គម្រោងស្ដារ និងកែលម្អហេដ្ឋារចនាសម្ព័ន្ធផ្លូវថ្នល់នេះ មានប្រវែងសរុប ១.៤៥០ ម៉ែត្រ និងទទឹង ១០ ម៉ែត្រ ដោយលាតសន្ធឹងឆ្លងកាត់សង្កាត់ចំនួន៤ ក្នុងខណ្ឌដូនពេញ រួមមាន៖ សង្កាត់ផ្សារថ្មីទី១, សង្កាត់ផ្សារថ្មីទី៣, សង្កាត់បឹងរាំង និងសង្កាត់ចតុមុខ នៅថ្ងៃទី២១ ខែកក្កដា ឆ្នាំ២០២៦ នេះ។

ការចុះពិនិត្យការដ្ឋាននេះ ធ្វើឡើងក្នុងគោលបំណងតាមដានវឌ្ឍនភាព នៃ ការអនុវត្តគម្រោង និងសម្របសម្រួលការងារពាក់ព័ន្ធ ដើម្បីឱ្យការសាងសង់ប្រព្រឹត្តទៅតាមផែនការដែលបានកំណត់ និងមានគុណភាព សម្រាប់បម្រើដល់ការធ្វើដំណើររបស់ប្រជាពលរដ្ឋប្រកបដោយសុវត្ថិភាព និងប្រសិទ្ធភាព៕

The post រដ្ឋបាលរាជធានីភ្នំពេញ ចាប់ផ្តើមជួសជុលគ្រឹះ និងអ៊ុតកៅស៊ូ AC ផ្លូវត្រសក់ផ្អែម ប្រវែងជាង១គីឡូម៉ែត្រ appeared first on Kampuchea Thmey Daily.

ជាក់ស្ដែងនៅព្រឹកថ្ងៃទី២៦ ខែវិច្ឆិកា ឆ្នាំ២០២៥ លោក ម៉ប់ សារ៉េត នាយករដ្ឋបាលខណ្ឌ៧មករា តំណាងឲ្យ លោក ថេង សុថុល អភិបាលនៃគណៈអភិបាលខណ្ឌ៧មករា និងលោកស្រី សួ គឹមឡេង ចៅសង្កាត់មនោរម្យ បានបើកការដ្ឋានជួសជុលផ្លូវ អ៊ុតកៅស៊ូ នៅកំណាត់ផ្លូវលេខ១៤០ មូលដ្ឋានសង្កាត់មនោរម្យ ខណ្ឌ៧មករា។

ក្នុងឱកាសបើកការដ្ឋាននេះដែរលោក ម៉ប់ សារ៉េត  នាយករដ្ឋបាលខណ្ឌ៧មករា បានលើកឡើងថា កន្លងមកកំណាត់ផ្លូវនេះមានសភាពជង្ហុកសំបុកមាន់ ខូចខាតស្ទើរទាំងស្រុង ដូច្នេះរដ្ឋបាលខណ្ឌក៏ដូចជាសង្កាត់បានជួសជុលកំណាត់ផ្លូវនេះឲ្យបានល្អប្រសើរជូនប្រជាពលរដ្ឋងាយស្រួលក្នុងការធ្វើដំណើរ។

លោកបន្ថែមថា ចៅសង្កាត់ជាម្ចាស់មូលដ្ឋាន និងម្ចាស់គម្រោងអភិវឌ្ឍន៍របស់សង្កាត់ផ្ទាល់ត្រូវតែចុះត្រួតពិនិត្យតាមដានការដ្ឋានដែលកំពុងតែដំណើរការឲ្យបានជាប់ជាប្រចាំគឺតាមដានត្រួតពិនិត្យ ឲ្យត្រូវលក្ខណៈបច្ចេកទេសត្រឹមត្រូវ ជៀសវាងបង្ករផលប៉ះពាល់ប្រជាពលរដ្ឋ យឺតយាវក្នុងកិច្ចសន្យារបស់គម្រោង។

លោក គឹមតុង ជាប្រជាពលរដ្ឋប្រកបរបរកាត់សក់ នៅកំណាត់ផ្លូវលេខ១៤០ បានលើកឡើងថា ក្រោយរដ្ឋបាលសង្កាត់ និងខណ្ឌបានយកចិត្តទុកដាក់ពីទុក្ខលំបាករបស់ប្រជាពលរដ្ឋ ,ពលរដ្ឋមានក្ដីរីករាយសប្បាយចិត្ត បានផ្លូវស្អាត ចិញ្ជើមផ្លូវល្អ មានសោភ័ណភាពមុខផ្ទះ និងដងផ្លូវ និងអរគុណដល់អាជ្ញាធរមូលដ្ឋាន សូមបន្តអនុវត្តឲ្យបានជាប្រចាំបន្តទៀត។

សូមបញ្ជាក់ជូនថា នៅក្នុងមូលដ្ឋានខណ្ឌ៧មករាសង្កេតឃើញថានៅតាមដងផ្លូវមួយចំនួននៅក្នុងមូលដ្ឋាន រដ្ឋបាលខណ្ឌបានបន្តការយកចិត្តទុកដាក់ ដូចជាគម្រោងការផ្លាស់ប្ដូរការ៉ូឡារលើចិញ្ចើម គម្រោងជួសជុលផ្លូវអ៊ុតកៅស៊ូ និងការផ្លាស់ប្ដូរប្រព័ន្ធលូជាដើម ដើម្បីអភិវឌ្ឍន៍ហេដ្ឋារចនាសម្ព័ន្ធនៅក្នុងមូលដ្ឋានបានល្អប្រសើរជូនប្រជាពលរដ្ឋ ស្របតាមគោលនយោបាយយុទ្ធសាស្ត្របញ្ចកោណដំណាក់កាលទី១ របស់រដ្ឋាភិបាល ក្រោមការដឹកនាំរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា៕

អត្ថបទ ៖ សុភា

The post រដ្ឋបាលសង្កាត់មនោរម្យ បន្តជួសជុលអ៊ុតកៅស៊ូថ្មី លើកំណាត់ផ្លូវលេខ ១៤០ appeared first on Kampuchea Thmey Daily.

ទីតាំងការដ្ឋានកំពុងស្ថាបនាផ្លូវនេះចាប់ពីចំណុចផ្លូវ ៤៣២ រហូតទៅដល់ផ្លូវលេខ ៤៧៨ ដែលស្ថិតក្នុងសង្កាត់ទួលទំពូងទី១ ខណ្ឌចំការមន រាជធានីភ្នំពេញ ត្រូវបានអាជ្ញាធរជំនាញកំពុងអ៊ុតកៅស៊ូជូនពលរដ្ឋឡើងវិញ ឲ្យស្អាតដូចដើម ងាយស្រួលធ្វើដំណើរ។

លោក ផាន ទីទី ជាប្រជាពលរដ្ឋរស់នៅតំបន់កំពុងអ៊ុតកៅស៊ូ ប្រាប់ឲ្យដឹងថា កន្លងមក បណ្តោយផ្លូវនេះមានរលកជាច្រើនកន្លែង ដែលនៅពេលមានប្រជាពលរដ្ឋបើកបរឆ្លងកាត់ពិបាក។

ពលរដ្ឋបន្តថា កាលពីថ្មីៗ កន្លងទៅ គាត់បានឃើញអាជ្ញាធរចុះផ្លាស់ប្តូរលូចាស់ៗ ដែលខូចខាត ដាក់ប្រព័ន្ធលូថ្មីរួចរាល់ហើយ ទើបនៅថ្ងៃនេះ ចាប់ផ្តើមអ៊ុតផ្លូវកៅស៊ូជូនពលរដ្ឋ ដើម្បីឲ្យមានភាពងាយស្រួលរាល់ពេលធ្វើដំណើរ និងសោភ័ណភាពសាធារណៈលើដងផ្លូវស្អាត។

លោក ពៅ ចំរ៉ុង ពលរដ្ឋអ្នកធ្វើដំណើរ ក៏បានលើកឡើងថា ពួកគាត់សូមកោតសរសើរ និងសាទរចំពោះអាជ្ញាធរ នៅពេលបានយកចិត្តទុកដាក់ពីសុខទុក្ខប្រជាពលរដ្ឋលើការផ្លាស់ប្តូរប្រព័ន្ធលូ និងជួសជុលបណ្តោយផ្លូវលេខ ៤៣២ រហូតទៅដល់ ផ្លូវលេខ ៤៧៨ នេះ ឡើងវិញ ឲ្យមានសោភ័ណភាពស្អាត ងាយស្រួលបើកបរទៅមកបានយ៉ាងងាយស្រួល មិនពិបាករឿងផ្លូវ ឬលិចទឹកទៅមុខទៀតនោះឡើយ។

លោក ឆេង ជៀក ចៅសង្កាត់ទួលទំពូងទី១ បានប្រាប់កម្ពុជាថ្មីឲ្យដឹងថា ចំពោះគម្រោងអភិវឌ្ឍន៍ភូមិ-ឃុំ-សង្កាត់ នេះ គឺកញ្ចប់ថវិការបស់ខណ្ឌចំការមន ដែលបានដេញថ្លៃពីក្រុមហ៊ុនឯកជន ដើម្បីយកមកជួសជុលផ្លូវខូចក្នុងមូលដ្ឋាន។ ចំពោះប្រព័ន្ធលូ ត្រូវបានអាជ្ញាធរផ្លាស់ប្តូររួចរាល់ហើយ ដោយនៅពេលនេះ គ្រាន់តែអ៊ុតកៅស៊ូឡើងវិញ ដែលមានប្រវែង ៧២២ម៉ែត្រ ទទឹង ៨ម៉ែត្រ ដើម្បីសម្រួលការធ្វើដំណើររបស់ពលរដ្ឋ និងរស់នៅ៕

អត្ថបទ ៖ រដ្ឋា

The post ពលរដ្ឋសង្កាត់ទួលទំពូងទី ១ សាទរ ក្រោយទទួលបានការជួសជុលផ្លូវកៅស៊ូ ១ ខ្សែ ប្រវែងជាង ៧០០ ម៉ែត្រ appeared first on Kampuchea Thmey Daily.

ជាក់ស្តែងអាជ្ញាធរសង្កាត់ផ្សារដេប៉ូទី ១ បានធើ្វការស្ថាននាឡើងវិញនៅផ្លូវ ២៣៧ កែង ១៦២ ផ្លូវ ២២៣ កែង ១៥៦ និង ផ្លូវ ២២៩ កែង ១៦២ ក្នុងមូលដ្ឋានសង្កាត់ផ្សារដេប៉ូទី ១ ខណ្ឌទួលគោក រាជធានីភ្នំពេញ ដោយក្នុងមួយផ្លូវមានប្រវែង ១៣៦ ម៉ែត្រ សរុបទាំង ៣ ផ្លូវ ប្រវែងជាង ៤០០ ម៉ែត្រ។

អ្នកស្រី កន្និកា ជាប្រជាពលរដ្ឋរស់នៅតំបន់ខាងលើនោះ បានសម្ដែងក្ដីសប្បាយរីករាយ ក្រោយមានការយកចិត្តទុកដាក់ពីអាជ្ញាធរធើ្វការអ៊ុតកៅស៊ូផ្លូវឡើងវិញបានស្អាតដូច្នេះ។ អ្នកស្រី ថា ការជួសជុលផ្លូវជារឿងសំខាន់ ដើម្បីឆ្លើយតបតាមតម្រូវការរបស់ប្រជាពលរដ្ឋ និងជួយអភិវឌ្ឍន៍សាធារណៈជូនសហគមន៍ឲ្យកាន់តែល្អប្រសើរ។

ដោយឡែក លោក វីរៈ ជាប្រជាពលរដ្ឋរស់នៅតំបន់នោះដែរ បានសាទរក្រោយឃើញអាជ្ញាធរសង្កាត់យកចិត្តទុកដាក់ទៅលើប្រជាពលរដ្ឋធើ្វដំណើរប្រចាំថ្ងៃ ជាពិសេសនោះគឺផ្លូវសម្រាប់ធើ្វដំណើរប្រចាំថ្ងៃតែម្ដង។ លោកបាននិយាយថា ពីពេលនេះទៅ លែងពិបាកធ្វើដំណើរទៀតហើយ ងាយស្រួលក្នុងការធ្វើដំណើរមិនដូចពីមុនមានជង្ហុកធ្វើឲ្យរំខានដល់ការធើ្វដំណើរ។

ជាមួយគ្នានេះ លោកស្រី ពៅ សាម៉ោច ចៅសង្កាត់ផ្សារដេប៉ូទី ១ បានបញ្ជាក់ឲ្យកម្ពុជាថ្មីដឹងថា ដើម្បីសម្រួលដល់ការធើ្វដំណើររបស់ប្រជាពលរដ្ឋ អាជ្ញាធរសង្កាត់ បានប្រើប្រាស់ថវិកាអភិវឌ្ឍន៍សង្កាត់ឆ្នាំ ២០២៥ ធើ្វការអ៊ុតកៅស៊ូឡើងវិញនៅតាមបណ្តោយផ្លូវចំនួន ៣ ខ្សែ ក្នុងមូលដ្ឋានសង្កាត់។

លោកស្រី ក៏បានសំណូមពរទៅដល់ប្រជាពលរដ្ឋរស់នៅក្នុងមូលដ្ឋាន សូមមេត្តាចូលរួមទាំងអស់គ្នា កុំរំលោភលើចំណែកផ្លូវសាធារណៈ និងធ្វើការវេចខ្ចប់សំរាមទុកដាក់ឲ្យបានត្រឹមត្រូវ ជៀសវាងការហូរចូលប្រព័ន្ធលូ បង្កជាការជន់លិច។

គួរជម្រាបថា កន្លងមក កំណាត់ផ្លូវលេខ ២៣៧ ប្រជាពលរដ្ឋ​តែងតែត្អូញត្អែរពីការរំខានក្នុងការធើ្វដំណើរ ដោយសារមានជង្ហុកតែងបង្កគ្រោះថ្នាក់ដល់ពួកគាត់មើលមិនឃើញ ជាពិសេសនៅពេលយប់តែម្តង៕

អត្ថបទ ៖ ម៉េង

The post អាជ្ញាធរសង្កាត់ផ្សារដេប៉ូទី ១ អ៊ុតកៅស៊ូ AC ចំនួន ៣ ផ្លូវ ក្នុងមូលដ្ឋានសង្កាត់ ដោយប្រើប្រាស់ថវិកាអភិវឌ្ឍន៍ឆ្នាំ ២០២៥ appeared first on Kampuchea Thmey Daily.

ជាក់ស្ដែង​នៅ​តាម​បណ្ដោយ​ផ្លូវ​លេខ ៦៣ (ព្រះ​ត្រសក់​ផ្អែម) ត្រូវ​បាន​ជួសជុល​ឡើងវិញ ពី​ចំណុច​ជិត​ផ្សារ​ថ្មី រហូត​ទៅ​ដល់ សាលា​ភូមិន្ទ​រដ្ឋបាល មាន​ប្រវែង​ប្រមាណ​ជិត ៤ គីឡូម៉ែត្រ។

លោក ហេង យី ជា​ប្រជាពលរដ្ឋ​រស់នៅ​លើ​ផ្លូវ ៦៣ បាន​ប្រាប់​ឲ្យ​ដឹង​ថា កន្លងមក តាម​បណ្ដោយ​ផ្លូវ​នេះ មាន​ជង្ហុក​សំបុក​មាន់​តូចៗ លាយឡំ​រលក​ជាច្រើន​កន្លែង ដែល​នៅ​ពេល​មាន​អ្នក​បើកបរ​ឆ្លងកាត់ ពិបាក​តែម្ដង។

លោក​បន្ត​ថា នៅ​ពេល​ភ្លៀង​ធ្លាក់​មក ជង្ហុក​ទាំងអស់​នោះ បាន​ដក់​ទឹក ហើយ​ពេល​មាន​អ្នកដំណើរ​បើក​យានយន្ត គឺ​ធ្វើ​ឲ្យ​​ទឹក​សាច​ប្រឡាក់​ខោអាវ និង ចូល​ផ្ទះ​ពួកគាត់​ថែមទៀត។

ចំណែក អ្នកស្រី ជា ចាន់ណេត ពលរដ្ឋ​អ្នក​ធ្វើដំណើរ ក៏បាន​លើក​ឡើង​ដែរ​ថា ពួកគាត់​សូម​កោត​សរសើរ និង​សាទរ​ចំពោះ​អាជ្ញាធរ នៅ​ពេល​បាន​យកចិត្តទុកដាក់​ពី​សុខទុក្ខ​ប្រជាពលរដ្ឋ​លើ​ការ​ជួសជុល​បណ្ដោយ​ផ្លូវ​លេខ ៦៣ នេះ​ឡើងវិញ ឲ្យ​មាន​សោភ័ណភាព​ស្អាត និង ងាយស្រួល​បើកបរ​ទៅ​មក​បាន​យ៉ាង​ងាយស្រួល មិន​ពិបាក​រឿង​ផ្លូវ​ខូច​ត​ទៅ​មុខ​ទៀត​នោះ​ឡើយ។

ដោយឡែក លោកស្រី ដោ សម្ផស្ស នាយិកា​ទីចាត់ការ​រដ្ឋបាល និង​ជា​អ្នកនាំពាក្យ​របស់​រដ្ឋបាល​រាជធានី​ភ្នំពេញ ក៏បាន​បញ្ជាក់​ឲ្យ​ដឹង​ថា មន្ត្រី​ជំនាញ នៃ​មន្ទីរ​សាធារណការ​រាជធានី​ភ្នំពេញ បាន​ធ្វើ​ការ​ជួសជុល កាយ​កំណាយ​ផ្លូវ​ចាស់​ចោល រួច​អ៊ុត​កៅស៊ូ​ថ្មី​ឡើងវិញ​ទាំងអស់។

លោកស្រី​បន្ត​ទៀត​ថា ចំពោះ​ការ​ជួសជុល​នេះ​ដែរ ធ្វើ​ចាប់​ចំណុច​ជិត​ផ្សារ​ថ្មី រហូត​ទៅដល់ សាលា​ភូមិន្ទ​រដ្ឋបាល មាន​ប្រវែង​ប្រមាណ​ជិត ៤ គីឡូម៉ែត្រ ដែល​ប្រសព្វ​ឆ្លងកាត់​ខណ្ឌ​ដូនពេញ , ខណ្ឌ​បឹង​កេងកង និង ខណ្ឌ​ចំការមន ដើម្បី​សម្រួល​ការ​លំបាក​ជូន​ពលរដ្ឋ៕

អត្ថបទ ៖ រដ្ឋា

The post ផ្លូវព្រះត្រសក់ផ្អែម ប្រវែងជិត ៤ គីឡូម៉ែត្រ ប្រសព្វឆ្លងកាត់ខណ្ឌចំនួន ៣ ជួសជុលអ៊ុតកៅស៊ូឡើងវិញ appeared first on Kampuchea Thmey Daily.