សន្តិសុខសង្គម

លោក ឃួង ស្រេង បញ្ជាឱ្យមានវិធានការបង្ក្រាបការឆបោកតាមអនឡាញឱ្យអស់

បានផុស

៥៥ វិនាទី មុន

នៅ

ថ្ងៃសៅរ៍ ៥ កក្កដា ២០២៥

ដោយ

អភិបាលរាជធានីភ្នំពេញលោក ឃួង ស្រេង បានបញ្ជាទៅរដ្ឋបាលខណ្ឌទាំង១៤ បង្ក្រាបឱ្យអស់បញ្ហាគ្រឿងញៀន និងការឆបោកតាមអនឡាញ ដើម្បីធានាដល់សុវត្ថិភាព ការរស់នៅរបស់ពលរដ្ឋ។ លោកថាបើចង់ធ្វើអភិបាលខណ្ឌត្រូវតែនៅជាមួយពលរដ្ឋគ្មានថ្ងៃសៅរ៍ និងអាទិត្យនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងកិចប្រជុំគណៈបញ្ជាការឯកភាពរាជធានីភ្នំពេញជាមួយកម្លាំងមានសមត្ថកិច្ចមកពីមន្ទីរពាក់ព័ន្ធ និងអាជ្ញាធរខណ្ឌទាំង១៤ នៅព្រឹកថ្ងៃទី៤ ខែកក្កដា ឆ្នាំ២០២៥ នៅសាលារាជធានីភ្នំពេញ លោក ឃួង ស្រេង បានបញ្ជាឱ្យអាជ្ញាធរខណ្ឌទាំង១៤ត្រូវមានម្ចាស់ការក្នុងការបង្ក្រាបគ្រឿងញៀន លុបបំបាត់ការជក់បារីអេឡិចត្រូនិក និងបទល្មើសឆបោកអនឡាញឱ្យបានល្អ។

លោកថា៖ «គ្រឿងញៀន និងការឆបោកតាមប្រព័ន្ធបច្ចេកវិទ្យាជារឿងដែលត្រូវបង្ក្រាបជាប្រចាំ ដូច្នេះអាជ្ញាធរខណ្ឌទាំង១៤ ត្រូវពិនិត្យតាមខុនដូ និងបុរីដែលមានការសង្ស័យថាបាននិងកំពុងធ្វើសកម្មភាពឆបោកតាមប្រព័ន្ធបច្ចេកវិទ្យានេះ»។

លោកអភិបាលក៏បញ្ជាក់ផងដែរថាការងារទាំងនេះបើខណ្ឌគ្មានកម្លាំងគ្រប់គ្រាន់ ត្រូវស្នើសុំកម្លាំងបន្ថែម ហើយគណៈបញ្ជាការឯកភាពរាជធានីនឹងរកថវិកាជួយទ្រទ្រង់ការងារនេះ ដើម្បីប្រតិបត្តិការឱ្យបានសកម្ម៕

អត្ថបដោយ ហ៊ុន សិរីវឌ្ឍន៍

ព័ត៌មានអន្ដរជាតិ១៧ ម៉ោង ago

Google នឹងមិនប្តូរផែនទីនៅលើកម្មវិធី Maps តាមសំណើរបស់ថៃ ឡើយ

ព័ត៌មានអន្ដរជាតិ១ សប្តាហ៍ ago

ផែថងថាន លើកយកជម្លោះព្រំដែនកម្ពុជា-ថៃនិងឧក្រិដ្ឋកម្មអនឡាញ ពិភាក្សាជាមួយ ម៉ាក្រុង

ព័ត៌មានអន្ដរជាតិ២ ថ្ងៃ ago

ថៃ ខឹង Google Map ពេលឃើញដៅទីតាំង ប្រាសាទតាមាន់ធំ នៅក្នុងដីខ្មែរ

សេចក្ដីជូនដំណឹង១២ ម៉ោង ago

អ្នកឧកញ៉ា ឡេង ណាវ៉ាត្រា ចាត់ក្រុមការងារសហព័ន្ធយុវជនបូជាការពារយុត្តិធម៌ ទាំងយប់ចុះជួបវីរកងទ័ពកម្ពុជាដ៏អង់អាចក្លាហាន ដេញកងទ័ពថៃឈ្លានពាន ចេញនៅចំណុចភ្នំខ្មោច