ជីវិតកម្សាន្ដ

ប៉ូគីមថេង សុតធីតា រម្លឹកថា បើមិនព្យាយាមដុសខាត់សមត្ថភាព គ្មាននរណាជួយក្រៅពីខ្លួនឯងទេ

បានផុស

២ years មុន

នៅ

ថ្ងៃចន្ទ ២២ មករា ២០២៤

ដោយ

បវរកញ្ញាកម្ពុជាស្រីស្អាត ប៉ូគីមថេង សុតធីតា ដែលជាម្ចាស់ជ័យលាភីគ្រងមកុដ Miss Grand Cambodia 2021 បានចេញមុនមកដាស់តឿនដល់អ្នកគាំទ្រដើម្បីជោគជ័យថា ជំហានដំបូងបើចង់ជោគជ័យគឺត្រូវព្យាយាមដុសខាត់ខ្លួនឯងជាមួយនឹងសមត្ថភាពចំណេះដឹង ក្រមសីលធម៌ និងសុខភាពជាមុនសិន។

ពិតណាស់ ម្ចាស់ជ័យលាភីគ្រងមកុដ Miss Grand Cambodia 2021 កញ្ញា ប៉ូគឹមថេង សុតធីតា កន្លងមកនាងត្រូវបានគេកត់សម្គាល់ថា នាងតែងទទួលបានការគាំទ្រព្រមទាំងការលើកសរសើរពីមហាជន ពោលគឺចាប់តាំងពីនាងបានជាប់ជាម្ចាស់មកុដ MGC 2021 និងក្លាយជាអ្នកតំណាងឲ្យប្រទេសកម្ពុជាទៅចូលរួមប្រកួតដណ្ដើមមកុដលើឆាកអន្តរជាតិនាពលកន្លងមក។

ដោយឡែក បើយើងងាកមកចាប់អារម្មណ៍រឿងដែល កញ្ញា សុតធីតា រម្លឹកមហាជនឯណោះវិញ ដោយត្រូវបាននាងលើកឡើងតាមរយៈបណ្តាញសង្គមហ្វេសប៊ុកថា «បើអ្នកមិនព្យាយាមដុសខាត់ខ្លួនឯងជាមួយនឹងសមត្ថភាព ចំណេះដឹង ក្រមសីលធម៌ សុខភាពព្រមតាំងរូបរាងគឺគ្មាននរណាម្នាក់អាចជួយអ្នកក្រៅពីអ្នកខ្លួនឯងនោះឡើយ គ្មាននរណាម្នាក់កើតមកល្អគ្រប់ ១០ទេ»។

កញ្ញា ប៉ូគឹមថេង សុតធីតា បញ្ជាក់ថា «ភាពល្អកើតមានសំរាប់តែបុគ្គលដែលតស៊ូរ និងព្យាយាមតែប៉ុណ្ណោះ តោះបងប្អូនលេង Challenge ផុសរូប ១០ឆ្នាំមុនទាំងអស់គ្នា»។ បវរកញ្ញា ប៉ូគឹមថេង សុតធីតា ក៏ត្រូវបានគេចាត់ទុកថា ជាបុគ្គលម្នាក់ដែលលេចធ្លោនៅក្នុងសង្គមផងដែរ។

តាមការកត់សម្គាល់ឃើញថា Miss Grand Cambodia 2021 រូបនេះក្រោយពីសាងកេរ្តិ៍ឈ្មោះល្បីក្នុងវិស័យបវរកញ្ញាស្រីស្អាត ប៉ូគឹមថេង សុតធីតា គឺមានឱកាសច្រើនដោយលេចវត្តមាននៅតាមបណ្តាកម្មវិធីតូចធំ នានាជាបន្តបន្ទាប់។ មិនតែប៉ុណ្ណោះបើសង្កេតពីរូបសម្រស់របស់នាងនៅតែស្រស់ស្អាតសម្រាប់អ្នកគាំទ្រ ពិសេសមិត្តៗយុវវ័យតែម្តង៕

អត្ថបទ៖ ចាន់រ៉ា