ខ្សែប្រយុទ្ធសញ្ជាតិ ប្រេស៊ីល វ័យ ២៦ ឆ្នាំ ត្រូវបានក្លិបបិសាចក្រហមចុះកិច្ចសន្យាយកបាននៅរដូវកាល ២០២៥-២០២៦។ បច្ចុប្បន្នរូបគេកំពុងធ្វើបានល្អនៅក្លិប ដែលពោរពេញដោយប្រវត្តិសាស្ត្រជោគជ័យមួយនេះ។ កាលពីថ្ងៃ អាទិត្យ ទី ២៥ ខែ មករា កន្លងទៅ រូបគេទើបតែបានរួមចំណែកស៊ុតបញ្ចូលទីមួយគ្រាប់ ជួយឱ្យ Man United យកឈ្នះលើក្រុមកំពូលតារាង Arsenal ក្នុងលទ្ធផល ៣ ទល់នឹង ២។

បើត្រឡប់ក្រោយ ទៅមើលពីការចាប់ផ្តើមរបស់កីឡាករ ប្រេស៊ីល រូបនេះ គឺពិតជាមិនងាយស្រួលនោះទេ ដោយរូបគេបានឆ្លងកាត់នូវឧបសគ្គជាច្រើន ទម្រាំលេចធ្លោដូចបច្ចុប្បន្ន។ រឿងដ៏ចាប់អារម្មណ៍បំផុត គឺ Cunha បានចាកចេញពីផ្ទះ ទៅរស់នៅម្នាក់ឯងតាំងពីអាយុ ១៤ ឆ្នាំ ដើម្បីចាប់អាជីពជាកីឡាករបាល់ទាត់។

ខាងក្រោមនេះ ជាចំណុចសង្ខេបគួរឱ្យចាប់អារម្មណ៍ ៤ ចំណុចរបស់ខ្សែប្រយុទ្ធ Matheus Cunha មុនពេលលេចធ្លោនៅ Man United៖

• ការចាប់ផ្តើមដំបូង៖ Cunha ចាប់ផ្តើមលេងបាល់ទាត់ដំបូងនៅប្រទេសប្រេស៊ីល ដោយលេងក្នុងក្រុម ហ្វូតសាល ជាមុនសិន។ បន្ទាប់មក រូបគេទទួលបានឱកាសចូលហ្វឹកហាត់នៅថ្នាលយុវជនរបស់ក្លិប Coritiba ក្នុងប្រទេស ប្រេស៊ីល នៅអាយុ ១៤ ឆ្នាំ។ ការផ្លាស់ប្តូរនេះតម្រូវឲ្យរូបគេរស់នៅដោយខ្លួនឯង ដោយស្ថិតឆ្ងាយពីគ្រួសារចម្ងាយប្រហែលជាង ៣ ពាន់គីឡូម៉ែត្រ។
• ការផ្លាស់ទៅអឺរ៉ុប៖ នៅអាយុ ១៨ ឆ្នាំ គាត់បានធ្វើការសម្រេចចិត្តដ៏សំខាន់ក្នុងការចាកចេញពីប្រទេសកំណើតទៅអឺរ៉ុប ដោយចុះកិច្ចសន្យាជាមួយក្លិបអាជីពលើកដំបូងជាមួយក្លិប FC Sion នៃប្រទេសស្វីស ក្នុងឆ្នាំ ២០១៧។
• ការសម្របខ្លួន៖ គាត់បានសម្របខ្លួនយ៉ាងឆាប់រហ័សទៅនឹងតម្រូវការរបស់បាល់ទាត់អឺរ៉ុប ហើយបន្តផ្លាស់ទៅក្លិបធំៗដូចជា RB Leipzig, Hertha BSC និង Atlético Madrid។ Cunha បានលើកឡើង ថា គាត់បានផ្លាស់ប្តូរពីការលេងជាខ្សែបម្រើ ដែលជាតំណែងដើមរបស់ខ្លួន ទៅជាខ្សែប្រយុទ្ធកណ្ដាល ឬខ្សែបម្រើស្លាបវិញ ដើម្បីឱ្យសមស្របទៅនឹងយុទ្ធសាស្ត្របាល់ទាត់សម័យទំនើប ដូចជាប្រព័ន្ធ ៤-៣-៣។
• ការជម្នះនឹងឧបសគ្គ៖ បន្ទាប់ពីជួបការលំបាកក្នុងការលេងនៅ Atlético Madrid កីឡាករ Cunha បានសម្រេចដ៏ធំមួយ ដោយបានផ្លាស់ទៅកាន់ក្លិប Wolves នៃលីគកំពូល អង់គ្លេស។ ការសម្រេចចិត្តដ៏ត្រឹមត្រូវនេះ បានក្លាយជាជំហានវិជ្ជមាននៅក្នុងអាជីពរបស់គាត់ ដែលបានជួយឲ្យគាត់លេចធ្លោខ្លាំង រហូតត្រូវបានក្លិប Man United មើលឃើញ ហើយក៏បានចុះកិច្ចសន្យានៅក្នុងឆ្នាំ ២០២៥៕

អត្ថបទ៖ សេម កុសល

The post ៤ ចំណុចត្រូវដឹងពីកីឡាករ Matheus Cunha មុនពេលលេចធ្លោនៅ Man United appeared first on Kampuchea Thmey Daily.

លោក Rooney បានលើកឡើងពីខ្សែប្រយុទ្ធសញ្ជាតិ ប្រេស៊ីល វ័យ ២៦ ឆ្នាំប្រាប់ BBC មុនការប្រកួតរវាង Man United ទល់នឹង Arsenal យ៉ាងដូច្នេះថា៖ «ជាមួយ Cunha… ខ្ញុំគិតថា វាគឺមានអ្វីបន្ថែមទៀត ដែល Man United ត្រូវការ។ អ្នកត្រូវការនរណាម្នាក់ ជាមួយនឹងបុគ្គលិកលក្ខណៈច្បាស់លាស់បន្តិច។ ហើយច្បាស់ណាស់ ខ្ញុំនៅតែនិយាយទៅកាន់មនុស្សគ្រប់គ្នានៅទីនេះ ហើយគ្រប់គ្នាពិតជាពេញចិត្តនឹងរបៀបដែលគាត់កំពុងដោះស្រាយ។ ដូច្នេះសម្រាប់ខ្ញុំគិតថា Cunha ពិតជាការចុះកិច្ចសន្យាដ៏ល្អ ហើយច្បាស់ណាស់សមត្ថភាពរបស់គាត់គឺស្ថិតនៅលើនោះ»។

គួរឱ្យដឹងថា Cunha ត្រូវបាន Man United ចុះកិច្ចសន្យាយកបានពី Wolves នៅរដូវក្តៅនេះ ក្នុងតម្លៃ ៨៤.៧ លានដុល្លារអាមេរិក។ ចំពោះការប្រកួតមិត្តភាពកន្លងមក និងនៅក្នុងការប្រកួតសប្តាហ៍ទី ១ នៃក្របខណ្ឌ Premier League កាលពីយប់មិញថ្ងៃទី ១៧ ខែ សីហា ឆ្នាំ ២០២៥ រូបគេបានបង្ហាញសមត្ថភាពល្អគួរឱ្យកត់សម្គាល់ ប៉ុន្តែគួរឱ្យសោកស្តាយ ដែលនៅក្នុងការប្រកួតនោះ ក្រុមបិសាចក្រហមបានបរាជ័យក្រោមថ្វីជើងក្រុម Arsenal ០-១៕

ប្រែសម្រួល៖ សេម កុសល
ប្រភព៖ Sportskeeda

The post សិស្ស​ច្បង​​ Rooney សរសើរ Cunha ជាប្រភេទកីឡាករ Man United កំពុងត្រូវការ appeared first on Kampuchea Thmey Daily.

យោងតាមការចុះផ្សាយដោយអ្នកកាសែត អ៉ីតាលី លោក Fabrizio Romano បានឱ្យដឹងថា ក្លិបបិសាចក្រហម Man United ចុះកុងត្រាយកបាន Matheus Cunha ជាផ្លូវការ ក្នុងតម្លៃ ៨៤ លានដុល្លារអាមេរិកពី Wolves។

ប្រភពដដែលបានបន្ថែមទៀតថា Matheus Cunha បានព្រមព្រៀងស្នាក់នៅទឹកដី Old Trafford រយៈពេល ៥ ឆ្នាំ អមជាមួយជម្រើសបន្តកិច្ចសន្យា ១ ឆ្នាំទៀត ពោលគឺដល់ខែ មិថុនា ឆ្នាំ ២០២៩។

គួរឱ្យដឹងថា Cunha ដែលបច្ចុប្បបន្នមានវ័យ ២៦ ឆ្នាំ ជាកីឡាករលេងតួនាទីជាខ្សែប្រយុទ្ធកណ្តាល ហើយរូបគេ គឺជាកីឡាករដំបូង ដែលត្រូវបានគ្រូបង្វឹកលោក Ruben Amorim ចុះកុងត្រាមកកាន់ Man United នៅរដូវក្តៅនេះ៕

ប្រែសម្រួល៖ សេម កុសល
ប្រភព៖ Fabrizio Romano

The post ផ្លូវការ! Man United ចុះកុងត្រាយកបានខ្សែប្រយុទ្ធ ប្រេស៊ីល Matheus Cunha ហើយ appeared first on Kampuchea Thmey Daily.

យោងតាមការចុះផ្សាយដោយ Sky Sports បានឱ្យដឹងថា Man United បានដាក់សំណើជាទឹកប្រាក់ចំនួន ៨៣.៤ លានដុល្លារអាមេរិក ដើម្បីចុះកុងត្រា​នាំ​យក Matheus Cunha ពីក្លិប​ Wolves នៅរដូវក្តៅនេះ។

ដោយឡែកអ្នកកាសែត អ៉ីតាលី លោក Fabrizio Romano បានឱ្យដឹងថា Matheus Cunha ដែលបច្ចុប្បន្នមានវ័យ ២៥ ឆ្នាំ បានឆ្លើយយល់ព្រមរួចរាល់ ក្នុងការផ្លាស់មកកាន់ទឹកដី Old Trafford នៅរដូវក្តៅនេះ។

គួរបញ្ជាក់ថា Matheus Cunha បានក្លាយជាខ្សែប្រយុទ្ធដ៏លេចធ្លោរមួយរូបរបស់​ក្លិប​ Wolves ចាប់តាំងពីរូបគេផ្លាស់មកទីនេះនៅឆ្នាំ ២០២១ ខណៈនៅរដូវកាល ២០២៤-២០២៥ នេះរូបគេរកបាន ១៧ គ្រាប់ និង ៦ assist ក្នុងចំណោមការបង្ហាញខ្លួនសរុប ៣៤ ប្រកួត៕

ប្រែសម្រួល៖ សេម កុសល
ប្រភព៖ Sky Sports & Fabrizio Romano

The post Man United ទទួលបានភ្លើងខៀវពី​ខ្សែប្រយុទ្ធប្រេស៊ីលម្នាក់ appeared first on Kampuchea Thmey Daily.