រឿងដែលទាក់ទាញចំណាប់អារម្មណ៍ថែមទៀតគឺអ្នក នាង ស្វែង សុជាតា ក៏បានជ្រើសរើសនូវប្លង់ថតរូបសម្រាប់ថ្ងៃដ៏ពិសេសរបស់ខ្លួន នៅក្នុងបរិវេណប្រាសាទសម្បូរព្រៃគុហ៍ក្នុងខេត្តកំពង់ធំ ដែលជាទីតាំងប្រវត្តិសាស្ត្រដ៏ស្រស់ស្អាតហើយក៏កម្រនឹងមានអ្នកនឹកឃើញដល់ការមកថតរូបភាពពិសេសបែបនេះ នៅតំបន់ប្រាសាទនេះដែរ។

ជាមួយគ្នា កំពូលតារាសម្ដែងឆ្នាស់ឆ្នើមអ្នកនាង ស្វែង សុជាតា ក៏បានប្រកាសជាផ្លូវការថា នឹងត្រៀមចូលរោងការនៅក្នុងពេលឆាប់ៗជាមួយនឹងគូស្នេហ៍វ័យក្មេងដែលត្រូវជាអនាគតស្វាមី។ នេះចាត់ទុកជារឿងដ៏គួរឱ្យសាទរចំពោះតារាសម្ដែងជើងចាស់រូបនេះផងដែរ ខណៈអ្នកនាងក៏ធ្លាប់បរាជ័យនៅក្នុងជីវិតគូរនាពេលកន្លងមក ហើយការសម្រេចចិត្តជ្រើសរើសបុរសវ័យក្មេងដែលអ្នកនាងបានប្រកាសជាផ្លូវការ។

ជាមួយគ្នាដំណឹងនេះដែរ អ្នកគាំទ្រនិងមិត្តភក្តិសិល្បៈជាច្រើនបានចូលរួមសាទរ និងជូនពរឱ្យគូស្នេហ៍អ្នកទាំងពីរស្រឡាញ់គ្នាដល់ចាស់កោងខ្នងទៀតផង។

មួយរយ:ចុងក្រោយ បន្ទាប់ពីតារាជើងចាស់រូបនេះ ចូលប្រឡូកវិស័យសិល្ប:វិញនោះ ឃើញថា ហាក់ក្រសោបបានការគាំទ្រ និងប្រជាប្រិយភាពឡើងវិញច្រើន។ មិនតែប៉ុណ្ណោះ ក៏មានឱកាសលេចវត្តមានក្នុងខ្សែភាពយន្តបរទេសដែលសហការថតនៅខ្មែរផងដែរ៕ ចាន់រ៉ា

The post កំពូលតារាសម្តែងឆ្នាស់ឆ្នើម ស្វែង សុជាតា ដឹកដៃគូស្នេហ៍ថត Pre-Wedding នៅប្រាសាទសម្បូរព្រៃគុហ៍ appeared first on Kampuchea Thmey Daily.

តារាសម្តែងចូលចិត្តដើរតួឆ្នាស់ឆ្នើមអ្នកនាង ស្វែង សុជាតា បានបង្ហោះសារនៅលើបណ្តាញសង្គមថា សូមប្រុងប្រយ័ត្នផងបងប្អូន កុំចេះឱ្យគេខ្ចីទូរស័ព្ទផ្ដេសផ្ដាស នេះជាមេរៀនសម្រាប់យេីងគ្រប់គ្នា។ អ្នកនាងបន្តថា មនុស្សដែលខ្ញុំស្គាល់ម្នាក់បានខ្ចីទូរស័ព្ទខ្ញុំប្រើ១ថ្ងៃ បន្ទាប់១អាទិត្យនេះបានត្រូវសហការគ្នាជាក្រុមបានប្លុកអាខោនហ្វេសប៊ុកខ្ញុំហើយបានយកគ្រប់ប្រព័ន្ធបណ្តាញសង្គមរបស់ខ្ញុំទៅប្រើសូម្បីតែធនាគារ ដូចនេះសូមបងប្អូនជួយស៊ែរផងកុំឱ្យជននេះបោកប្រាស់បាន។

អ្នកនាងស្វែង សុជាតាបាននិយាយទៀតថាអ្នកដែលនាងឱ្យខ្លីទូរស័ព្ទនោះ ជាមនុស្សដែលខ្លួនទុកចិត្តបំផុតទើបហ៊ានឱ្យខ្លីយកទៅប្រើដោយគេថាខ្លីតែ១ថ្ងៃទេ តែក្រោយយកទៅហើយបែរជាប្លុកអ្នកនាងចោលក្នុងចេតនាអាក្រក់ ។ ដូច្នេះសូមបងប្អូនទាំងអស់គ្នាមាន ការប្រុងប្រយ័ត្នព្រោះបើមាន Account Facebook ដែលមានឈ្មោះអ្នកនាងឆាតទៅខ្លីលុយ ឬធ្វើអ្វីមិនល្អនាងមិនទទួលខុសត្រូវទេ។

អ្នកនាង ស្វែង សុជាតា បន្តទៀតថានាងបានប្រមូលភស្តុតាងរួចរាល់ហើយដើម្បីសហការជាមួយសមត្ថកុច្ចដាក់ពាក្យបណ្តឹងលើបុគ្គលរូបនោះ.ដោយគ្មានការ សម្របសម្រួល ឬ លើកលែងឡើយព្រោះបានបោក ប្រាស់លើទំនុកចិត្តរបស់អ្នកនាងដែលជាអ្នករាប់អាននិងស្គាល់គ្នាច្បាស់ទៀតផង។

តាមការសង្កេតតារាស្រី ស្វែង សុជាតា នាអំឡុងមួយរយ:ចុងក្រោយបន្ទាប់ពីចូលប្រឡូកវិស័យសិល្ប:វិញនោះឃើញថា នាងហាក់ក្រសោបបានការគាំទ្រ និងប្រជាប្រិយភាពឡើងវិញច្រើន។ មិនតែប៉ុណ្ណោះតារាស្រីរូបនេះក៏មានឱកាសលេចវត្តមានក្នុងខ្សែភាពយន្តបរទេស ដែលសហការថតនៅខ្មែរផងដែរ៕ អត្ថបទ៖ ចាន់រ៉ា

The post ស្វែង សុជាតា ឱ្យគេខ្ចីទូរស័ព្ទ១ថ្ងៃ ត្រូវតបស្នងវិញដោយការលួចគ្រប់គ្រងបណ្តាញទំនាក់ទំនងសង្គម និងធនាគារ appeared first on Kampuchea Thmey Daily.

ការដែលអ្នកនាងចេញមុខមកទម្លាយរឿងនេះ គឺបន្ទាប់ពីមួយរយៈពេលនេះ សិល្បករសិល្បការិនីជើងចាស់ជាច្រើនរូបបានចេញមកប្រតិកម្ម ជុំវិញរឿងរ៉ាវនៃការថតរឿងប៉ុន្តែនៅពុំទាន់ទទួលបានប្រាក់កម្រៃ។ តួយ៉ាង តារាសម្តែងជើងចាស់អ្នកស្រី រ៉េត រ៉ូស ក៏ទើបតែបង្ហាញការអន់ចិត្ត និងបានផ្តាំផ្ញើតួសម្តែងជំនាន់ក្រោយមួយចំនួន ឱ្យមានការប្រុងប្រយ័ត្នចំពោះបណ្តាផលិតករមួយចំនួនតូច ដែលតែងកេងប្រវ័ញ្ចលើកម្លាំងញើសឈាមរបស់អ្នកសិល្ប:ទាំងចាស់និងថ្មី។

ទន្ទឹមនឹងការលើកឡើងខាងលើ សិល្បករសិល្បការិនីជាច្រើនរូប បានចេញមុខមកអះអាងដូចៗគ្នាថា ពួកគាត់ក៏ជួបរឿងខាងលើនេះដែរ ខណៈតារាសម្តែងខ្លះ បញ្ជាក់ថា ថតចប់ប្រមាណជា ២ឆ្នាំទៅហើយ ក៏នៅតែពុំទាន់បានលុយកម្លាំងពលកម្មរបស់គាត់ទៀត។

ដោយមើលឃើញទង្វើមិនគប្បីរបស់ម្ចាស់ផលិតកម្ម ក៏ដូចផលិតករមួយចំនួនបែបនេះ អ្នកនាង ស្វែង សុជាតា បានបង្ហាញអារម្មណ៍មិនពេញចិត្ត និងទម្លាយដែរថា កន្លងមកអ្នកនាងក៏ធ្លាប់ជួបបញ្ហាបែបនេះដែរ។ ដោយសារតែបញ្ហានេះហើយ ទើបក្រោយៗមក អ្នកនាងតែងទាមទារភាពច្បាស់លាស់ពីខាងផលិតកម្ម និងដាច់ខាតត្រូវតែផ្តល់កម្រៃដល់អ្នកនាងក្រោយថតចប់ ដល់ថ្នាក់ខាងផលិតកម្មហ៊ានរអ៊ូថា អ្នកនាង បែរជាមនុស្សធ្វើការជាមួយទៅវិញ។

អ្នកនាងគូសបញ្ជាក់ទៀតថា ផលិតកម្មខ្លះ មិនត្រឹមតែមិនគិតគូរពីកម្រៃនៃកម្លាំងពលកម្មរបស់តួសម្តែងប៉ុណ្ណោះទេ ថែមទាំងមិនគិតគូរពីតម្លៃពេលវេលារបស់តួសម្តែងឡើយ។ អ្នកនាងថា ក្រុមការងារផលិតកម្មខ្លះ ចាប់ផ្តើមដោយមិនមានកាលវិភាគម៉ោងពេលតួណាត្រូវថតពេលណាច្បាស់លាស់ឡើយ បែរជាឱ្យតួទៅចាំនៅទីតាំងថតតាំងពីព្រឹកដល់ល្ងាច ទើបចាប់ផ្តើមក៏មាន។ សូមស្តាប់វីដេអូលម្អិត៖

គួរជម្រាបថា អ្នកនាង ស្វែង សុជាតា ជាតារាសម្តែងជើងចាស់មួយរូប ដែលប្រឡូកក្នុងអាជីពសិល្បៈតាំងពីឆ្នាំ១៩៩៩ និងចាប់ផ្តើមថតរឿងជាលើកដំបូងនៅឆ្នាំ២០០០។ ក្នុងវិស័យភាពយន្ត អ្នកនាងជាតារាស្រីម្នាក់ដ៏លេចធ្លោ និងទទួលបានពានរង្វាន់ច្រើនបំផុតក្នុងអាជីពសម្តែង ហើយដោយសារតែទេពកោសល្យសម្តែងដ៏សមឥតខ្ចោះ ពិសេសតួកាច តារាសម្តែងរូបនេះ ធ្លាប់ធ្វើឱ្យមហាជនខ្លះចូលតួខ្លាំងពេក តាមស្អប់អ្នកនាងដល់ក្រៅកុនសម្តែងទៀតផង កាលពីពេលកន្លងមក៕

The post អ្នកនាង ស្វែង សុជាតា គាំទ្រឱ្យតារាសម្តែងដែលត្រូវគេកេងចំណេញប្រាក់កម្រៃពីការថត ចេញមកទម្លាយរឿង (មានវីដេអូ) appeared first on Kampuchea Thmey Daily.

លោក ណុប បាយ៉ារិទ្ធ បាន​លើក​ឡើង​ថា «ថ្ងៃនេះ ខ្ញុំ​សូម​បង្ហាញ​ពី​តារា​សម្តែង​ស្រី ២ រូប ដែល​ខ្ញុំ​ស្រលាញ់ ចូលចិត្ត ស្ងើច​សរសើរ​ពី​ស្នាដៃ​ទេពកោសល្យ​សម្តែង​របស់​ពួកគាត់​ខ្លាំង​មែនទែន គឺ​ទី ១.​អ្នកនាង ស្វែង សុជាតា​, ទី ២.តារា​ស្រី សាំង ភ័ស្តា»។

លោក បាយ៉ារិទ្ធ បាន​និយាយ​ថា «អ្នកនាង ស្វែង សុជាតា ធ្លាប់​សម្តែង​រឿង​ជាមួយ​គាត់ រឿង​«​ភូមិគ្រឹះ​ចម្លែក​» ចាប់​តាំងពី​រឿង​ទី ១ មក​ដល់​ពេលនេះ គឺ​ខ្ញុំ​នៅតែ​តាមដាន​រឿង​ដែល​គាត់​សម្តែង​គ្រប់​រឿង ហើយ​គាំទ្រ​សមត្ថភាព​គាត់​ក្នុង​នាម​ជា​អ្នកគាំទ្រ​ម្នាក់»។ លោក​ថា «ចង់​និយាយ​ថា រាល់​ការ​សម្តែង​របស់​គាត់ គឺ​សឹងតែ​ថា​មើល​ទៅ​ជា​ជីវិត​ពិត មិនមែន​ជា​ការ​សម្តែង មិន​ថា​ជា​តួអង្គ ចរិត​លក្ខណៈ​បែប​ណា កាច​ឆ្នាសឆ្នើម ម៉ឺងម៉ាត់ មាយា​ដក​ខ្ញី ឬ សាហាវ ស្លូត កម្សត់ គឺ​គាត់​ធ្វើ​បាន​ល្អ​បំផុត លេង​ដល់​កម្រិត សឹងតែ​គ្មាន​កន្លែង​ទាស់»។

លោក ណុប បាយ៉ារិទ្ធ បាន​បញ្ជាក់​ថា លោក​ពិតជា​សរសើរ​សមត្ថភាព​របស់​អ្នកនាង ស្វែង សុជាតា ខ្លាំង​ណាស់។ ក្នុង​នោះ លោក​នៅតែ​បន្ត​តាមដាន​ទស្សនា​រាល់​សមិទ្ធផល​ការងារ​សម្តែង​ថ្មីៗ របស់ អ្នកនាង ស្វែង សុជាតា បន្ត​ទៀត។

ទន្ទឹម​នោះ លោក ណុប បាយ៉ារិទ្ធ បន្ត​ថា «ចំណែក​ឯ​ទី ២ ប្អូនស្រី សាំង ភ័ស្តា។ តារា​ស្រី សាំង ភ័ស្តា ខ្ញុំ​ធ្លាប់​សម្តែង ​MV បទ​«​កែ​ចិត្ត​» របស់​ផលិតកម្ម​ហង្ស​មាស​ជាមួយ​គាត់​លើក​ទី​ ១​ កាលនោះ​គាត់​បាន​ធ្វើ​ឲ្យ​ខ្ញុំ​ចាប់​អារម្មណ៍​ពី​ទេពកោសល្យ​របស់​គាត់​ខ្លាំង​ណាស់ ក្រោយពី​ដឹង​ថា​គាត់​គឺជា​នាដ​ការិនី​របាំ​បូរាណ​ទៀត​ គឺ​ខ្ញុំ​រឹតតែ​ភ្ញាក់ផ្អើល ​ម្យ៉ាងទៀត​ឪពុក​របស់​គាត់ លោកគ្រូ​សូត្រ​ គឺជា​សិល្បករ​ផ្នែក​តន្ត្រី​បូរាណ​ខ្លុយ ប៉ី ដែល​តែងតែ​ចូលរួម​ប្រគំ​ថត​ជា​សំឡេង​តន្ត្រី​ក្នុង​បទ​ចម្រៀង​ប្រជាប្រិយ ចង្វាក់​ប្រពៃណី​ខ្មែរ ក្នុង​បទ​ចម្រៀង​ផលិតកម្ម​ហង្ស​មាស​កន្លងមក។ ក្រោយ​មក​ទៀត ខ្ញុំ​បាន​ទស្សនា​ការ​សម្តែង​របស់​គាត់ នៅ​រឿង​ខ្មោច​ដើម​ចេកជ្វា​ និង​រឿង​បន្តបន្ទាប់​ រហូត​ដល់​បច្ចុប្បន្ន សមត្ថភាព​សម្តែង​របស់​គាត់​រឹតតែ​រីក​ចម្រើន​ រឹតតែ​ល្អ​ជាង​មុន​ខ្លាំង ​ខ្ញុំ​ពិតជា​ស្ងើច​សរសើរ​ទេពកោសល្យ​របស់​គាត់​ណាស់ គាត់​សម្តែង​មាន​លក្ខណៈ​ធម្មជាតិ​ល្អ សម្តែង​ដល់​សក្ដិសម​ ហើយ​មើល​ទៅ​អត់​ប្រឹង​សោះ សម​នឹង​ពាក្យ​ដែល​គាត់​ប្រាប់​ខ្ញុំ​ថា ៖«​ពិត​ដូច​សម្តែ​ង សម្តែង​ដូច​ពិត​» ជា​ការ​សម្តែង​មែន តែ​មើល​ទៅ​ដូច​ជីវិត​ពិត​ ហាក់​ដូច​មិនមែន​ជា​សម្តែង​សោះ​ បើ​ទោះ​ជា​បច្ចុប្បន្ន​គាត់​សម្តែង​ជា​តួ​បងស្រី តួ​ម្តាយ​ តែ​សមត្ថភាព​គាត់​គឺ​ពិបាក​នឹង​មាន​អ្នកណា​ប្រកួត​ប្រជែង​បន្តិច​ហើយ»។

លោក ណុប បាយ៉ារិទ្ធ បញ្ជាក់​បន្ថែម​ថា បំណង​លោក ចង់​ឃើញ​តារា​ស្រី​ទាំង ២ រូប បាន​សម្តែង​ជាមួយ​គ្នា​នៅ​ក្នុង​រឿង​ណា​មួយ។ បើ​ក្លាយ​ជា​ការ​ពិត​មែន ហើយ​សាច់រឿង​ល្អ​ទៀត លោក​ជឿជាក់​ថា រឿង​នោះ នឹង​ទទួល​បាន​ជោគជ័យ។ លោក​ថា លោក​នេះ​ហើយ​ជា​អ្នកគាំទ្រ​ម្នាក់ គាំទ្រ​ខ្លាំង និង​មាន​មោទនភាព​ចំពោះ​អ្នក​ទាំង ២៕

អត្ថបទ ៖ ចាន់រ៉ា

The post ណុប បាយ៉ារិទ្ធ ស្ងើចសរសើរតារាស្រីពីររូបមានទេពកោសល្យ ស្នាដៃសម្តែងបានល្អខ្លាំង appeared first on Kampuchea Thmey Daily.

បន្ទាប់ពី​ទទួល​បាន​ការ​ព្យាបាល​អស់​រយៈ​ពេល​ច្រើន​ឆ្នាំ​ កាលណោះ​ជំងឺ​ដ៏​កាច​សាហាវ​នៅក្នុង​រាងកាយ​របស់​អ្នកនាង ស្វែង សុជាតា ក៏បាន​រសាយ​ជា​សះស្បើយ​ចេញពី​ខ្លួន​របស់​នាង​ផងដែរ​ទើប​ធ្វើ​ឲ្យ​តារា​ស្រី​រូប​នេះ​លេច​វត្តមាន​ឡើងវិញ​លើ​វិថី​សិល្បៈ​រហូត ដល់​សព្វថ្ងៃ​តែម្តង ។

​ដោយឡែក​ ស្រប​ពេល​ដែល​អាជីព​សិល្បៈ​និង​មុខ​ជំនួ​ញ​កំពុង​ទទួលបាន​ជោគជ័យ​និង​ដំណើរការ​ទៅ មុខ​យ៉ាង​រលូន​នោះ​ ក៏​ស្រាប់តែ​លេចដំណឹង​ថា​ តារា​ស្រី​អ្នកនាង ស្វែង សុជាតា បច្ចុប្បន្ន​កំពុង​ដេក​ឱប​ជំងឺ​ថ្មី​ម្យ៉ាងទៀត​ដ៏​គួរ​ឲ្យ​ព្រួយបារម្ភ​ទៀតផង​។​ បើ​តាម​ការ​ឲ្យ​ដឹង​ជំងឺ​នេះ​កំពុងតែ​រុករាន​ក្នុង​ខ្លួន​របស់​អ្នកនាង ស្វែង សុជាតា ដែល​ធ្វើ​ឲ្យ​ការរស់នៅ​ជួប ការ​លំបាក​យ៉ាងខ្លាំង​ដូច​ការ​ហូបចុក​និង​ធ្វើទុក្ខ​គេង​មិន​គ្រប់គ្រាន់​ជាដើម​។

តារា​សម្តែង​អ្នកនាង ស្វែង សុជាតា បាន​ថ្លែងប្រាប់​ឲ្យ​ដឹង​តាមរយៈ​កិច្ច​សម្ភាសន៍​ថា​ ជំងឺ​ប្រចាំ​កាយ​របស់​អ្នកនាង​គឺជា​ជំងឺ​ទឹក​ដក់​ក្នុង​ពោះវៀន​និង​មាន​ខ្យល់​ពេញ​ពោះវៀន​ថែមទៀត​។​ ដូច្នេះ​អ្នកនាង​ត្រូវ​ប្រើ​ពេលវេលា​យូរ​សម្រាប់​ការ​ព្យាបាល​ជំងឺ​ព្រោះ​ត្រូវ​ទៅ ពេទ្យ​តាមដាន​ជា​រៀងរាល់ខែ​និង​ស្ដាប់​តាម​ការ​ណែនាំ​របស់​គ្រូពេទ្យ​ជំនាញ​ដូចជា​មន្ទីរ​ពេទ្យ​ជប៉ុន​ឬ​ពេទ្យ​រុស្ស៊ី​។

បន្ថែម​ពីនេះ​អ្នកនាង ស្វែង សុជាតា បញ្ជាក់ថា​បើសិន​ជាមាន​ការ​ធ្វេសប្រហែស​ជំងឺ​នេះ​នឹង​វិវឌ្ឍន៍​ខ្លួន​ទៅជា​មួយ​ជំងឺ​កាច​សាហាវ​ ឬ​ មហារីក​ប្រសិនបើ​អ្នកនាង​មិនបាន​ព្យាបាល​ទាន់​ពេល​វេលា​ទេ​នោះ​។​ គួរ​រម្លឹក​ថា ​អ្នកនាង ស្វែង សុជាតា កាលពី​ប៉ុន្មាន​ឆ្នាំ​កន្លងទៅ​គឺ​ធ្លាប់​កើត​ជំងឺ​ដុះ​សាច់​ក្នុង​ខួរក្បាល​រហូត​ជ្រុះ​សក់​អស់​ប៉ុន្តែ​ក្រោយមក​ជំងឺ​នោះ​ក៏បាន​ជា​សះស្បើយ​ឡើងវិញ​៕

ដោយ ៖ ចាន់​រ៉ា

The post ស្វែង សុជាតា កើត​ជំងឺ​ថ្មី​ម្យ៉ាងទៀត​គួរ​ឲ្យ​ព្រួយបារម្ភ appeared first on Kampuchea Thmey Daily.