ក្នុងនាមក្រុមប្រឹក្សា គណៈអភិបាល មន្ត្រីរាជការ កងកម្លាំង និងប្រជាពលរដ្ឋទាំងអស់ក្នុងរាជធានីភ្នំពេញ ទូលព្រះបង្គំ យើងខ្ញុំទាំងអស់គ្នា សូមក្រាបបង្គំអភិវន្ទសម្តែងថ្វាយ នូវមនោសញ្ចេតនារំភើបរីករាយយ៉ាងក្រៃលែង ក្នុងវរោកាសដ៏វិសេសវិសាល ដែលព្រះករុណាជាអម្ចាស់ជីវិតលើត្បូង បានយាងចូលជាសមាជិកសមាគត (membre associé) នៃបណ្ឌិត្យសភាវិទ្យាសាស្ត្រឯនាយសមុទ្រ នៅរដ្ឋធានីប៉ារីស នៃសាធារណរដ្ឋបារាំង កាលពីព្រឹក ថ្ងៃព្រហស្បតិ៍ ១៤កើត ខែមិគសិរ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី៤ ខែធ្នូ ឆ្នាំ២០២៥ កន្លងទៅនេះ។

ឆ្លៀតក្នុងវរោកាសដ៏វិសេសវិសាលថ្លៃថ្លានេះ ទូលព្រះបង្គំ យើងខ្ញុំទាំងអស់គ្នា សូមព្រះបរមរាជានុញ្ញាតសម្តែងនូវសេចក្តីរំភើប និងអបអរសាទរយ៉ាងជ្រាលជ្រៅជាទីបំផុត ដែលការយាងចូលជាសមាជិកសមាគត នៃបណ្ឌិត្យសភាវិទ្យាសាស្ត្រ ឯនាយសមុទ្រនាពេលនេះ បានធ្វើឱ្យព្រះរាជកិត្តិនាមរបស់ព្រះអង្គកាន់តែល្បីសុសសាយ ស្ញប់ស្ញែង ពោរពេញទៅដោយសេចក្តីគោរពស្រឡាញ់ពីសំណាក់ប្រជារាស្ត្រកម្ពុជា និងធ្វើឱ្យព្រះរាជាណាចក្រកម្ពុជាទាំងមូលមានមោទនភាពក្រៃលែងដែលទទួលបាននូវមហាកិត្តិយសដ៏ឧត្តុង្គឧត្តមនៅលើឆាកជាតិ និងអន្តរជាតិ។

ស្ថិតក្នុងវេលាដ៏មហាជ័យមង្គលាភិរម្យថ្លៃថ្លានេះ ទូលព្រះបង្គំ យើងខ្ញុំទាំងអស់គ្នា សូមក្រាបបង្គំសម្តែងថ្វាយនូវព្រះសព្ទសាធុការពរជ័យ និងសូមលើកហត្ថប្រណម្យបួងសួងដល់គុណបុណ្យព្រះរតនត្រ័យ កែវទាំងបី វត្ថុស័ក្តិសិទ្ធិទាំងឡាយក្នុងលោក ទេវតាថែរក្សាទឹកដី នៃព្រះរាជាណាចក្រកម្ពុជា ឫទ្ធិបារមីទេវតាថែរក្សាព្រះមហាស្វេតច្ឆត្រ បុណ្យបារមីនៃដួងព្រះវិញ្ញាណក្ខន្ធ អតីតព្រះមហាក្សត្រ-ព្រះមហាក្សត្រិយានីខ្មែរគ្រប់ព្រះអង្គ សូមជួយបីបាច់ថែរក្សា អភិបាលប្រោះព្រំព្រះសព្វសាធុការពរជ័យ គ្រប់ប្រការថ្វាយជូន ព្រះករុណាជាអម្ចាស់ជីវិតលើត្បូង សូមព្រះអង្គសមប្រកបដោយព្រះពុទ្ធពរបួនប្រការគឺ អាយុ វណ្ណៈ សុខៈ ពលៈ ជាភិយ្យោភាពតរៀងទៅ និងទទួលបាននូវជោគជ័យថ្មីៗបន្ថែមទៀតក្នុងព្រះរាជបេសកកម្មថ្មី នៅក្នុងបណ្ឌិត្យសភា វិទ្យាសាស្ត្រឯនាយសមុទ្រ។

សូមព្រះករុណាថ្លៃវិសេសជាទីសក្ការៈដ៏ខ្ពង់ខ្ពស់បំផុត ទ្រង់ព្រះមេត្តាទទួលនូវភក្ដីភាពដ៏ស្មោះស្ម័ត្រ និងអភិវន្ទនកិច្ចដ៏ខ្ពង់ខ្ពស់បំផុតពីទូលព្រះបង្គំ យើងខ្ញុំទាំងអស់គ្នា៕

The post ឯកឧត្ដម ឃួង ស្រេង ថ្វាយសារលិខិតអបអរសាទរព្រះមហាក្សត្រ ក្នុងឱកាសដែលព្រះអង្គបានចូលជាសមាជិក នៃបណ្ឌិតសភាវិទ្យាសាស្ត្រ នៅទីក្រុងប៉ារីស ប្រទេសបារាំង appeared first on Kampuchea Thmey Daily.

The post ឯកឧត្ដម ឃួង ស្រេង គោរពជូនពរ សម្ដេចមហាបវរធិបតី ហ៊ុន ម៉ាណែត ក្នុងឱកាសចម្រើនជន្មាយុ គម្រប់ ៤៨ ឈានចូល ៤៩ ឆ្នាំ appeared first on Kampuchea Thmey Daily.

ថ្លែង​ក្នុង​កិច្ចប្រជុំគណៈបញ្ជា​ការ​ឯកភាព​រដ្ឋបាល​រាជធានីភ្នំពេញនាព្រឹក​ថ្ងៃទី​១៨ ខែ​កញ្ញា ឆ្នាំ២០២៥ នៅ​សាលា​រាជធានីភ្នំពេញ លោកអភិបាល​ ឃួង ស្រេង ថា​ការ​រក្សាសន្ដិសុខ សុវត្ថិភាព ជូន​ប្រជាពលរដ្ឋ​ត្រូវ​តែ​ធានាឱ្យ​បាន​១០០ភាគរយ ត្រូវមាន​ការ​យក​ចិត្ត​ទុក​ដាក់​កុំ​ឱ្យ​មាន​បទ​ល្មើស​កើត​ឡើង ហើយ​ការ​ពិនិត្យ​រដ្ឋបាល ពិនិត្យ​ជាតិ​ផ្ទុះ ត្រូវ​ធ្វើតែ​សូម​កុំ​ធ្វើ​ឱ្យ​ប៉ះសតិអារម្មណ៍​របស់​ពលរដ្ឋ​។ ដោយ​ឡែក​ទាក់ទង​នឹងអំពើ​ឆបោក​អនឡាញលោកអភិបាលបាន​ណែ​នាំ​ឱ្យ​អាជ្ញាធរ​ខណ្ឌ​និង​កម្លាំង​សមត្ថកិច្ចយកចិត្ត​ទុក​ដាក់​លុប​បំបាត់​ឱ្យ​អស់ផងដែរ។

លោក​ថា៖ «រឿងសន្តិសុខ ត្រូវតែការពារជាប់ជាប្រចាំ រឿងដដែលៗនេះ កុំឱ្យគេដាស់ទឿនជាប្រចាំពេក»។

លោក​ក៏​បាន​បញ្ជា​ឱ្យមាន​ការ​ប្រុងប្រយ័ត្ន និង​ទប់​ស្កាត់​អំពើធាក់​ប្លន់ម៉ូតូផងដែរ បើ​ទោះ​បី​ករណី​នេះ​នៅ​មិន​ទាន់​កើត​មាន​ក្នុង​ភូមិសាស្ត្រ​រាជធានី​ភ្នំពេញ​ក៏​ដោយ​។

ក្នុង​ឱកាស​នៃ​ពិធី​បុណ្យ​ភ្ជុំ​បិណ្ឌនេះ​លោក​អភិបាល​ ឃួង ស្រេង ក៏​បាន​ណែ​នាំឱ្យ​អាជ្ញាធរ​ខណ្ឌ​ចុះ​ពិនិត្យ​តាម​វត្ត​អារាមធានា​ដល់​ចង្ហាន់​ប្រគេន​ដល់​ព្រះសង្ឃ និង​យក​ចិត្ត​ទុក​ដាក់​លើ​ការ​ពង្រឹង​សន្ដិសុខ​ក្នុង​ពេល​នេះ​ផងដែរ៕

អត្ថបទដោយ ហ៊ុន សិរីវឌ្ឍន៍

The post លោក ឃួង ស្រេង៖ រឿងសន្តិសុខត្រូវតែការពារជាប់ជាប្រចាំរឿងដដែលៗកុំឱ្យគេដាស់តឿនជាប្រចាំពេក appeared first on Kampuchea Thmey Daily.

លោក ឃួង ​ស្រេងថ្លែង​បែប​នេះ​ប្រាប់​ក្រុមអ្នកសារព័ត៌មាន ក្នុងអំឡុងអញ្ជើញពិនិត្យ លើការរៀប​ចំការការពារ ​សន្តិសុខសណ្តាប់ធ្នាប់ ​ជូនគណៈសង្ឃនាយកកម្ពុជា ​ក្នុង​ដំណើរ​ធម្មយាត្រាសន្តិភាព ​ដែល​និមន្ត​ចេញ​ដំណើរ​ពី​រមណីដ្ឋានប្រវត្តិសាស្រ្ត​វត្តភ្នំ ​ឆ្ពោះទៅ វិមាន​ឯករាជ្យ ​នារសៀល​ថ្ងៃទី១០ ​ខែ​សីហា ឆ្នាំ២០២៥នេះ ។ ​លោក ឃួង ស្រេង បាន​គូស​បញ្ជាក់​ថា ​ក្បួនធម្មយាត្រាសន្តិភាព ​របស់គណៈសង្ឃនាយកកម្ពុជា ​ធ្វើឡើងដើម្បីបង្ហាញ​ឱ្យ​អន្តរជាតិ​បាន​ឃើញថា គ្រ​ប់ភាគីពាក់ព័ន្ធទាំងអស់ ​នៅ​កម្ពុជា ​ទាំង​ព្រះសង្ឃ ទាំ​ង​គ្រហស្ថ ត្រូវការសន្តិភាព, ការរីកចម្រើន ​និង​ស្ថេរភាព ​ដោយ​មិនត្រូវការសង្គ្រាមឡើយ ​។

លោក ឃួង ស្រេង ​អភិបាលរាជធានីភ្នំពេញ ​បាន​មាន​ប្រសាសន៍លើកឡើងថា ​គណៈសង្ឃនាយក ​បាន​យល់​ច្បាស់​ថា ​សាសនា ​បាន​កើត​ឡើង​ ក្រោមដំបូងសន្តិភាព ​មាន​សន្តិភាព ​ទើបមានសាសនា ។​ សាសនា ​នៅកម្ពុជា ​ត្រូវ​បាន​បាត់​បង់ ​នៅ​ក្នុង​របប​ប្រល័យ​ពូជសាសន៍ ប៉ុល ពត ​ប៉ុន្តែ​បាន​កើត​ឡើង​វិញ ​នៅក្រោ​យ​ថ្ងៃ៧មករា ​ឆ្នាំ១​៩៧៩ ​និង​កំពុង​រីក​ដុះដាល ​ដោយ​មានជំនឿ​ពី​ពុទ្ធសាសនិក​នៅ​កម្ពុជា ​ប្រមាណ​ជាង​៩០% ​ដែល​ប្រកាន់​យ៉ាង​ខ្ជាប់​ខ្ជួន ​នូវ​ព្រះពុទ្ធសាសនា ​ខណៈ​ដែល​គ្រប់​ទី​វត្តអារាម​ទាំ​ង​អស់ កំ​ពុង​មាន​ការ​រីក​ចម្រើន ។​

លោក​ ឃួង ស្រេង បានបន្ថែមថា ព្រះសង្ឃ ក៏មាន​ការ​ភ័​យ​ខ្លាច ​ការ​បាត់​បង់​សន្តិភាព ​ធ្វើឱ្យប៉ះពាល់​ដល់​ព្រះពុទ្ធសាសនា ក៏​ដូច​ជា​ប្រជាពលរដ្ឋ​ពុទ្ធបរិស័ទ ​របស់​ព្រះអង្គ ​ដូច​នេះ ​ទើប​គ​ណៈ​សង្ឃនាយក ​បិណ្ឌបាត​ទៅរាជ​រដ្ឋាភិបាល​ សុំ​ធ្វើ​ធម្មយាត្រាសន្តិភាព​ សុំ​សន្តិភាព និង​សុំការ​ដោះលែង​ទាហាន​ ដែលមានអរិភាពជាមួយគ្នាកន្លងមកនេះ។ លោក ឃួង ស្រេង មានប្រសាសន៍ថា “ការធ្វើនេះ ដើម្បី​បង្ហាញ​ឱ្យអ​ន្តរជាតិ​បាន​ឃើញ​ថា ​គ្រប់​ភាគី​ពាក់​ព័ន្ធទាំង​អស់​ នៅ​ក្នុង​ព្រះរាជាណាចក្រកម្ពុជា ​ទាំង​ព្រះសង្ឃ ​ទាំង​គ្រហស្ថ​ ​ទាំ​​ង​សាសនិក ​ឬ​កាតូលិក ​ឥស្លាម​សាសនា ​ដែល​ជា​ប្រជានុរាស្ត្រ ​នៃ​ព្រះរាជា​ណាចក្រកម្ពុជា ​ត្រូវ​ការ​សន្តិភាព ​ត្រូវ​ការ​ការ​រីក​ចម្រើន ​ត្រូវការការ​រស់​នៅ​មួយ ​ដែល​មាន​ស្ថេរភាព ចឹងមិ​នត្រូ​វការ​សង្គ្រាម​ទេ”​ ​។

បន្ថែមលើនេះ លោក ឃួង ស្រេង ជឿជាក់ថា ក្រោយមានអរិភាពនេះ ទូទាំងសកលលោក បានមើលឃើញច្បាស់ ពីប្រជាជនកម្ពុជា និង​មើល​ឃើញ​ច្បាស់ ​ពី​ការ​ដឹក​នាំ​របស់​សម្តេច​ទាំងទ្វេ ​គឺសម្តេចតេជោ-សម្តេចធិបតី ​ក្នុង​កិច្ច​ការ​ដឹកនាំ ​ដែល​មិន​ជាអ្នក​បង្ក​ឱ្យមា​ន​បញ្ហា ​ជាមួយប្រទេសជិ​តខាង​ឡើយ ​តែ​ផ្ទុយទៅវិញ មា​នតែ​​អ្នក​ជិត​ខាង​កម្ពុជា​នោះទេ ​ដែល​ធ្វើ​ទង្វើ​មិន​គោរព​ច្បាប់អន្តរជាតិ ។ ទោះជាយ៉ាងកម្ពុជា នៅតែមានជំនឿយ៉ាងមុតមាំថា យុត្តិធម៌នៅតែមានសម្រាប់កម្ពុជា៕

អត្ថបទ៖ ស្រីរ័ត្ន

The post លោកឃួង ស្រេង៖ សូម​ឱ្យ​ពលរដ្ឋខ្មែរក្នុង ​និងក្រៅប្រទេស ចូលរួមជាមួយរាជរដ្ឋាភិបាល ដោយធានាថា ទឹកដីកម្ពុជា មិនបាត់មួយមីលីម៉ែត្រ ហើយក៏មិនត្រូវការទឹកដីអ្នកដទៃដែរ appeared first on Kampuchea Thmey Daily.

ការដាក់ចេញនូវយន្តការដោះស្រាយនេះ គឺជាឆន្ទៈរួមរបស់ប្រជាពលរដ្ឋខ្មែរ និងជាផែនការយុទ្ធសាស្ត្រប្រកបដោយគតិបណ្ឌិត ដ៏ខ្ពង់ខ្ពស់បំផុតរបស់ សម្តេចធិបតីនាយករដ្ឋមន្ត្រី តាមរយៈការផ្ញើលិខិតរដ្ឋបាលផ្លូវការ ជូនចំពោះក្រុមប្រឹក្សាសន្តិសុខអង្គការ សហប្រជាជាតិ ស្នើសុំកោះប្រជុំក្រុមប្រឹក្សាសន្តិសុខជាបន្ទាន់ ដើម្បីសុំការអន្តរាគមន៍បញ្ចប់ការឈ្លានពានរបស់កងកម្លាំងប្រដាប់អាវុធថៃ រីដែនអធិបតេយ្យភាពរបស់កម្ពុជា ដើម្បីដោះស្រាយបញ្ហាព្រំដែនដោយសន្តិវិធី បន្តិវិធី ក្នុងកិច្ចការការពារដែ ក្នុងកិច្ចការការពារដែនអធិបតេយ្យភាព និង បូរណភាពទឹកដីរបស់កម្ពុជា។ ទន្ទឹមនឹងនេះ យើងខ្ញុំទាំងអស់គ្នាក៏សូមសម្តែងនូវការគោរពដ៏ខ្ពង់ខ្ពស់បំផុតជូនចំពោះ សម្តេចអគ្គ មហាសេនាបតីតេជោ ហ៊ុន សែន ក្នុងនាមជា នាយឧត្តមសេនីយ៍ផុតលេខផ្កាយមាស៥ និងជាអគ្គភស្តុភារជាន់ខ្ពស់សម្រាប់ កងកម្លាំងប្រដាប់អាវុធដ៏អង់អាចឈ្លាសវៃ បានរួមចំណែកយ៉ាងសកម្មក្នុងការបញ្ជាកងទ័ពជាមួយប្រមុខរាជរដ្ឋាភិបាល ប្រមុខការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់ ដើម្បីឆ្លើយតបប្រឆាំងនឹងអំពើឈ្លានពានយ៉ាងគឃ្លីន របស់កងកម្លាំងប្រដាប់អាវុធថៃ ដែលធ្វើឱ្យប្រជាពលរដ្ឋខ្មែរទាំងក្នុង និងក្រៅប្រទេស មានទំនុកចិត្តខ្ពស់ និងធានាប្រក្រតីភាព រស់នៅប្រកបដោយភាពកក់ក្តៅបំផុត។

ជាថ្មីម្តងទៀត! ក្នុងនាមយើងខ្ញុំទាំងអស់គ្នាជាសមរភូមិក្រោយ សូមប្រកាសគាំទ្រយ៉ាងឱឡារិកចំពោះយន្តការដោះស្រាយ ប្រកបដោយគតិបណ្ឌិតរបស់ សម្តេចធិបតីនាយករដ្ឋមន្ត្រី និងភាពជាអ្នកដឹកនាំប្រកបដោយចក្ខុវិស័យវែងឆ្ងាយរបស់ សម្តេចតេជោ ហ៊ុន សែន បិតាស្ថាបនិកសន្តិភាពនៃកម្ពុជា ក្នុងស្មារតីជាតិនិយមខ្ពស់ និងបានត្រៀមខ្លួនរួចជានិច្ចទទួលអនុវត្តនូវរាល់បទបញ្ជាដ៏ខ្ពង់ខ្ពស់ បំផុត ឱ្យបានម៉ឺងម៉ាត់ និងឥតងាករេ ព្រមទាំងសូមផ្តល់នូវកម្លាំងចិត្តពីសមរភូមិក្រោយជូនចំពោះបងប្អូនវីរកងទ័ពជួរមុខ ក្នុងការ ការពារបូរណភាពទឹកដី ដោយមិនអនុញ្ញាតឱ្យជាតិសាសន៍ណាមួយមករំលោភបំពានបានឡើយ។

យើងខ្ញុំទាំងអស់គ្នា សូមបួងសួងដល់គុណបុណ្យព្រះរតនត្រ័យ កែវទាំងបី វត្ថុស័ក្តិសិទ្ធិទាំងឡាយក្នុងលោក ទេវតាថែរក្សា ទឹកដីនៃព្រះរាជាណាចក្រកម្ពុជា ឫទ្ធិបារមីទេវតាថែរក្សាព្រះមហាស្វេតច្ឆត្រ បុណ្យបារមីនៃដួងព្រះវិញ្ញាណក្ខន្ធអតីតមេទ័ពខ្មែរ គ្រប់ជំនាន់ បុណ្យបារមីនៃដួងព្រះវិញ្ញាណក្ខន្ធអតីតព្រះមហាក្សត្រ ព្រះមហាក្សត្រីយានីខ្មែរគ្រប់ព្រះអង្គ សូមជួយតាមបីបាច់ថែរក្សា ការពារ ប្រោះព្រំ កងកម្លាំងជួរមុខកម្ពុជា ឱ្យជួបតែសេចក្តីសុខ សុវត្ថិភាព និងឈ្នះអស់មារសត្រូវទាំងអស់៕

The post ឯកឧត្តម​ ឃួង​ ស្រេង​ ប្រកាសគាំទ្រយន្តការដឹកនាំរបស់សម្តេចមហាបវរធិបតី ហ៊ុន ម៉ាណែត ក្នុងការដោះស្រាយបញ្ហាព្រំដែន និងការការពារបូរណភាពទឹកដីនៅតាមព្រំដែនកម្ពុជា-ថៃ ព្រមទាំងគាំទ្រយ៉ាងពេញទំហឹងចំពោះវីរកង់ទ័ពជួរមុខកម្ពុជា ដែល បាននឹងកំពុងប្រយុទ្ធយ៉ាងអង់អាចក្លាហានជាមួយសត្រូវឈ្លានពាន appeared first on Kampuchea Thmey Daily.

ថ្លែង​ក្នុងកិចប្រជុំគណៈបញ្ជា​ការ​ឯកភាព​រាជធានីភ្នំពេញជាមួយ​កម្លាំង​មានសមត្ថកិច្ចមក​ពី​មន្ទីរពាក់ព័ន្ធ និង​អាជ្ញាធរ​ខណ្ឌទាំង​១៤ នៅព្រឹក​ថ្ងៃទី​៤ ខែ​កក្កដា ឆ្នាំ២០២៥ នៅ​សាលារាជធានីភ្នំពេញ លោក ឃួង ស្រេង បាន​បញ្ជាឱ្យ​អាជ្ញាធរ​ខណ្ឌ​ទាំង​១៤​ត្រូវ​មាន​ម្ចាស់​ការ​ក្នុង​ការ​បង្ក្រាប​គ្រឿងញៀន លុបបំបាត់​ការ​ជក់បារីអេឡិចត្រូនិក និងបទល្មើសឆបោក​អនឡាញឱ្យបាន​ល្អ។

លោក​ថា​៖ «គ្រឿងញៀន និង​ការ​ឆបោក​តាម​ប្រព័ន្ធ​បច្ចេកវិទ្យាជា​រឿង​ដែល​ត្រូវ​បង្ក្រាបជាប្រចាំ ដូច្នេះ​អាជ្ញាធរ​ខណ្ឌ​ទាំង​១៤ ត្រូវ​ពិនិត្យ​តាម​ខុន​ដូ និង​បុរីដែលមាន​ការ​សង្ស័យ​ថាបាន​និង​កំពុង​ធ្វើ​សកម្មភាព​ឆបោក​តាម​ប្រព័ន្ធ​បច្ចេកវិទ្យានេះ»។

លោកអភិបាល​ក៏បញ្ជាក់​ផងដែរ​ថាការងារទាំង​នេះ​បើ​ខណ្ឌ​គ្មាន​កម្លាំង​គ្រប់គ្រាន់ ត្រូវ​ស្នើ​សុំ​កម្លាំង​បន្ថែម ហើយគណៈបញ្ជាការ​​ឯកភាពរាជធានីនឹង​រក​ថវិកាជួយ​ទ្រទ្រង់ការងារនេះ ដើម្បីប្រតិបត្តិការឱ្យបានសកម្ម៕

អត្ថបដោយ ហ៊ុន សិរីវឌ្ឍន៍

The post លោក ឃួង ស្រេង បញ្ជាឱ្យ​មាន​វិធានការ​បង្ក្រាបការឆបោក​តាម​អនឡាញឱ្យអស់ appeared first on Kampuchea Thmey Daily.

ក្រុមប្រឹក្សាធម្មនុញ្ញ នៅព្រឹកថ្ងៃទី២៦ ខែមិថុនា ឆ្នាំ២០២៥ បានបើកកិច្ចប្រជុំពេញអង្គ ស្តីពីការចូលកាន់តំណែងសមាជិកក្រុមប្រឹក្សាធម្មនុញ្ញ, ការបោះឆ្នោតជ្រើសតាំងប្រធានក្រុមប្រឹក្សាធម្មនុញ្ញ សម្រាប់អាណត្តិ ៣ឆ្នាំ លើកទី១០ (២០២៥-២០២៨) និងការផ្ទេរតំណែងប្រធានក្រុមប្រឹក្សាធម្មនុញ្ញ ដែលធ្វើឡើងនៅសាលប្រជុំអគារសវិមានរដ្ឋចំការមន ក្រោមអធិបតីភាពរបស់លោក អ៊ុជ គឹមអន ព្រឹទ្ធសមាជិកក្រុមប្រឹក្សាធម្មនុញ្ញបាន បោះឆ្នោតជាឯកច្ឆន្ទជ្រើសតាំងឯកឧត្តម ហ៊ី សោភា ជាប្រធានក្រុមប្រឹក្សាធម្មនុញ្ញ សម្រាប់អាណត្តិ៣ឆ្នាំ លើកទី១០ (២០២៥-២០២៨)។

យើងខ្ញុំសូមបួងសួងដល់វត្ថុស័ក្ដិសិទ្ធិទាំងអស់ក្នុងលោក តាមជួយប្រោះព្រំប្រសិទ្ធពរជ័យជូន ឯកឧត្តម និងក្រុមគ្រួសារ សូមជួបប្រទះតែសេចក្ដីសុខ សុភមង្គល និងប្រកបដោយពុទ្ធពរទាំង ៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕

The post ឯកឧត្តម ឃួង ស្រេង ផ្ញើសារអបអរសាទរ ជូនចំពោះឯកឧត្តម ហ៊ី សោភា ដែលត្រូវបានបោះឆ្នោតជ្រើសតាំងជាប្រធានក្រុមប្រឹក្សាធម្មនុញ្ញអាណត្តិថ្មី សម្រាប់អាណត្តិ៣ឆ្នាំ លើកទី១០ appeared first on Kampuchea Thmey Daily.

យើងខ្ញុំទាំងអស់គ្នា សូមគាំទ្រផងដែរនូវប្រសាសន៍ដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន ដែលគាំទ្រឲ្យរាជរដ្ឋាភិបាលប្រទេសទាំងពីរ នាំយកបញ្ហាព្រំដែនទៅដោះស្រាយនៅតុលាការអន្តរជាតិ ដោយមិនចាំបាច់ឲ្យកម្ពុជាប្តឹង។ នេះគឺជាចំណាត់ការប្រកបដោយភាពចាស់ទុំខាងនយោបាយ នៃអ្នកដឹកនាំកម្ពុជា ដោយបានគិតគូរវែងឆ្ងាយ និងរក្សានូវភាពអត់ធ្មត់ខ្ពស់។

យើងខ្ញុំសូមអំពាវនាវដល់ប្រជាពលរដ្ឋទាំងអស់នៅទូទាំងប្រទេស មេត្តារក្សាភាពស្ងៀមស្ងាត់ និងសូមបន្តជឿទុកចិត្តលើរាជរដ្ឋាភិបាល ក្នុងការការពារអធិបតេយ្យជាតិ បូរណភាពទឹកដី ដោយព្យាយាមឲ្យអស់លទ្ធភាព មិនរុញច្រានប្រទេសឲ្យធ្លាក់ក្នុងជម្លោះប្រដាប់អាវុធ ឬសង្រ្គាម តាមពួកជ្រុលនិយម ដែលតែងតែបញ្ឆេះកំហឹងជាតិសាសន៍ និងអំពើហិង្សា។ យើងត្រូវការពារទឹកដីរបស់យើង ដោយផ្អែកលើច្បាប់ និងការទទួលស្គាល់ជាអន្តរជាតិ ហើយយើងក៏នៅតែប្រកាន់ជំហរទន់ភ្លន់ ប៉ុន្តែមិនទន់ជ្រាយជាដាច់ខាត៕

The post ឯកឧត្តម ឃួង ស្រេង ប្រកាសគាំទ្រពេញទំហឹងចំពោះចំណាត់ការរបស់សម្ដេចមហាបវរធិបតី ហ៊ុន ម៉ាណែត លើបញ្ហាព្រំដែនជាមួយថៃ ទាំងការប្ដឹងទៅតុលាការអន្ដរជាតិ និងការប្រើប្រាស់កម្លាំងការពារខ្លួន appeared first on Kampuchea Thmey Daily.