លោក ទេព ហន អភិបាល​ស្រុក​មោងឫស្សី បាន​ប្រាប់​អ្នក​សារព័ត៌មាន​ឲ្យដឹងថា សម្រាប់​ប្រពន្ធ័​ធារាសា្រស្ត នៅក្នុង​ស្រុក​មោងឬស្សី បច្ចុប្បន្ន​មាន​ពីរ ក្រោយ​ពី​សំណង់​ស្ទាក់​ទឹករាមគន់​បាន​ធ្វើរួចរាល់ ហើយ​ទំនប់​ស្ទាក់​ទឹករាមគន់​នេះ បាន​ទាញ​ប្រភព​ទឹក​ពី​ទំនប់​អាង​ទឹក​បាសាក់ ក្នុង​ស្រុក​រុក្ខគីរី មាន​ប្រឡាយ​មេ ប្រវែង ១៩ គីឡូម៉ែត្រ និង​ប្រឡាយ​រង​ប្រវែង ១២២ គីឡូម៉ែត្រ និង​មាន​ប្រឡាយ​មេ​ជាច្រើនទៀត មានសមត្ថភាព អាច​សោច​ស្រព​ស្រូវវស្សា​ចំនួន ៤ ពាន់ ៧ រយ​ហិតា និង​ស្រូវ​ប្រាំង​ចំនួន ៧ រយ​ហិតា។

ចំណែកសំណង់ទី២ គឺ​ទំនប់​ស្ទាក់​ទឹក​ចក នៅ​ក្នុង​ឃុំ​កកោះ ទទួល​បាន​ប្រភព​ទឹក​ពី អាង​ទំនប់​ទឹក​កង្ហត និងមានប្រឡាយ​ក្អែប​ជា​ច្រើនទៀត​សម្រាប់​បែងចែក​ក្នុង​ការ​ស្រោចស្រព ក្នុង​ឃុំ និងតំបន់ផ្សេងៗទៀតក្នុងស្រុក តែ​លោកសំណូមពរដល់កសិករ ធ្វើយ៉ាងណា​កុំសម្រុកធ្វើឲ្យលើសពីផែនការ អាចនឹងមានការខ្វះខាតទឹក។

លោកថា «បើទោះបីក្នុងស្រុក​មានប្រព័ន្ធ​ធារាសាស្ត្រ​ចំនួន ២ យ៉ាង​នេះក្តី ក៏ប្រភពទឹក​នេះបាន​តែផ្នែកខ្លះ​នៃស្រុក​មោងឬស្សី ប៉ុណ្ណោះ ព្រោះ​ផ្ទៃដី​កសិកម្ម​ក្នុង​ស្រុក​មោងឬស្សី មាន​រហូតដល់ ៧ ម៉ឺន ៣ ពាន់​ហិតា ដែល​កត្តានេះ​ហើយ​ទើប​លោក​សំណូមពរ​ដល់​កសិករ​កុំឲ្យ​សម្រុកធ្វើលើសពីផែនការ»។

មន្ត្រី​កសិកម្ម យល់​ឃើញ​ថា កសិករ​នៅ​តែ​​សម្រុកធ្វើ បើ​ទោះបីមាន​បម្រាម​ពីមន្ទីរជំនាញ​យ៉ាង​នេះក្តី ខណៈ​ដែល​កសិករមើល​ឃើញអំពីទីផ្សារ​ស្រូវ​បច្ចុប្បន្ន មាន​លក្ខណៈ​ធំទូលាយ​ជាង​គ្រា​មុន បានជា​កសិករ​​បន្ដធ្វើ​ស្រែ​ផ្ទួនៗ​ជាប់ៗគ្នា ដែល​ធ្វើឲ្យប្រភពទឹក​ចែកចាយ​មិនបានគ្រប់គ្រាន់ នឹងបង្កឲ្យកសិករខាតបង់ទាំងកម្លាំងកាយ និង​សេដ្ឋកិច្ច​គ្រួសារ ៕

អត្ថបទ៖ សៅ សារិទ្ធ

The post អាងស្ទាក់ទឹកចំនួន ២ ស្រុកមោងឬស្សី អាចឱ្យកសិករប្រើទឹកបានខួបប្រាំង-វស្សា appeared first on Kampuchea Thmey Daily.

កាសែត The Times of India បានរាយការណ៍ថា មន្ត្រីផ្នែកត្រួតពិនិត្យម្ហូបអាហារឈ្មោះ Rajesh Vishwas បានជ្រុះបាត់ស្មាតហ្វូនរបស់គាត់នៅក្នុងអាងស្តុកទឹក Kherkatta ក្នុងសង្កាត់ Kanker នៃរដ្ឋ Chhattisgarh កាលពីសប្តាហ៍មុន។

ដំបូងឡើយ Vishwas បានប្រាប់ឲ្យអ្នកមុជទឹក លោតចូលទៅក្នុងអាងស្តុកទឹកដើម្បីរកទូរស័ព្ទ ដោយអះអាងថា ទូរស័ព្ទនោះ មានផ្ទុកទិន្នន័យរសើបរបស់រដ្ឋាភិបាល។ ប៉ុន្តែ​បន្ទាប់​ពីអ្នកមុជទឹករកមិនឃើញ គាត់បានបញ្ជាឲ្យគេយកម៉ាស៊ីនម៉ាស៊ូត មកបូមទឹកចេញពីអាងឲ្យរីង។

បីថ្ងៃក្រោយមក ទឹកជាង២លានលីត្រ ត្រូវបានបូមចេញពីអាង ពោលគឺបរិមាណទឹកបែបនេះ អាចសមល្មមសម្រាប់ស្រោចស្រពលើផ្ទៃដីយ៉ាងហោចណាស់ ៦០៧ហិកតា ក្នុងអំឡុងពេលរដូវក្តៅនៅប្រទេសឥណ្ឌា។

នៅក្នុងវីដេអូ ដែលគេចែករំលែកពាសពេញប្រព័ន្ធផ្សព្វផ្សាយសង្គម លោក Vishwas ត្រូវបានគេឃើញ អង្គុយក្រោមឆ័ត្រពណ៌ក្រហម ខណៈម៉ាស៊ីនម៉ាស៊ូត បង្ហូរទឹកចេញពីអាងស្តុក។

នៅទីបំផុត ទូរស័ព្ទ​ត្រូវ​បានរកឃើញ ប៉ុន្តែបើកមិនចេញទេ ព្រោះចូលទឹក។ ក្រោយ​មក​ អាជ្ញាធរ​បាន​ផ្អាក​ការងារលោក Vishwas បន្ទាប់​ពី​គាត់​រងការ​រិះគន់​យ៉ាងចាស់ដៃ​ចំពោះ​ការ​ខ្ជះខ្ជាយ​ធនធាន​ទឹក៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Aljazeera

ចុចអាន៖ ឥណ្ឌា ចេញបញ្ជា! បើប៉ូលិសធាត់ មិនសម្រកទម្ងន់ នឹងត្រូវដក ឈប់ឲ្យធ្វើការ

The post មន្ត្រីឥណ្ឌា បញ្ជាឲ្យគេបូមទឹកចេញពីអាងស្តុក ចោលអស់២០លានលីត្រ ដើម្បីរកទូរស័ព្ទរបស់ខ្លួន appeared first on Kampuchea Thmey Daily.