ព័ត៌មានអន្ដរជាតិ
ឥណ្ឌា ចេញបញ្ជា! បើប៉ូលិសធាត់ មិនសម្រកទម្ងន់ នឹងត្រូវដក ឈប់ឲ្យធ្វើការ
មន្ត្រីនៅក្នុងរដ្ឋ Assam របស់ប្រទេសឥណ្ឌា បានប្រាប់ប៉ូលិសដែលមានទម្ងន់ធ្ងន់ជ្រុលថា រូបរាងកាយរបស់ពួកគេនឹងត្រូវពិនិត្យ ចាប់ពីពាក់កណ្តាលខែសីហាទៅ ហើយថា មន្រ្តីស្ថិតនៅក្នុងប្រភេទ “ធាត់” ត្រូវតែសម្រកទម្ងន់មុនខែវិច្ឆិកា បើមិនដូច្នេះទេ នឹងឈប់ឲ្យធ្វើការ។
![](https://www.kampucheathmey.com/wp-content/uploads/2023/05/image-1168-1024x768.png)
លោក GP Singh ប្រមុខកងកម្លាំងប៉ូលិសរដ្ឋ Assam បាននិយាយថា “យើងមានគម្រោងទុកពេលបីខែ ដល់ប៉ូលិសរដ្ឋ Assam ទាំងអស់ មុនការធ្វើតេស្តចាប់ផ្តើម។ អ្នកទាំងអស់ដែលមានកម្រិតធាត់ក្នុងប្រភេទ BMI 30+ នឹងត្រូវទុកពេលឲ្យ៣ខែទៀត ដើម្បីសម្រកទម្ងន់”។
លោក Singh បង្ហាញថា ខ្លួនលោកផ្ទាល់ នឹងក្លាយជាមន្ត្រីដំបូងគេដែលឲ្យគេវាស់សន្ទស្សន៍ម៉ាសរាងកាយ ហើយថា មន្ត្រីរូបណាដែលមានជំងឺដូចជា ជំងឺលើសក្រពេញទីរ៉ូអ៊ីត នឹងត្រូវបានលើកលែងពីវិធានការនេះ។
![](https://www.kampucheathmey.com/wp-content/uploads/2023/05/image-1169.png)
គួរបញ្ជាក់ថា បញ្ជានេះធ្វើឡើង បន្ទាប់ពីប្រមុខរដ្ឋ Assam លោក Himanta Biswa Sarma បានចេញសេចក្តីថ្លែងការណ៍មួយនារយៈពេលប៉ុន្មានសប្តាហ៍ថ្មីៗថា មន្រ្តីប៉ូលិសប្រមាណ៣០០នាក់ដែលផឹកស្រារាល់ថ្ងៃ និងមានរាងកាយមិនសមរម្យ នឹងត្រូវបានស្នើសុំឲ្យចូលនិវត្តន៍មុនអាយុ ក្នុងយុទ្ធនាការមួយដែលលោកហៅថា “កាប់ឈើងាប់ចេញពីកងកម្លាំងប៉ូលិស”។
យោងតាមរបាយការណ៍របស់កាសែត Times of India, ប៉ូលិសជាច្រើននាក់នៅក្នុងរដ្ឋ Assam ត្រូវបានដកបញ្ឈរជើង បន្ទាប់ពីឧប្បត្តិហេតុដែលពាក់ព័ន្ធនឹងពួកគេស្រវឹងស្រា នៅពេលបំពេញកាតព្វកិច្ច៕
ប្រែសម្រួល៖ Vann Vann
ប្រភព៖ RT
ចុចអាន៖ ប៉ូលិស ឥណ្ឌា ចូលឆែកឆេរការិយាល័យ BBC បន្ទាប់ពីរកឃើញចាក់ផ្សាយ ឯកសារអាស្រូវលោក Modi
-
សន្តិសុខសង្គម៦ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៦ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៦ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៥ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៦ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៣ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៥ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ
-
ព័ត៌មានជាតិ២ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក