Jespipat Tilapornputt Archives - Kampuchea Thmey Daily

ក្រោយប្រើសម្រង់សម្ដីវាយប្រហារគ្នា អ្នកគាំទ្រសុំអង្វរ View និង Jes បញ្ចប់កម្មពៀរត្រឹមហ្នឹង

សាង ស្រីល័ក្ខ — Tue, 03 Oct 2023 08:29:03 +0000

រឿងរ៉ាវប្រះឆាស្នេហារបស់ Jes និង View មិនងាយនឹងបញ្ចប់ដោយងាយនោះទេ នៅពេលដែលអ្នកទាំងពីរបានបន្តប្រទាក់ក្រលាគ្នាក្នុងសម្រង់សម្តីវាយប្រហារទៅវិញទៅមក ហាក់ចង់បញ្ជាក់ថា ម្ខាងៗគឺត្រូវរៀងៗខ្លួន។

សង្គ្រាមពាក្យសម្ដីនេះបានចាប់ផ្តើមដំបូងគឺជាតារាស្រីជាមួយ Vill Wannarot ដែលបានចាប់ផ្តើមចែករំលែកសម្រង់ភាសាអង់គ្លេសដែលមានន័យថា “រក្សាចិត្តរបស់អ្នកឲ្យស្ងប់! ហើយទុកឲ្យកម្មផលចាត់ការចុះ”។ ក្រោយមកទៀតទើប Jess បានចេញមកចែករំលែកខ្លះៗក្នុងន័យឌឺដងវិញថា “យើងកុហកខ្លាំងបំផុត! ពេលយើងកុហកខ្លួនឯង”។

ដោយឡែកកាលពីពេលថ្មីៗនេះ តារាស្រី View បានចេញមកបង្ហោះរូបភាពខ្លួនឯងតាមរយៈ Instagram ជាមួយនឹងសារដ៏ក្ដៅគគុកម្ដងទៀតថា “បើមិនអាចធ្វើជាមនុស្សល្អបានទេ សុំស្ងាត់សិនទៅ” បន្ទាប់ពីនោះ Fan Club របស់តារាស្រី View បានចូលមក Comment ជាច្រើន មានទាំងការសរសើរពីភាពស្រស់ស្អាត និងមតិខ្លាំងៗទៅកាន់នាងវិញផងដែរ។

ក្នុងនោះមហាជនជាច្រើនបានបញ្ជេញមតិថា មិនឈឺប៉ុន្មានទេ! តែបុរសនោះនៅតែឈឺជាងនេះទៅទៀត តើអ្វីទៅទៀតគឺ តើអ្នករុញខ្លួនឯងឲ្យកាន់តែធ្លាក់ចុះក្រោម ? វាឈឺចាប់ចំពោះទិដ្ឋភាពដែលបានឃើញនៅពេលមនុស្សយើងស្រលាញ់កៀកនឹងអ្នកផ្សេង។ ប៉ុន្តែត្រូវដឹងថាមនុស្សស្រីនោះជាមនុស្សបែបណា ហើយអ្នកនោះជាមនុស្សបែបណា ចាត់ទុកថាអស់វាសនានិងកម្មផលជាមួយមនុស្សបែបនេះ ចប់ហើយ! គួរឲ្យអាណិត ដែលកាលដែលយើងធ្លាប់នៅជាមួយគ្នាកន្លងមក ធ្លាប់អោបគ្នាផ្អែមល្ហែម តែបែរបន្តប្រយុទ្ធគ្នាបែបនេះ តើបានអ្វីត្រលប់មកវិញ?

លើសពីនេះទៀត អ្នកគាំទ្រផ្សេងទៀតបាននិយាយដែរថា បើអ្នកស្លៀកសម្លៀកបំពាក់ពណ៌ខ្មៅ តែមិនត្រូវខ្មៅក្នុងចិត្តឡើយ។ កុំឃោរឃៅ និងចិត្តខ្មៅ ដាក់គ្នា។ ទោះយ៉ាងណាត្រូវចាំថា អ្នកទាំងពីរធ្លាបមានអនុសាវរីយ៍ល្អៗជាមួយកន្លងមក។ តើអ្នកទាំងពីរសប្បាយចិត្តមែនទេ ដែលឃើញហ្វេនម្ខាងៗឈ្លោះគ្នាព្រោះតែគូស្នេហ៍អ្នក?

ប្រែសម្រួល៖ សាង ស្រីល័ក្ខ

ចុចអាន៖ក្រោយលេចឮប្រេះឆា Ploy បញ្ចេញរូបភាពផ្អែមល្ហែម លួងលោមមិត្តប្រុសវិញ

The post ក្រោយប្រើសម្រង់សម្ដីវាយប្រហារគ្នា អ្នកគាំទ្រសុំអង្វរ View និង Jes បញ្ចប់កម្មពៀរត្រឹមហ្នឹង appeared first on Kampuchea Thmey Daily.

Jes និង Prang បញ្ចេញរូបភាពស្និទ្ធស្នាលផ្អែមល្ហែមជាមួយគ្នា

សាង ស្រីល័ក្ខ — Thu, 28 Sep 2023 07:08:27 +0000

ទើបតែរួមការងារជាមួយគ្នាជាលើកដំបូងក្នុងរឿងភាគថៃ “Bunga Saree” ធ្វើឲ្យមហាជនជាច្រើនទាក់ចិត្តនឹងគូស្នេហ៍ក្នុងភាពយន្ត Jespipat Tilapornputt និង Prang Kannarun ស្របពេលដែលអ្នកទាំងពីរបានបញ្ចេញរូបភាពផ្អែមល្ហែមនឹងគ្នា លើបណ្ដាញសង្គម។

តារាសម្ដែង Prang Kannaran បានបង្ហោះរូបថតរួមគ្នាជាមួយដៃគូ Jes Jesaphiphat ដើម្បីផ្សព្វផ្សាយរឿងភាគរបស់នាងដូចរាល់ដង។ ប៉ុន្តែលើកនេះបាននាំមកនូវការរំភើបចិត្ត រហូតដល់ថ្នាក់អ្នកគាំទ្រសម្រុកចូលមកបញ្ចេញមតិលេបខាយថាអ្នកទាំងពីរស្និទ្ធស្នាលគ្នាខ្លាំង ចម្លែកខុសសព្វដង។

តាមរយៈរូបភាពដែលតារាស្រីរូបនេះបានបង្ហោះលើគណនីផ្ទាល់ខ្លួន មហាជនជាច្រើនសុទ្ធតែនិយាយដូចៗគ្នាថា អ្នកទាំងពីរមិនត្រឹមតែផ្អែមល្ហែមលើកញ្ចក់ទូរទស្សន៍ប៉ុណ្ណោះទេ! ប៉ុន្តែសូម្បីតែក្រៅអេក្រង់ក៏បង្កើនភាពស្អិតរមួតដូចគូស្នេហ៍ថ្មីថ្មោងទើបស្រលាញ់គ្នា។ ក្នុងនោះផងដែរ ទស្សនិកជនមួយចំនួនបានចំអន់ថា សូមឲ្យក្ដីស្រមៃក្លាយជាគូស្នេហ៍ពិតៗចុះ៕

ប្រែសម្រួល៖ សាង ស្រីល័ក្ខ

ចុចអាន៖រូបរាងចុងក្រោយរបស់ Janie ស្គមខ្លាំងពេក រហូតអ្នកលេងលេងអ៊ីនធឺណិតលាន់មាត់

The post Jes និង Prang បញ្ចេញរូបភាពស្និទ្ធស្នាលផ្អែមល្ហែមជាមួយគ្នា appeared first on Kampuchea Thmey Daily.

Vill បង្ហោះពាក់ព័ន្ធនឹងស្នេហា ក្រោយលេចឮចចាមអារ៉ាមបែកបាក់ជាមួយមិត្តប្រុស

សាង ស្រីល័ក្ខ — Fri, 25 Aug 2023 03:35:24 +0000

បន្ទាប់ពីមួយរយៈនេះ លេចឮចចាមអារ៉ាមបែកបាក់ជាមួយមិត្តប្រុស តារាសម្ដែងស្រី Vill Wannarot ទើបតែចេញមុខបង្ហោះស្ទូរីក្នុង IG និយាយពាក់ព័ន្ធនឹងរឿងស្នេហា ខណៈដែលអ្នកគាំទ្រសម្រុកបញ្ចេញមតិលើកទឹកចិត្តនាងសឹងតែគ្រប់ៗគ្នា។

ទំនាក់ទំនងរវាងតារាស្រី View Wanna និងតារាប្រុស Jespipat ត្រូវបានអ្នកលេងអ៉ិនធើណេតចាប់អារម្មណ៍យ៉ាងខ្លាំង ដោយសារតែលើគណនីផ្ទាល់ខ្លួនរបស់អ្នកទាំងពុំមានរូបភាពផ្អែមល្ហែមបង្ហោះដូចពីមុន។ ស្របពេលដែលពាក្យចចាមអារ៉ាមលេចចេញជាបន្តបន្ទាប់ថា ពួកគេបានបែកគ្នាទៅហើយ គ្រាន់តែមិនទាន់ចេញមុខផ្ដល់បទសម្ភាសនៅឡើយទេ។

យ៉ាងណាមិញ កាលពីពេលថ្មីៗនេះ Vill Wannarot បានបង្ហោះសម្រង់សម្ដីមួយក្នុងស្ទូរី Instagram ផ្ទាល់ខ្លួនរបស់នាង ដោយនិយាយពីរឿងរ៉ាវស្នេហា ដែលក្នុងសំណេរនោះមានអត្ថន័យថា “សេចក្តីស្រឡាញ់ពីអ្នកទាំងអស់គ្នា។ ខ្ញុំនឹងមិនភ្លេចវាឡើយ”។

ទោះបីពេលនេះ មិនទាន់មានម្ខាងណាចេញមុខមកបកស្រាយលម្អិតថា បែកគ្នាឬយ៉ាងណាក៏ដោយ ប៉ុន្តែអ្នកគាំទ្រគូស្នេហ៍នេះនៅគោរពលើការសម្រេចចិត្តរបស់ពួកគេ និងតែងលើកទឹកចិត្ដទាំង Vill Wannarot និង Jespipat ផងដែរ៕

ប្រែសម្រួល៖ សាង ស្រីល័ក្ខ

ចុចអាន៖Jespipat ត្រូវអ្នកលេងអ៊ីនធឺណិតវាយប្រហារ ក្រោយបង្ហោះឃ្លិបច្រៀងជាមួយ Prang

The post Vill បង្ហោះពាក់ព័ន្ធនឹងស្នេហា ក្រោយលេចឮចចាមអារ៉ាមបែកបាក់ជាមួយមិត្តប្រុស appeared first on Kampuchea Thmey Daily.

Jespipat ត្រូវអ្នកលេងអ៊ីនធឺណិតវាយប្រហារ ក្រោយបង្ហោះឃ្លិបច្រៀងជាមួយ Prang

សាង ស្រីល័ក្ខ — Thu, 24 Aug 2023 07:18:45 +0000

បន្ទាប់ពីមានពាក្យចចាមអារ៉ាមថាគូស្នេហ៍ Jespipat Tilapornputt និងមិត្តស្រី Vill Wannarot ប្រេះឆា ស្របពេលដែលអ្នកគាំទ្រសង្កេតឃើញថា មួយរយៈចុងក្រោយនេះមិនសូវមានរូបថតគូស្នេហ៍បង្ហោះលើបណ្ដាញអ៉ិនធើណេតដូចមុន។

លើសពីនេះទៀតដែរ តារាប្រុស Jespipat កំពុងតែធ្វើការលើរឿងភាគថ្មីមួយមានចំណងថា “Bunga Saree” ជាមួយ Prang Kannarun ហើយភាគីខាងប្រុសតែងតែបង្ហោះរូបភាពនិងឃ្លិបជាមួយនាងជាញឹកញាប់។ រហូតធ្វើឲ្យ Prang ចាប់ផ្ដើមបង្កើតទំនាក់ទំនងស្និទ្ធស្នាលគ្នាកាន់តែខ្លាំងឡើងៗ។

កាលពីពេលថ្មីៗនេះ Jespipat Tilapornputt ទើបតែបង្ហោះឃ្លិបលេងហ្គីតា និងច្រៀងជាមួយ Prang ធ្វើឲ្យអ្នកលេងអ៊ីនធឺណិតមួយចំនួនមិនពេញចិត្ត ហើយមនុស្សជាច្រើនបានចូលទៅ comment និងសួរចំៗលើ Instagram ផ្ទាល់ខ្លួនរបស់លោកភ្លាមៗឥតបង្អង់យូរឡើយ។

មហាជនជាច្រើនសុទ្ធតែបញ្ចេញមតិមិនគាំទ្រ ហើយប្រាប់លោកថា ឲ្យវិលត្រលប់ទៅមើលថែមិត្តស្រីលោកវិញ ជំនួសឲ្យការបង្ហោះមនុស្សស្រីផ្សេងលើ IG ផ្ទាល់ខ្លួនបែបនេះ។ ក្នុងនោះអ្នកផ្សេងទៀតថា ពេលណា Jespipat ចេញមកនិយាយការពិតពីទំនាក់ទំនងរបស់លោកនិងមិត្តស្រី Vill Wannarot ផងដែរ៕

ប្រែសម្រួល៖ សាង ស្រីល័ក្ខ

ចុចអាន៖មិនដឹងសោះថា Pu Praya និង Chompoo ជាមិត្តស្និទ្ធស្នាលគ្នាជាយូរហើយ

The post Jespipat ត្រូវអ្នកលេងអ៊ីនធឺណិតវាយប្រហារ ក្រោយបង្ហោះឃ្លិបច្រៀងជាមួយ Prang appeared first on Kampuchea Thmey Daily.

Jespipat Tilapornputt Archives - Kampuchea Thmey Daily

ក្រោយប្រើសម្រង់សម្ដីវាយប្រហារគ្នា អ្នកគាំទ្រសុំអង្វរ View និង Jes បញ្ចប់កម្មពៀរត្រឹមហ្នឹង

Jes និង Prang បញ្ចេញ​រូបភាពស្និទ្ធស្នាល​ផ្អែមល្ហែម​ជាមួយគ្នា

Vill បង្ហោះ​ពាក់ព័ន្ធ​នឹងស្នេហា ក្រោយលេច​ឮ​ចចាមអារ៉ាម​បែកបាក់​ជាមួយមិត្តប្រុស

Jespipat ត្រូវ​អ្នក​លេង​អ៊ីនធឺណិត​វាយ​ប្រហារ ក្រោយបង្ហោះ​ឃ្លិប​ច្រៀង​ជាមួយ Prang

Jes និង Prang បញ្ចេញរូបភាពស្និទ្ធស្នាលផ្អែមល្ហែមជាមួយគ្នា

Vill បង្ហោះពាក់ព័ន្ធនឹងស្នេហា ក្រោយលេចឮចចាមអារ៉ាមបែកបាក់ជាមួយមិត្តប្រុស

Jespipat ត្រូវអ្នកលេងអ៊ីនធឺណិតវាយប្រហារ ក្រោយបង្ហោះឃ្លិបច្រៀងជាមួយ Prang