ថ្មីៗនេះលោក Laporta បានផ្តល់បទសម្ភាសពាក់ព័ន្ធនឹងអ្នកឈ្នះពាន Ballon d’Or ថា៖ «ពាន Ballon d’Or ត្រូវតែបានទៅលើកីឡាករ Barcelona។ Lamine គឺជាកីឡាករដ៏អស្ចារ្យ ហើយគាត់បានបង្ហាញវាគ្រប់យ៉ាងរៀងរាល់ការប្រកួត»។

នាប៉ុន្មានថ្ងៃបន្ទាប់ លោក Al-Khelaifi ក៏បានបង្ហាញពីទស្សនៈរបស់លោក ដោយផ្ទុយនឹងការលើកឡើងរបស់ប្រធានក្លិប Barcelona យ៉ាងដូច្នេះថា៖ «ប្រសិនបើ Ousmane Dembele មិនបានឈ្នះពាន Ballon d’Or ទេ នោះវានឹងមានបញ្ហា»។

តាមទស្សនៈរបស់ប្រធានក្លិបទាំង ២ ខាងលើ សុទ្ធតែជឿជាក់ខ្ពស់ដូចគ្នា លើកីឡាកររបស់ពួកគេរៀងៗខ្លួន ដោយលោក Laporta គឺគិតថា យុវជនឆ្នើម Lamine Yamal នឹងឈ្នះពាននេះ។ ចំណែកលោក Al-Khelaifi គឺគិតថា Dembele នឹងឈ្នះពាននេះ។

ទោះបីជាយ៉ាងណា បេក្ខភាពទាំង ២ ខាងលើ សុទ្ធតែស្ថិតនៅក្នុងរ៉ាដារបស់អ្នកគាំទ្រទូទាំងពិភពលោកដូចគ្នា ដែលសុទ្ធតែរំពឹងថា ក្នុងចំណោមពួកគេទាំង ២ នាក់ នឹងមានម្នាក់ ដែលនឹងអាចឈ្នះពាន Ballon d’Or ២០២៥។

គួរឱ្យដឹងថា បញ្ជីឈ្មោះបេក្ខភាពប្រជែងពាន Ballon d’Or ទាំង ៣០ នាក់ក្នុងឆ្នាំ ២០២៥ បានប្រកាសជាផ្លូវការហើយ ខណៈអ្នកឈ្នះជាផ្លូវការនឹងប្រកាសនៅថ្ងៃ ចន្ទ ទី ២២ ខែ កញ្ញា ឆ្នាំ ២០២៥៕

ប្រែសម្រួល៖ សេម កុសល
ប្រភព៖ Fabrizio Romano

The post មេធំ Barcelona និងមេធំ PSG ខ្វែងគំនិតគ្នារឿងបេក្ខភាពអាចឈ្នះពាន Ballon d’Or ឆ្នាំនេះ appeared first on Kampuchea Thmey Daily.

ដកស្រង់ចេញពី GOAL ខាងក្រោមនេះ ជាបេក្ខភាពកីឡាករលំដាប់កំពូលទាំង ៥ ដែលមានភាគរយអាចឈ្នះពានបាល់មាសខ្ពស់ជាងគេបំផុត៖

៥. Mohamed Salah (Liverpool)៖
កាលពីរដូវកាល ២០២៤-២០២៥ កន្លងទៅ Salah បានបង្ហាញសមត្ថភាពយ៉ាងលេចធ្លោរ ដោយរូបគេរកបានគ្រាប់បាល់ចំនួន ៣៦ គ្រាប់ និង ២៤ បញ្ជូន (assist)។ ចំពោះសមិទ្ធផលជាមួយក្លិប រូបគេបានរួមចំណែកយ៉ាងធំធេងជួយឱ្យ Liverpool ឈ្នះពាន Premier League ចំនួន ១។

៤. Raphinha (Barcelona)៖
Raphinha បានដើរតួជាកម្លាំងស្នូលដ៏សំខាន់របស់ Barcelona កាលពីរដូវកាលមុន ២០២៤-២០២៥។ រូបគេរកបាន ៣៩ គ្រាប់ និង ២៥ បញ្ជូន (assist)។ ខ្សែប្រយុទ្ធសញ្ជាតិ ប្រេស៊ីល វ័យ ២៨ ឆ្នាំបានជួយឱ្យ Barcelona ឈ្នះពាន ៣ ក្នុង ១ រដូវកាលដូចជា La Liga, Copa del Rey និងពាន Supercopa de Espana។

៣. Vitinha (Paris Saint-Germain)៖
Vitinha ក្នុងនាមជាខ្សែបម្រើ រូបគេក៏បានស្ថិតនៅក្នុងបេក្ខភាពមួយរូប ដែលអាចឈ្នះពានបាល់មាសឆ្នាំនេះផងដែរ។ ខ្សែបម្រើសញ្ជាតិ ព័រទុយហ្គាល់ វ័យ ២៥ ឆ្នាំ បានបង្ហាញសមត្ថភាពល្អគួរឱ្យកត់សម្គាល់កាលពីរដូវកាលមុន ២០២៤-២០២៥។ រូបគេជាកម្លាំងស្នូលដ៏សំខាន់ ដែលបានជួយឱ្យ PSG ឈ្នះពាន Champions League, Lige1, Coupe de France, Trophee des Champions និងចុងក្រោយនេះទើបបានឈ្នះពាន UEFA Super Cup។ ជាមួយគ្នានេះ នៅក្នុងក្រុមជម្រើសជាតិ ព័រទុយហ្គាល់ រូបគេបានឈ្នះពាន UEFA Nations League ១ ទៀតផង។ ចំណែកស្ថិតិផ្ទាល់ខ្លួនវិញ Vitinha បានស៊ុតបញ្ចូលទី ៨ គ្រាប់ និង ៨ បញ្ជូន (assist)។

២. Lamine Yamal (Barcelona)៖
កាលពីរដូវកាល ២០២៤-២០២៥ យុវជនដ៏មានទេពកោសល្យ Lamine Yamal បានធ្វើឱ្យអ្នកគាំទ្របាល់ទាត់ទូទាំងពិភពលោក មានការភ្ញាក់ផ្អើលជាខ្លាំងអំពីទម្រង់លេងរបស់គេ ដោយពេលនោះគេមានវ័យទើប ១៧ ឆ្នាំប៉ុណ្ណោះ។ Yamal បានក្លាយជាខ្សែប្រយុទ្ធដ៏សំខាន់របស់ Barcelona ដោយរូបគេស៊ុតបញ្ចូលទីបាន ២១ គ្រាប់ និង ២៦ បញ្ជូន (assist) និងបានរួមចំណែកជួយឱ្យក្រុមអ្នកមានបុណ្យឈ្នះពាន La Liga, Copa dey Rey និង Supercopa de Espana។

១. Ousmane Dembele (Paris Saint-Germain)៖
កាលពីរដូវកាល ២០២៤-២០២៥ រាប់បានជារដូវកាលដ៏ជោគជ័យបំផុតនៅសម្រាប់អាជីពរបស់ Dembele តាំងពីគេក្លាយខ្លួនជាកីឡាករបាល់ទាត់អាជីពមក។ ខ្សែប្រយុទ្ធសញ្ជតិ បារាំង រូបនេះ ត្រូវបានគេមើលឃើញជាបេក្ខភាពធំជាងគេបំផុត ដែលអាចឈ្នះពាន Ballon d’Or ឆ្នាំនេះ។ ក្នុងនោះរូបគេរកបាន ៣៧ គ្រាប់ និង ១៦ បញ្ជូន (assist) ហើយបានជួយឱ្យក្រុមអ្នកមាន បារាំង ឈ្នះពាន Champions League, Ligue1, Coupe de France, Trophee des Champions និង UEFA Super Cup៕

គួរឱ្យដឹងថា បញ្ជូីឈ្មោះកីឡាករទាំង ៣០ នាក់ ដែលត្រូវប្រជែងពាន Ballon d’Or ២០២៥ បានប្រកាសជាផ្លូវការហើយ កាលពីថ្ងៃទី ៧ ខែ សីហា ឆ្នាំ ២០២៥ កន្លងទៅ ខណៈអ្នកឈ្នះពានបាល់មាសឆ្នាំនេះ នឹងត្រូវប្រកាសជាផ្លូវការនៅថ្ងៃទី ២២ ខែ កញ្ញា ឆ្នាំ ២០២៥៕

ប្រែសម្រួល៖ សេម កុសល
ប្រភព៖ GOAL

The post បេក្ខភាពកីឡាករកំពូលទាំង ៥ មានភាគរយខ្ពស់ឈ្នះពាន Ballon d’Or ឆ្នាំនេះ appeared first on Kampuchea Thmey Daily.

ថ្លែងនៅក្នុងកិច្ចសម្ភាសមួយកាលពីពេលថ្មីនេះ លោក Schweinsteiger បានលើកឡើងថា៖ «សម្រាប់ពាន Ballon d’Or ឆ្នាំនេះ គឺ Lamine Yamal គួរតែមានអទិភាពឈ្នះជាង Dembele»។

តាមរយៈប្រសាសន៍របស់បុរសសញ្ជាតិ អាល្លឺម៉ង់ វ័យ ៤០ ឆ្នាំ គឺលោកមានភាពជឿជាក់ខ្ពស់លើ Yamal ជាង Dembele ដែលជាបេក្ខភាពសក្តិសមឈ្នះពានឯកត្តជនកំពូល Ballon d’Or នៅឆ្នាំ ២០២៥ នេះ។

កាលពីរដូវកាល ២០២៤-២០២៥ កន្លងទៅ ទាំង Yamal និង Dembele សុទ្ធតែបង្ហាញសមត្ថភាពបានល្អដូចគ្នា ជាមួយក្រុមពួកគេរៀងៗខ្លួន។ Yamal ដែលបច្ចុប្បន្នមានវ័យទើប ១៧ ឆ្នាំ បានជួយឱ្យ Barcelona ឈ្នះពាន La Liga, Copa del Rey និង Spanish Super Cup ហើយកាលពីយប់មិញនាយប់រំលងអាធ្រាត្រឈានចូលថ្ងៃទី ៦ ខែ មិថុនា នេះ រូបគេទើបតែបានជួយឱ្យ អេស្ប៉ាញ ឡើងទៅវគ្គផ្តាច់ព្រ័ត្រពាន Nations League បន្ទាប់ពីឈ្នះ បារាំង ៥-៤។

ងាកមកកាន់ Dembele វិញ នៅរដូវកាលនេះ រូបគេបានជួយឱ្យ Paris Saint-Germain ឈ្នះពាន Ligue1, French Champion, France Cup និងជាពិសេស គឺ UEFA Champions League៕

ប្រែសម្រួល៖ សេម កុសល
ប្រភព៖ Sportskeeda

The post លោក Schweinsteiger ព្យាករច្បាស់ៗពីអ្នកឈ្នះ Ballon d’Or រវាង Yamal និង Dembele appeared first on Kampuchea Thmey Daily.

យោងតាមការចុះផ្សាយដោយអ្នកកាសែត អ៉ីតាលីលោក Fabrizio Romano ដែលបានដកស្រង់ប្រភពចេញពី Score 90 បានព្យាករណ៍ថា Lamine Yamal នឹងឈរនៅចំណាត់ថ្នាក់ទី ១ ដោយក្លាយជាអ្នកឈ្នះពាន Ballon d’Or ក្នុងឆ្នាំ ២០២៥​ ។

ដោយឡែក Ousmane Dembel ខ្សែប្រយុទ្ធរបស់ Paris Saint-Germain វិញ គឺឈរនៅលេខរៀងទី ២, Raphinha ឈរនៅលេខរៀងទី ៣, ខ្សែបម្រើ Pedri ឈរនៅលេខរៀងទី ៤ និង Mohamed Salah ខ្សែប្រយុទ្ធរបស់ Liverpool ឈរនៅលេខរៀងទី ៥។

គួរដឹងថា នេះគ្រាន់តែជាការព្យាកររបស់ស្ថាប័ន Score 90 ប៉ុណ្ណោះ ប៉ុន្តែលទ្ធផលជាក់ស្តែង នឹងដឹងនៅចុងឆ្នាំនេះ។ យ៉ាងណា Lamine Yamal នៅរដូវកាល ២០២៤-២០២៥ នេះ គឺបង្ហាញសមត្ថភាពបានល្អមែនទែនជាមួយ Barcelona ក្រោមការដឹកនាំរបស់អ្នកចាត់ការលោក Hansi Flick។ ជារួមក្នុងការលេងសរុបចំនួន ៥២ ប្រកួត រូបគេរកបាន ១៦ គ្រាប់ និង ២៤ បញ្ជូន (assist)។ គិតត្រឹមបច្ចុប្បន្ន រូបគេបានជួយឱ្យក្រុមអ្នកមានបុណ្យឈ្នះពាន Spanish Super Cup ១ និង Copa del Rey ១ ហើយក្នុងពេលឆាប់ៗខាងមុខក៏ទំនងនឹងមានពានលីគកំពូល អេស្ប៉ាញ La Liga មួយទៀតផងដែរ៕

ប្រែសម្រួល៖ សេម កុសល
ប្រភព៖ Fabrizio Romano

The post Lamine Yamal ត្រូវគេព្យាករ នឹងឈ្នះពាន Ballon d’Or ឆ្នាំនេះ appeared first on Kampuchea Thmey Daily.

Mbappe បច្ចុ​ប្បន្នកំពុងបង្ហាញសមត្ថភាពល្អខ្លាំងមែនទែននៅ Real Madrid ចាប់តាំងពីរូបគេផ្លាស់ចូលនៅដើមរដូវកាល ២០២៤-២០២៥ ។ ម្យ៉ាងខ្សែប្រយុទ្ធវ័យ ២៦ ឆ្នាំរូបនេះ កំពុងស្ថិតនៅក្នុងការអង្កេតរបស់គេ សម្រាប់​បេក្ខភាពឈ្នះពានបាល់មាសផងដែរ បន្ទាប់ពីរូបគេ កំពុងដើរតួយ៉ាងសំខាន់ ក្នុងការជួយក្រុមអធិរាជសប្រជែងពាន La Liga និងពាន Champions League។ មិនត្រឹមតែប៉ុណ្ណោះ រូបគេក៏ទើបតែជួយឱ្យក្រុមជម្រើសជាតិ បារាំង ឡើងកាន់វគ្គពាក់កណ្តាលផ្តាច់ព្រ័ត្រពាន Nations League ផងដែរ។

ជុំវិញសមត្ថភាពដ៏លេចធ្លោរ និងកំណត់ត្រាដ៏ល្អបែបនេះ បានធ្វើឱ្យ Modric កោតសរសើរលើរូបគេជាខ្លាំង ហើយខ្សែបម្រើសញ្ជាតិ ក្រូអាត វ័យ ៣៩ ឆ្នាំរូបនេះ ជឿជាក់ថា បើគេនៅតែបន្តធ្វើបានល្អបែបនេះ នោះគេអាចឈ្នះពាន Ballon d’Or បាន ២ ទៅ ៣ គ្រឿងម្នាក់ឯង។

ថ្លែងនៅក្នុងកិច្ចសម្ភាសជាមួយ Telefoot កាលពីពេលថ្មីៗនេះ Modric បាននិយាយអំពី Mbappe យ៉ាងដូច្នេះថា៖ «ប្រសិនបើ Kylian បន្តធ្វើ​សកម្មភាពបែបនេះទៀត ហើយអាចជួយ Real Madrid ដូចអ្វី ដែលគាត់កំពុងធ្វើ ខ្ញុំប្រាកដថា គាត់នឹងជាបេក្ខភាពម្នាក់ ដែលអាចឈ្នះពាន Ballon d’Or ប៉ុន្តែមិនមែន១​លើក​ទេ គឺអាចពីរ​ឬ​បី​លើក»៕

ប្រែសម្រួលអត្ថបទ៖ សេម កុសល
ប្រភព៖ Sportskeeda

The post Modric ថា តាមសមត្ថភាព Mbappe អាចឈ្នះ Ballon d’Or ពីរ​បី​ដង​ក្នុងអាជីព appeared first on Kampuchea Thmey Daily.