ក្នុងបទសម្ភាសន៍ជាមួយពិធីករ Joe Madison នៃវិទ្យុ SiriusXM នៅថ្ងៃព្រហស្បតិ៍នេះ លោក Obama និយាយថា ប្រសិនបើលោកបណ្ឌិត Anthony Fauci នាយកវិទ្យាស្ថានជាតិអាឡែរហ្សីនិងជំងឺឆ្លងនិងជាអ្នកជំនាញផ្នែកជំងឺឆ្លងកំពូលរបស់ប្រទេសបញ្ជាក់ថា វ៉ាក់សាំងវីរុសកូរ៉ូណាមានសុវត្ថិភាពនោះ លោកប្រាកដជាជឿជាក់លើគាត់។

លោក Obama លើកឡើងថា “មនុស្សដូចជាលោក Anthony Fauci តាមខ្ញុំស្គាល់និងបានធ្វើការជាមួយ ខ្ញុំជឿជាក់ទាំងស្រុង។ ដូច្នេះប្រសិនបើលោក Anthony Fauci ប្រាប់ខ្ញុំថា វ៉ាក់សាំងនេះមានសុវត្ថិភាពហើយអ្នកអាចចាក់បានដើម្បីការពារការឆ្លងជំងឺកូវីដ១៩នោះ ខ្ញុំពិតជានឹងទទួលយកវា”។

លោកបន្តថា “ខ្ញុំសូមសន្យាជាមួយអ្នកថា នៅពេលដែលវាត្រូវបានបង្កើតឡើងសម្រាប់មនុស្សដែលមានហានិភ័យតិច ខ្ញុំនឹងទទួលយកវា”៕

ប្រែសម្រួលដោយ៖ Vann Vann

ប្រភព៖ CNN

ចុចអាន៖ អង់គ្លេសក្លាយជាប្រទេសដំបូងគេក្នុងលោកដែលអនុញ្ញាតឲ្យប្រើប្រាស់វ៉ាក់សាំងកូវីដជាទូទៅ

ចុចអាន៖ អាមេរិកផ្ដល់វ៉ាក់សាំងកូវីដ ដល់បុគ្គលិកសុខាភិបាល និងអ្នករស់នៅក្នុងមណ្ឌលថែទាំ មុនគេ

The post លោក Obama ប្តេជ្ញាចាក់វ៉ាក់សាំងកូវីដហើយផ្សាយតាមទូរទស្សន៍ដើម្បីបង្ហាញប្រសិទ្ធភាព appeared first on Kampuchea Thmey Daily.

ការលាតត្រដាងអំពីការតិះដៀលខ្លាំងៗរបស់លោក ពូទីន ត្រូវបានបង្ហាញនៅក្នុងសៀវភៅរបស់លោក អូបាម៉ា ដែលមានចំណងជើងថា “A Promise Land” ដែលចងក្រងអំពីកុមារភាពរបស់អតីតប្រធានាធិបតីរូបនេះនិងអាណត្តិដំបូងរបស់គាត់រហូតដល់ការធ្វើឃាតលោក អូសាម៉ា ប៊ិនឡាដិន។

យោងតាម “A Promise Land” ដែលផ្សាយដោយកាសែត The Sun បានបង្ហាញថា កិច្ចប្រជុំលើកដំបូងរវាងឥស្សរជននយោបាយទាំងពីរបានកើតឡើងនៅខែកក្កដាឆ្នាំ២០០៩ក្នុងភូមិគ្រឹះរបស់លោក ពូទីន នៅជាយក្រុង មូស្គូ។

ប្រភពមួយបានប្រាប់ The Sun ថា “លោក អូបាម៉ា និយាយអំពីរបៀបដែលលោក ពូទីន មើលទៅដូចគ្មានអំណាចនៅពេលអ្នកទាំងពីរថតរូបជាមួយគ្នា។ លោក អូបាម៉ា ថា លោក ពូទីន ទាបនិងតូច ច្រមុះស្រួចនិងស្លេកៗ។

លោក អូបាម៉ា និយាយអំពីរបៀបដែលអ្នករត់តុបុរសស្លៀកពាក់រ៉ូបបែបប្រពៃណីនិងស្បែកជើងស្បែកខ្ពស់ៗបម្រើពងមាន់និងពងត្រីនិងចាក់ទឹកតែចំណែកលោក ពូទីន ចាប់ផ្តើមតិះដៀលខ្លាំងៗមិនចេះចប់អំពីមនុស្សគ្រប់គ្នាដែលទទួលរងភាពអយុត្តិធម៌និងអំពើក្បត់ដែលគាត់បាននិយាយថា គាត់និងប្រជាជនរុស្ស៊ីមានក្តីឈឺចាប់ក្រោមកណ្តាប់ដៃជនជាតិអាមេរិក។

លោក ពូទីន និយាយថា លោកចូលចិត្តប្រធានាធិបតី George W Bush បន្ទាប់ពីការវាយប្រហារថ្ងៃទី១១ខែកញ្ញាក្នុងការសន្យាសាមគ្គីភាពហើយថែមទាំងបានផ្តល់ជំនួយរបស់រុស្ស៊ីក្នុងការដោះស្រាយជាមួយ សាដាម ហ៊ូសេន ផងដែរ។

ប៉ុន្តែគាត់បាននិយាយថា លោក Bush បានលុកលុយប្រទេសអ៊ីរ៉ាក់ហើយបានចោទប្រកាន់គាត់ថា បង្កអស្ថិរភាពនៅក្នុងតំបន់មជ្ឈិមបូព៌ាទាំងមូល។

សៀវភៅនោះបាននិយាយថា ជំនួយការលោក អូបាម៉ា បានព្យាយាមទប់ស្កាត់ការនិយាយខ្លាំងៗនេះប៉ុន្តែលោក ពូទីន នៅតែបន្ត។

វាមានរយៈពេល៤៥នាទីមុនពេលដែលគាត់បញ្ឈប់ហើយលោក អូបាម៉ា បានឆ្លើយសំណួរគាត់ម្តងមួយចំណុចៗនៅក្នុងអ្វីដែលប្រែទៅជាការសន្ទនាម៉ារ៉ាតុងរយៈពេល២ម៉ោង។ គាត់បានអះអាងថា លោក ពូទីន ហាក់ដូចជាបើកចិត្តប៉ុន្តែមិនសាទរចំពោះទស្សនៈរបស់គាត់ទេ។

ក្រោមរដ្ឋបាលលោក អូបាម៉ា សហរដ្ឋអាមេរិកបានអំពាវនាវឲ្យមានការចាប់ផ្តើមឡើងវិញនៅក្នុងទំនាក់ទំនងរវាងប្រទេសទាំងពីរបន្ទាប់ពីមានភាពតានតឹងកើនឡើងខ្លាំងរយៈពេលច្រើនឆ្នាំ។ ប៉ុន្តែភាពតានតឹងបានកើតឡើងនៅពេលលោក អូបាម៉ា ចូលកាន់តំណែងអាណត្តិទី២៕

ប្រែសម្រួលដោយ៖ Vann Vann

ប្រភព៖ Daily Mail

The post ពូទីន តិះដៀលអាមេរិកខ្លាំងៗពេលជួប អូបាម៉ា លើកដំបូង appeared first on Kampuchea Thmey Daily.

ការសិក្សា​ស្រាវជ្រាវ​ដែល​សហការ​ជាមួយលោក​ Paromita Sen ​បង្ហាញថា​ អ្វីដែល​លោក អូបា​ម៉ា បានលើក​ឡើង​គឺទាំង​ត្រូវនិង​ខុសព្រមគ្នា​។ ​ខណៈ​ពេលដែល​ការស្រាវជ្រាវ​បង្ហាញថា ​ស្ត្រីកាន់​តែច្រើន​នៅក្នុង​នីតិបញ្ញត្តិ​បង្កើន​គោលនយោបាយ​និង​សន្តិភាព ​យើង​ឃើញថា ​ប្រទេសដែលមានស្ត្រីជាមេដឹកនាំ ​ដូច​ជា​នាយក​រដ្ឋមន្រ្តី​ ប្រធានាធិបតីជាដើមនោះ ​បានចូលរួមដោះស្រាយ​ជម្លោះ​ហឹង្សា​ក៏កាន់​តែច្រើន​។ ​ដោយសារ​តែសង្គម​ភាគច្រើន​ ​រួមទាំង​ជន​​ជាតិអាមេ​រិកាំង​ ​ចាត់ទុក​ស្រ្តី​ជាមនុស្ស​ទន់ខ្សោយ ​ដោយនិយាយទៀតថា​ ​មេដឹកនាំ​ស្ត្រីតែងតែ​ផ្តល់​សំណងមកវិញ​បានតែ​ភាពទន់​ខ្សោយលើសកម្មភាពរបស់នាងប៉ុណ្ណោះ​។​

អតីត​ប្រធានាធិបតី​លោកអូប៉ាម៉ា​បានសង្ខេប​រួមព្រមទាំង​សន្មត់ថា ​ស្ត្រីអាចយក​ឈ្នះ​បានយ៉ាង​ឆាប់រហ័ស​នូវ​ភាព​លម្អៀង​របស់​គំនិត​មនុស្សចាស់​ ​ជាពិសេស​បុរស​ចំណាស់​ ​ដែលមិន​អាច​ទទួលយក​បានពីការចាក​ចេញ​ពីសង្គ្រាម​និងរកសុខ​សន្តិភាព​។​ ​សង្គម​យល់​ឃើញ​ថាស្ត្រី​ពូកែ​សម្របសម្រួល​ ​ប៉ុន្តែមាន​អ្នក​បោះឆ្នោត​តិចតួច​ណាស់​ដែលចង់​ឲ្យមេដឹកនាំ​សម្របសម្រួល​បញ្ហានានា​ដែលខិតទៅជិត​សន្តិសុខជាតិ​៕

ប្រែសម្រួល៖ មួង ពិសី

ចុចអាន៖ ៨ យ៉ាង​អំពី​អនុសញ្ញា​ជាតិ​ប្រជាធិបតេយ្យ​ នៅ​អាមេរិក

The post អូបាម៉ា​៖​ “​ប្រសិនបើ​ស្ត្រី​ជាអុ្នកគ្រប់គ្រងពិភព​លោក ​សង្រ្គាម​នឹង​កាត់បន្ថយ​” appeared first on Kampuchea Thmey Daily.