រាយការណ៍ដោយ Eastweek តារាសម្តែងវ័យ ៦៩ ឆ្នាំរូបនេះ បានបង្ហាញខ្លួនដ៏កម្រនៅក្នុងព្រឹត្តិការណ៍ម៉ូដមួយក្នុងទីក្រុងហុងកុងកាលពីល្ងាចថ្ងៃអង្គារ ​ដោយចូលរួមជាមួយតារារ៉េបកូរ៉េខាងត្បូង G-Dragon តារាសម្តែង Carina Lau និងតារាសម្តែង Stephen Fung ។

លោក Chow Yun Fat បាននិយាយថា គាត់បានឃើញ G-Dragon ចុងក្រោយនៅក្នុងកម្មវិធី MAMA music Awards 2016 ហើយបាននិយាយបែបកំប្លែងថា ខ្ញុំនឹងត្រូវថតរូបជាមួយគាត់នៅយប់នេះ។ នៅពេលអ្នកសារព័ត៌មានស្នើឲ្យគាត់បង្ហោះរូបថតនៅលើអ៊ីនធឺណិត តារាហុងកុងបានឆ្លើយតបថាគាត់មិនមាន Instagram ឬគណនីប្រព័ន្ធផ្សព្វផ្សាយសង្គមណាមួយទេ ដោយសារគាត់នៅតែប្រើទូរស័ព្ទ Nokia ចាស់គំរិលមួយប៉ុណ្ណោះ។

លោក Chow បានបង្ហាញចំណាប់អារម្មណ៍តិចតួចក្នុងការធ្វើឲ្យប្រសើរឡើងនូវទូរស័ព្ទរបស់គាត់ ដោយចូលចិត្តរក្សាទម្រង់ទាប និងនៅឲ្យឆ្ងាយពីព័ត៌មានឥតឈប់ឈរ ដោយជ្រើសរើសយកស្តាប់សំឡេងនិងដួងចិត្តខ្លួនឯងវិញ។

ដោយ​ត្រៀម​ខ្លួន​សម្រាប់​ការ​រត់​ម៉ារ៉ាតុង​នៅ​ខែ​វិច្ឆិកា​នេះ Chow Yun Fat បាន​បង្ហើប​ថា​ ​គាត់​រត់​ពី ៨ ទៅ ១០ គីឡូម៉ែត្រ​ជា​រៀង​រាល់​ថ្ងៃ ដោយ​ជ្រើសរើស​តំបន់​ស្ងាត់ៗ ដើម្បី​ចៀសវាង​ការ​ចាប់អារម្មណ៍​ពី​អ្នក​គាំទ្រ។ គាត់បានរៀបរាប់ពីករណីជាច្រើននៅពេលដែលអ្នកគាំទ្រចែករំលែកទីតាំងដែលកំពុងរត់របស់គាត់ដែលអាចទាក់ទាញហ្វូងមនុស្ស ហើយបានសុំឲ្យពួកគេចៀសវាងពីការបង្ហោះកន្លែងលាក់ខ្លួនរបស់គាត់។

ក្នុង​រយៈពេល​ប៉ុន្មាន​ឆ្នាំ​ចុង​ក្រោយ​នេះ Chow បាន​ដើរ​ថយ​ក្រោយ​យ៉ាង​ច្រើន​ពី​ការ​សម្ដែង ដោយ​បង្ហាញ​ខ្លួន​ជា​សាធារណៈ​ម្ដងម្កាល។ ពេលខ្លះអ្នកគាំទ្រឃើញគាត់ដើរលេង ឬនៅភោជនីយដ្ឋានក្នុងស្រុក ហើយរបៀបរស់នៅសកម្មរបស់គាត់បានបំផុសគំនិតមិត្តរួមការងារមួយចំនួន រួមមាន Carina Lau, Felix Wong និង Michael Miu ។លោកចូលចិត្តការមុជទឹក ម៉ាស្សា ហើយថែមទាំងបានហ្វឹកហាត់ផ្នែកសង្គ្រោះបឋមសម្រាប់សុវត្ថិភាពទៀតផង។ ជារឿយៗគេឃើញពាក់មួកខ្មៅ ហើយបានរក្សាទុកវាអស់រយៈពេលជាងប្រាំពីរឆ្នាំមកហើយ។

សូមបញ្ចាក់ថា Chow Yun Fat​ បានចាប់ផ្តើមអាជីពជាមួយ TVB ក្នុងឆ្នាំ ១៩៧៤ ទទួលបានភាពល្បីល្បាញតាមរយៈរឿងភាគដូចជា “The Bund”, “The Good, The Bad and The Ugly”, and “The Yang’s Saga” ហើយក្រោយមកបានសម្តែងក្នុងខ្សែភាពយន្តល្បីៗដូចជា “A Better Tomorrow,” “Crouching Tiger, Hidden Dragon,” និង “God of Gamblers.”ជាដើម៕

អត្ថបទ៖ សាង ស្រីល័ក្ខ

ចុចអាន៖អាយុ៥៤ឆ្នាំ តួអង្គ យ៉ាងគួរ ជំនាន់ឆ្នាំ៩៥ ហាក់មិនខ្វល់ខ្វាយចិត្តរឿងយកកូន ទោះមានគេជំរុញក្ដី

The post តួអង្គអាចែ នៅតែប្រើទូរសព្ទ Nokia ជំនាន់ចាស់គ្មានអ៊ីនធឺណិត​ ទោះសម័យកាលជឿនលឿនក្ដី appeared first on Kampuchea Thmey Daily.

តារាសម្ដែងវ័យ ៦៨ ឆ្នាំរូបនេះ បាននិយាយអំពីឧប្បត្តិហេតុរបស់គាត់នៅពេលចូលរួមក្នុងកិច្ចពិភាក្សានៅសាកលវិទ្យាល័យហុងកុង កាលពីថ្ងៃសុក្រសប្តាហ៍មុនដែលមានចំណងជើងថា “Chow Yun Fat x Anthony Pun x Felix Chong: ការពិភាក្សាលើភាពយន្ត និងជីវិត” ។ នៅក្នុងកិច្ចពិភាក្សានេះដែរ មានសិស្សជាង ៣០០ នាក់ត្រូវបានអញ្ជើញ​ឱ្យ​ចូលរួម​ ។

ទោះ​បី​ជា​គាត់​មាន​របួស​ក៏​ដោយ គាត់នៅតែជម្នះ​​ចូល​រួម​ព្រឹត្តិការណ៍​នេះ​ដដែល ព្រោះកាលនៅក្មេង គាត់​មិនបានរៀនចប់​​ទេ ដោយសារ​គាត់​ត្រូវ​ធ្វើ​ការ​ដើម្បី​ជួយ​គ្រួសារ​ ។ តួអាចែសង្ឃឹមថា ការចូលរួមកិច្ចពិភាក្សាអាចចែករំលែកនូវដំបូន្មានខ្លះៗជាមួយយុវជន ហើយគាត់បាននិយាយថា “ទំនួលខុសត្រូវ ធ្វើឲ្យខ្ញុំអាចទ្រាំទ្រនឹងការឈឺចាប់ រហូតមកដល់ទីនេះ” ។

ជាការពិតណាស់ គ្រូពេទ្យណែនាំគាត់ឱ្យផ្អាករត់រយៈពេលពីរខែ ដោយសារគាត់នៅមានអារម្មណ៍ឈឺចាប់នៅពេលសើច ឬក្អកម្ដងៗ ។ យ៉ាងណាគាត់​ផ្ដល់ដំបូន្មាន​ថា​ “កុំ​ចុះចាញ់​បើ​ទោះ​ជា​អ្នក​ជួប​ការ​លំបាក​ក៏ដោយ ព្រោះ​ភាព​លំបាក​អាច​ធ្វើ​ឱ្យ​អ្នក​កាន់​តែ​ខ្លាំង​ឡើង ។ អ្នកអាចស្វែងរកតួនាទីដែលស័ក្ដិសមនឹងអ្នក ហើយអ្នកអាចទទួលបានជោគជ័យ ប្រសិនបើអ្នករៀនពីបទពិសោធន៍ ។ ​លើ​លោក​នេះ​គ្មាន​អព្ភូតទេ ​គឺ​មាន​តែ​ការ​ប្រមូល​ផ្ដុំ​គ្នានៃ​ចំណេះដឹង​និង​បទពិសោធន៍ប៉ុណ្ណោះ” ។

ទន្ទឹមនឹងនោះ លោក ចូវ យុនហ្វាត បានដកស្រង់សម្ដីចេញពីខ្សែភាពយន្តក្បាច់គុនដែលឈ្នះពានរង្វាន់អូស្ការ Crouching Tiger, Hidden Dragon ឆ្នាំ ២០០០ ទៀតផងថា “គ្មានអ្វីនៅខាងក្នុងទេ ប្រសិនបើអ្នកក្តាប់ដៃរបស់អ្នកឱ្យតឹង ប៉ុន្តែអ្នកមានអ្វីគ្រប់យ៉ាងប្រសិនបើអ្នកលែងដៃ” ៕

ប្រែសម្រួល៖ វារី

ប្រភព៖ straitstimes

ចុចអាន៖ ការពិត អាចែ ស្អប់ល្បែងបំផុត តែដើរតួភាគច្រើនជា “ស្ដេចល្បែង”

The post តួអាចែ ចូលរួមកិច្ចពិភាក្សាភាពយន្ត ទាំងខ្លួនមានរបួស បាក់ឆ្អឹងជំនីរ appeared first on Kampuchea Thmey Daily.

តារាសម្តែងដែលប្រិយមិត្តស្គាល់ថា “អាចែ” បាននិយាយថា “ឪពុកខ្ញុំជាអ្នកលេងល្បែងស៊ីសង ។ គាត់តែងតែចាញ់លុយអស់រលីង ដូច្នេះខ្ញុំធំឡើងគឺស្អប់ល្បែងបំផុត” ។

អាចែបានសារភាពថា វាជារឿងគួរឲ្យអស់សំណើចណាស់ដែលគាត់ត្រូវបានអ្នកដឹកនាំរឿងលោក Wong Jing ឲ្យសម្ដែងជាតួអង្គ “ស្ដេចល្បែង” ។

អាចែបានបន្ថែមថា “ដូច្នេះអ្នកអាចនិយាយថា ខ្ញុំជាស្ដេចល្បែងក្លែងក្លាយ” ។

គួរបញ្ជាក់ថា បច្ចុប្បន្នតួអង្គក្នុងរឿង “ស្ដេចល្បែងអាចែ ឬ God of Gamblers” អំឡុងឆ្នាំ ៩៨៩ មានវ័យ ៦៧ ឆ្នាំ និងធ្លាប់រៀបការ ២ ដង ដោយប្រពន្ធចុងក្រោយរបស់លោកឈ្មោះ Jasmine Tan ជាជនជាតិសិង្ហបុរី រៀបការនៅឆ្នាំ ១៩៨៦ ហើយមានកូនស្រីម្នាក់នៅឆ្នាំ ១៩៩១ ឈ្មោះ Celine Ng ៕

ប្រែសម្រួលដោយ ៖ ជីវ័ន្ត

ប្រភព ៖ Yahoo

ចុចអាន ៖ ចិន បិទកុងតឺន័រ ឡាវ មិនឲ្យឆ្លងកាត់ព្រំដែន មុនចូលឆ្នាំថ្មី

The post ការពិត អាចែ ស្អប់ល្បែងបំផុត តែដើរតួភាគច្រើនជា “ស្ដេចល្បែង” appeared first on Kampuchea Thmey Daily.