Connect with us

កីឡា

Messi បន្តកុងត្រាថ្មីជាមួយក្លិប Miami ទទួលបានប្រាក់ឈ្នួលខ្ពស់ជាងគេបំផុតនៅលីគ អាមេរិក

បានផុស

នៅ

ខ្សែប្រយុទ្ធសញ្ជាតិ អាហ្សង់ទីន Lionel Messi បន្តក្លាយជាកីឡាករមានប្រាក់ពលកម្មខ្ពស់ជាងគេបំផុតប្រចាំលីគបាល់ទាត់ អាមេរិក (Major League Soccer) ក្រោយសម្រេចចិត្តបន្តកិច្ចសន្យាជាមួយក្លិប Inter Miami រយៈពេល ៣ ឆ្នាំបន្ថែមទៀត។

Lionel Messi
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះជាដំណឹងល្អសម្រាប់អ្នកគាំទ្របាល់ទាត់ ក៏ដូចជាអ្នកគាំទ្រ Messi ផ្ទាល់ ដែលចង់ឃើញគាត់បន្តលេងបាល់ទាត់រយៈពេលយូរឆ្នាំបន្ថែមទៀត ដោយកាលពីថ្ងៃទី ២៣ ខែ តុលា ឆ្នាំ ២០២៥ ក្លិប Inter Miami បានប្រកាសជាផ្លូវការ អំពីការបន្តកិច្ចសន្យាថ្មីជាមួយខ្សែប្រយុទ្ធសញ្ជាតិ អាហ្សង់ទីន វ័យ ៣៨ ឆ្នាំ រយៈពេល ៣ ឆ្នាំបន្ថែមទៀត ពោលគឺដល់ខែ ធ្នូ ឆ្នាំ ២០២៨។

ក្រោយការចុះកិច្ចសន្យាថ្មីនេះរួចរាល់ មិនទាន់មានប្រភពច្បាស់លាស់ណាមួយ បញ្ជាក់អំពីតម្លៃពលកម្មថ្មីរបស់ Messi នៅឡើយទេ។ ទោះបីជាយ៉ាងណា សារព័ត៌មាន Zoombangla បានអះអាង ថា តម្លៃពលកម្មថ្មីរបស់ Messi គឺមិនខុសគ្នាពីមុនច្រើនឡើយ ដោយអាចទទួលបានប្រហាក់ប្រហែល ឬខ្ពស់ជាងមុនបន្តិចបន្តួច។

Lionel Messi

តម្លៃពលកម្មចាស់ ដែល Messi ទទួលបានអំឡុងពេលបន្តកិច្ចសន្យាថ្មីជាមួយ Inter Miami រយៈពេល ២ ឆ្នាំកន្លះកាលពីខែ កក្កដា ឆ្នាំ ២០២៣ គឺទទួលបានខ្ទង់ ២០.៤៥ លានដុល្លារអាមេរិកក្នុងមួយឆ្នាំ ហើយបើបូកជាមួយនឹងចំណូល ដែលទទួលបានពីការផ្សព្វផ្សាយផ្សេងៗ ដូចជា Adidas និងសិទ្ធផ្សាយរបស់ Apple គឺខ្សែប្រយុទ្ធសញ្ជាតិ អាហ្សង់ទីន ទទួលបានសរុបចន្លោះពី ១៣០ លានដុល្លារអាមេរិក ទៅ ១៥០ លានដុល្លារអាមេរិក។

គួរឱ្យដឹងថា តាមរយៈតម្លៃពលកម្មខាងលើ នឹងធ្វើឱ្យ Leo Messi បន្តឈរនៅលើគេ ជាកីឡាករបាល់ទាត់ ដែលមានប្រាក់ពលកម្មខ្ពស់ជាងគេបំផុតប្រចាំលីគកំពូល អាមេរិក MLS៕

Lionel Messi

ប្រែសម្រួល៖ សេម កុសល
ប្រភព៖ Zoombangla

Helistar Cambodia - Helicopter Charter Services
Sokimex Investment Group
Sokha Hotels

ព័ត៌មានពេញនិយម