សេដ្ឋកិច្ច

តម្លៃខ្នុរនៅ វៀតណាម ឡើងថ្លៃគុណនឹង ៧ ក្រោយមានទីផ្សារពី ចិន

បានផុស

៣ years មុន

នៅ

ថ្ងៃចន្ទ ២០ មីនា ២០២៣

ដោយ

តម្លៃខ្នុររបស់ប្រទេសវៀតណាមបានកើនឡើង ៦ ទៅ ៧ ដង បើប្រៀបធៀបនឹងរយៈពេលដូចគ្នាកាលពីឆ្នាំមុន នៅពេលដែលឈ្មួញបង្កើនការបញ្ជាទិញដើម្បីនាំចេញទៅទីផ្សារចិន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការស្ទង់មតិនៅខេត្តភាគខាងត្បូងចំនួន ៥ ដូចជា ខេត្ត Dong Nai, ខេត្ត An Giang, ខេត្ត Dong Thap, ខេត្ត Vinh Long និងខេត្ត Tien Giang បានឲ្យដឹងថា បច្ចុប្បន្នខ្នុរគឺលក់ក្នុងតម្លៃ ១.៩១ ដុល្លារ ទៅ ២ ដុល្លារ ក្នុងមួយគីឡូក្រាមនៅកសិដ្ឋាន ។

កាលពីឆ្នាំមុន កសិករវៀតណាមបានលើកឡើងថា ខ្នុរមានតម្លៃត្រឹមតែ ០.៣០ ដុល្លារប៉ុណ្ណោះក្នុងមួយគីឡូក្រាម ហើយក៏មិនសូវជាមានឈ្មួញទិញផងដែរ ប៉ុន្តែឥឡូវនេះតម្លៃបានហក់ឡើងគុណនឹង ៧ ដង ហើយឈ្មួញក៏កំពុងសម្រុកទិញយ៉ាងខ្លាំងផងដែរ ។

ដោយឡែកអាជីវកររៀបរាប់ដែរថា ការឡើងថ្លៃនេះ គឺដោយសាតែតម្រូវការបរទេសកាន់តែខ្ពស់ ហើយទីផ្សារដែលពេញនិយមខ្លាំងនោះ គឺប្រទេសចិន ដោយពួកគេបញ្ជាទិញជាច្រើនតោនក្នុងមួយថ្ងៃៗ ពេលខ្លះបរិមាណផ្គត់ផ្គង់មិនគ្រប់គ្រាន់សម្រាប់តម្រូវការទៀតផង ។

ទោះយ៉ាងណា បន្ទាប់ពីរងគ្រោះដោយជំងឺរាតត្បាតកូវីដ កសិករវៀតណាមបានកាត់បន្ថយតំបន់ដាំដុះខ្នុរ ដូច្នេះទិន្នផលផ្លែនៅឆ្នាំនេះគឺទាបជាងឆ្នាំមុនពី ២០ ទៅ ៣០ ភាគរយ ខណៈនៅខេត្ត Tien Giang កសិករជាច្រើនបានប្តូរមកដាំទុរេន ឬពោត ដើម្បីទទួលបានប្រាក់ចំណេញខ្ពស់ ៕