លោកស្រី អម្ពរ ទេវី បញ្ជាក់ថា៖ “ថ្វី​ត្បិត​តែ​នាង​ខ្ញុំ​ជាប់រវល់ការងារផ្ទាល់ខ្លួន​ រវល់ជាមួយនឹងក្រុមគ្រួសារយ៉ាងណា​ ក៏​នាង​ខ្ញុំត្រូវ​ពុះជ្រៀកពេលវេលា​ បន្ទាប់​ពី​បាន​ទទួល​ដំណឹង​ពីបងប្រុស​ ហ្វៃ​ សំអាង​ ទូរសព្ទ​រៀប​រាប់​ពី​សាច់​រឿង​ និង​តួអង្គ​ដែល​នាង​ខ្ញុំ​ត្រូវ​សម្ដែង​។ ទីមួយ​គឺ​ស្រឡាញ់​សាច់​រឿង​ល្អ​ប្លែក​ មាន​ទាំង​អត្ថន័យ​ អត្ថរស​ បង្កប់រសជាតិនិយម​”។

លោកស្រី អម្ពរ ទេវី លើកឡើងបន្តថា៖ “ទីពីរ​ ជា [ភាពយន្ត] សម័យ​កាលបុរាណ​ ដែល​មិនធ្លាប់មានផលិតករណាផលិតឡេីយ​។ នាង​ខ្ញុំ​សប្បាយ​ចិត្ត​ និងត្រៀមខ្លួនដេីម្បីទៅសម្តែង​ភាពយន្ត​ភាគ​ខ្នាត​ធំ​ រឿង​ “​អប្សរា​មហាអង្គរ”​ នេះ ផលិត​ដោយ​ផលិតកម្ម​ ហង្សមាស​ ដែល​ជា​ផលិតកម្ម​ដ៏​ល្បីឈ្មោះ​”។

លោក ហ្វៃ សំអាង បានឱ្យដឹងថា លោក​ ទេព​ រិនដារ៉ូ​ លោក​ស្រី​ អម្ពរទេវី​ ​ធ្លាប់បានសម្តែងរួមគ្នារាប់រយរឿង​ទាំងឈុតឆាក​កុងកាច់ លេបខាយពាក្យសម្តី​ ក្រមិចក្រមើម​ ស្នេហា​ផ្អែមល្ហែម​។ល។ តារា​ទាំង​ពីរ​ដួង​បាន​ឃ្លាត​ឆ្ងាយ​ពី​គ្នា​នៅ​ក្នុង​ការ​សម្ដែង​យ៉ាង​យូរ ​ធ្វើ​ឱ្យ​ប្រិយមិត្ត​អ្នក​គាំទ្រ​ស្ទើរ​តែ​ភ្លេច​។

លោក ហ្វៃ សំអាង បញ្ជាក់ថា នៅក្នុង​ខ្សែ​ភាពយន្ត​ភាគ​ខ្នាត​ធំ​រឿង​ “​អប្សរា​មហាអង្គរ”​ តារា​ទាំង​ពីរ​ដួង​នឹងជួបគ្នាជាថ្មីម្តងទៀត ​ដោយ​អមមកជាមួយឈុតឆាកស្នេហា​ ផ្អែមល្ហែម​ ល្វីង​ជូរចត់​ ​មាន​គ្រប់​រសជាតដេីម្បី​ផ្តាំចាស់ ​នៅលេី​មាគ៌ាសិល្ប:ភាពយន្តនេះ។

លោក ហ្វៃ សំអាង បញ្ជាក់ថា៖ “អ្នកស្រី អម្ពរ ទេវី​ នឹងសម្ដែងជា​តួអង្គ​ព្រះនាម​ អ្នក​អង្គ​ម្ចាស់ស្ត្រី​ កាមល​ ជារាជ​នាដកាអប្សរា​ ជា​រាជគ្រូបង្ហាត់បង្ហា​ញព្រះ​កេរមរតក​ដ៏​មហា​អស្ចារ្យ​របស់​ជាតិ​ខ្មែរ​ ខណៈ លោក ទេព​ រិនដារ៉ូ​ ជា​តួអង្គបណ្ឌិតអក្សរសាស្ត្រ​ ឈ្មោះ​ ខីណាព្រាហ្ម​ណ៍​។ រាជនាដកាអប្សរា​ លង់ព្រះហទ័យស្នេហ៍​ស្និទ្ធ​បណ្ឌិត​អក្សរ​សាស្ត្រ​ នៅ​រៀងរាល់​យប់​ថ្ងៃ​១៥កេីត​ ខែ​ពេញ​បូរណ៍មី​ អ្នក​អង្គ​ម្ចាស់ស្ត្រី​ កាមល ​តែងតែ​យាងមក​ទ្រង់​ព្រះ​សណ្តាប់​រឿងនិទានបេះដូងរបស់​បណ្ឌិត​ ខីណាព្រាហ្ម​ណ៍​ ធ្វេី​ឱ្យ​នាង​ បារមី​ ដែល​ជា​នាដកាអប្សរា​ដែរ​ មាន​ចិត្ត​ច្រណែន​ និន្ទា​ឈ្នានីស​ ព្រោះ​តែ​បេះដូង​របស់​នាង​បាន​ធ្លាក់​ចូល​ទៅ​ក្នុង​ជ្រោះ​ស្នេហ៍​របស់​បណ្ឌិត​អក្សរ​សាស្ត្រ​នោះដោយដកមិនរួច”។

លោក ហ្វៃ សំអាង បន្ថែមថា សង្គ្រាម​បេះដូង​ក៏​បាន​ផ្ទុះ​ឡេីងពេញផ្ទៃរឿង​ទាំង​មូល​។ តួ​អង្គ​នាងបារមី ត្រូវបានសម្ដែងដោយអ្នកស្រី​ លី​ ម៉ារីណា​ ដែលត្រូវ​អ្នក​ដឹក​នាំ​សម្ដែង​ផ្លាស់ប្ដូរ​រសជាតិ​​សម្តែង​របស់​គាត់ ​​មិនធ្លាប់​បាន​ឃើញ​កន្លងមក។

គួររំលឹកថា វិស័យកុន ឬភាពយន្តបញ្ចាំងរោងខ្មែរបានស្លាប់ សូម្បីតែរោងកុន ក៏ត្រូវបានបិទដំណើរការទាំងស្រុង។ លុះឆ្នាំ២០០០ វិស័យកុនខ្មែរបានរស់ឡើងវិញ ទាំងបណ្ដាផលិតកម្ម និងរោងភាពយន្តបានបើកឡើងវិញជាបន្តបន្ទាប់ ក្រោយពីវត្តមាន កុនដ៏ល្បីរឿង កូនពស់កេងកង ដែលដឹកនាំសម្ដែងដោយ លោក ហ្វៃ សំអាង។ ក្នុងរឿងនោះ លោកស្រី អម្ពរ ទេវី សម្ដែងជាតួ នាងនី ឯលោក ទេព រិនដារ៉ូ សម្ដែងជាតួ ពស់កងកង ប្រែកាយជាមនុស្ស៕​

អត្ថបទ៖ ច័ន្ទ វីរៈ

The post លោកស្រី អម្ពរ ទេវី សម្រេចចិត្តវិលមកកម្ពុជា ត្រៀមថតភាពយន្តបុរាណ ផ្ដាំចាស់ appeared first on Kampuchea Thmey Daily.

​បង្ហោះ​ភ្ជាប់​ជាមួយ​រូបភាព​មួយ​សន្លឹក​គ្រា​ចេញទៅ​សម្តែង​នៅក្រៅ​ប្រទេស​ជាមួយ​តារា​ស្រី​ពីររូប​ គឺ​អ្នកនាង ខាត់ សុ​ឃីម និង​អ្នកនាង គង់ សុជាតិ លោក ហ្វៃ សំអាង បាន​លើក​ឡើងថា ​នេះ​ជា​អនុស្សាវរីយ៍​ពេល​ដឹកនាំ​ចេញទៅ​សម្តែង​នៅ​ប្រទេស​ញ៉ូ​ហ្សេ​លែ​ន​។ តាមរយៈ​រូបភាព​ដែល​មាន​អាយុកាល​ជាង​២០​ឆ្នាំ គ្រា​ចេញទៅ​សម្ដែង​នៅ​ប្រទេស​ញ៉ូ​ហ្សេ​លែ​ន​លោក ហ្វៃ សំអាង​បាន​រម្លឹកថា​«​អនុស្សាវរីយឆ្នាំ២០០១ ដឹក​នាំ​តារាចម្រៀង​លោក សុះ ម៉ាច ,​ប្អូនស្រី ​ខាត់ សុ​ឃីម ,​ប្អូនស្រី​គង់ សុជាតិ ទៅ​សម្តែង​នៅ​ប្រទេស​ញ៉ូ​ហ្សេ​លែ​ន ពេលនោះរំភើបណាស់ ព្រោះបង បអូន នៅទីនោះគាំទ្រច្រើន​» ។​

​ទន្ទឹម​ការ​បង្ហោះ​នេះ​ គេ​ឃើញ​ពិធី​ការិនី​អ្នកនាង គង់ សុជាតិ ភ្លាមៗ​នោះ​ក៏បាន​បញ្ចេញមតិ​ហាក់​មានការ​អស់សំណើច​លើ​រូបភាព​របស់ខ្លួន ​ខណៈ​មហាជននិ​ង​អ្នកប្រើប្រាស់​បណ្ដាញ​សង្គម​ ក៏មាន​ការ​ភ្ញាក់​ផ្អើល​លើ​សម្រស់​របស់​តារា​ស្រី​ទាំងពីរ​ដួង​ខាងលើ​ផងដែរ​៕

អត្ថបទ៖ ចាន់​រ៉ា​

The post ផលិតករ ហ្វៃ សំអាង ទម្លាយ​រឿង​កាលពី​២០​ឆ្នាំ​មុន​ជាមួយ​តារា​ស្រី​ពីរ​រូប ​អ្នកគាំទ្រ​ភ្ញាក់ផ្អើល​គ្រប់គ្នា​ appeared first on Kampuchea Thmey Daily.

កវីនិពន្ធនិងជាអ្នកដឹកនាំកម្មវិធីកម្សាន្តដ៏ល្បីឈ្មោះប្រចាំស្ថានីយ៍ទូរទស្សន៍ក្នុងស្រុកលោក ហ្វៃ សំអាង ស្របពេលដែលប្រជាប្រិយភាពនិងការគាំទ្រលើផ្នែកសិល្បៈរបស់លោកនៅតែរក្សាបាន ទីផ្សាខ្ពស់នោះ ឃើញថាបច្ចុប្បន្នលោកមិនត្រឹមតែជាអ្នកសិល្បៈជើងចាស់ដ៏ឆ្នើមនោះទេគឺថែមទាំង បានបណ្តុះបណ្តាលសិល្បៈជំនាន់ក្រោយៗជាច្រើនទៀត ដើរជោគជ័យលើថ្នាលសិល្បៈផងដែរ។

ទន្ទឹមគ្នានឹងអាជីពសិល្បៈរបស់លោកកាន់តែរីកចម្រើន មកទល់ពេលនេះលោក ហ្វៃ សំអាង មានវ័យរៀងជ្រេបន្តិចក្តី តែលោកនៅតែពង្រឹងសមត្ថភាព និងទេពកោសល្យរបស់ខ្លួនដោយគ្មានការងាករេនោះឡើយ។ យ៉ាងណាមិញរឿងដែលអាចនាំឲ្យទស្សនិកជនចាប់អារម្មណ៍ថែមទៀតនោះ អ្នកនិពន្ធរូបនេះបានដាច់ចិត្តគាស់បង្ហាញនូវចម្រៀង១បទកាលពីអំឡុង១៦ឆ្នាំមុនដែលចំណាយលុយអស់ច្រើនជាងគេបំផុត។

រៀបរាប់ភ្ជាប់នឹងចម្រៀង១បទមានចំណងជើងថា បុណ្យចូលឆ្នាំថ្មី ត្រូវបានលោក ហ្វៃ សំអាង បញ្ជាក់ថា បទចម្រៀងដែលចំណាយថវិកាថតច្រើនជាងគេកាលពី១៦ឆ្នាំមុន វាមិនទាន់សម័យមែន តែទស្សនាកម្សាន្តលេងៗទៅ។ បទ បុណ្យចូលឆ្នាំថ្មី និពន្ធបទភ្លេងដោយលោក ឯល ប៊ុណ្ណា សម្រួល តន្ត្រីដោយលោក ម៉ៅ ណារិទ្ធ និពន្ធទំនុកច្រៀង ហ្វៃ សំអាង ច្រៀងដោយ យក់ ឋិតរដ្ឋា សម្តែង ដោយតារាល្បីៗច្រើនដួងនាសមយ័នោះ។

តាមរយៈការបង្ហាញដោយរម្លឹកបើកកកាយនូវចម្រៀង១បទខាងលើពីសំណាក់លោក ហ្វៃ សំ អាង នេះ បានធ្វើឲ្យទស្សនិកជននឹកឃើញកាលពីគ្រាអតីតកាល ខណៈដែលបទនេះកាលណោះគឺទទួលបានការគាំទ្រនិងពេញនិយមខ្លាំងនាឱកាសពិធីបុណ្យចូលឆ្នាំប្រពៃណីជាតិខ្មែរ។ បន្ថែមពីលើនេះទៀត អ្នកគាំទ្រស្នាដៃរបស់លោក ហ្វៃ សំអាង តាំងពីនៅក្មេងៗ បាននិយាយថា ការដឹកនាំ ការតាក់តែងនិពន្ធ របស់ជើងចាស់រូបនេះ នៅតែពេញចិត្តពេញបេះដូង នៅលើសពីពាក្យថា ល្អសម្រាប់ពួកគេ៕

អត្ថបទដោយ ៖ ចាន់រ៉ា

ចុចអាន៖ អាន គុណកូឡា បង្ខំចិត្តផ្អាកពិធីមង្គលការ ខណៈ ឌី សូនីតា ខកបំណងថ្ងៃចេញខែកូនស្រី

ចុចអាន៖ សួង សាខារ៉ានីត ហួសចិត្ត​ខ្លាំង​ក្រោយ​រង​ការ​រិះគន់​ថា​ ​យក​អាជីព​លក់​បុកល្ហុង​បាំងមុខ

The post លោក ហ្វៃ សំអាង គាស់កកាយចម្រៀង១បទកាលពី១៦ឆ្នាំមុនដែលចំណាយថវិកាអស់ច្រើនជាង​គេបំផុត appeared first on Kampuchea Thmey Daily.