កាលពីល្ងាចថ្ងៃចន្ទ ទី៣ ខែមិថុនា ឆ្នាំ២០២៤ នៅសណ្ឋាគារ រ៉ាហ្វិល ឡឺ រ៉ូយ៉ាល់ លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម បានជាមួយលោក Patrick Murphy អនុប្រធានប្រតិបត្តិទទួលបន្ទុកផ្នែកបញ្ជាទិញអង្ករ និងគ្រាប់ធញ្ញជាតិ នៃក្រុមហ៊ុន Otis McAllister, Inc និងគណៈប្រតិភូសហព័ន្ធស្រូវអង្ករកម្ពុជា ចូលជួបសម្តែងការគួរសម និងពិភាក្សាការងារស្ដីពីការពិនិត្យលទ្ធភាពក្នុងការបញ្ជាទិញអង្ករកម្ពុជាសម្រាប់ចែកចាយក្នុងទីផ្សារអាមេរិក។

​លោក Patrick បានបង្ហាញការពេញចិត្តនូវភាពរីកចម្រើនជារួមរបស់កម្ពុជាដែលខុសប្លែកពីអ្វីដែលលោកធ្លាប់បានទទួលព័ត៌មាននៅខាងក្រៅ។ លើសពីនេះលោកបានធ្វើការកត់សម្គាល់ និងកោតសរសើរទៅលើកសិកម្មកម្ពុជា ជាពិសេសផលិតផលអង្ករដែលធានាបាននូវគុណភាព និងបរិមាណដែលទទួលយកបាន។

លោកជំទាវចម និម្មល បានលើកទឹកចិត្តឱ្យក្រុមហ៊ុននាំចេញអង្ករធំៗទាំង ១៦ ដែលជាសមាជិករបស់សហព័ន្ធធ្វើការដោយផ្ទាល់ជាមួយក្រុមហ៊ុន Otis McAllister ដើម្បីឈានដល់ការចុះកិច្ចព្រមព្រៀងបញ្ជាទិញអង្ករកម្ពុជាចូលទៅផ្សារសហរដ្ឋអាមេរិកក្នុងពេលឆាប់ៗខាងមុខ។

លោក សុង សារ៉ន ប្រធានក្រមហ៊ុន Amru Rice (Cambodia) Co.ltd បានថ្លែងថា នាពេលបច្ចុប្បន្នការនាំចេញប្រភេទអង្ករល្អប្រណិត និង អង្ករសិរីរាង្គរបស់ក្រុមហ៊ុនលោកទទួលបានការចាប់អារម្មណ៍និងទទួលស្គាល់លើគុណភាពពីសំណាក់អតិថិជននៅប៉ែកអឺរ៉ុប អាមេរិក និងអូស្រ្តាលីកាន់តែច្រើនឡើងៗ។

លោកបានថ្លែងថា៖«ចាប់តាំងពីយើងបានពង្រីកការនាំចេញនូវប្រភេទអង្ករល្អប្រណិត និង អង្ករសិរីរាង្គនេះទៅកាន់បណ្តាប្រទេសនានានៅប្រទេសក្នុងសហគមន៍អឺរុប (EU) អាមេរិក អូស្ត្រាលី និងប្រទេសផ្សេងៗទៀត គឺប្រជាពលរដ្ឋនៅប្រទេសទាំងនោះចាប់ផ្តើមទទួលស្គាល់នូវគុណភាពអង្ករប្រណិតរបស់យើងកាន់តែច្រើនឡើង។ បច្ចុប្បន្ននេះ ក្រុមហ៊ុនក៏កំពុងមមាញឹកក្នុងជំរុញការនាំចេញដើម្បីឆ្លើយតបទៅនឹងតម្រូវការនេះផងដែរ»។

បើតាមCRF​​បង្ហាញ​ថាមករា-មេសា ២០២៤ ក្រុមហ៊ុននាំចេញជាង ១៥,០០០ តោន កំណើនជាង ៥០% ធៀបរយះពេលដូចគ្នា នៃ ឆ្នាំ ២០២៣ ។

ក្នុង​ឆ្នាំ​២០២៣កម្ពុជា​បាន​នាំ​ចេញ​អង្ករ​ទៅ​ទីផ្សារ​អន្តរ​ជាតិ​សរុប​ ៦៥៦ ៣២៣​តោន កើន​ឡើង​៣​ភាគ​រយ​បើ​ធៀប​នឹង​ឆ្នាំ​២០២២ ចំណែក​ទឹក​ប្រាក់​ប្រមូល​បាន​មាន​ចំនួន ៤៦៦​លាន​ដុល្លារ កើន​ឡើង ១៣​ភាគ​រយ​។ អង្ករ​កម្ពុជា​ត្រូវ​បាន​នាំ​ចេញ​ទៅ​កាន់​គោល​ដៅ​ចំនួន ៦១​ប្រទេស​/ដែនដី​ តាម​រយៈ​ក្រុម​ហ៊ុន​នាំ​ចេញ​​ចំនួន ៦៣​៕

The post ក្រុមហ៊ុន Otis McAllister, Inc របស់អាមេរិកចាប់អារម្មណ៍លើការនាំអង្ករពីកម្ពុជា appeared first on Kampuchea Thmey Daily.

លោក Ronnarong Phoolpipat អគ្គនាយក DFT បាននិយាយកាលពីពេលថ្មីៗនេះថា នាយកដ្ឋានបានទទួលពាក្យបណ្តឹងពីក្រុមហ៊ុននាំចេញអង្ករថៃ ដោយសារតែរោងម៉ាស៊ីនកិនស្រូវចិនទាំងនេះ បានបន្ថែមក្លិនក្រអូបសិប្បនិម្មិតឲ្យមានក្លិនដូចអង្ករផ្កាម្លិះថៃ ។

អង្ករ​ផ្កាម្លិះ​ក្លែងក្លាយ​នេះ ​ត្រូវ​បាន​គេ​ដាក់​លក់​ក្នុង​ប្រទេស​ចិន​ក្រោម​ស្លាក​យីហោ​ថៃ​ក្លែងក្លាយ ​ដែលបញ្ជាក់ថា ​អង្ករ​នេះ​នាំ​ចូល​ពី​ប្រទេស​ថៃ ហើយទង្វើនេះជាការបំពានច្បាប់ពាណិជ្ជកម្មចិន ។

រោងចក្រទាំង ៣ របស់ចិននោះ រួមមាន ឧស្សាហកម្មអង្ករ Anhui Huainan Shouxian Yongliang ឧស្សាហកម្មប្រេង និងចំណីអាហារ Anhui Xiangwang Cereals និងឧស្សាហកម្មពាណិជ្ជ Huainan Chufeng ។

មិនត្រឹមតែប៉ុណ្ណោះ អាជ្ញាធរ​ក៏​បាន​រក​ឃើញដែរ​ថា រោងចក្រទាំងនេះ ​បាន​បំពាន​ច្បាប់​មួយ​ចំនួន​ទៀត​ទាក់ទង​នឹង​សុវត្ថិភាពចំណី​អាហារ គុណភាព​ផលិតផល និង​ការ​ផ្សព្វផ្សាយជាដើម ។

គួរបញ្ជាក់ថា កាលពីឆ្នាំមុន ថៃបាននាំចេញអង្ករផ្កាម្លិះចំនួន ១៤២,១៤៦ តោន ដែលមានតម្លៃ ១១៧ លានដុល្លារទៅកាន់ទីផ្សាររបស់ប្រទេសចិន ៕

ប្រែសម្រួលដោយ ៖ នាង​ រតនៈ

ប្រភព ៖​ The Nation Thailand

ចុចអាន ៖ តម្លៃខ្នុរនៅ វៀតណាម ឡើងថ្លៃគុណនឹង ៧ ក្រោយមានទីផ្សារពី ចិន

The post ថៃ ត្រៀមប្ដឹងរោងចក្រ ចិន ដែលកំពុងផលិតអង្ករផ្កាម្លិះក្លែងក្លាយ appeared first on Kampuchea Thmey Daily.