តាមការវាយតម្លៃរបស់ទស្សនាវដ្តី Forbes ក្នុងឆ្នាំ ២០២៦ បានបង្ហាញ ថា ក្លិបដែលមានមូលដ្ឋាននៅរដ្ឋហ្លរីដា មួយនេះ មានតម្លៃបច្ចុប្បន្នរហូតដល់ទៅ ១.៣៥ ប៊ីលានដុល្លារអាមេរិក (ពាន់លានដុល្លារអាមេរិក) ខណៈចំនួននេះក្លាយជាក្លិបមានតម្លៃខ្ពស់បំផុតក្នុងលីគ។

តម្លៃនេះកើនឡើង ១៣% បើប្រៀបធៀបនឹងឆ្នាំមុន ហើយអាចបានឡើងឈរលើក្រុម Los Angeles FC (LAFC) ដែលកាន់ចំណាត់ថ្នាក់លេខ ១ កាលពីឆ្នាំចាស់។ ការកើនឡើងយ៉ាងឆាប់រហ័សនេះ ទទួលបានមកពីជោគជ័យផ្នែកពាណិជ្ជកម្ម និងឥទ្ធិពលរបស់ខ្សែប្រយុទ្ធ Lionel Messi ដែលបានរួមចំណែកជួយឲ្យក្លិបរកបានប្រាក់ចំណូលកើនជិត ៤ ដង ចាប់តាំងពីឆ្នាំ ២០២២។

ចំណាត់ថ្នាក់ក្លិបលំដាប់កំពូលទាំង ៥ មានតម្លៃថ្លៃបំផុត៖

១. Inter Miami CF – មានតម្លៃ ១.៣៥ ពាន់លានដុល្លារអាមេរិក

២. Los Angeles FC – មានតម្លៃ ១.៣២ ពាន់លានដុល្លារអាមេរិក

៣. LA Galaxy – មានតម្លៃ ១.០៨ ពាន់លានដុល្លារអាមេរិក

៤. New York City FC – មានតម្លៃ ១.០២ ពាន់លានដុល្លារអាមេរិក

៥. Atlanta United FC – មានតម្លៃ ១ ពាន់លានដុល្លារអាមេរិក៕

ប្រែសម្រួល៖ សេម កុសល
ប្រភព៖ Fanatik

The post ឥទ្ធិពល Messi ធ្វើឱ្យ Inter Miami ក្លាយ​ជាក្លិបមានតម្លៃថ្លៃបំផុតនៅ​លីគកំពូលអាមេរិក appeared first on Kampuchea Thmey Daily.

កាលពីព្រឹកថ្ងៃ ចន្ទ ទី ២៤ ខែ វិច្ឆិកា ឆ្នាំ ២០២៥ ខ្សែប្រយុទ្ធសញ្ជាតិ អាហ្សង់ទីន វ័យ ៣៨ ឆ្នាំ បានស៊ុតបញ្ចូលទីមួយគ្រាប់ និងបញ្ជូន ៣ លើក ជួយឱ្យក្រុម Inter Miami យកឈ្នះលើក្រុម Cincinnati ៤-០ ដណ្តើមបានកៅអីឡើងទៅកាន់វគ្គពាក់កណ្តាលផ្តាច់ព័ត្រនៃក្របខណ្ឌលីគកំពូល អាមេរិក Major League Soccer ដើម្បីជួបនឹងក្រុម New York City នៅថ្ងៃទី ៣០ ខែ វិច្ឆិកា ឆ្នាំ ២០២៥។

ជុំវិញការរកបានគ្រាប់បាល់ ១ គ្រាប់ និងបញ្ជូន ៣ លើក បានធ្វើឱ្យ Leo Messi ក្លាយជាកីឡាករដំបូងគេបង្អស់ ដែលរកបានគ្រាប់បាល់បូកបញ្ជូនរហូតដល់ទៅ ១,៣០០ គ្រាប់។ ក្នុងនោះកីឡាកររកបានគ្រាប់បាល់បានចំនួន ៨៩៦ គ្រាប់ និងបញ្ជូនចំនួន ៤០៤ លើក ពីការបង្ហាញខ្លួនសរុបទាំងនៅក្លិប និងជម្រើសជាតិចំនួន ១,១៣៥ ប្រកួត។

កំណត់ត្រានេះ គឺ Messi បានវ៉ាដាច់គូប្រជែង Cristiano Ronaldo ដែលឈរលេខ ២ រហូតដល់ទៅ ៨៧ គ្រាប់ បន្ទាប់ពីខ្សែប្រយុទ្ធសញ្ជាតិ ព័រទុយហ្គាល់ វ័យ ៤០ ឆ្នាំរកបានគ្រាប់បាល់ បូក បញ្ជូន បានចំនួន ១,២១៣ គ្រាប់។ Ronaldo បង្ហាញខ្លួនសរុបចំនួន ១,២៩៨ ប្រកួត រកបានគ្រាប់បាល់បានចំនួន ៩៥៤ គ្រាប់ និងបញ្ជូន ២៥៩ លើក៕

អត្ថបទ៖ សេម កុសល
ប្រភព៖ GOAL

The post Messi បំបែកកំណត់ត្រាធំមួយក្នុងអាជីព ក្រោយស៊ុត ១ និងបញ្ជូន ៣ ឱ្យ Miami ម្សិលមិញ appeared first on Kampuchea Thmey Daily.

នេះជាដំណឹងល្អសម្រាប់អ្នកគាំទ្របាល់ទាត់ ក៏ដូចជាអ្នកគាំទ្រ Messi ផ្ទាល់ ដែលចង់ឃើញគាត់បន្តលេងបាល់ទាត់រយៈពេលយូរឆ្នាំបន្ថែមទៀត ដោយកាលពីថ្ងៃទី ២៣ ខែ តុលា ឆ្នាំ ២០២៥ ក្លិប Inter Miami បានប្រកាសជាផ្លូវការ អំពីការបន្តកិច្ចសន្យាថ្មីជាមួយខ្សែប្រយុទ្ធសញ្ជាតិ អាហ្សង់ទីន វ័យ ៣៨ ឆ្នាំ រយៈពេល ៣ ឆ្នាំបន្ថែមទៀត ពោលគឺដល់ខែ ធ្នូ ឆ្នាំ ២០២៨។

ក្រោយការចុះកិច្ចសន្យាថ្មីនេះរួចរាល់ មិនទាន់មានប្រភពច្បាស់លាស់ណាមួយ បញ្ជាក់អំពីតម្លៃពលកម្មថ្មីរបស់ Messi នៅឡើយទេ។ ទោះបីជាយ៉ាងណា សារព័ត៌មាន Zoombangla បានអះអាង ថា តម្លៃពលកម្មថ្មីរបស់ Messi គឺមិនខុសគ្នាពីមុនច្រើនឡើយ ដោយអាចទទួលបានប្រហាក់ប្រហែល ឬខ្ពស់ជាងមុនបន្តិចបន្តួច។

តម្លៃពលកម្មចាស់ ដែល Messi ទទួលបានអំឡុងពេលបន្តកិច្ចសន្យាថ្មីជាមួយ Inter Miami រយៈពេល ២ ឆ្នាំកន្លះកាលពីខែ កក្កដា ឆ្នាំ ២០២៣ គឺទទួលបានខ្ទង់ ២០.៤៥ លានដុល្លារអាមេរិកក្នុងមួយឆ្នាំ ហើយបើបូកជាមួយនឹងចំណូល ដែលទទួលបានពីការផ្សព្វផ្សាយផ្សេងៗ ដូចជា Adidas និងសិទ្ធផ្សាយរបស់ Apple គឺខ្សែប្រយុទ្ធសញ្ជាតិ អាហ្សង់ទីន ទទួលបានសរុបចន្លោះពី ១៣០ លានដុល្លារអាមេរិក ទៅ ១៥០ លានដុល្លារអាមេរិក។

គួរឱ្យដឹងថា តាមរយៈតម្លៃពលកម្មខាងលើ នឹងធ្វើឱ្យ Leo Messi បន្តឈរនៅលើគេ ជាកីឡាករបាល់ទាត់ ដែលមានប្រាក់ពលកម្មខ្ពស់ជាងគេបំផុតប្រចាំលីគកំពូល អាមេរិក MLS៕

ប្រែសម្រួល៖ សេម កុសល
ប្រភព៖ Zoombangla

The post Messi បន្តកុងត្រាថ្មីជាមួយក្លិប Miami ទទួលបានប្រាក់ឈ្នួលខ្ពស់ជាងគេបំផុតនៅលីគ អាមេរិក appeared first on Kampuchea Thmey Daily.

នៅថ្ងៃ សុក្រ ទី ២៦ ខែ កញ្ញា ឆ្នាំ ២០២៦ នេះ អ្នកកាសែត អ៉ីតាលី លោក Fabrizio Romano បានចុះផ្សាយ ថា អតីតខ្សែបម្រើ Barcelona និងបច្ចុប្បន្នជាកីឡាករ Inter Miami កីឡាករ Sergio Busquets បានសម្រេចចិត្តរួចរាល់ហើយ និងចូលនិវត្តន៍ពីអាជីពបាល់ទាត់ នៅពេលលីគបាល់ទាត់កំពូល អាមេរិក ឆ្នាំ ២០២៥ បញ្ចប់ក្នុងខែ តុលា ឆាប់ៗនេះ។

តាមរយៈដំណឹងនេះ ជឿជាក់ ថា អ្នកគាំទ្រនៅទូទាំងពិភពលោក ពិតជាសោកសៅខ្លាំងអំពីការប្រកាសមួយនេះ ព្រោះថាកីឡាករឆ្នើមម្នាក់ទៀត នឹងចាកចេញពីបាល់ទាត់ ក្នុងពេលឆាប់ៗខាងមុខ។ Busquets ដែលបច្ចុប្បន្នមានវ័យ ៣៧ ឆ្នាំ ត្រូវបានគេចាត់ទុកជាខ្សែបម្រើការពារដ៏ល្អបំផុតក្នុងលោកម្នាក់ ថ្វីដ្បិតគាត់មនុស្សម្នាក់ ដែលមានរាងកាយស្គមស្គាំងមិនអំណោយផលក៏ដោយ។

Sergio Busquets បានក្លាយជាកំពូលខ្សែបម្រើការពារក្នុងលោក ដោយសារតែភាពវៃឆ្លាតនៃការលេងបាល់ទាត់របស់គាត់ ដែលមិនអាចប្រៀបផ្ទឹមបាន។ ចំណុច ដែលធ្វើឱ្យគាត់លេចធ្លោរខ្លាំងបំផុត គឺតាមរយៈ ការបញ្ជូនបាល់យ៉ាងច្បាស់លាស់ និងទីតាំងកលល្បិចដែលមិនអាចកាត់ថ្លៃបាន ដែលអនុញ្ញាតឱ្យគាត់គ្រប់គ្រងចង្វាក់លេងរបស់ក្រុម បំបែកការលេងរបស់ក្រុមគូប្រកួត និងចាប់ផ្តើមការវាយប្រហារដ៏មានឥទ្ធិពល ជាជាងការពឹងផ្អែកលើរូបរាងកាយ។

ក្នុងនាមជាខ្សែបម្រើ គាត់មិនមែនជាអ្នកនាំលេងរបស់ក្រុម ដោយចល័តគ្រប់ទីតាំងនោះទេ ប៉ុន្តែអ្វី ដែលគាត់តែងតែធ្វើ គឺដើរតួជា “អ្នកវិភាគកលល្បិច” នៅលើទីលាន ហើយមានសារៈសំខាន់ចំពោះភាពជោគជ័យរបស់ក្រុម ដែលត្រូវបានគ្រប់គ្រងដោយគាត់ បើទោះបីជាគាត់ជាកីឡាករដែលមិនសូវមានកាយសម្បទារឹងមាំក៏ដោយ។

គួរឱ្យដឹងថា Busquets បានចាប់ផ្តើមអាជីពជាកីឡាករបាល់ទាត់នៅ Barcelona ពីឆ្នាំ ២០០៨ ដល់ ២០២៣ និងចុងក្រោយគាត់បានមកលេងនៅ Inter Miami ពីឆ្នាំ ២០២៣ ដល់ ២០២៥ នេះ។ គាត់បានឈ្នះពានធំៗជាច្រើន ដូចជាពាន Champions League ៣ លើក, UEFA Super Cup ៣ លើក, La Liga ៩ លើក, FIFA Club World Cup ៣ លើក, Copa del Rey ៧ លើក, Spanish Super Cup ៧ លើក, World Cup ១ លើក, Euro ១ លើក និងពានមួយចំនួនទៀត៕

អត្ថបទ៖ សេម កុសល

The post រាងស្គមស្គាំងមិនទំនង ប៉ុន្តែចំណុចទាំងនេះធ្វើឱ្យ Busquets ជាប់ជាកំពូលខ្សែបម្រើក្នុងលោក appeared first on Kampuchea Thmey Daily.

នៅក្នុងការប្រកួតរវាងក្រុមទាំង ២ ពិតជាតឹងតែងមែនទែន ដោយក្រុមភ្ញៀវ Orlando City ជាអ្នករកគ្រាប់បាល់នាំមុខបានមុននៅនាទីទី ៤៥+១ ដែលជាការស៊ុតបញ្ចូលទីដោយកីឡាករ Marco Pasalic។ ឈានចូលវគ្គទី ២ ក្រុម Inter Miami បានរកគ្រាប់បាល់វាយបកបាន ៣ គ្រាប់មកវិញ ដែលស៊ុតបញ្ចូលទីដោយ Lionel Messi ២ គ្រាប់ គឺនៅនាទីទី ៧៧ និង ៨៨។ ចំណែក ១ គ្រាប់ទៀត រកបានដោយកីឡាករ Telasco Segovia នៅនាទីទី ៩០+១។

លទ្ធផល ៣-១ នេះ បានធ្វើឱ្យក្រុម Inter Miami កក់ក្តៅក្នុងការទទួលបានកៅអីឡើងទៅកាន់វគ្គផ្តាច់ព្រ័ត្រពាន League Cup សម្រាប់ឆ្នាំ ២០២៥ នេះ។ យ៉ាងណា គូប្រកួតរបស់ពួកគេនៅវគ្គផ្តាច់ព្រ័ត្រនឹងដឹងជាផ្លូវការ នៅពេលការប្រកួតបញ្ចប់រវាងក្រុម Seattle Sounders FC ទល់នឹង LA Galaxy នៅព្រឹកថ្ងៃទី ២៨ ខែ សីហា ឆ្នាំ ២០២៥ នេះ៕

សូមទស្សនាវីដេអូហាយឡាយខាងក្រោម៖

អត្ថបទ៖ សេម កុសល

The post Messi ព្រឹកមិញស៊ុត ២ គ្រាប់ដ៏​អស្ចារ្យ ជួយឱ្យ Miami ឡើងវគ្គផ្តាច់ព្រ័ត្រពាន League Cup appeared first on Kampuchea Thmey Daily.

Starrett បានចាប់ផ្តើមហ្វឹកហាត់បាល់ទាត់ដំបូងនៅថ្នាលយុវជនរបស់​ក្លិប FC Barcelona ដែលមានមូលដ្ឋាននៅ សហរដ្ឋអាមេរិក។ កីឡាករ វ័យ ១៣ ឆ្នាំរូបនេះ មានម្តាយ​ជាខ្មែរ និង​ឪពុកជាជនជាតិ អាមេរិក។ ត្រឹមវ័យ ១៣ ឆ្នាំ រូបគេ​មានកម្ពស់ ១.៨៥ ម៉ែត្រ និង​លេងតួនាទីជាខ្សែប្រយុទ្ធ​កណ្តាល។

Starrett ត្រូវបានគេដឹងថា ជាកីឡាករវ័យក្មេងដ៏មានទេពកោសល្យម្នាក់ ហើយនាពេលកន្លងមក រូបគេក៏ធ្លាប់ជាប់ជម្រើសជាតិ អាមេរិក អាយុក្រោម ១៤ ឆ្នាំផងដែរ៕

អត្ថបទ៖ សេម កុសល
ប្រភព៖ Footyaccess

The post យុវជនខ្មែរ-អាមេរិក Starrett នឹងចាកចេញពីថ្នាល Barcelona ផ្លាស់ទៅថ្នាល Inter Miami appeared first on Kampuchea Thmey Daily.

ថ្មីៗនេះមានសេចក្តីរាយការណ៍ថា ខ្សែប្រយុទ្ធសញ្ជាតិ អាហ្សង់ទីន វ័យ ៣៨ ឆ្នាំកំពុងពិចារណាចាកចេញពីក្លិប Inter Miami ដោយសារមានការខកចិត្ត ចំពោះលទ្ធផលចាញ់ក្រុម Paris Saint-Germain ៤-០ នៅវគ្គ ១៦ ក្រុមចុងក្រោយពាន FIFA Club World Cup។ មូលហេតុធំមួយទៀត គឺគាត់ចង់ចាកចេញពីលីគកំពូល អាមេរិក MLS ដើម្បីស្វែងរកក្លិបផ្សេង ដែលមានកម្រិតប្រកួតប្រជែងខ្ពស់ ជាការត្រៀមខ្លួន និងពង្រឹងសមត្ថភាពឱ្យបានល្អប្រសើរ មុនព្រឹត្តិការណ៍បាល់ទាត់ជើងឯកពិភពលោក (FIFA World Cup ២០២៦) មកដល់។

យោងតាមការចុះផ្សាយដោយសារព័ត៌មាន BOLA VIP បានឱ្យដឹងថា ក្លិប Inter Miami នឹងបាត់បង់ចំណូលប្រហែល ៣៥៤ លានដុល្លារអាមេរិក ប្រសិនបើតារាឆ្នើមម្ចាស់ពាន Ballon d’Or ៨ សម័យចាកចេញ។ ចាប់តាំងពី Leo Messi មកកាន់ក្រុម ដែលមានមូលដ្ឋាននៅរដ្ឋ ផ្លរីដា មួយនេះ បានធ្វើឱ្យ Inter Miami ទទួលបានកំណើនប្រាក់ចំណូលពីការលក់សំបុត្ររហូតដល់ទៅ ៣១២.៧ លានដុល្លារអាមេរិក។ ចំណែកចំណូលពីការផ្សាយការប្រកួតនៅលើ Apple TV ក៏មានការកើនឡើងផងដែរ ពោលពួកគេរកបានរហូតដល់ទៅ ៣៥ លានដុល្លារអាមេរិក។

គួរបញ្ជាក់ថា Messi បានចូលរួមជាមួយ Inter Miami កាលពីរដូវក្តៅឆ្នាំ ២០២៣ ខណៈកិច្ចសន្យារបស់គាត់ នឹងអស់សុពលភាពនៅចុងឆ្នាំនេះហើយ ពោលគឺត្រឹមខែ ធ្នូ ឆ្នាំ ២០២៥។ យ៉ាងណា មកដល់ពេលនេះ គឺមិនទាន់មានព័ត៌មានណាមួយ បានបញ្ជាក់អំពីឆន្ទៈរបស់ខ្សែប្រយុទ្ធសញ្ជាតិ អាហ្សង់ទីន ចង់បន្តកិច្ចសន្យថ្មីឡើយ៕

ប្រែសម្រួល៖ កុសល
ប្រភព៖ Sportskeeda

The post ឥទ្ធិពល Messi នឹងធ្វើឱ្យ Miami បាត់បង់លុយច្រើនជាង ៣០០ លានដុល្លារ បើគាត់ចាកចេញ appeared first on Kampuchea Thmey Daily.

នៅក្នុងការប្រកួតរវាងក្រុមទាំង ២ គឺពិតជាតានតឹងមែនទែន ប៉ុន្តែក្រោយបញ្ចប់ការប្រកួត ៩០ នាទីពេញ ខាងក្រុម Miami ធ្វើបានល្អជាង ដោយពួកគេបានយកឈ្នះលើក្រុម LAFC ក្នុងលទ្ធផល ៣ ទល់នឹង ១។

មែនទែនទៅ ខាងក្រុម LAFC ជាអ្នករកគ្រាប់បាល់នាំមុខបានមុន ដែលសុតបញ្ចូលទីដោយកីឡាករ Aaron Long នៅនាទីទី ៩។ លុះក្រោយមកខាងក្រុម Miami ក៏រកបានគ្រាប់បាល់វាយបក ៣ គ្រាប់មកវិញ ដែលស៊ុតបញ្ចូលទីដោយ Lionel Messi ២​ គ្រាប់នៅនាទីទី ៣៥ និង ៨៤ (ប៉េណាល់ទី) និងមួយគ្រាប់ទៀត រកបានដោយកីឡាករ Noah Allen នៅនាទីទី ៦១។

សូមបញ្ជាក់ថា ក្រោយជ័យជម្នះនេះ ក្រុម Inter Miami បានកក់កៅអីឡើងទៅកាន់វគ្គពាក់កណ្តាលផ្តាច់ព្រ័ត្រពាន Concacaf Champions Cup ហើយ ដោយសរុបលទ្ធផលទាំង ២ ជើង ពួកគេបានយកឈ្នះក្នុងលទ្ធផល ៣ ទល់នឹង ២៕

សូមទស្សនាវីដេអូខាងក្រោម៖

អត្ថបទ៖ សេម កុសល

The post Messi ស៊ុត ២ គ្រាប់ល្អដូចផ្កា ជួយឱ្យ Miami វាយបកឈ្នះ LAFC ៣-១ (វីដេអូ) appeared first on Kampuchea Thmey Daily.