ព័ត៌មានអន្ដរជាតិ
អាមេរិកផ្ដល់វ៉ាក់សាំងកូវីដ ដល់បុគ្គលិកសុខាភិបាល និងអ្នករស់នៅក្នុងមណ្ឌលថែទាំ មុនគេ
បើយោងតាមកិច្ចប្រជុំគណៈកម្មាធិការនៃមជ្ឈមណ្ឌលទប់ស្កាត់ និងការពារជំងឺឆ្លងអាមេរិក (CDC) នៅថ្ងៃអង្គារនេះបានឲ្យដឹងថា បុគ្គលិកសុខាភិបាល និងអ្នករស់នៅមណ្ឌលថែទាំរយៈពេលយូរនឹងក្លាយជាក្រុមដំបូងដែលបានទទួលវ៉ាក់សាំងកូវីដ ១៩ នៅសហរដ្ឋអាមេរិក ។
គណៈកម្មាធិការប្រឹក្សាយោបល់ស្តីពីការអនុវត្តការចាក់ថ្នាំបង្ការរោគជាក្រុមអ្នកជំនាញខាងវេជ្ជសាស្ត្រក្រៅផ្លូវការដែលផ្តល់យោបល់ដល់ CDC បានធ្វើការសម្រេចចិត្តលើថាតើក្រុមណាដែលនឹងទទួលបានវ៉ាក់សាំងកូវីដ ១៩ ។
ពួកគេបានបោះឆ្នោត ១៣ សម្លេងលើ ១ សម្លេងដើម្បីផ្តល់យោបល់ថា ទាំងបុគ្គលិកថែទាំសុខភាព និងអ្នករស់នៅក្នុងមណ្ឌលថែទាំរយៈពេលវែងនឹងស្ថិតក្នុងជួរដំបូងសម្រាប់វ៉ាក់សាំងកូវីដ ១៩ ដែលទទួលបានការអនុញ្ញាតឲ្យប្រើប្រាស់ជាបន្ទាន់ (EUA) ពីរដ្ឋបាលចំណីអាហារ និងឪសថអាមេរិក (FDA) ។
ទន្ទឹមនោះទូរទស្សន៍ CNN បានដកស្រង់ប្រភពពី CDC ដោយបាននិយាយថា អ្នករស់នៅមណ្ឌលថែទាំរយៈពេលវែងមានចំនួន ៦ ភាគរយទទួលករណីឆ្លងកូវីដ ១៩ ហើយមាន ៤០ ភាគរយស្លាប់ដោយសារជំងឺនេះ ខណៈបុគ្គលិកសុខាភិបាលជាង ២៤០,០០០ នាក់បានឆ្លងជំងឺកូវីដ ១៩ និង ៨៥៨ នាក់បានស្លាប់ ។
កិច្ចប្រជុំនេះបានធ្វើឡើងមួយថ្ងៃ បន្ទាប់ពីក្រុមហ៊ុនផលិតឱសថអាមេរិ Moderna បានដាក់ពាក្យសុំទៅ FDA សម្រាប់ការអនុញ្ញាតឲ្យប្រើប្រាស់ជាបន្ទាន់នៃបេក្ខជនវ៉ាក់សាំងរបស់ខ្លួនឈ្មោះ mRNA-1273 ខណៈបេក្ខជនវ៉ាក់សាំងមួយទៀតមកពីក្រុមហ៊ុនអាមេរិក Pfizer និងក្រុមហ៊ុន BioNtech របស់អាល្លឺម៉ង់ ក៏បានដាក់ពាក្យសុំការអនុញ្ញាតឲ្យប្រើប្រាស់ជាបន្ទាន់នៅថ្ងៃទី ២០ ខែវិច្ឆិកា ។
ស្របពេលជាមួយនេះរដ្ឋមន្រ្តីក្រសួងសុខាភិបាលអាមេរិកលោក Alex Azar បាននិយាយកាលពីថ្ងៃចន្ទថា វ៉ាក់សាំងកូវីដ ១៩ ដំបូងចំនួន ២ អាចមានសម្រាប់ជនជាតិអាមេរិកមុនថ្ងៃបុណ្យណូអែល ។
លោកបាននិយាយថា វ៉ាក់សាំងរបស់ក្រុមហ៊ុន Pfizer អាចត្រូវបានអនុញ្ញាត និងដឹកជញ្ជូនក្នុងរយៈពេលប៉ុន្មានថ្ងៃ បន្ទាប់ពីកិច្ចប្រជុំរបស់ទីប្រឹក្សា FDA ដែលគ្រោងធ្វើនៅថ្ងៃទី ១០ ខែធ្នូ ដែលនឹងពិនិត្យមើលទិន្នន័យសាកល្បងព្យាបាល និងផ្តល់យោបល់ថាតើត្រូវធានាការយល់ព្រមឬយ៉ាងណា ។
ចំណែកវ៉ាក់សាំងរបស់ក្រុមហ៊ុន Moderna ត្រូវបានគេរំពឹងថានឹងត្រូវពិនិត្យការសាកល្បងព្យាបាលនៅមួយសប្តាហ៍ក្រោយ ហើយរដ្ឋាភិបាលសហព័ន្ធសហរដ្ឋអាមេរិកនឹងបញ្ជូនវ៉ាក់សាំងទាំងនេះតាមរយៈប្រព័ន្ធចែកចាយវ៉ាក់សាំងធម្មតារបស់ខ្លួន ខណៈអភិបាលរដ្ឋជាអ្នកកំណត់កន្លែងដែលពួកគេគួរទៅមុន ៕
ប្រែសម្រួលដោយ ៖ ជីវ័ន្ត
ប្រភព ៖ XINHUA
ចុចអាន ៖ Florida ក្លាយជារដ្ឋអាមេរិកទី៣ដែលមានការឆ្លងកូវីដលើស១លានករណី
ចុចអាន ៖ ចិន ទទូចឲ្យអាមេរិកឈប់លក់អាវុធទៅកោះ តៃវ៉ាន់ ហើយព្រមានក្រុង តៃប៉ិ ធ្ងន់ៗ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង