Cristiano Ronaldo Jr ដែលបច្ចុប្បន្នមានវ័យ ១៤ ឆ្នាំ ពិតជាបង្ហាញសមត្ថភាពលេចធ្លោរមែនទែន បន្ទាប់ពីរូបគេស៊ុតបញ្ចូលទី ២ គ្រាប់ ជួយឱ្យក្រុមជម្រើសជាតិ ព័រទុយហ្គាល់ អាយុក្រោម ១៥ ឆ្នាំយកឈ្នះលើក្រុម ក្រូអាត អាយុក្រោម ១៥ ឆ្នាំក្នុងលទ្ធផល ៣ ទល់នឹង ២ នៅក្នុងការប្រកួតវគ្គផ្តាច់ព្រ័ត្រពាន Vlatko Markovic ២០២៥ អាយុក្រោម ១៥ ឆ្នាំ។

នេះគឺជាគ្រាប់បាល់ដំបូងរបស់ Ronaldo Jr ក្នុងការបង្ហាញខ្លួនជាមួយក្រុម ព័រទុយហ្គាល់ អាយុក្រោម ១៥ ឆ្នាំ ខណៈរូបគេក៏បានប្រើស្ទាយ៍អបអរ Siuu តាម CR7 ដែលជាឪពុករបស់ខ្លួនផងដែរ បន្ទាប់ពីរកបានគ្រាប់បាល់ទី ១។ យុវជនដែលកំពុងហ្វឹកហាត់នៅក្លិប Al-Nassr រូបនេះ ទទួលបានការចាប់អារម្មណ៍ខ្លាំងមែនទែន ពីសំណាក់អ្នកគាំទ្រនៅទូទាំងពិភពលោក។ ជាមួយគ្នានេះ មានការលើកឡើងថា យុវជនរូបនេះនឹងអាចក្លាយជាអ្នកស្នងតំណែងឪពុករបស់គេនាពេលអនាគតទៀតផង៕

អត្ថបទ៖ សេម កុសល

The post ល្អដូចឪពុកអ៊ីចឹង! Ronaldo Jr ស៊ុត ២ គ្រាប់ ជួយឱ្យព័រទុយហ្គាល់ U១៥ លើកពាន Vlatko Markovic appeared first on Kampuchea Thmey Daily.

យុវជនវ័យ ១៤ ឆ្នាំ ដែលលេងតួនាទីជាខ្សែប្រយុទ្ធរូបនេះ បច្ចុប្បន្នកំពុងលេងនៅក្នុងថ្នាលយុវជនរបស់ក្រុម Al-Nassr នៅ អារ៉ាប៊ីសាអ៊ូឌីត។ កាល​ពី​ពេល​ថ្មីៗនេះរូបគេបានមកចូលរួមហ្វឹកហាត់ជាមួយក្រុម ព័រទុយហ្គាល់ រួចរាល់ហើយ ដើម្បីត្រៀមធ្វើការប្រកួតជាមួយក្រុមជម្រើសជាតិអាយុក្រោម ១៥ ឆ្នាំ ជប៉ុន ក្រិក និង អង់គ្លេស នៅក្នុងពានរង្វាន់ Vlatko Markovic នៅប្រទេស ក្រូអាត។

គួរដឹងថា Cristiano Jr គឺមាន ៣ សញ្ជាតិ ដោយរូបគេមានសញ្ជាតិ អាមេរិក អេស្ប៉ាញ និង ព័រទុយហ្គាល់។ Cristiano Jr អាចជ្រើសរើសលេងតំណាងឱ្យប្រទេសណាមួយក៏បានដែរតាមដែលចិត្តរបស់គេចង់ ប៉ុន្តែចុងក្រោយ រូបគេបានសម្រេចចិត្តជ្រើសរើសយកការលេងឱ្យឈុតយុវជនរ​បស់ក្រុមជម្រើសជាតិ ព័រទុយហ្គាល់ ដើម្បីដើរតាមគន្លងរបស់ឪពុកខ្លួន ដែលបានបង្កើតប្រវត្តិសាស្ត្រយ៉ាងអស្ចារ្យជាច្រើន៕

ប្រែសម្រួល៖ សេម កុសល
ប្រភព៖ Herald News

The post កូនប្រុសរបស់ Ronaldo ត្រូវបានកោះហៅចូលជម្រើសជាតិ ព័រទុយហ្គាល់ U-១៥ ជាលើកដំបូង appeared first on Kampuchea Thmey Daily.