U-17 នារីកម្ពុជា អស់ភារកិច្ចនៅជប៉ុន ក្រោយជ្រុះចេញពីព្រឹត្តិការណ៍ Jenesys 2022 Japan-ASEAN

អ៊ិន ពិសី — Mon, 20 Mar 2023 01:40:02 +0000

ក្រុមកីឡាការិនីជម្រើសជាតិកម្ពុជា អាយុក្រោម ១៧ ឆ្នាំ (U-17 នារី) បានជ្រុះចេញពីព្រឹត្តិការណ៍ប្រកួតបាល់ទាត់ Jenesys 2022 Japan-ASEAN U-17 Women’s Football Tournament ដែលធ្វើឡើងនៅប្រទេសជប៉ុនហើយ បន្ទាប់ពីបានឆ្លងកាត់ការប្រកួត ២ លើក ក្នុងពូលដ៏ស្វិតស្វាញ។

ព្រឹត្តិការណ៍ដែលធ្វើឡើងនៅខេត្តអូគីណាវ៉ា (Okinawa) U-17 នារីកម្ពុជា ស្ថិតនៅពូល B ជាមួយ U-17 ឥណ្ឌូណេស៊ី និង U-17 សិង្ហបុរី។ ក្រោយប្រកួត ២ ដង កម្ពុជា ឈ្នះ ១ និងចាញ់ ១ ពោលគឺប្រកួតដំបូងឈ្នះ ឥណ្ឌូណេស៊ី ២-០ បន្ទាប់មកប្រកួតទី ២ ចាញ់ សិង្ហបុរី ០-២ វិញ ជាហេតុធ្វើឲ្យបញ្ចប់ទៅត្រឹមឈរលេខ ២ ក្នុងពូល ដ្បិតព្រឹត្តិការណ៍នេះយកតែក្រុមលេខ ១ ប៉ុណ្ណោះទៅវគ្គពាក់កណ្ដាលផ្ដាច់ព្រ័ត្រ។

ដ្បិតអស់ភារកិច្ច ប៉ុន្តែ U-17 នារីកម្ពុជា នឹងនៅមានកម្មវិធីផ្លាស់ប្ដូរបទពិសោធន៍ផ្សេងៗទៀតក្នុងជំរំនេះ ដែលគ្រោងនឹងបញ្ចប់នៅថ្ងៃទី ២៤ ខែមីនា ខាងមុខ។

គួរបញ្ជាក់ថា ព្រឹត្តិការណ៍នេះគឺជាកម្មវិធីផ្លាស់ប្ដូរកីឡាយុវជនក្នុងគោលបំណងដើម្បីពង្រឹងសមត្ថភាពគ្នាទៅវិញទៅមករវាងប្រទេសជប៉ុន និងបណ្ដាប្រទេសក្នុងតំបន់អាស៊ាន ហើយមានក្រុមសរុបចំនួន ១២ ចូលរួម ក្នុងការប្រកួតដែលរួមមាន កម្ពុជា, ឥណ្ឌូណេស៊ី, ឡាវ, ម៉ាឡេស៊ី, មីយ៉ាន់ម៉ា, ហ្វីលីពីន, សិង្ហបុរី, វៀតណាម, ទីម័រខាងកើត, ថៃ, ជប៉ុន និងក្រុមប្រចាំខេត្តអូគីណាវ៉ា។

ជារឿយៗ គេតែងតែសង្កេតឃើញជាការរៀបចំបាល់ទាត់បុរស ប៉ុន្តែឆ្នាំនេះប្លែកសម្រាប់កម្ពុជា ដែលបានបញ្ជូនកីឡាការិនី ទៅចូលរួម ហើយក្រុមតំណាងនេះគឺជាក្រុម U-17 នារីរបស់ក្លិបបឹងកេត៕

អត្ថបទ ៖ មន្នីរ័ត្ន

The post U-17 នារីកម្ពុជា អស់ភារកិច្ចនៅជប៉ុន ក្រោយជ្រុះចេញពីព្រឹត្តិការណ៍ Jenesys 2022 Japan-ASEAN appeared first on Kampuchea Thmey Daily.

បន្ទាប់ពី U-20 ពេលនេះ U-17 នារីកម្ពុជា ចេញទៅប្រកួតពានរង្វាន់មួយនៅប្រទេសជប៉ុន

អ៊ិន ពិសី — Tue, 14 Mar 2023 08:43:06 +0000

ក្រុមកីឡាការិនីជម្រើសជាតិកម្ពុជា អាយុក្រោម ១៧ ឆ្នាំ (U-17 នារី) កាលពីយប់ថ្ងៃទី ១៣ ខែមីនាម្សិលមិញ បានចេញទៅកាន់ខេត្តអូគីណាវ៉ា (Okinawa) ប្រទេសជប៉ុន ដើម្បីចូលរួមការប្រកួត Jenesys 2022 Japan-ASEAN U-17 Women’s Football Tournament។

ពានរង្វាន់នេះ ត្រូវបានដឹងថា មានក្រុមសរុបចំនួន ១២ ចូលរួមក្នុងការប្រកួតដែលរួមមាន កម្ពុជា, ឥណ្ឌូណេស៊ី, ឡាវ, ម៉ាឡេស៊ី, មីយ៉ាន់ម៉ា, ហ្វីលីពីន, សិង្ហបុរី, វៀតណាម, ទីម័រខាងកើត, ថៃ, ជប៉ុន និងក្រុមប្រចាំខេត្តអូគីណាវ៉ា។

ប្រទេសជប៉ុន បានធ្វើជាម្ចាស់ផ្ទះការប្រកួតបាល់ទាត់នារីជប៉ុន-អាស៊ាន Jenesys 2022 Japan-ASEAN U-17 Women’s Football Tournament នៅទីក្រុង Okinawa ប្រទេសជប៉ុន ចាប់ពីថ្ងៃទី ១៦ ដល់ថ្ងៃទី ២៤ ខែមីនា ឆ្នាំ ២០២៣។

ជារឿយៗ គេតែងតែសង្កេតឃើញជាការរៀបចំបាល់ទាត់បុរស ប៉ុន្តែឆ្នាំនេះប្លែកសម្រាប់កម្ពុជា ដែលបានបញ្ជូនកីឡាការិនីទៅចូលរួម ហើយក្រុមតំណាងនេះគឺជាក្រុម U-17 នារីរបស់ក្លិបបឹងកេត៕

អត្ថបទ ៖ មន្នីរ័ត្ន

The post បន្ទាប់ពី U-20 ពេលនេះ U-17 នារីកម្ពុជា ចេញទៅប្រកួតពានរង្វាន់មួយនៅប្រទេសជប៉ុន appeared first on Kampuchea Thmey Daily.

Japan-ASEAN U-17 Archives - Kampuchea Thmey Daily

U-17 នារីកម្ពុជា អស់ភារកិច្ចនៅជប៉ុន ក្រោយជ្រុះចេញពីព្រឹត្តិការណ៍ Jenesys 2022 Japan-ASEAN

បន្ទាប់ពី U-20 ពេលនេះ U-17 នារីកម្ពុជា ចេញទៅប្រកួតពានរង្វាន់មួយនៅប្រទេសជប៉ុន