Miss Gra nd Cambodia Archives - Kampuchea Thmey Daily

ប៉ូគីមថេង សុតធីតា រម្លឹកថា បើមិនព្យាយាមដុសខាត់សមត្ថភាព គ្មាននរណាជួយក្រៅពីខ្លួនឯងទេ

Din Thary — Mon, 22 Jan 2024 02:33:33 +0000

បវរកញ្ញាកម្ពុជាស្រីស្អាត ប៉ូគីមថេង សុតធីតា ដែលជាម្ចាស់ជ័យលាភីគ្រងមកុដ Miss Grand Cambodia 2021 បានចេញមុនមកដាស់តឿនដល់អ្នកគាំទ្រដើម្បីជោគជ័យថា ជំហានដំបូងបើចង់ជោគជ័យគឺត្រូវព្យាយាមដុសខាត់ខ្លួនឯងជាមួយនឹងសមត្ថភាពចំណេះដឹង ក្រមសីលធម៌ និងសុខភាពជាមុនសិន។

ពិតណាស់ ម្ចាស់ជ័យលាភីគ្រងមកុដ Miss Grand Cambodia 2021 កញ្ញា ប៉ូគឹមថេង សុតធីតា កន្លងមកនាងត្រូវបានគេកត់សម្គាល់ថា នាងតែងទទួលបានការគាំទ្រព្រមទាំងការលើកសរសើរពីមហាជន ពោលគឺចាប់តាំងពីនាងបានជាប់ជាម្ចាស់មកុដ MGC 2021 និងក្លាយជាអ្នកតំណាងឲ្យប្រទេសកម្ពុជាទៅចូលរួមប្រកួតដណ្ដើមមកុដលើឆាកអន្តរជាតិនាពលកន្លងមក។

ដោយឡែក បើយើងងាកមកចាប់អារម្មណ៍រឿងដែល កញ្ញា សុតធីតា រម្លឹកមហាជនឯណោះវិញ ដោយត្រូវបាននាងលើកឡើងតាមរយៈបណ្តាញសង្គមហ្វេសប៊ុកថា «បើអ្នកមិនព្យាយាមដុសខាត់ខ្លួនឯងជាមួយនឹងសមត្ថភាព ចំណេះដឹង ក្រមសីលធម៌ សុខភាពព្រមតាំងរូបរាងគឺគ្មាននរណាម្នាក់អាចជួយអ្នកក្រៅពីអ្នកខ្លួនឯងនោះឡើយ គ្មាននរណាម្នាក់កើតមកល្អគ្រប់ ១០ទេ»។

កញ្ញា ប៉ូគឹមថេង សុតធីតា បញ្ជាក់ថា «ភាពល្អកើតមានសំរាប់តែបុគ្គលដែលតស៊ូរ និងព្យាយាមតែប៉ុណ្ណោះ តោះបងប្អូនលេង Challenge ផុសរូប ១០ឆ្នាំមុនទាំងអស់គ្នា»។ បវរកញ្ញា ប៉ូគឹមថេង សុតធីតា ក៏ត្រូវបានគេចាត់ទុកថា ជាបុគ្គលម្នាក់ដែលលេចធ្លោនៅក្នុងសង្គមផងដែរ។

តាមការកត់សម្គាល់ឃើញថា Miss Grand Cambodia 2021 រូបនេះក្រោយពីសាងកេរ្តិ៍ឈ្មោះល្បីក្នុងវិស័យបវរកញ្ញាស្រីស្អាត ប៉ូគឹមថេង សុតធីតា គឺមានឱកាសច្រើនដោយលេចវត្តមាននៅតាមបណ្តាកម្មវិធីតូចធំ នានាជាបន្តបន្ទាប់។ មិនតែប៉ុណ្ណោះបើសង្កេតពីរូបសម្រស់របស់នាងនៅតែស្រស់ស្អាតសម្រាប់អ្នកគាំទ្រ ពិសេសមិត្តៗយុវវ័យតែម្តង៕

អត្ថបទ៖ ចាន់រ៉ា

The post ប៉ូគីមថេង សុតធីតា រម្លឹកថា បើមិនព្យាយាមដុសខាត់សមត្ថភាព គ្មាននរណាជួយក្រៅពីខ្លួនឯងទេ appeared first on Kampuchea Thmey Daily.

វត្តីសារ៉ាវឌ្ឍី មោទកភាពក្លាយជាចំណែកផ្សព្វផ្សាយវប្បធម៌ អរិយធម៌កម្ពុជាទៅកាន់ឆាកអន្តរជាតិ

Sophal Tuon — Sat, 06 May 2023 01:54:41 +0000

ភ្នំពេញ៖ កញ្ញា ពេជ្រ វត្តីសារ៉ាវឌ្ឍី ដែលជា Miss Gra nd Cambodia ២០២២ បានសម្តែងក្តីរំភើបជាខ្លាំងជាមួយមោទកភាព ដែលបានក្លាយជាចំណែកមួយក្នុងផ្សព្វផ្សាយវប្បធម៌ អរិយធម៌កម្ពុជា ទៅកាន់ឆាកអន្តរជាតិ ក្នុងព្រឹត្តិការណ៍បើកកីឡាស៊ីហ្គេមលើកទី ៣២ និងអាស៊ានប៉ារ៉ាហ្គេមលើកទី១២ កាលពីយប់ថ្ងៃទី០៥ ខែឧសភា ឆ្នាំ២០២៣។

ជាការពិតណាស់ សម្រាប់កម្មវធីបើព្រឹត្តិការណ៍កីឡាស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ បានប្រព្រឹត្តិទៅយ៉ាងរលូន និងអស្ចារ្យបំផុតជាមួយការបង្ហាញផ្ទាំងទស្សនីយភាព ព្រមទាំងការសម្តែងដ៏កក្រើកបំផុតពីសំណាក់តារាចម្រៀងល្បីៗប្រចាំប្រទេស ដើម្បីអបអរព្រឹត្តិការណ៍ដ៏អស្ចារ្យនេះ ដែលរៀបចំឡើងនៅព្រះរាជាណាចក្រកម្ពុជា។

ជាការកត់សម្គាល់ អ្វីដែលមហាជនចាប់អារម្មណ៍ថែមទៀតនោះគឺការដង្ហែរក្បូនគណ:ប្រតិភូកីឡាទាំង១១ប្រទេសចូលទីលានប្រកួត ដោយមានការកាន់ស្លាកតំណាងឲ្យប្រទេសនីមួយៗពីសំណាក់សិល្បការិនីស្រស់ស្អាតជាច្រើនរូប។ ក្នុងនោះសម្រាប់ការដង្ហែកាន់ស្លាកតំណាងឲ្យប្រទេសកម្ពុជា បានឱកាសបានមកលើ Mis s Gra nd Cambodia២០២២ កញ្ញា ពេជ្រ វត្តីសារ៉ាវឌ្ឍី ។

បើតាមចំណាប់អារម្មណ៍ដ៏រំភើបរបស់បវរកញ្ញា ពេជ្រ វត្តីសារ៉ាវឌ្ឍី បានរៀបរាប់ថា ជាកិត្តិយសណាស់ក្នុងការតំណាងឱ្យកម្ពុជា ក្នុងពិធីដង្ហែក្បួនបើកព្រឹត្តិការណ៍កីឡាស៊ីហ្គេមលើកទី៣២ និង អាស៊ានប៉ារ៉ាហ្គេមលើកទី១២ ដែលជាមហាព្រឹត្តិការណ៍មួយដ៏អស្ចារ្យសម្រាប់ប្រទេសកម្ពុជាដែលបានទន្ទឹងរងចាំរយៈពេ ល៦៤ឆ្នាំមកហើយក្នុងការក្លាយជាម្ចាស់ផ្ទះ។

កញ្ញា ពេជ្រ វត្តីសារ៉ាវឌ្ឍី បញ្ជាក់ថា«នាងខ្ញុំ ពេជ្រ វត្តីសារ៉ាវឌ្ឍី MissGrand Cambodia ២០២២ពិតជាមានក្តីសោមនស្សរីករាយខ្លាំងណាស់ក្នុងការក្លាយជាចំណែកមួយផ្សព្វផ្សាយវប្បធម៌ អរិយធម៌កម្ពុជា ទៅកាន់ឆាកអន្តរជាតិក្រោមពាក្យស្លោកកីឡានៃម្លប់សន្តិភាព» ៕

អត្ថបទ៖ ចាន់រ៉ា

The post វត្តីសារ៉ាវឌ្ឍី មោទកភាពក្លាយជាចំណែកផ្សព្វផ្សាយវប្បធម៌ អរិយធម៌កម្ពុជាទៅកាន់ឆាកអន្តរជាតិ appeared first on Kampuchea Thmey Daily.

Miss Gra nd Cambodia Archives - Kampuchea Thmey Daily

ប៉ូគីមថេង សុតធីតា រម្លឹកថា បើមិនព្យាយាមដុសខាត់សមត្ថភាព គ្មាននរណាជួយក្រៅពីខ្លួនឯងទេ

វត្តីសារ៉ាវឌ្ឍី មោទកភាពក្លាយជាចំណែកផ្សព្វផ្សាយ​វប្បធម៌ អរិយធម៌កម្ពុជាទៅកាន់​ឆាកអន្តរជាតិ

វត្តីសារ៉ាវឌ្ឍី មោទកភាពក្លាយជាចំណែកផ្សព្វផ្សាយវប្បធម៌ អរិយធម៌កម្ពុជាទៅកាន់ឆាកអន្តរជាតិ