់ជួល ក៏ដូចជាបង់ថ្លៃទឹកនិងភ្លើងផងដែរ។ ដូច្នេះលោកបានពង្រីកជំនាញបន្ថែមលើវិស័យនិពន្ធ ដើម្បីរកប្រាក់ទប់ទល់ការចំណាយ។

ដោយសារ លោក អច្ឆរិយា ជាមនុស្សសម្បូរគំនិតច្នៃប្រឌិត មានទេពកោសល្យសរសេរ មាននិស្ស័យផ្នែកនិពន្ធ បូករួមភាពអំណត់អត់ធ្មត់ក្នុងការសិក្សាផ្នែកប្រលោមលោក ដែលមានលោកគ្រូអ្នកគ្រូនៅសមាគមអ្នកនិពន្ធខ្មែរអគារអ្នកនិពន្ធហ៊ុនសែន ក្នុងវត្តបទុមវតី ជួយបណ្ដុះបណ្ដាល តារាប្រុសរូបនេះបានយករឿងដែលខ្លួនសរសេររួច មកបោះពុម្ភផ្សាយជាសាធារណៈ។ សៀវភៅថ្មី កម្រាស់ប្រមាណជិត ១០០០ពាន់ទំព័រ ចំណងជើង “ពងពស់ក្រាយ” នឹងចេញលក់ឆាប់ៗនេះ ដោយសង្ឃឹមថាប្រិយមិត្តអ្នកចូលចិត្តអានសៀវភៅ នឹងគាំទ្រស្នាដៃមួយនេះ។

គួររំឭកថា ហង្ស អច្ឆរិយា ជាតារាប្រុសល្បីម្នាក់ដែលគេស្គាល់ថាហ៊ានថតរូបសុិចសុីក្នុងចំណោមតារាប្រុសឯទៀត។ លោកធ្លាប់ថតរឿងល្បីៗដូចជា រាជនីភូមិគ្រឹះ របស់ផលិតកម្ម ហង្សមាស, រឿង កំហឹងអ្នកស្រុក និងរឿង ស្រទន់មន្តស្នេហ៍ របស់ស្ថានីយ៍ទូរទស្សន៍ CTN។ លោកទទួូលបានភាពល្បីល្បាញនិងមានទស្សនិកជនស្គាល់កាន់តែច្រើន តាមរយៈការថតរូប សិចសុីអាក្រាតកាយ នៅប្រទេសថៃ ដែលកាលណោះមានអ្នកគាំទ្រចូលដល់រាប់លាននាក់ទាំងខ្មែរនិងបរទេស។

បច្ចុប្បន្ន ហង្ស អច្ឆរិយា កំពុងស្នាក់នៅខេត្តសៀមរាបជាបណ្ដោះអាសន្ន ដោយសារវិបត្តិកូវីដ-១៩ នាំឱ្យអាជីពនៅភ្នំពេញមិនមានទីផ្សារ៕

អត្ថបទ៖ រុងរឿង

ចុចអាន៖ លោក ហេង ឡុង បញ្ជាក់ថា ពិធីការិនី មាន ពេជ្រវីតា ត្រូវបានបញ្ជូនទៅពន្ធនាគារហើយ

The post ស្ងាត់ពីសិល្បៈមួយរយៈ កំពូលតារាប្រុសសិចស៊ី ប្រកាសចេញលក់ប្រលោមលោកថ្មី appeared first on Kampuchea Thmey Daily.