កូនប្រុសរបស់ Ronaldo ត្រូវបានកោះហៅចូលជម្រើសជាតិ ព័រទុយហ្គាល់ U-១៥ ជាលើកដំបូង

នេះជារជ្ជកាលថ្មីបន្តពី Cristiano Ronaldo គឺកូនប្រុសបង្កើតរបស់គាត់ យុវជន Cristiano Ronaldo Jr ត្រូវបានកោះហៅចូលក្រុមជម្រើសជាតិ ព័រទុយហ្គាល់ អាយុក្រោម ១៥ ឆ្នាំលើកដំបូង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យុវជនវ័យ ១៤ ឆ្នាំ ដែលលេងតួនាទីជាខ្សែប្រយុទ្ធរូបនេះ បច្ចុប្បន្នកំពុងលេងនៅក្នុងថ្នាលយុវជនរបស់ក្រុម Al-Nassr នៅ អារ៉ាប៊ីសាអ៊ូឌីត។ កាល​ពី​ពេល​ថ្មីៗនេះរូបគេបានមកចូលរួមហ្វឹកហាត់ជាមួយក្រុម ព័រទុយហ្គាល់ រួចរាល់ហើយ ដើម្បីត្រៀមធ្វើការប្រកួតជាមួយក្រុមជម្រើសជាតិអាយុក្រោម ១៥ ឆ្នាំ ជប៉ុន ក្រិក និង អង់គ្លេស នៅក្នុងពានរង្វាន់ Vlatko Markovic នៅប្រទេស ក្រូអាត។

គួរដឹងថា Cristiano Jr គឺមាន ៣ សញ្ជាតិ ដោយរូបគេមានសញ្ជាតិ អាមេរិក អេស្ប៉ាញ និង ព័រទុយហ្គាល់។ Cristiano Jr អាចជ្រើសរើសលេងតំណាងឱ្យប្រទេសណាមួយក៏បានដែរតាមដែលចិត្តរបស់គេចង់ ប៉ុន្តែចុងក្រោយ រូបគេបានសម្រេចចិត្តជ្រើសរើសយកការលេងឱ្យឈុតយុវជនរ​បស់ក្រុមជម្រើសជាតិ ព័រទុយហ្គាល់ ដើម្បីដើរតាមគន្លងរបស់ឪពុកខ្លួន ដែលបានបង្កើតប្រវត្តិសាស្ត្រយ៉ាងអស្ចារ្យជាច្រើន៕

ប្រែសម្រួល៖ សេម កុសល
ប្រភព៖ Herald News