អ្នកប្រដាល់គុនខ្មែរលំដាប់ជួរមុខ ដូចជា ព្រំ សំណាង, ឈាង ល្វៃ, សុខធី, រីន ដេវីដ ព្រមទាំងកីឡាករល្បីៗជាច្រើននាក់ទៀត នឹងចូលរួមអង្រួនសង្វៀន ដើម្បីដណ្តើមយកខ្សែក្រវាត់ជើងឯកពិភពលោក។ ពួកគេនឹងត្រូវប្រកួតជាមួយ ជើងខ្លាំងៗ មកពីបណ្តាប្រទេសនានា ដែលនឹងធ្វើឱ្យការប្រកួតកាន់តែមាន ភាពស្វិតស្វាញ និង រំភើប។

ការប្រកួតដ៏អស្ចារ្យនេះ រៀបចំឡើងដោយមានការឧបត្ថម្ភ ពីភេសជ្ជៈប៉ូវកម្លាំងគ្រុឌ និងភេសជ្ជៈកីឡា វី អាកទីវ។ ការប្រកួតនឹងធ្វើឡើងរយៈពេល ៣ ថ្ងៃពេញ ចាប់ពីថ្ងៃទី ៦ ដល់ថ្ងៃទី ៨ ខែធ្នូ ឆ្នាំ ២០២៤ នៅបរិវេណព្រះរាជដំណាក់ ក្រុងសៀមរាប វេលាម៉ោង ៦ ល្ងាចតទៅ ផ្សាយផ្ទាល់លើផេកផ្លូវការ Krud Energy, Krud Kun Khmer និង Krud Beer។

អ្វីដែលកាន់តែពិសេសនោះគឺ ការចូលទស្សនា គឺមិនគិតថ្លៃ ហើយអ្នកទស្សនា ក៏អាចរីករាយ ជាមួយនឹងការតាំងពិព័រណ៍ម្ហូបអាហារ និងភេសជ្ជៈ ដ៏ឈ្ងុយឆ្ងាញ់ ពី វឌ្ឍនៈ ប៊្រូវើរី ផងដែរ។

សូមអញ្ជើញមកទាំងអស់គ្នា ដើម្បីគាំទ្រ កីឡាគុនខ្មែរ ជាមួយ គ្រុឌ!

The post ត្រៀមខ្លួន សម្រាប់មហាព្រឹត្តិការណ៍ដ៏អស្ចារ្យ ការប្រកួតជ្រើសរើសជើងឯកពិភពលោក កីឡាគុនខ្មែរ លើកទី៥ នៅខេត្តសៀមរាប appeared first on Kampuchea Thmey Daily.

លើកពីនេះពីគ្រុឌ នឹងធ្វើឱ្យអន្តរជាតិស្គាល់ពីក្បាច់គុនខ្មែរកាន់តែច្បាស់ សម្រាប់ការប្រកួតនេះ នឹងជួយបង្កើនកេរ្តិ៍ឈ្មោះ និងលើកតម្កើងគុនខ្មែរ ឱ្យកាន់តែល្បីល្បាញទូទាំងពិភពលោក។ គួរបញ្ជាក់ថា គ្រុឌ កំពុងតែនាំយកកីឡាករគុនខ្មែរជាច្រើនចេញទៅប្រកួតនៅក្រៅប្រទេស ដើម្បីបំផុស នឹងលើកស្ទួយវិស័យកីឡាគុនខ្មែរ ហើយគ្រុឌ នឹងធ្វើឱ្យគុនខ្មែរមានភាពលេចធ្លោនៅលើឆាកអន្តរជាតិ ដែលជាឱកាសសម្រាប់កីឡាករ ក្នុងការស្រង់បទពិសោធន៍ ហើយក៏ជាកិច្ចខិតខំរបស់ គ្រុឌ ជាមួយសហព័ន្ធប្រដាល់គុនខ្មែរ ក្នុងការអភិឌ្ឍន៍គុនខ្មែរផងដែរ។

យោង តាមប្រសាសន៍ របស់ឯកឧត្តម ខូវ ឆាយ ប្រធានសហព័ន្ធកីឡាគុនខ្មែរ ថា នេះជាកិច្ចសហប្រតិបត្តិការណ៍លើកដំបូងបង្អស់ក្នុងប្រវត្តសាស្រ្តគុនខ្មែរ ក្នុងការសហការលក្ខណៈសហព័ន្ធគុនខ្មែរ និង សហព័ន្ធកីឡាអាស៊ីប្រទេសក្រិក ក្នុងការប្រគួតក្បាច់គុនខ្មែរ (ច្បាប់គុនខ្មែរ) និងផ្សព្វផ្សាយគុនខ្មែរនៅក្រៅប្រទេស ជាពិសេសទ្វីបអ៊ឺរ៉ុប។ លោកបានបន្តទៀតថា ការផ្សព្វផ្សាយលើកនេះគឺធ្វើឲ្យប្រជាជនក្រិក ចាប់ផ្តើមស្គាល់គុនខ្មែរ និង អាចងាកមកហ្វឹកហាត់ក្បាច់គុនខ្មែររបស់យើង ហើយនេះជាទស្សនៈវិស័យចំគោលដៅដែលសហព័ន្ធកំពុងគិតគូរ និង ជុំរុញបន្ថែម ហើយយើងសង្ឃឹមថា​ សកម្មភាពភ្សព្វផ្សាយទាំងអស់គ្នា នឹងធ្វើឲ្យពិភពលោកស្គាល់គុនខ្មែរកាន់តែច្រើន ឈរជើងលើឆាកអត្តរជាតិ និង អាចឈានទៅដល់មានក្នុងកីឡាអូឡាំពិក នាពេលអនាគត។ 

គួរបញ្ជាក់ផងដែរថា ភេសជ្ជៈគ្រុឌ តែងតែជួយវិស័យគុនខ្មែរ ទាំងក្នុងប្រទេស តាមរយៈការរៀបចំប្រដាល់គ្រុឌគុនខ្មែរ , ការជ្រោមជ្រែងឧបត្ថម្ភកីឡាករទៅប្រគួតនៅក្រៅប្រទេសដូចជាជប៉ុន, ម៉ាឡេស៊ី, ឡាវ, អូស្រ្តាលី, ណូវែលហ្សឺឡង់,ជាដើម ។​បន្ថែមពីនេះទៀត គឺតែងតែជួយឧបត្ថម្ភជារឿយៗ ទៅកីឡាករគុនខ្មែរ បុគ្គលិកធ្វើការក្នុងវិស័យគុនខ្មែរ ដែលជួយជីវភាពកីឡាករគុនខ្មែរ​ឲ្យកាន់តែប្រសើរឡើង និងជួយគាំទ្រយ៉ាងពេញទំហឹង ក្នុងការផ្សព្វផ្សាយគុនខ្មែរលើឆាកអន្តរជាតិ ដែលអាចធ្វើឲ្យវិស័យប្រដាល់គុនខ្មែរ កាន់តែទទួលបានការគាំទ្រ និងទទួលស្គាល់ជាលក្ខណៈអន្តរជាតិ។

សូមចូលរួមទស្សនា និងគាំទ្រកីឡាករគុនខ្មែរ ជាមួយគ្រុឌ ក្នុងការប្រកួតអន្តរជាតិ KRUD KUN KHMER TO GREECE ដ៏អស្ចារ្យ នៅថ្ងៃទី ២៤ ខែវិច្ឆិកា ឆ្នាំ២០២៤ នៅទីក្រុង Heraklion កោះ Crete ប្រទេសក្រិក នាវេលាម៉ោង ៦ល្ងាចប្រទេសក្រិក ត្រូវនឹងម៉ោង ១០យប់នៅប្រទេសកម្ពុជា ដែលមានការផ្សាយផ្ទាយតាមកញ្ចាក់ទូរទស្សន៍ជាតិកម្ពុជា និងហ្វេសប៊ុកផ្លូវការ របស់ TVK Sport, Krud Energy និង សហព័ន្ធប្រដាល់គុនខ្មែរ​ ។ 

#គ្រុឌថែអត្តសញ្ញាណខ្មែរ នាំគុនខ្មែរល្បីលើឆាកអន្តរជាតិ

#គាំទ្រគុនខ្មែរជាមួយគ្រុឌ

The post គ្រុឌគុនខ្មែរ ចេញទៅផ្សព្វផ្សាយគុនខ្មែរ នៅប្រទេសក្រិកដែលជាប្រទេសដើមកំណើតកីឡាអូឡាំពិក appeared first on Kampuchea Thmey Daily.

ការប្រកួត​ដ៏តានតឹង​រវាង​ក្រុម​ជើងខ្លាំងទាំង២នេះ បានរកឃើញម្ចាស់ពាននៅនាទីទី១២០ ដែលស៊ុត​បញ្ចូល​​ទីដោយកីឡាករ Marcus​ Haber ធ្វើឲ្យក្លិបព្រះខ័នរាជស្វាយរៀង យកជ័យជម្នះក្លាយជាជើងឯកពានរង្វាន់សម្តេចតេជោ ហ៊ុន សែន លើកទី១៧។ ក្នុងនាមជាដៃគូសហការរបស់ក្លិប ក្រុមហ៊ុន វឌ្ឍនៈ ប្រ៊ូវើរី បានឧបត្ថម្ភទឹកប្រាក់ ១ម៉ឺនដុល្លារ ដល់ក្លិបព្រះខ័នរាជស្វាយរៀង ដើម្បីចូលរួមអបអរសាទរជ័យជម្នះដ៏រីករាយនេះ។ លើសពីនេះ ក្រុមហ៊ុន​ វឌ្ឍនៈ ប្រ៊ូវើរី ក៏បានចូលរួមចែកជូនភេសជ្ជៈ វី-អាកទីវ ទាំង៥ ប្រភេទដោយ​ឥតគិតថ្លៃដល់អ្នកគាំទ្រទាំងអស់ជិត៣ម៉ឺននាក់ផងដែរ ដែលមានវត្តមានក្នុងព្រឹត្តិការណ៍ដ៏អស្ចារ្យនេះ។

គួរបញ្ជាក់ផងដែរថា ក្រុមហ៊ុន​ វឌ្ឍនៈ ប្រ៊ូវើរី តែងតែបានចូលរួមឧបត្ថម្ភ និងលើកស្ទួយវិស័យ​កីឡា​នៅកម្ពុជា ​ក្នុង​នោះ​​មានដូចជាការឧបត្ថម្ភគាំទ្រសហព័ន្ធកីឡាបាល់ទាត់កម្ពុជា ក្លិបកីឡា ការប្រកួតលីគកម្ពុជា ព្រមទាំងចូលរួមគាំទ្រកម្មវិធីកីឡាជាច្រើនផ្សេងៗទៀត រួមទាំងកម្មវិធីកីឡាថ្នាក់បឋម ថ្នាក់ឧត្តមសិក្សា ព្រមទាំងកីឡាថ្នាក់ជាតិផងដែរ៕

The post អ្នកឧកញ៉ា សំអាង វឌ្ឍនៈ ដៃគូសហការក្លិបព្រះខ័នរាជស្វាយរៀង ឧបត្ថម្ភទឹកប្រាក់១ម៉ឺនដុល្លារចំពោះជ័យជម្នះរបស់ព្រះខ័នរាជស្វាយរៀងក្នុងពានរង្វាន់សម្តេច ហ៊ុន សែន appeared first on Kampuchea Thmey Daily.

មិនត្រឹមតែប៉ុណ្ណោះ បំណងរបស់អ្នកគាំទ្រគុនខ្មែរ និងសំណើរបស់ ធន់ រិទ្ធី ដែលចង់សងសឹកជាមួយខ្លាចាស់ សៃយុគ ត្រូវបានបំពេញ​ដោយ អ្នកឧកញ៉ា​ សំអាង វឌ្ឍនៈ អគ្គនាយកក្រុមហ៊ុន វឌ្ឍនៈប្រ៊ូវើរី  ដែលជាក្រុមហ៊ុនឧបត្ថម្ភ ផ្តាច់មុខក្នុង​ព្រឹត្តិការណ៍ប្រកួតប្រដាល់ KRUD KUN KHMER: The Battle of Kings។ 

អ្វី​ដែល​ពិសេស​​បន្ថែម​ទៀត​នោះ​គឺ​​ការ​ប្រកួតដណ្តើមខ្សែក្រវ៉ាត់ KRUD KUN KHMER រវាង កីឡាករខ្មែរ ឡៅ ចន្រ្ទា និង ស៊ុដ សាខន ក្នុងទំងន់ ៧៣ គីឡូក្រោម អម​ដោយ​ប្រាក់រង្វាន់១០ លានរៀល។

លើសពីនេះទៀតនោះ ការ​ប៉ះ​គ្នា​រវាង ធន់ រិទ្ធី និង ខ្លាចាស់ សៃយុគ មិនត្រឹមជាជំនួបសងសឹក​ប៉ុណ្ណោះ​ទេ ប៉ុន្តែ​ជាការដាក់ខ្សែក្រវ៉ាត់ម្នាក់មួយខ្សែ ដោយ ធន់ រិទ្ធី ដាក់ខ្សែក្រវ៉ាត់អំបោះឆៅ KRUD KUN KHMER ខណៈ សៃយុគ ដាក់ខ្សែក្រវ៉ាត់ WMO ដោយមានការគាំទ្រប្រាក់រង្វាន់ពី​ក្រុមហ៊ុន វឌ្ឍនៈប្រ៊ូវើរី រហូត ២០ លានរៀល សម្រាប់អ្នកឈ្នះក្នុងការប្រកួតនេះ។

ក្រៅពីគូពិសេសៗ​ទាំងពីរ​នេះ កម្មវិធី  KRUD KUN KHMER: The Battle of Kings ក៏មានជំនួបគូពិសេសៗ ជាច្រើនគូ​ទៀត លក្ខណៈអន្តរជាតិ មិត្តភាព និងប្រកួតសន្សំពិន្ទុ ដើម្បីខ្សែក្រវ៉ាត់ផង​ដែរ។

ក្រុមហ៊ុនវឌ្ឍនៈប្រ៊ូវើរី នៅតែបន្តគាំទ្រ គុនខ្មែរ និងការប្រកួតរបស់កីឡា ដើម្បីជាកម្លាំង​លើកទឹកចិត្តដល់​កីឡាករ កីឡាការិនី​ទាំងអស់ ឲ្យបញ្ចេញអស់សមត្ថភាព ទោះឈ្នះចាញ់ក្នុងស្មារតីកីឡា​។ កីឡានាំមកនូវមិត្តភាព កីឡានាំមកនូវ សុខភាព ភាពរីករាយ និង​ ការជួបជុំ។ កីឡារស់នៅក្នុងសន្តិភាព ដូច្នេះសូមប្រជាពលរដ្ឋខ្មែរយើងទាំងអស់គ្នាចូលរួមបន្តគាំទ្រ និងលើកទឹកចិត្តកីឡាករយើង។

សូមកុំភ្លេចចូលរួមទស្សនាដោយសេរី ទីតាំងនៅ បរិវេណគម្រោង Vattanacville (វឌ្ឍនៈវីល) ផ្លូវ114, ភាគខាងត្បូង រោងចក្រ វឌ្ឍនៈប្រ៊ូវើរី ភូមិរបោះអង្កាញ់ សង្កាត់​ព្រែកឯង ខណ្ឌច្បារអំពៅ រាជធានីភ្នំពេញ នា​យប់​ថ្ងៃទី​៣ និង​ទី​៤ ខែកុម្ភៈ ឆ្នាំ២០២៤។ ជាពិសេស ព្រឹត្តិការណ៍ដ៏ធំមួយនេះនឹងមានការផ្សាយផ្ទាល់ទស្សនាតាមរយៈកញ្ចក់ទូរទស្សន៍ជាតិកម្ពុជា Facebook page និង Youtube របស់ទូរទស្សន៍ជាតិកម្ពុជា ក៏ដូចជា Facebook page Krud Energy នៅវេលាម៉ោង៦និង៣០នាទីយប់៕

The post ដឹងតែកក្រើក! ដាក់ខ្សែក្រវាត់ម្នាក់១ តើ ធន់ រិទ្ធី ឬ សៃយុគ ជាអធិរាជអំបោះឆៅ KRUD KUN KHMER: The Battle of Kings?​ appeared first on Kampuchea Thmey Daily.

ប្រតិបត្តិការឃាត់ខ្លួននេះបានធ្វើឡើងនៅយប់រំលងអធ្រាត្រឈានចូលថ្ងៃទី២៦ ខែធ្នូ ឆ្នាំ២០២៣ នៅក្នុងតំបន់ទីក្រុងកោះពេជ្រ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។

តាមការបញ្ជាក់ពីកម្លាំងសមត្ថកិច្ចបានឱ្យដឹងថា ក្មេងទំនើងប្រុសស្រីទាំងអស់គឺមានចំនួន២៤៦នាក់ ដែលត្រូវបានឃាត់ខ្លួន និងធ្វើការអប់រំណែនាំ រួចអនុញ្ញាតឱ្យទៅគេហដ្ឋានវិញ ខណៈដែលម៉ូតូមួយចំនួនដែលមានការកែច្នៃគ្មានឯកសារ និងគ្មានស្លាកលេខ ត្រូវបានកម្លាំងអធិការដ្ឋាននគរបាលខណ្ឌចំការមនធ្វើការដកហូត និងបញ្ជូនទៅរក្សាទុកនៅអធិការដ្ឋាន ដើម្បីឱ្យម្ចាស់ម៉ូតូយកឯកសារ និងធ្វើការដោះស្រាយ បើសិនជាមានឯកសារត្រឹមត្រូវ សមត្ថកិច្ចនឹងប្រគល់ម៉ូតូឱ្យត្រឡប់ទៅផ្ទះវិញ។ ចំពោះរង្វង់នៃប្រតិបត្តិការឃាត់ខ្លួន និងអប់រំណែនាំនេះដោយសារតែសកម្មភាពជាក់ស្ដែងកើតមានឡើងនៅលើដងផ្លូវ អំពើហិង្សា វាយ កាប់ ចាក់ ប្រើអាវុធមុតស្រួច កំពុងកើតមានឡើងជាបន្តបន្ទាប់ ដោយសារតែក្មេងទំនើងទាំងនេះ។

កម្លាំងសមត្ថកិច្ចបានបញ្ជាក់ថា លោកនឹងប្ដេជ្ញាចិត្តក្នុងការបង្ក្រាបក្មេងទំនើង ខណៈដែលពួកនេះបង្កភាពអាណាធិបតេយ្យ​នៅលើដងផ្លូវ ដែលពួកគេបានធ្វើសកម្មភាពប្រើអំពើហិង្សាវាយ កាប់ចាក់គ្នានៅលើដងផ្លូវសាធារណៈនាពេលយប់អធ្រាត្រនៅក្នុងភូមិសាស្ត្ររាជធានីភ្នំពេញ៕

អត្ថបទ៖ សុខា

The post ក្មេងទំនើងប្រុសស្រីជិត៣០០​នាក់​ត្រូវបានឃាត់ខ្លួននៅតំបន់កោះពេជ្រ appeared first on Kampuchea Thmey Daily.

ក្នុងមួយឆ្នាំៗ ទាំងត្រសក់ចាវ និងឆៃប៉ូវ កសិករភូមិនេះផលិតលក់ទាំងការលក់រាយ និងបោះដុំមិនក្រោម១០០តោននោះទេ។ ហើយឆ្នាំនេះទីផ្សារលក់មិនសូវដាច់ដូចឆ្នាំមុនៗទេ មូលហេតុដោយសារបងប្អូនប្រជាពលរដ្ឋរកប្រាក់ចំណូលមិនសូវបាន ខណៈសេដ្ឋកិច្ចធ្លាក់ជាសកល។

លោកស្រី នី គឹមសីស អាយុ៤១ឆ្នាំ រស់នៅភូមិខាងលើបានបញ្ជាក់ឲ្យដឹងថា កសិករទាំង៧គ្រួសារបានអាស្រ័យផលផលិតត្រសក់ចាវ និងឆៃប៉ូវ លក់ដើម្បីរកចំណូលមកផ្គត់ផ្គង់គ្រួសារជាយូរឆ្នាំមកហើយ គ្រួសារខ្លះ១០ឆ្នាំ ខ្លះ២០ឆ្នាំ និង គ្រួសារខ្លះទៀតរហូតដល់៣០ឆ្នាំឯណោះ។ ទាំងត្រសក់ចាវ មានចាវផ្អែម ប្រៃក្រៀម ឆៃប៉ូវ មានផ្អែមប្រៃ តម្លៃលក់មិនខុសគ្នាប៉ុន្មានទេ បើផ្អែម១គីឡូតម្លៃ៦ពាន់រៀល ប្រៃស្ងួត៨ពាន់រៀល។

ប្រជាពលរដ្ឋអាចទិញយកទៅធ្វើជាម្ហូប បន្ទាប់ពីម្ហូបត្រីសាច់នោះ គេអាចយកទៅឆ្នៃធ្វើជាម្ហូបបានច្រើនមុខ ទាំងត្រសក់ចាវ និងឆៃពៅ មានស្ងោរ ចៀន ស៊ុប ឆារ ។ល។ យ៉ាងឆ្ងាញ់ពិសារ សម្រាប់ទទួលទានបបរពេលព្រឹក ជាមួយបាយយ៉ាងឆ្ងាញ់ប្រកបដោយផាសុកភាព។ ប្រជាពលរដ្ឋជាច្រើននិយមមុខម្ហូបនេះណាស់ មិនថាជនបទ ទីក្រុង ពិសេសប្រជាពលរដ្ឋរស់នៅតាមតំបន់ខ្ពង់រាបដែលប្រកបរបរធ្វើចំការ ពួកគាត់ទិញយកទៅជាម្ហូបព្រោះងាយស្រួលវេចខ្ចប់។

លោកស្រីបានបញ្ជាក់ទៀតថា  របរនេះមានពេលខ្លះស្រួលលក់ដែរ គឺនៅពេលគេលក់អស់ ហើយយើងផលិតត្រៀមទុក ពេលនោះលក់ដាច់ខ្លាំង។ តែឆ្នាំនេះហាក់មានការប្រែប្រួល ដោយសារអ្នកហូបមានការយល់ដឹងផ្នែកវិជ្ជសាស្ត្រ មិនទទួលទានម្ហូបផ្អាប់ ហើយគាត់ទិញតែរបស់ផលិតថ្មីៗ វិញម្តង ដូច្នេះ អ្នកផលិតទុកច្រើន អាចពិបាកលក់បន្តិច។ ចំពោះការផលិតកសិករយើងអាចទទួលទិញទាំងត្រសក់ស្រស់ និងឆៃថាវ ពីចំការមានក្នុងខេត្ត តាមចំការដងទន្លេមេគង្គ ខេត្តកំពង់ចាម និងខេត្តកណ្តាល។ ក្រោយពីឆ្លងកាត់បច្ចេកទេសរយៈពេល៣ថ្ងៃ យើងអាចលក់បានហើយ ប្រាក់ចំណេញតិចតួចតែអាចផ្គត់ផ្គង់គ្រួសារបាន។

លោកស្រីបានបញ្ជាក់ទៀតថា បច្ចុប្បន្នអាជីវករបានផលិតត្រសក់ចាវ និងឆៃប៉ូវថ្មី ប្រកបដោយគុណភាព និងអនាម័យ តាមតម្រូវទីផ្សារ បងប្អូនប្រជាពលរដ្ឋបានឆ្លងកាត់ខេត្តត្បូងឃ្មុំ សូមកុំភ្លេចចូលជួយទិញត្រសក់ចាវ និងឆៃពៅ យកទៅទទួលទានធ្វើជាមុខម្ហូបតាមតម្រូវការ៕

អត្ថបទ៖ សាន វិឡែម

The post អ្នកភូមិស្រែស្ពៃ ប្រកបរបរផលិតត្រសក់ចាវ ឆៃប៉ូវលក់អាចរកប្រាក់ចំណូលផ្គត់ផ្គង់គ្រួសារ appeared first on Kampuchea Thmey Daily.

ដំណាំដាំដុះស្រូវនាបច្ចុប្បន្ន សម្រាប់ប្រជាពលរដ្ឋជាង៤៣ភាគរយដែលធ្វើជាសកម្មភាពដាំដំណាំស្រូវនៅក្នុងមួយឆ្នាំពួកគាក់សាបព្រោះធ្វើស្រូវ២ដងនៅតាមតំបន់ ប៉ុន្តែសម្រាប់ឆ្នាំ២០២៣នេះផ្ទៃដីកសិករបង្កបង្កើនផលស្រូវមានតម្លៃវិញបានខ្ពស់ជាងឆ្នាំមុន។

លោក មិញ សុខ រស់នៅភូមិកោះសោម ឃុំពងទឹក ស្រុកដំណាក់ចង្អើខេត្តកែប បានប្រាប់ឱ្យដឹងថា ពួកគាក់ជាប្រជាកសិករបានបង្កបង្កើនផលដំណាំស្រូវរដូវប្រាំងនេះដែលមានសក្តានុពលដ៏សំខាន់មានក្នុងភូមិសាស្រ្តស្រុកដំណាក់ចង្អើរខេត្តកែបក្នុងឆ្នាំ២០២៣នេះឃើញថា ប្រជាកសិករនាំគ្នាធ្វើស្រូវមិនថារដូវប្រាំង ឬរដូវវស្សានោះទេ ទទួលបានទិន្នផលល្អ ដំណាំដែលប្រជាកសិករប្រមូលផលបានរាប់តោនក្នុងមួយហិកតាហើយលក់បានក្នុងតម្លៃចាប់ពីជាង១៣០០រៀលទៅ ១៤០០ រៀលក្នុងមួយគីឡូក្រាម ដែលបានបង្កបង្កើនផលក្នុងមួយឆ្នាំបានទៅចន្លោះ១ដងទៅ២ដងតែប៉ុណ្ណោះ។

លោក ថឹង បូរិន ប្រធានមន្ទីរកសិកម្មរុក្ខាប្រម៉ាញ និងនេសាទខេត្តកែប បានប្រាប់ឲ្យដឹងថា ប្រជាពលរដ្ឋនៅក្នុងចំណោមក្រុងស្រុកទាំង២ ទូទាំងខេត្តកែប អាចធ្វើដំណាំស្រូវបាន២ដងឬ៣ដង។លោកប្រធានមន្ទីរបញ្ជាក់ឲ្យដឹងថា ប្រជាពលរដ្ឋក្នុងស្រុកដំណាក់ចង្អើរឆ្នាំនេះឃើញថាពួកគាត់បាននាំគ្នាធ្វើស្រូវអ៊ីអ៊ែសម្រាប់លក់មួយឆ្នាំ១ដង ទៅ២ដង ដែលមានទិន្នផលតំម្លៃទីផ្សារស្រូវដែលឈ្មួញបានមកចាំទិញស្រូវសើមដល់ស្រែ ហើយតំម្លៃស្រូវឆ្នាំនេះបានហក់ឡើងខ្ពស់ ខណៈកសិកដែលមានទិន្នផលស្រូវបានតម្លៃខ្ពស់ល្អ។

ទោះជាយ៉ាងណាអាជ្ញាធរ និងមន្ត្រីជំនាញបានខិតខំជួយជំរុញឱ្យពលរដ្ឋ និងប្រជាកសិករដាំដំណាំបន្លែរួមផ្សំផ្សេងៗឱ្យបានល្អ និងចិញ្ចឹមសត្វដើម្បីរកប្រាក់ចំណូលបន្ថែមទៀត។ ដូច្នេះអាជ្ញាធរ និងមន្ត្រីជំនាញស្នើដល់ប្រជាពលរដ្ឋ ប្រជាកសិករដែលដាំដុះ សូមកុំប្រើជីឬថ្នាំ ដើម្បីជំរុញឱ្យស្រូវឆាប់ទុំ។ អាជ្ញាធរក៏បានស្នើឱ្យកសិករបន្តដាំដុះបន្លែផ្លែឈើឆាប់ប្រមូលផល សូមប្រើប្រាស់ជីធម្មជាតិចៀសវាងការសួរនាំពីមន្ត្រីជំនាញកសិកម្មបើសិនប្រើជីគីមីជ្រុលហួសហេតុពេកនោះ ដែលធ្វើឱ្យប៉ះពាល់ដល់គុណភាព និងតំម្លៃស្រូវធ្លាក់ចុះ ឬសុខភាពដែលអ្នកបរិភោគទៀតផងនោះ៕

អត្ថបទ៖ សឹង រ៉ាត់

The post ប្រជាកសិករក្នុងស្រុកដំណាក់ចង្អើរ អាចធ្វើស្រែបាន២ដងក្នុងមួយឆ្នាំ និងទទួលបានតម្លៃខ្ពស់ appeared first on Kampuchea Thmey Daily.

ពិធីនោះបានធ្វើឡើងដោយលោកឧត្តមសេនីយ៍ឯក ឃឹង សារ៉ាត់ នាយកមន្ទីរប្រឆាំងបទល្មើសគ្រឿងញៀន និងលោកឧត្តមសេនីយ៍ទោ ស៊ី ផល្លា នាយរងមន្ទីរប្រឆាំងបទល្មើសគ្រឿងញៀន។

លោកឧត្តមសេនីយ៍ឯក ឃឹង សារ៉ាត់ បានថ្លែងឲ្យដឹងថា ដោយអនុវត្តតាមបទបញ្ជាពីនាយឧត្តមសេនីយ៍ ស ថេត អគ្គស្នងការនគរបាលជាតិ នាយឧត្តមសេនីយ៍ ម៉ក់ ជីតូ អគ្គស្នងការរង និងលោកឧត្តមសេនីយ៍ឯក ព្រុំ សន្ធរ អគ្គស្នងការរងទទួលផែនប្រឆាំងគ្រឿងញៀន កាលពីថ្ងៃទី១០ ខែធ្នូ ឆ្នាំ២០២៣ មានប្រជាពលរដ្ឋល្អបានមករាយការណ៍ជូនមន្ត្រីនគរបាលប្រឆាំងបទល្មើសគ្រឿងញៀន(ក១១) ថា មានមុខសញ្ញាតែងតែប្រព្រឹត្តសកម្មភាពជួញដូរដោយខុសច្បាប់នូវសារធាតុ នៅចំណុចតាមបណ្ដោយផ្លូវ៦០ម៉ែត្រ ភូមិព្រែកតាឡុង៣ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ដែលមានមធ្យោបាយធ្វើដំណើរដោយម៉ូតូ១គ្រឿង មានភិនភាក ម៉ាក SUZUKI VIVA ពណ៌ខ្មៅ ផ្លាកលេខ ភ្នំពេញ 1AH-5938 ។

បន្ទាប់ពីទទួលបានព័ត៌មាននេះ មន្ទីរប្រឆាំងបទល្មើសគ្រឿងញៀន បានចាត់តាំងលោកឧត្តមសេនីយ៍ទោ ស៊ី ផល្លា នាយករងមន្ទីរ លោកឧត្តមសេនីយ៍ត្រី ជាវ តុលា នាយករងមន្ទីរ និងលោកវរៈសេនីយ៍ឯក សេង ឃុនណាង នាយការិយាល័យទី១១ នៃមន្ទីរប្រឆាំងបទល្មើសគ្រឿងញៀន ព្រមទាំងមន្ត្រីជំនាញ (ក១១)បានចុះទៅស៊ើបអង្កេតលើមុខសញ្ញានោះ ក្រោមសម្របសម្រួលពីលោក ស៊ន មុនី ព្រះរាជអាជ្ញារង នៃអយ្យការអមសាលាដំបូងរាជ ធានីភ្នំពេញ ។ លុះដល់វេលាម៉ោង៦ល្ងាចថ្ងៃទី១៩ ខែធ្នូ ឆ្នាំ២០២៣ កម្លាំងជំនាញនៃមន្ទីរប្រឆាំងបទល្មើសគ្រឿងញៀន បានធ្វើការចុះបង្ក្រាបករណីជួញដូរដោយខុសច្បាប់ នូវសារធាតុញៀន នៅចំណុចតាមបណ្ដោយផ្លូវ៦០ម៉ែត្រ ភូមិព្រែកតាឡុង៣ សង្កាត់ចាក់អង្រែក្រោម ខណ្ឌមានជ័យ ពេលនោះក៏ប្រទះឃើញជនសង្ស័យ២នាក់ កំពុងធ្វើដំណើរដោយមធ្យោបាយម៉ូតូ១គ្រឿង ដែលមានភិនភាគដូចប្រជាពលរដ្ឋបានរាយការណ៍ ពេលនោះសមត្ថកិច្ចក៏បានធ្វើការឃាត់ខ្លួន ដោយពិនិត្យឃើញមានវត្ថុតាងសារធាតុញៀនមួយចំនួន។ លុះដល់វេលាម៉ោងប្រមាណ៧យប់ថ្ងៃខែដដែល សមត្ថកិច្ចបន្តឃាត់ខ្លួនជនសង្ស័យម្នាក់ទៀត នៅចំណុចបុរីវីឡាថោន មុខផ្ទះលេខ L-65 ផ្លូវលេខ V-16 ភូមិទួលរការ សង្កាត់ចាក់អង្រែ ខណ្ឌមានជ័យ ជាមុខសញ្ញាជួញដូរគ្រឿងញៀនដែរ។ រហូតដល់វេលាម៉ោង៧កន្លះ សមត្ថកិច្ចបន្តឃាត់ខ្លួនជនសង្ស័យម្នាក់ទៀត នៅចំណុចមុខបុរីវីឡាថោន ផ្លូវ៣០ម៉ែត្រ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ និងបន្តឆែកឆេរផ្ទះលេខ L-65 ផ្លូវលេខ V-16 ភូមិទួលរការ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ។

ជាលទ្ធផលសរុបទាំងអស់ឃាត់ខ្លួនជនសង្ស័យបានចំនួន៤នាក់ ១.ឈ្មោះ ឡេ មិនហ៊ុយ ភេទប្រុស អាយុ២៣ឆ្នាំ ជាជនជាតិវៀតណាម។ ២.ឈ្មោះ ចឹង ង៉ុកហ្វាក ភេទប្រុស អាយុ២១ឆ្នាំ ជាជនជាតិវៀតណាម។ ៣.ឈ្មោះ ជា ជេក (XIE JIE) ភេទប្រុស អាយុ២៥ឆ្នាំ ជាជនជាតិចិន។ ៤.ឈ្មោះ ភី ភី (PEI PEI) ភេទប្រុស អាយុ៣១ឆ្នាំ ជាជនជាតិចិន។

ក្នុងប្រតិបត្តិការនេះ កម្លាំងជំនាញបានរកឃើញសារធាតុញៀនសុទ្ធចំនួន ៥៨ គីឡូ ២២៤ ក្រាម។ សារធាតុមិនច្បាស់លាស់សម្រាប់ផលិតគ្រឿងញៀនជាង៣០០គីឡូក្រាម។ ម៉ាស៊ីនកែច្នៃ សម្រាប់ផលិតគ្រឿងញៀនចំនួន២គ្រឿង។ ម៉ូតូចំនួន៣គ្រឿង។ ទូរស័ព្ទចំនួន៤គ្រឿង ។

ក្រោយពីបង្ហាញមុខជនសង្ស័យ៤នាក់ រួមទាំងវត្ថុតាង ត្រូវបានសមត្ថកិច្ចកសាងសំណុំរឿងបញ្ជូនទៅសាលាដំបូងរាជធានីភ្នំពេញតាមនីតិវិធី៕

អត្ថបទ៖ មករា

The post មន្ទីរប្រឆាំងបទល្មើសគ្រឿងញៀន បង្ហាញមុខជនសង្ស័យ៤នាក់ ក្រោយបង្ក្រាបទីតាំងកែច្នៃ ផលិតនៅផ្លូវ៦០ម៉ែត្រ appeared first on Kampuchea Thmey Daily.