រដ្ឋបាលរាជធានីភ្នំពេញ ចាប់ផ្តើមជួសជុលគ្រឹះ និងអ៊ុតកៅស៊ូ AC ផ្លូវត្រសក់ផ្អែម ប្រវែងជាង១គីឡូម៉ែត្រ

រដ្ឋបាលរាជធានីភ្នំពេញ បាននិងកំពុងបន្តជួសជុលគ្រឹះ និងអ៊ុតកៅស៊ូប្រភេទ AC កម្រាស់៥សង់ទីម៉ែត្រ នៅតាមបណ្តោយផ្លូវត្រសក់ផ្អែម ចាប់ពីចំណុចផ្សារធំថ្មី រហូតដល់ផ្លូវព្រះស៊ីហនុ ដើម្បីសម្រួលដល់ការធ្វើដំណើររបស់ប្រជាពលរដ្ឋ និងលើកកម្ពស់សោភ័ណភាពទីក្រុង។

គម្រោងស្ដារ និងកែលម្អហេដ្ឋារចនាសម្ព័ន្ធផ្លូវថ្នល់នេះ មានប្រវែងសរុប ១.៤៥០ ម៉ែត្រ និងទទឹង ១០ ម៉ែត្រ ដោយលាតសន្ធឹងឆ្លងកាត់សង្កាត់ចំនួន៤ ក្នុងខណ្ឌដូនពេញ រួមមាន៖ សង្កាត់ផ្សារថ្មីទី១, សង្កាត់ផ្សារថ្មីទី៣, សង្កាត់បឹងរាំង និងសង្កាត់ចតុមុខ នៅថ្ងៃទី២១ ខែកក្កដា ឆ្នាំ២០២៦ នេះ។

ការចុះពិនិត្យការដ្ឋាននេះ ធ្វើឡើងក្នុងគោលបំណងតាមដានវឌ្ឍនភាព នៃ ការអនុវត្តគម្រោង និងសម្របសម្រួលការងារពាក់ព័ន្ធ ដើម្បីឱ្យការសាងសង់ប្រព្រឹត្តទៅតាមផែនការដែលបានកំណត់ និងមានគុណភាព សម្រាប់បម្រើដល់ការធ្វើដំណើររបស់ប្រជាពលរដ្ឋប្រកបដោយសុវត្ថិភាព និងប្រសិទ្ធភាព៕