នៅក្នុង​របាយ​ការណ៍​បាន​បញ្ជាក់​ថា​ Arnold ត្រូវបានបង្ខាំងអស់រយៈពេលជាច្រើនម៉ោង។ ក្នុងពេលដែលក្រុមគយបានហៅ​ទៅ​ពិនិត្យ​មើល​នាឡិកា​ប្រណីត​ដែល​គាត់​បាន​នាំ​ចូល ខណៈដែលមួយគ្រឿងនេះមានតម្លៃថ្លៃជាងដែនកំណត់គយអាល្លឺម៉ង់កំណត់។

កាសែតដដែលនេះក៏បាននិយាយផងដែរថា នាឡិកាដ៏ប្រណិតនោះត្រូវបានរក្សាទុកក្នុងវ៉ាលី មានតម្លៃដល់ទៅ ២០,០០០ អឺរ៉ូ ហើយនឹងត្រូវដាក់លក់ដេញថ្លៃនៅឯពិធីជប់លៀងអាហារពេលល្ងាច សម្រាប់ការរៃអង្គាសថវិកាដើម្បីជួយដល់គម្រោង Schwarzenegger Climate Initiative។

ទោះ​ជា​យ៉ាង​ណា​ក៏​ដោយ ច្បាប់​អាល្លឺម៉ង់​ចែង​យ៉ាង​ដូច្នេះថា អ្នកធ្វើដំណើរអាចនាំយកវត្ថុមានតម្លៃ ឬគ្រឿងអលង្ការចូលប្រទេសដោយមិនចាំបាច់ប្រកាសថាពួកគេបង់ពន្ធ។ ប៉ុន្តែវាត្រូវតែជារបស់ដែលមានតម្លៃតិចជាង ៤៣០ អឺរ៉ូ ប៉ុន្តែនៅក្នុងករណីរបស់ Arnold តម្លៃនៃនាឡិកានេះលើសពីដែនកំណត់ច្បាប់។ គយអាឡឺម៉ង់នឹងចាត់វិធានការបន្ថែមទៀតប្រឆាំងនឹងគាត់ដែលហ៊ាននឹងល្មើសនឹងច្បាប់៕

អត្ថបទ៖ សាង ស្រីល័ក្ខ

ចុចអាន៖ភរិយាសេដ្ឋីថៃ Noey Chotika ប្រកាស​លក់​រថយន្ត​ស៊េរីទំនើប តម្លៃមហាសាល

The post តារាជើងចាស់ Arnold  ត្រូវគេឃុំខ្លួននៅអាកាសយានដ្ឋានអាល្លឺម៉ង់ ព្រោះនាឡិកាមួយគ្រឿង appeared first on Kampuchea Thmey Daily.