ប្រជាកសិករក្នុងស្រុកដំណាក់ចង្អើរ អាចធ្វើស្រែបាន២ដងក្នុងមួយឆ្នាំ និងទទួលបានតម្លៃខ្ពស់

នៅថ្ងៃទី២២ ខែធ្នូ ឆ្នាំ២០២៣នេះ លោក ឆាង ឆៃ អភិបាលស្រុកដំណាក់ចង្អើរបានប្រាប់ឲ្យដឹងថា ប្រជាកសិករ នឹងមានកសិផលធម្មជាតិមានទីតាំងក្នុងភូមិសាស្ត្រស្រុកដំណាក់ចង្អើរទទួលបានអំណោយផលបានល្អ ដែលប្រជាកសិករបានបង្កបង្កើនផលដំណាំស្រូវរដូវប្រាំង និងរដូវវស្សានៅក្នុងស្រុកមានប្រព័ន្ធធារាសាស្ត្រសម្រាប់ស្រោចស្របបានទូទាំងឃុំក្នុងស្រុកដណាក់ចង្អើរ។

ដំណាំដាំដុះស្រូវនាបច្ចុប្បន្ន សម្រាប់ប្រជាពលរដ្ឋជាង៤៣ភាគរយដែលធ្វើជាសកម្មភាពដាំដំណាំស្រូវនៅក្នុងមួយឆ្នាំពួកគាក់សាបព្រោះធ្វើស្រូវ២ដងនៅតាមតំបន់ ប៉ុន្តែសម្រាប់ឆ្នាំ២០២៣នេះផ្ទៃដីកសិករបង្កបង្កើនផលស្រូវមានតម្លៃវិញបានខ្ពស់ជាងឆ្នាំមុន។

លោក មិញ សុខ រស់នៅភូមិកោះសោម ឃុំពងទឹក ស្រុកដំណាក់ចង្អើខេត្តកែប បានប្រាប់ឱ្យដឹងថា ពួកគាក់ជាប្រជាកសិករបានបង្កបង្កើនផលដំណាំស្រូវរដូវប្រាំងនេះដែលមានសក្តានុពលដ៏សំខាន់មានក្នុងភូមិសាស្រ្តស្រុកដំណាក់ចង្អើរខេត្តកែបក្នុងឆ្នាំ២០២៣នេះឃើញថា ប្រជាកសិករនាំគ្នាធ្វើស្រូវមិនថារដូវប្រាំង ឬរដូវវស្សានោះទេ ទទួលបានទិន្នផលល្អ ដំណាំដែលប្រជាកសិករប្រមូលផលបានរាប់តោនក្នុងមួយហិកតាហើយលក់បានក្នុងតម្លៃចាប់ពីជាង១៣០០រៀលទៅ ១៤០០ រៀលក្នុងមួយគីឡូក្រាម ដែលបានបង្កបង្កើនផលក្នុងមួយឆ្នាំបានទៅចន្លោះ១ដងទៅ២ដងតែប៉ុណ្ណោះ។

លោក ថឹង បូរិន ប្រធានមន្ទីរកសិកម្មរុក្ខាប្រម៉ាញ និងនេសាទខេត្តកែប បានប្រាប់ឲ្យដឹងថា ប្រជាពលរដ្ឋនៅក្នុងចំណោមក្រុងស្រុកទាំង២ ទូទាំងខេត្តកែប អាចធ្វើដំណាំស្រូវបាន២ដងឬ៣ដង។លោកប្រធានមន្ទីរបញ្ជាក់ឲ្យដឹងថា ប្រជាពលរដ្ឋក្នុងស្រុកដំណាក់ចង្អើរឆ្នាំនេះឃើញថាពួកគាត់បាននាំគ្នាធ្វើស្រូវអ៊ីអ៊ែសម្រាប់លក់មួយឆ្នាំ១ដង ទៅ២ដង ដែលមានទិន្នផលតំម្លៃទីផ្សារស្រូវដែលឈ្មួញបានមកចាំទិញស្រូវសើមដល់ស្រែ ហើយតំម្លៃស្រូវឆ្នាំនេះបានហក់ឡើងខ្ពស់ ខណៈកសិកដែលមានទិន្នផលស្រូវបានតម្លៃខ្ពស់ល្អ។

ទោះជាយ៉ាងណាអាជ្ញាធរ និងមន្ត្រីជំនាញបានខិតខំជួយជំរុញឱ្យពលរដ្ឋ និងប្រជាកសិករដាំដំណាំបន្លែរួមផ្សំផ្សេងៗឱ្យបានល្អ និងចិញ្ចឹមសត្វដើម្បីរកប្រាក់ចំណូលបន្ថែមទៀត។ ដូច្នេះអាជ្ញាធរ និងមន្ត្រីជំនាញស្នើដល់ប្រជាពលរដ្ឋ ប្រជាកសិករដែលដាំដុះ សូមកុំប្រើជីឬថ្នាំ ដើម្បីជំរុញឱ្យស្រូវឆាប់ទុំ។ អាជ្ញាធរក៏បានស្នើឱ្យកសិករបន្តដាំដុះបន្លែផ្លែឈើឆាប់ប្រមូលផល សូមប្រើប្រាស់ជីធម្មជាតិចៀសវាងការសួរនាំពីមន្ត្រីជំនាញកសិកម្មបើសិនប្រើជីគីមីជ្រុលហួសហេតុពេកនោះ ដែលធ្វើឱ្យប៉ះពាល់ដល់គុណភាព និងតំម្លៃស្រូវធ្លាក់ចុះ ឬសុខភាពដែលអ្នកបរិភោគទៀតផងនោះ៕

អត្ថបទ៖ សឹង រ៉ាត់