ថ្លែង​ក្នុង​ពិធី​បិទ​សន្និបាត​បូក​សរុប​លទ្ធផល​ការងារ​ប្រចាំ​ឆ្នាំ​២០២៥ របស់​រដ្ឋបាល​ខេត្ត​កំពង់​ធំ កាលពី​ថ្ងៃទី​២៣ ខែ​មករា ឆ្នាំ​២០២៦ លោក​ឧបនាយករដ្ឋមន្ត្រី វង្សី វិស្សុត មាន​ប្រសាសន៍​ថា ការ​យក​ចិត្ត​ទុកដាក់​លើ​ការ​ពង្រឹង​អភិបាល​កិច្ច សមិទ្ធកម្ម​ការងារ ប្រព័ន្ធ​ការងារ​ វិន័យ និង​សមត្ថភាព​ការងារ​គឺ​ជា​រឿង​សំខាន់​ ដើម្បី​បង្កើត​បរិយាកាស​អំណោយ​ផល​ដល់​ការ​ទាក់​ទាញ​អ្នក​វិនិយោគ​មក​កាន់​ខេត្ត​កំពង់​ធំ​។

លោក​បន្ថែម​ថា បច្ចុប្បន្ន​ខេត្ត​កំពង់​ធំ​កំពុង​ប្រែ​មុខ​មាត់​ថ្មី​ និង​កាន់​តែ​អភិវឌ្ឍ​ជឿន​លឿន​ស្រប​តាម​ចក្ខុវិស័យ​របស់​សម្ដេច​ធិបតី​ លែង​ឱ្យ​ខេត្ត​នេះ​ទៅ​ជា​ខេត្ត​ទៅ​ហួស​មក​ហួស​ទាំង​គម្រោង​អភិវឌ្ឍន៍ ការ​វិនិយោគ ពាណិជ្ជកម្ម និង​ទេសចរណ៍។

បច្ចុប្បន្ន​នេះ​ខេត្ត​កំពង់​ធំ​កំពុង​រៀបចំ​ និង​​ដំណើរ​ការ​ជា​បន្តបន្ទាប់​នូវ សួនឧស្សាហកម្មចន្ទី សួនកសិ-ឧស្សាហកម្ម គម្រោងចិញ្ចឹមស្វា ៥០០លានដុល្លារអាម៉េរិក និងការចិញ្ចឹមខ្យងគជ់ ៣០០លានដុល្លារអាម៉េរិក ព្រមទាំងគម្រោងអភិវឌ្ឍន៍ទេសចរណ៍  ឧស្សាហកម្មកែច្នៃស្រូវ កៅស៊ូ ដំឡូងមី ការចិញ្ចឹមត្រឹ និងចិញ្ចឹមគោយកទឹកដោះជាដើម។ ខេត្ត​កំពង់​ធំ​ក៏​បាន​ផ្តោត​លើ​ការ​អភិវឌ្ឍ​វិស័យ​ទេសចរណ៍​តាមរយៈ​ការ​បន្ត​អនុវត្ត​ផែនការ​រៀបចំ​យន្តការ​អភិវឌ្ឍន៍​ទេសចរណ៍​ប្រាសាទ​សំបូរ​ព្រៃគុក និង​តំបន់​ជុំវិញ ដែល​ទើប​ទទួល​បាន​ការ​សម្រេច​​ពី​សម្តេចធិបតី ដោយ​ផ្ដោត​ការ​រៀបចំ​ និង​អនុវត្ត​នូវ​គម្រោង​អាទិភាព​ទាំង៤ ដោយ​ផ្សារ​ភ្ជាប់​ជាមួយ​តំបន់​ទេសចរណ៍​ក្រុង​ស្ទឹងសែន។

ក្នុង​ឱកាស​នេះ​ផង​ដែរ​លោក​ឧបនាយករដ្ឋមន្ត្រី​បាន​ជំរុញ​ដល់​រដ្ឋ​បាល​ខេត្តកំពង់ធំ​ឱ្យបន្តយកចិត្តទុកដាក់ និងជំរុញការអភិវឌ្ឍវិស័យកសិកម្ម ដែលមានប្រជាជនប្រមាណ ៧៣% កំពុងប្រកបរបរ និងពឹងផ្អែកលើវិស័យកសិកម្មនេះ​តាមរយៈការរៀបចំផែនការ​អភិវឌ្ឍន៍វិស័យកសិកម្មខេត្តកំពង់ធំ​ឆ្នាំ២០២៦-២០៣០ ដោយមានការកំណត់ទិសដៅ និងគោលដៅច្បាស់លាស់លើកសិផលសំខាន់ៗ ព្រមទាំងត្រូវយកចិត្តទុកដាក់លើ​ការធ្វើ​ពិពិធកម្មកសិកម្ម ការបង្កើនផលិតភាព និងការធ្វើពាណិជ្ជូបនីយកម្ម ពិសេសធាតុចូលកសិកម្ម ដូចជាជី ពូជស្រូវ និងឡសម្ងួត ព្រមទាំងការរិះរកវិធីបញ្ចុះតម្លៃជួលដីស្រែ ព្រោះកសិករ​ដែលជាអ្នកជួលត្រូវរងហានិភ័យគ្រប់បែបយ៉ាង និងត្រូវពង្រឹងសហគមន៍កសិកម្មទំនើប និងកសិកម្មតាមកិច្ចសន្យាជាដើម៕

អត្ថបទដោយ ហ៊ុន ​សិរីវឌ្ឍន៍

​​

The post ឧប. វង្សី វិស្សុត ជំរុញ​រដ្ឋបាល​ខេត្ត​កំពង់​ធំ​ពង្រឹង​ភាព​ទាក់ទាញ​ ខណៈ​គម្រោង​វិនិយោគ​ជាង​៨០០លាន​ដុល្លារ​កំពុង​ដំណើរ​ក្នុង​ខេត្ត appeared first on Kampuchea Thmey Daily.

ការធ្វើកែទម្រង់ ការធ្វើទំនើបកម្ម និងការអភិវឌ្ឍបណ្ណសារដ្ឋានជាតិ(កន្លែងទុកបណ្ណសារ) គឺជាកិច្ចការចំាបាច់បំផុតមួយ ជាពិសេសក្នុងបរិការណ៍បច្ចុប្បន្ន ដើម្បីធ្វើឱ្យបណ្ណសារដ្ឋានជាតិក្លាយជាកន្លែងមានស្តង់ដា ក្នុងការទាក់ទាញអ្នកស្រាវជ្រាវ និងជាស្ថាប័នតម្កល់ឯកសារឈានមុខរបស់ជាតិ ប្រកបដោយនវានុវត្តន៍ សំដៅចូលរួមចំណែកក្នុងការផ្តល់នូវចំណេះដឹង, ការការពារ និងការអភិវឌ្ឍប្រទេសជាតិ ក៏ដូចជាការពង្រឹងការចងចាំអត្តសញ្ញាណជាតិ និងវប្បធម៌ស្នេហាជាតិ ទាំងក្នុងពេលបច្ចុប្បន្ន និងតទៅអនាគត។ នេះបើតាមការលើកឡើងរបស់ ឧបនាយករដ្ឋមន្រ្តីប្រចាំការលោក វង្សី វិស្សុត រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី និងជាប្រធានក្រុមប្រឹក្សាបណ្ណសារ នៅក្នុងសិក្ខាសាលាស្តីពី «បណ្ណសារ និងការចងចាំជាតិ៖ ឆ្ពោះទៅខួប១០០ឆ្នាំនៃបណ្ណសារដ្ឋានជាតិនៃកម្ពុជា» កាលពីថ្ងៃ ១២ ខែវិច្ឆិកា ឆ្នាំ ២០២៥។

លោកគូសបញ្ជាក់ថា៖« បណ្ណសារ គឺជារតនសម្បត្តិដ៏មានតម្លៃរបស់ប្រទេសនីមួយៗ ដែលផ្ទុកនូវព័ត៌មានពិតជាក់ស្ដែង និងជាភស្ដុតាងប្រវត្តិសាស្ត្រ នៃការវិវត្តរបស់សង្គមជាតិ និងជាប្រភពសម្រាប់ការសិក្សាស្រាវជ្រាវ និងជាបទពិសោធសម្រាប់អភិវឌ្ឍប្រទេសជាតិ។ ដូច្នេះហើយ បានជាប្រទេសទាំងអស់នៅលើពិភពលោក ជាពិសេសបណ្តាប្រទេសអភិវឌ្ឍបានយកចិត្តទុកដាក់យ៉ាងខ្លាំងលើការងារគ្រប់គ្រងថែរក្សាឯកសារ និងបណ្ណសារនេះ»។

ម្យ៉ាងវិញទៀត ការគ្រប់គ្រងថែរក្សាឯកសារនិងបណ្ណសារឱ្យបានល្អត្រឹមត្រូវ ក៏ជាកត្តាមួយដ៏សំខាន់ក្នុងការប្រឆាំងនឹងព័ត៌មានក្លែងក្លាយផងដែរ។ លោកបានគូសរំលេចថា៖«ពិតណាស់ មនុស្សអាចបាត់បងជីវិតទៅបាន ប៉ុន្តែបណ្ណសារដែលកត់ត្រាពីស្នាដៃ និងសកម្មភាពការងាររបស់មនុស្ស មិនអាចបាត់បង់បានទេ។ ហេតុនេះយើងត្រូវតែយកចិត្តទុកដាក់គ្រប់គ្រង ថែរក្សាឯកសារ និងបណ្ណសារទាំងនោះ ឱ្យបានត្រឹមត្រូវតាមលក្ខណៈស្តង់ដាបច្ចេកទេស»។

យ៉ាងណាមិញ លោកកត់សម្គាល់ថា ការគ្រប់គ្រង ការថែរក្សាទុក និងការអភិវឌ្ឍនៃវិស័យបណ្ណសារនៅកម្ពុជាយើងនៅមានកម្រិត និងមិនទាន់អាចឆ្លើយតបបានសមស្របនៅឡើយ ដោយសារយើងមិនទាន់មានឃ្លាំង និងប្រព័ន្ធគ្រប់គ្រងបណ្ណសារ ដែលមានលក្ខណៈស្តង់ដារួម ហើយបណ្ណសារភាគច្រើនទៀតសោតក៏មានសភាពពុកផុយ រីឯការជួសជុល និងការធ្វើជាទម្រង់ឌីជីថលបណ្ណសារវិញ ក៏សម្រេចបានតិចតួច ដោយសារខ្វះឧបករណ៍សម្ភារៈបច្ចេកទេស។

គួរជម្រាបថា បណ្ណសារដ្ឋានជាតិនៃកម្ពុជា (NAC) ត្រូវបានបង្កើតឡើងក្នុងឆ្នាំ១៩២៦ ហើយបើគិតត្រឹមឆ្នាំ២០២៥នេះ អគារបណ្ណសារដ្ឋានជាតិកម្ពុជាមានអាយុកាល ៩៩ឆ្នាំ ដែលមានផ្ទុកបណ្ណសារ​​​​​ តាំងពីសម័យបារាំងរហូតមកដល់បច្ចុប្បន្ន ដែលមានឯកសារប្រមាណ ៨០% ជាភាសាបារាំង និងប្រមាណ ២០% ផ្សេងទៀត ជាភាសាខ្មែរ និងភាសាផ្សេងៗ សរុបចំនួន ២,០០០ ម៉ែត្រលីនេអ៊ែ។  ក្នុងនោះមានដូចជា ផែនទី, ប្លង់ស្ថាបត្យកម្ម, ព្រះឆាយាល័ក្ខណ៍, រូបថត, កាសែត, ទស្សនាវដ្តី, រាជកិច្ច, រដ្ឋកិច្ច, ផ្ទាំងផ្សព្វផ្សាយ និងខិតបណ្ណជាដើម។ល៕

The post ទីស្តីការគណៈរដ្ឋមន្រ្តី កំពុងធ្វើទំនើបកម្មបណ្ណសារ(ឯកសារប្រវត្តិសាស្រ្ត)ស្គែនចូលប្រព័ន្ធកុំព្យូទ័រ appeared first on Kampuchea Thmey Daily.

លោកបានលើកឡើងបែបនេះ នៅក្នុងសិក្ខាសាលាស្តីពី «បណ្ណសារ និងការចងចាំជាតិ៖ ឆ្ពោះទៅខួប១០០ឆ្នាំនៃបណ្ណសារដ្ឋានជាតិនៃកម្ពុជា» ដែលមានការចូលរួមពីមន្រ្តីជំនាញពាក់ព័ន្ធ មន្រ្តីចងក្រងប្រវត្តិសាស្រ្ត និងសិស្សនិស្សិតជាច្រើននាក់ នៅថ្ងៃទី ១២ ខែវិច្ឆិកា ឆ្នាំ ២០២៥។ សិក្ខាសាលានេះ ត្រូវបានរៀបចំឡើងក្នុងគោលបំណងចម្បងចំនួន ២ គឺ៖ ទី១. ដើម្បីលើកកម្ពស់ការយល់ដឹងអំពីតម្លៃ និងតួនាទីមិនខ្វះបានរបស់បណ្ណសារដ្ឋានជាតិ ក្នុងការអភិរក្ស, ការថែរក្សា និងការគ្រប់គ្រងឯកសារជាតិ, ឯកសារប្រវត្តិសាស្រ្ត និងកំណត់ត្រានានា ដែលមានអាយុកាលយូរលង់ ហើយសុទ្ធតែជាឯកសារដ៏មានតម្លៃ និងជាសម្បត្តិបេតិកភណ្ឌប្រវត្តិសាស្រ្តមិនអាចកាត់ថ្លៃបាន។

ទី២. ដើម្បីលើកទឹកចិត្តឱ្យមានការប្រើប្រាស់បណ្ណសារដ្ឋានជាតិឱ្យបា​នកាន់តែទូលំទូលាយ ក្នុងចំណោមអ្នកសិក្សាស្រាវជ្រាវ, សិស្ស និស្សិត ក៏ដូចជាសាធារណជនទូទៅផងដែរ ព្រោះឯកសារជាតិ បានឆ្លុះបញ្ចាំងនូវគ្រប់ទិដ្ឋភាពនៃនយោបាយ, រដ្ឋបាល, សេដ្ឋកិច្ច, សង្គមកិច្ច, អរិយធម៌, វប្បធម៌ និងប្រពៃណីទំនៀមទម្លាប់ខ្មែរពីអតីតកាល ដែលមិនត្រឹមតែអាចធ្វើឱ្យខ្មែរយើងបានដឹងអំពីប្រវត្តិសាស្រ្តរបស់ខ្លួនប៉ុណ្ណោះទេ ប៉ុន្តែធនធានមរតកប្រវត្តិសាស្រ្តដ៏កម្រទាំងនេះ ក៏មានសារៈសំខាន់ក្រៃលែង ដែលជួយធ្វើឱ្យយើងអាចកំណត់ និងបង្ហាញភស្តុតាងអំពីអត្តសញ្ញាណរបស់ខ្មែរយើងបានថែមទៀត។

តែទោះបីជាយ៉ាងនេះក្តី ក៏មានមន្រ្តីសាធារណៈខ្លះ និងសាធារណជនទូទៅមួយចំនួនមានការយល់ដោយភាន់ច្រឡំថា បណ្ណសារគ្រាន់តែជាការប្រមូលឯកសារចាស់ៗមករក្សាទុកតែប៉ុណ្ណោះ ដែលប្រការនេះបានឆ្លុះបញ្ចាំងឱ្យឃើញថា ការយល់ដឹងអំពីមុខងារ និងសារៈសំខាន់របស់បណ្ណសារ នៅមិនទាន់បានទូលំទូលាយនៅឡើយ។ ក៏ប៉ុន្តែជាក់ស្តែង, បណ្ណសារដ្ឋានជាតិ គឺជាស្ថាប័នរស់ និងជាអង្គចងចាំរបស់ប្រទេសជាតិ ហើយក៏ជាទីតាំងដែលតម្កល់និងបង្ហាញអំពីវប្បធម៌, អរិយធម៌, របៀបគ្រប់គ្រងប្រទេស និងដំណើររបស់កម្ពុជាផងដែរ។

លោកសង្កត់ធ្ងន់ថា៖«ដូចនេះ ការធ្វើកែទម្រង់ ការធ្វើទំនើបកម្ម និងការអភិវឌ្ឍបណ្ណសារដ្ឋានជាតិនេះ គឺជាកិច្ចការ ចំាបាច់បំផុតមួយ ជាពិសេសក្នុងបរិការណ៍បច្ចុប្បន្ន ដើម្បីធ្វើឱ្យបណ្ណសារដ្ឋានជាតិក្លាយជាកន្លែងមានស្តង់ដា ក្នុងការទាក់ទាញអ្នកស្រាវជ្រាវ និងជាស្ថាប័នតម្កល់ឯកសារឈានមុខរបស់ជាតិ ប្រកបដោយនវានុវត្តន៍ សំដៅចូលរួមចំណែកក្នុងការផ្តល់នូវចំណេះដឹង, ការការពារ និងការអភិវឌ្ឍប្រទេសជាតិ ក៏ដូចជាការពង្រឹងការចងចាំអត្តសញ្ញាណជាតិ និងវប្បធម៌ស្នេហាជាតិ ទាំងក្នុងពេលបច្ចុប្បន្ន និងតទៅអនាគត»។

ដោយមើលឃើញពីសារៈសំខាន់នៃវិស័យបណ្ណសារនេះ ក្នុងនាមជាប្រធានក្រុមប្រឹក្សាបណ្ណសារ លោក វង្សី វិស្សុត បានសម្រេចបង្កើតក្រុមការងារចំពោះកិច្ចមួយ ដើម្បីរៀបចំតាក់តែងក្របខ័ណ្ឌយុទ្ធសាស្រ្ត និងផែនការសកម្មភាពនៃការងារបណ្ណសារនិងរាជកិច្ច និងបានដឹកនាំក្រុមការងារធ្វើទំនើបកម្មនិងកំណែទម្រង់បណ្ណសារដ្ឋានជាតិ និងបានពិនិត្យនិងអនុម័តលើសេចក្តីព្រាងឯកសារទស្សនាទានស្តីពីក្របខ័ណ្ឌផែនការយុទ្ធសាស្រ្ត សម្រាប់ការងាររាជកិច្ចនិងតម្កល់ឯកសារជាតិរយៈពេល៥ឆ្នាំ (២០២៤-២០២៨)។

ព្រមទាំងបានដាក់ចេញនូវយុទ្ធសាស្រ្តអាទិភាពចំនួន១០ សំដៅធ្វើឱ្យប្រសើរឡើងនូវការគ្រប់គ្រង, ការថែរក្សាទុក និងការអភិវឌ្ឍនៃវិស័យបណ្ណសារឱ្យសមស្របទៅតាមសភាពការណ៍ចំពោះមុខ ទាំងផ្នែករចនាសម្ព័ន្ធ, ធនធាន និងការកសាងលិខិតបទដ្ឋានគតិយុត្តថ្មីអនុលោមទៅតាមបរិវត្តកម្មឌីជីថលនាពេលបច្ចុប្បន្ន និងទៅថ្ងៃអនាគត។ ដោយឡែក ដើម្បីសិក្សាស្វែងយល់បន្ថែមអំពីបច្ចេកទេសនិងបទពិសោធថ្មីៗទៅលើដំណើរការនេះ បណ្ណសារដ្ឋានជាតិ ក៏បានសហការជាមួយអង្គភាពបណ្ណសារនៃអ.វ.ត.ក. ឬសាលាក្តីខ្មែរក្រហម ដែលបាននិងកំពុងគ្រប់គ្រងនិងថែរក្សាឯកសារតុលាការចំនួន ២៣៣ ៨៣៦​ ឯកសារ ស្មើនឹង ២,៥លានទំព័រជាបីភាសា (ខ្មែរ អង់គ្លេស និងបារាំង) ដែលមានស្តង់ដាអន្តរជាតិ។

បណ្ណសារដ្ឋានជាតិនៃកម្ពុជា (NAC) ត្រូវបានបង្កើតឡើងក្នុងឆ្នាំ១៩២៦ ហើយបើគិតត្រឹមឆ្នាំ២០២៥នេះ អគារបណ្ណសារដ្ឋានជាតិកម្ពុជាមានអាយុកាល ៩៩ឆ្នាំ ដែលមានផ្ទុកបណ្ណសារ​​​​​ តាំងពីសម័យបារាំងរហូតមកដល់បច្ចុប្បន្ន ដែលមានឯកសារប្រមាណ ៨០% ជាភាសាបារាំង និងប្រមាណ ២០% ផ្សេងទៀត ជាភាសាខ្មែរ និងភាសាផ្សេងៗ សរុបចំនួន ២,០០០ ម៉ែត្រលីនេអ៊ែ។  ក្នុងនោះមានដូចជា ផែនទី, ប្លង់ស្ថាបត្យកម្ម, ព្រះឆាយាល័ក្ខណ៍, រូបថត, កាសែត, ទស្សនាវដ្តី, រាជកិច្ច, រដ្ឋកិច្ច, ផ្ទាំងផ្សព្វផ្សាយ និងខិតបណ្ណជាដើម។ល៕

The post ឧបនាយករដ្ឋមន្រ្តី វង្សី វិស្សុត៖ បណ្ណសារដ្ឋានជាតិគឺជាឃ្លាំងចំណេះដឹងសម្រាប់ការសិក្សាកម្រិតជាតិ-អន្តរជាតិ appeared first on Kampuchea Thmey Daily.

ពិធីបើកកិច្ចប្រជុំកំពូលនេះបានធ្វើឡើងក្រោមអធិបតីភាពឧបនាយករដ្ឋមន្ត្រីប្រចាំការ វង្សី វិស្សុត រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី តំណាងសម្តេចបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា។ ព្រមទាំងមានការពីសំណាក់ឯកអគ្គរាជទូត ឯកអគ្គរដ្ឋទូត​ប្រទេសជាមិត្តមួយចំនួន និងឥស្សរជនជាន់ខ្ពស់នៃរាជរដ្ឋាភិបាលកម្ពុជា និងអ្នកជំនាញជាតិ អន្តរជាតិជាច្រើនជាច្រើនរូបទៀត។

ក្នុងពិធីបើកកិច្ចប្រជុំកំពូលនេះ លោកស្រី Armida Salsiah Alisjahbanaអគ្គលេខាធិការរងអង្គការសហប្រជាជាតិ និងជាលេខាធិការប្រតិបត្តិ នៃគណៈកម្មការសេដ្ឋកិច្ច និងសង្គមប្រចាំតំបន់អាស៊ី និងប៉ាស៊ីហ្វិក(ESCAP)  បានថ្លែងសុន្ទរកស្វាគមន៍ បន្ទាប់ ឧបនាយករដ្ឋមន្ត្រីប្រចាំការ វង្សី វិស្សុត ក៏បានថ្លែងសន្ទរកថាបើកអំពីការជំរុញកំណើនបៃតង និងឱកាស បន្ទាប់មក លោកបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន បានថ្លែងសន្ទករគន្លឹះបើកកិច្ចប្រជុំទី១ លើគោលនយោបាយ និងការចូលរួមរបស់ប្រទេសកម្ពុជា ក្នុងការគាំទ្រចីរភាពអាកាសធាតុ។​

*សម្រាប់កិច្ចកិច្ចប្រជុំតុមូលទី១៖ ស្តីពីការជំរុញនិរន្តភាព និងការពន្លឿនសកម្មភាពអាកាសធាតុ ដំណោះស្រាយ សម្រាប់ភពផែនដី។

នៅពេលរសៀលឧបនាយករដ្ឋមន្ត្រី សុខ ចិន្តាសោភា ទទួលបន្ទុកសេដ្ឋកិច្ច និងពិពិធកម្មពាណិជ្ជកម្ម នឹងថ្លែងសន្ទរកថា ពិសេសអំពី៖ ការបើកទីផ្សាររបស់កម្ពុជាសម្រាប់សេដ្ឋកិច្ចបៃតង ឱឧកាសសម្រាប់ការវិនិយោគបៃតង និងអាជីវកម្មប្រកបដោយចីរភាព។ ខណៈលោក ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនាវានុវត្តន៍ នឹងថ្លែងសន្ទរកថាគន្លឹះបើកកិច្ចប្រជុំទី២៖ ការជំរុញនវានុវត្តន៍ និងឧស្សាហូបនីយកម្មប្រកបដោយចីរភាព។

*កិច្ចប្រជុំតុមូលទី២៖ ការលើកម្ពស់ចក្រាភាព និងក្របខណ្ឌបរិស្ថាន សង្គម និងអភិបាលកិច្ច បញ្ហាប្រឈម និងឱកាសក្នុងសេដ្ឋកិច្ចចក្រា។

លោក កែវ រតនៈ រដ្ឋមន្ត្រីក្រសួងរ៉ែ និងថាមពល នឹងថ្លែងសុន្ទរកថាគន្លឹះបើកកិច្ចប្រជុំទី៣៖ ដំណើរបម្លាស់ប្តូរការប្រើប្រាស់ថាមពលរបស់ប្រទេសកម្ពុជាឆ្ពោះទៅកាន់អនាគតដែលគ្មានកាបូន។ ព្រមទាំងកិច្ចប្រជុំតុមូលទី៣៖ ការសម្រេចបានគោលដៅនៃការបំភាយឧស្ម័នសូន្យសុទ្ធ – ការគ្រប់គ្រង ការផ្លាស់ប្តូរថាមពល។

ថាមពលកកើតឡើងវិញ ហិរញ្ញប្បទានបៃតង ទីផ្សារឥណទានកាបូន គោលដៅអភិវឌ្ឍន៍ដោយចីរភាព និងនវានុវត្តន៍បច្ចេកវិទ្យាបរិស្ថាន សំដៅលើកកម្ពស់កិច្ចសហប្រតិបត្តិការដើម្បីសម្រេចឱ្យបានពេញលេញនូវចក្ខុវិស័យរបស់កម្ពុជា ប្រកបដោយភាពស្អាត បៃតង និងចីរភាព និងបញ្ជាក់ពីការចូលរួមរបស់កម្ពុជា ក្នុងការឆ្លើយតបនឹងប្រែប្រួលអាកាសធាតុដោយជោគជ័យ និងមានអព្យាក្រឹតកាបូន នៅឆ្នាំ២០៥០។

កិច្ចប្រជុំកំពូលបៃតង និងនិរន្តរភាពពិភពលោកឆ្នាំ ២០២៥ មានគោលបំណងគាំទ្ររបៀបវារៈឆ្នាំ ២០៣០ របស់អង្គការសហប្រជាជាតិ និងដើម្បីរក្សាគោលការណ៍ 4Ps Planet, People, Prosperity, and Partnership។ គំនិតផ្តួចផ្តើមនេះមានគោលបំណងពន្លឿនដំណោះស្រាយសកល និងភាពជាដៃគូរវាងវិស័យសាធារណៈ និងឯកជន ដើម្បីបង្កើតពាណិជ្ជកម្ម និងសេដ្ឋកិច្ចកាន់តែបៃតង និងនិរន្តរភាព។ កិច្ចប្រជុំកំពូលនេះនឹងផ្តោតលើការប្រែប្រួលអាកាសធាតុ សកម្មភាពអាកាសធាតុ ការវិនិយោគប្រកបដោយនិរន្តរភាព ហិរញ្ញវត្ថុបៃតង និងកំណើនបៃតង។

ជាផ្នែកមួយនៃកិច្ចខិតខំប្រឹងប្រែងសម្រាប់សេដ្ឋកិច្ចបៃតង និងនិរន្តរភាព រាជរដ្ឋាភិបាលកម្ពុជាកំពុងជំរុញយ៉ាងសកម្មរបៀបវារៈនៃការអភិវឌ្ឍន៍ប្រកបដោយនិរន្តរភាពរបស់ខ្លួន តាមរយៈយុទ្ធសាស្ត្រ និងគោលនយោបាយកំណើនបៃតង។ យុទ្ធសាស្ត្របញ្ចកោណ ផ្តល់នូវផែនទីបង្ហាញផ្លូវសម្រាប់ការអភិវឌ្ឍន៍សេដ្ឋកិច្ចប្រកបដោយនិរន្តរភាព និងធន់។ ការអនុវត្តធុរកិច្ចបៃតងដើរតួនាទីយ៉ាងសំខាន់ក្នុងការផ្លាស់ប្តូររបស់កម្ពុជាឆ្ពោះទៅរកសេដ្ឋកិច្ចប្រកបដោយនិរន្តរភាព និងបរិយាប័ន្ន ព្រោះការទទួលយកការអនុវត្តប្រកបដោយនិរន្តរភាពមិនត្រឹមតែផ្តល់អត្ថប្រយោជន៍ដល់បរិស្ថានប៉ុណ្ណោះទេ ថែមទាំងមានការប្រកួតប្រជែងរយៈពេលវែង និងភាពធន់នៃសេដ្ឋកិច្ចផងដែរ។

នៅលើមុំនៃ WGSS ក្រុមប្រឹក្សាប្រឹក្សាគោលនយោបាយពាណិជ្ជកម្ម និងសង្គមសេដ្ឋកិច្ចកម្ពុជាកំពុងសហការរៀបចំពិព័រណ៍ការវិនិយោគបៃតង ដែលត្រូវបានរចនាឡើងជាមជ្ឈមណ្ឌលសំខាន់មួយដើម្បីប្រមូលផ្តុំអាជីវកម្មបៃតង និងនិរន្តរភាព គម្រោង និងសហគ្រាសធុនតូច និងមធ្យមនៅទូទាំងតំបន់ ដើម្បីចូលរួម និងជំរុញកិច្ចសហការ និងភាពជាដៃគូ។ វានឹងនាំមកនូវអ្នកពាក់ព័ន្ធសំខាន់ៗ ការសម្របសម្រួលការតភ្ជាប់ និងការវិនិយោគសំខាន់ៗនៅក្នុងគំនិតផ្តួចផ្តើមបៃតង។

កម្មវត្ថុនៃកិច្ចប្រជុំ គឺដើម្បីបង្ហាញពីគំនិតច្នៃប្រឌិតពណ៌បៃតង និងបង្ហាញពីបច្ចេកវិទ្យា ផលិតផល និងសេវាកម្មដែលបង្ហាញពីដំណោះស្រាយទំនើបៗនៅទូទាំងប្រតិបត្តិការប្រកបដោយនិរន្តរភាពចម្រុះ និងដើម្បីជួយសម្រួលដល់ការវិនិយោគហិរញ្ញវត្ថុនៅក្នុងគម្រោង និងក្រុមហ៊ុនប្រកបដោយនិរន្តរភាពបរិស្ថាន អនុញ្ញាតឱ្យមានឱកាស និងសក្តានុពលសម្រាប់ការផ្លាស់ប្តូរបៃតង និងដើម្បីលើកទឹកចិត្តដល់ការអភិវឌ្ឍន៍អាជីវកម្មដោយផ្តល់នូវកន្លែងជាក់លាក់សម្រាប់អន្តរកម្មអាជីវកម្មទៅអាជីវកម្ម (B2B) និងអាជីវកម្មទៅរដ្ឋាភិបាល (B2G) អន្តរកម្មអាជីវកម្ម ភាពជាដៃគូ និងការចូលប្រើប្រាស់ទីផ្សារសម្រាប់ផលិតផល និងសេវាកម្មបៃតងនៅទូទាំងពិភពលោក។

កិច្ចប្រជុំនេះក៏មានការដាក់តាំងពិព័រណ៍បង្ហាញពីជម្រើសឈានឆ្ពោះទៅរកដំណោះស្រាយដោយនិរន្តរភាព ឆ្លើយតបនឹងបញ្ហាប្រឈមសកលដែលចូលរួម ចំណែកដល់ ប្រសិទ្ធភាពក្នុងការគ្រប់គ្រងបរិស្ថាន និងធនធានធម្មជាតិ របស់ក្រសួង ស្ថាប័នដៃគូអភិវឌ្ឍន៍ ក្រុមហ៊ុន សហគ្រាស សមាគម និងអង្គការដៃគូសហការនានាផងដែរ៕

The post កិច្ចប្រជុំកំពូលបៃតង និងចីរភាពសកលឆ្នាំ២០២៥ ចាប់ផ្ដើមក្រោមវត្តមានមន្ត្រីជាន់ខ្ពស់នៃរដ្ឋាភិបាលកម្ពុជា និងជំនាញអន្តរជាតិជាច្រើនរូប appeared first on Kampuchea Thmey Daily.

ការ​គូស​បញ្ជាក់​នេះ ក្នុង​ឱកាស ឯកឧត្ដម ហ៊ុន ម៉ានី ប្រធាន​សហភាព​សហព័ន្ធ​យុវជន​កម្ពុជា បាន​អញ្ជើញ​ជា​អធិបតីភាព ក្នុង​ពិធី​ប្រកាស​ទទួល​ស្គាល់​ក្រុម​ការងារ ស​.​ស​.​យ​.​ក បម្រើការ​នៅ​ទីស្ដីការ​គណៈរដ្ឋមន្ត្រី​ចំនួន ៧៧ រូប នា​អគារ The Kampusកាលពី​រសៀល​ថ្ងៃ​ទី ០៦ ខែ​ធ្នូ ឆ្នាំ ២០២៣។

នា​ឱកាស​នោះ ឯកឧត្ដម ហ៊ុន ម៉ានី បាន​អំណរគុណ​ចំពោះ ឯកឧត្ដម វង្សី វិស្សុត ដែល​ផ្ដល់​ការ​អនុញ្ញាត​ឲ្យ​មាន​ការ​រៀបចំ​ក្រុម​ការងារ ស​.​ស​.​យ​.​ក បម្រើការ​នៅ​ទីស្ដីការ​គណៈរដ្ឋមន្ត្រី។ ទន្ទឹម​នោះ ឯកឧត្ដម ក៏បាន​គូស​បញ្ជាក់​ថា «កិច្ចការ​សង្គម ជា​កិច្ចការ​សំខាន់​ដែល​មិន​អាច​រំលង​បាន ហើយ​ការ​រីក​លូតលាស់ នៃ​ចំនួន​សមាជិក សមាជិកា ស​.​ស​.​យ​.​ក ពី​មួយ​ថ្ងៃ​ទៅ​មួយ​ថ្ងៃ បាន​បង្ហាញ​អំពី​តួនាទី​ដ៏​សំខាន់ នៃ​មហា​ក្រុម​គ្រួសារ ស​.​ស​.​យ​.​ក ដែល​បាន​និង​កំពុង​បំពេញ​តួនាទី​ចូលរួម​យ៉ាង​សកម្ម​ក្នុង​ដំណើរ​ប្រព្រឹត្ត​ទៅ នៃ​សង្គម និង​រួបរួម​គ្នា​ជា​ធ្លុង​មួយ​ក្នុងនាម​ជា​យុវជន​បន្តវេន»។

ក្នុង​បរិយាកាស​ដ៏​មាន​អត្ថន័យ​នេះ ឯកឧត្ដម គួច វែងស្រ៊ុន បាន​ប្ដេជ្ញា​ចិត្ត​ក្នុង​ការ​ចូលរួម​បន្ត​ស្មារតី​លើក​កម្ពស់​សមត្ថភាព​យុវជន និង​អនុវត្ត​ការងារ​ស្រប​តាម​ស្មារតី និង​គោលការណ៍​របស់ ស​.​ស​.​យ​.​ក ដើម្បី​ជា​សក្ខីភាព និង​ឆ្លើយតប​ទៅ​នឹង​សេចក្ដីទុកចិត្ត​ពី​សំណាក់ ឯកឧត្ដម ហ៊ុន ម៉ានី និង​ឯកឧត្ដម វង្សី វិស្សុត ចំពោះ​ការ​ផ្ដល់​ឱកាស​ឲ្យ ឯកឧត្ដម ក្នុង​ការ​ចូលរួម​ដឹកនាំ និង​គាំទ្រ​បុព្វហេតុ​ជាតិ និង​មាតុភូមិ​ជាមួយ​ក្រុម​គ្រួសារ ស​.​ស​.​យ​.​ក។

ជាមួយ​គ្នា​នេះ ឯកឧត្ដម​ឧបនាយករដ្ឋមន្ត្រី វង្សី វិស្សុត បាន​មាន​ប្រសាសន៍​អបអរសាទរ​គម្រប់​ខួប ៤៥ ឆ្នាំ នៃ​ថ្ងៃ​កំណើត ស​.​ស​.​យ​.​ក (០២ ធ្នូ ១៩៧៨-០២ ធ្នូ ២០២៣) កន្លងទៅ​នេះ​ផង​ដែរ។ ទន្ទឹម​នោះ ឯកឧត្ដម ក៏បាន​ធ្វើការ​វាយតម្លៃ​ខ្ពស់​ចំពោះ​ស្មារតី​របស់​ក្រុម​គ្រួសារ ស​.​ស​.​យ​.​ក ដែល​លះបង់​ប្រយោជន៍​ផ្ទាល់ខ្លួន ចូលរួម​ជា​បញ្ញា ស្មារតី កម្លាំងកាយ ចិត្ត រហូត​សម្រេច​សមិទ្ធផល​ផ្លែផ្កា​ជា​បន្ត​បន្ទាប់​សម្រាប់​ប្រទេសជាតិ និង​មាតុភូមិ។

គួរ​ជម្រាប​ថា ពិធី​ប្រកាស​ទទួល​ស្គាល់​ក្រុម​ការងារ ស​.​ស​.​យ​.​ក បម្រើការ​នៅ​ទីស្ដីការ​គណៈរដ្ឋមន្ត្រី​ចំនួន ៧៧ រូប នា​អគារ The Kampusកាលពី​ម្សិលមិញ មាន​វត្តមាន​អញ្ជើញ​ចូលរួម​ពី​សំណាក់ ឯកឧត្ដម វង្សី វិស្សុត ឧបនាយករដ្ឋមន្ត្រី​ប្រចាំការ រដ្ឋមន្ត្រី​ទទួល​បន្ទុក​ទីស្ដីការ​គណៈរដ្ឋមន្ត្រី រួម​ទាំង ឯកឧត្ដម លោកជំទាវ ជា​ថ្នាក់​ដឹកនាំ និង​សមាជិក សមាជិកា ស​.​ស​.​យ​.​ក ជា​ច្រើន​រូប​ផង​ដែរ៕

អត្ថបទ ៖ ពិសី

The post ឯកឧត្ដម ហ៊ុន ម៉ានី ៖ ការកើនឡើងចំនួនសមាជិក-សមាជិកា ស.ស.យ.ក បង្ហាញពីការបំពេញតួនាទីដ៏សកម្មក្នុងដំណើរប្រព្រឹត្តទៅ នៃសង្គម appeared first on Kampuchea Thmey Daily.