ជីវិតកម្សាន្ដ

សួង សាខារ៉ានីត ហួសចិត្តខ្លាំងក្រោយរងការរិះគន់ថា យកអាជីពលក់បុកល្ហុងបាំងមុខ

បានផុស

៦ years មុន

នៅ

ថ្ងៃអង្គារ ១ ធ្នូ ២០២០

ដោយ

តារាសម្ដែងស្រីរូបស្រស់ចង្កាស្រួចកញ្ញា សួង សាខារ៉ានីត មុននេះក៏ស្រាប់តែបង្ហាញពីអារម្មណ៍ពុំសូវសប្បាយនិងហួសចិត្តខ្លាំងទៅលើបុគ្គលមួយចំនួនដែលគិតផ្លូវមិនល្អចំពោះនាង ក្រោយពេលដែលខ្លួនបានប្រកាសបង្ហើបប្រាប់ពីការបើកមុខរបរថ្មីគឺលក់បុកល្ហុងបន្ថែមលើអាជីពសិល្បៈ បច្ចុប្បន្នកំពុងប្រឈមបញ្ហាជំងឺកូវីដ- ១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាសម្តែងស្រីដែលតួក្នុងឈុតឆាកភ័យរន្ធត់រឿង កូនក្រក កញ្ញា សួង សាខារ៉ានីត បានរៀបរាប់ទាំងអារម្មណ៍ហួសចិត្តថា ហេតុអ្វីមានមនុស្សមួយចំនួនមើលមកនាងក្នុងបំណងអាក្រក់ទៅវិញ ហើយការបើកមុខរបរលក់បុកល្ហុងនេះគឺគោលបំណងសំខាន់នាងចង់យកលុយដែលចំណេញខ្លះៗ ដើម្បីចែករំលែកជួយដល់បងប្អូនប្រជាពលរដ្ឋកំពុងជួបការខ្វះខាត។

កញ្ញា សួង សាខារ៉ានីតបាននិយាយឲ្យដឹងថាហេតុអ្វីគេថាខ្ញុំលក់បុកល្ហុងបាំងមុខ….! បាំងមុខមែនតើបងប្អូនចាំកូវីដរលាយបាត់ចាំជួយទិញខ្ញុំផង ហើយលុយដែលចំណេញបន្តិចបន្តូចយើងនឹងចែករំលែកឲ្យបងប្អូនដែលមានឈាមជ័រជាខ្មែរដូចគ្នាតាមអ្វីដែលខ្ញុំអាចធ្វើបាន។ ទឹកចិត្តរបស់ខ្ញុំនៅមានច្រើនទៀត។

អួតបន្តិចហើយណា បើច្រណែនចូលរួមធ្វើដែរទៅ ល្អតើដើម្បីកុំឲ្យមនុស្សគិតមិនល្អជាមួយខ្ញុំបាបលើសពីនេះ ។ខ្ញុំសូមបង្ហើយប្រាប់ឲ្យកាន់តែភ្លឺគឺបើគេចង់លក់ខ្លួនគេឲ្យលេខម៉ែយ៉ែមជួយលក់វាស្រួល ហើយអត់សូវមានគេដឹងទៀតមិនមែនហត់មកលក់បុកល្ហុងទេចាសូមជ្រៀប។ នេះជាសម្ដីបន្ថែមរបស់តារាសម្តែងស្រីកញ្ញា សួង សាខារ៉ានីត។

ជាការកត់សម្គាល់ តារាស្រីសម្តីផ្អែមកញ្ញា សួង សាខារ៉ានីត កន្លងមកក្រៅតែមានភាពល្បីឈ្មោះនិងទទួលបានការគាំទ្រលើការងារអាជីពសិល្បៈ គឺតារាស្រីរូបនេះក៏ទទួលបានការលើកសរសើររាល់សកម្មភាពទង្វើល្អក្នុងការរួមចំណែកចែករំលែកក្តីស្រលាញ់ដល់កុមារ ចាស់ជរាព្រមទាំងបងប្អូនប្រជាពលរដ្ឋជួបការលំបាកនិងខ្វះខាតនៅតាមបណ្តាខេត្តមួយចំនួនផងដែរ៕

អត្ថបទ៖ចាន់រ៉ា

ចុចអាន៖សុន ស្រីពេជ្រ គ្រាំគ្រាបេះដូងដោយសារជំងឺកូវីដ-១៩ផ្ទុះឡើងជាថ្មី

ចុចអាន៖បុរសម្នាក់ ប្រកាសបន្តតំណែងរត់ស្វែងរកថវិកា ជូនមន្ទីរពេទ្យគន្ធបុប្ផាភ្នំពេញ

Related Topics:តារាសម្ដែងខ្មែរ