ព័ត៌មានអន្ដរជាតិ

ចិន បិទកុងតឺន័រ ឡាវ មិនឲ្យឆ្លងកាត់ព្រំដែន មុនចូលឆ្នាំថ្មី

បានផុស

២ years មុន

នៅ

ថ្ងៃព្រហស្បតិ៍ ២៧ មករា ២០២២

ដោយ

ប្រទេសចិនបានប្រកាសបិទច្រកព្រំដែនអន្តរជាតិរបស់ខ្លួនដែលតភ្ជាប់ទៅខេត្ត Luang Namtha ក្នុងប្រទេសឡាវ មុនបុណ្យចូលឆ្នាំថ្មី ដោយសារតែការផ្ទុះឆ្លងកូវីដសហគមន៍ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការជូនដំណឹងកាលពីថ្ងៃពុធដោយប្រធាននាយកដ្ឋានកិច្ចការបរទេសនៃខេត្ត Luang Namtha លោក Siphon Kongchampa បានឲ្យដឹងថា ច្រកព្រំដែនរវាងខេត្ត Luang Namtha ប្រទេសឡាវ និងស្រុក La ខេត្ត Yunnan ប្រទេសចិនត្រូវបានបិទ ។

សេចក្តីជូនដំណឹងនេះបានបញ្ជាក់ថា ក្រុមការងារពិសេសការពារកូវីដខេត្ត Yunnan បានបិទច្រកទ្វារព្រំដែនជាបណ្តោះអាសន្ន និងផ្អាកកុងតឺន័រដឹកជញ្ជូនឆ្លងកាត់ព្រំដែន ចាប់ពីថ្ងៃទី ២៦ ខែមករា ឆ្នាំ ២០២២ ដើម្បីទប់ស្កាត់ការរីករាលដាលនៃមេរោគកូវីដ ១៩ ។

ទន្ទឹមនោះ អាជ្ញាធរចិនក៏បានបញ្ជាឲ្យបិទច្រកត្រួតពិនិត្យចំនួន ២ គឺច្រក Panghai- Chahe និងច្រក Boten–Bohan ហើយអាជ្ញាធរមិនបាននិយាយថា តើពេលណាប៉ុស្តិ៍ត្រួតពិនិត្យនឹងត្រូវបើកឡើងវិញនោះទេ ។

ដំណឹងនេះកើតឡើង បន្ទាប់ពីរថយន្តកុងតឺន័រដឹកទំនិញរាប់រយគ្រឿងបានជាប់គាំងនៅក្នុងខេត្ត Luang Namtha ក្រោយប្រទេសចិនបានដាក់ការគ្រប់គ្រងយ៉ាងតឹងរ៉ឹងលើការចូលរបស់រថយន្តដឹកទំនិញបរទេស ។

គួរបញ្ជាក់ថា ខេត្ត Luang Namtha បានហាមឃាត់រថយន្តដឹកទំនិញចូលខេត្តជាបណ្ដោះអាសន្នកាលពីខែមុន ដោយសារតែមានរថយន្តដឹកទំនិញត្រឡប់មកវិញយ៉ាងច្រើនដែលរង់ចាំឆ្លងចូលប្រទេសចិន បន្ទាប់ពីប្រទេសចិនមានការព្រួយបារម្ភអំពីចំនួនឆ្លងកូវីដដ៏ខ្ពស់នៅក្នុងប្រទេសឡាវ ៕

ប្រែសម្រួលដោយ ៖ ជីវ័ន្ត

ប្រភព ៖ Laotian Times

ចុចអាន ៖ ឡាវ ផ្អាកនាំចូលជ្រូក និងផលិតផលសាច់ជ្រូកពី ថៃ