Miss Queen Cambodia Archives - Kampuchea Thmey Daily

អ្នកគាំទ្ររំភើបចិត្តនឹងវត្តមាន PanCake ចូលប្រកួត MQC និងប្រាប់ថា ទោះលទ្ធផលបែបណានៅតែគាំទ្រ

Chan Sotheavy — Thu, 26 Dec 2024 01:56:47 +0000

មុនលាឆ្នាំ២០២៤ ពិធីការិនីដ៏ពូកែវហាសព្ទ PanCake បានធ្វើឱ្យមហាជនភ្ញាក់ផ្អើលខ្លាំង ជាមួយនឹងវត្តមានរបស់អ្នកសិល្បៈរូបនេះ ក្នុងនាមជាបេក្ខភាពប្រលងកម្មវិធីប្រកួតសម្រស់ និងសមត្ថភាព Miss Queen Cambodia តំណាងខេត្តព្រះសីហនុ ខណៈនេះ ក៏ជាការបំពេញក្តីស្រមៃរបស់ខ្លួនដែលចង់ក្លាយជាបវរកញ្ញាផងដែរ។

យ៉ាងណាមិញ ក្រោយផេកផ្លូវការរបស់ស្ថាប័ន Miss Queen Cambodia បានបង្ហាញវត្តមានបវរកញ្ញាតំណាងខេត្តព្រះសីហនុរូបនេះ សាធារណជន សិល្បករសិល្បការិនី ពិសេសអ្នកគាំទ្របានសម្តែងការអបអរទន្ទឹមនឹងក្តីរំភើប ដែលបានឃើញ PanCake អាចឈានមកដល់ចំណុចមួយនេះ។

តួយ៉ាង ក្នុងចំណោមមតិអបអរសាទរទាំងនោះ ក៏មានការលើកទឹកចិត្ត និងបង្ហាញក្តីស្រលាញ់ដល់ពិធីការិនីដ៏មានប្រជាប្រិយភាពនេះផងដែរ ខណៈអ្នកគាំទ្រម្នាក់ បានផ្ញើជាវីដេអូបង្ហាញក្តីរីករាយ និងរៀបរាប់ថា ខ្លួនសប្បាយចិត្តខ្លាំងណាស់ ដែលបានឃើញកញ្ញា PanCake ចូលប្រកួត Miss Queen Cambodia និងបញ្ជាក់ទៀតថា សម្រាប់ការប្រកួតនេះ បើទោះជា idol ទទួលបានលទ្ធផលបែបណា ក៏នៅគាំទ្រដែរ។

គួរជម្រាបថា ក្នុងដំណើរនៃការប្រកួត Miss Queen Cambodia 2025 នេះដែរ ក្រៅពីចូលរួមជូនពរ អ្នកគាំទ្រជឿថា PanCake នឹងអាចសម្រេចបាននូវក្តីស្រមៃមួយនេះ ក៏ព្រោះតែពិធីការិនីរូបនេះ ពេញដោយសមត្ថភាពសិល្បៈ៕

The post អ្នកគាំទ្ររំភើបចិត្តនឹងវត្តមាន PanCake ចូលប្រកួត MQC និងប្រាប់ថា ទោះលទ្ធផលបែបណានៅតែគាំទ្រ appeared first on Kampuchea Thmey Daily.

សៃ ហ្វុន ៖ បវរកញ្ញាចេញទៅប្រកួតតំណាងប្រទេសចង់បានបំផុត ២ ចំណុចនេះដ៏សំខាន់

Din Thary — Wed, 18 Oct 2023 10:10:22 +0000

បវរកញ្ញាភេទទី៣ កម្ពុជា កញ្ញា សៃ ហ្វុន ដែលជាម្ចាស់មកុដ Miss Queen Cambodia 2020 និងធ្លាប់តំណាងប្រទេសចេញទៅប្រកួតដណ្តើមមកុដលើឆាកអន្តរជាតិបានចេញមកបញ្ជាក់ទៅកាន់អ្នកគាំទ្រនូវ ២ចំណុចដែលសំខាន់សម្រាប់បវរកញ្ញាដែលចេញទៅប្រកួតតំណាងឲ្យប្រទេស។

ការលើកឡើងរបស់ សៃ ហ្វុន ពេលនេះស្របពេលដែលបវរកញ្ញាតំណាងប្រទេសកម្ពុជាកញ្ញា ភឹម ស្រីនោ កំពុងមានវត្តមានឈរជើងប្រកួតនៅលើឆាកអន្តរជាតិនៃប្រទេសវៀតណាមហើយនាងក៏ត្រូវការជាចំបាច់នៅជំនួយលើកទឹកចិត្ត និងកម្លាំងចិត្តពីសំណាក់អ្នកគាំទ្រដើម្បីឈានទៅដណ្តើមជ័យជំនះក្នុងការប្រកួតវគ្គផ្ដាច់ព្រ័ត្រ។

ងាកមកកញ្ញា សៃ ហ្វុន បានពន្យល់ទៅកាន់អ្នកគាំទ្រថា“បវរកញ្ញាដែលចេញទៅប្រកួតតំណាងប្រទេស គឺមានការហត់នឿយខ្លាំងណាស់បងប្អូន ខ្ញុំធ្លាប់ប្រកួត ខ្ញុំដឹងអ្វីដែលត្រូវការបំផុតនោះ គឺកម្លាំងចិត្ត និងការលើកទឹកចិត្តពីប្រជាជន”។ ប្រាកដណាស់ការលើឡើងរបស់ សៃ ហ្វុន នេះអាចជាស្មារតីមួយសម្រាប់អ្នកគាំទ្រដើម្បីជួយដល់កម្លាំងចិត្តសម្រាប់បវរកញ្ញាចេញទៅប្រកួតតំណាងប្រទេស។

គួររម្លឹកដែរថាបវរកញ្ញាភេទទី៣ កម្ពុជា សៃ ហ្វុន កន្លងមកក៏ធ្លាប់ចេញទៅប្រកួតនៅលើឆាកអន្តរជាតិក្នុងការដណ្តើមមកុដនៃការប្រកួតបវរកញ្ញាភេទទី៣ អន្តរជាតិ Miss International Queen Pageant ឆ្នាំ២០២២។

ដោយឡែកថ្មីៗនេះ សៃ ហ្វុន ក៏បានលេចវត្តមានក្នុងការចូលរួមប្រឡងជាថ្មីនៅក្នុងកម្មវិធីប្រឡងសម្រស់ Miss universe Cambodia 2023 ខណៈម្ចាស់មកុដ Miss Queen Cambodia 2020 រូបនេះក៏បានប្រកាសពីជំហររបស់ខ្លួនថា ឆ្នាំនេះគឺជាឆ្នាំចុងក្រោយរបស់ខ្លួនក្នុងការចូលប្រកួតក្នុងវិស័យបវរកញ្ញា នឹងបានសន្យាថានឹងធ្វើឲ្យអស់ពីសមត្ថភាព៕

អត្ថបទ៖ ចាន់រ៉ា

The post សៃ ហ្វុន ៖ បវរកញ្ញាចេញទៅប្រកួតតំណាងប្រទេសចង់បានបំផុត ២ ចំណុចនេះដ៏សំខាន់ appeared first on Kampuchea Thmey Daily.

ស្ថាប័នMQCសម្តែងការខកចិត្ត និងបកស្រាយក្រោយផ្ទុះការរិះគន់វែកញែករឿងម្ចាស់មកុដឆ្នាំនេះ

Sokhom Khon — Thu, 09 Mar 2023 06:15:47 +0000

ប្រាកដណាស់កាលពីរាត្រីថ្ងៃទី០៨ ខែមីនា ឆ្នាំ២០២៣បានរកឃើញម្ចាស់មកុដបវរកញ្ញាភេទទី៣ កម្ពុជា “Miss Queen Cambodia ឆ្នាំ២០២៣” គឺបានទៅលេីបេក្ខភាពកញ្ញា ម៉ៃយ៉ា។ ប៉ុន្តែអ្វីដែលកត់សម្គាល់នោះបន្ទាប់កម្មវិធីនេះត្រូវបានបញ្ចប់ស្រាប់តែផ្ទុះការរិះគន់ និងវែកញែកពីទស្សនិកជន។

ចំពោះការរិះគន់ និងមតិវែកញែកមហាជននោះបានលើកឡើងស្រដៀងគ្នាថា សម្រាប់ម្ចាស់មកុដឆ្នាំនេះអាចបានទៅលើកញ្ញា ដេវីណា សាកសមច្រើនជាង។ យ៉ាងណាមិញក្រោយមានមតិរិះគន់ និងវែកញែកបែបនេះភ្លាមៗនោះខាងស្ថាប័នMQC បានចេញមកបកស្រាយ និងសម្តែងការខកចិត្តជាខ្លាំងទៅលើទស្សន:រិះគន់មួយចំនួន។

ស្ថាប័នMQCបានលើកឡើងខ្លឹមសារដូច្នេះថាយេីងខ្ញុំពិតជាហួសចិត្តនិងអាណិតអ្នកដែលមិនមានវិជ្ជា ជីវ:និងចង់បំពេញតួរនាទីជាគណ:កម្មការជំនាញពិ តប្រាកដ។សូមកុំប្រេីការយល់ឃេីញតែមួយចំណុចតូចរបស់ខ្លួន ដែលគ្មានជំនាញ ដេីម្បីជាន់ពន្លិចគេ ដោយគ្មានសតិព្រោះ បបេីគ្រប់គ្នាមានសតិគ្រប់គ្រាន់ក៏គង់នៅការ គោរពនិងគុណធម៌។

សូមបញ្ជាក់ថាបន្ទាប់ពីឆ្លងកាត់ការប្រកួតជាច្រើនស ប្តាហ៍នោះទីបំផុតបានរកឃេីញហេីយម្ចាស់ម្កុដបវរកញ្ញាភេទទី៣កម្ពុជា “Miss Queen Cambodia “ឆ្នាំ២០២៣គឺបានទៅលេីបេក្ខភាពលេខសម្គាល់ M QC: 019កញ្ញា ម៉ៃយ៉ា ដែលមានអាយុ២៤ឆ្នាំ និងកម្ពស់ ១.៧០ ម៉ែត្រ។ នាងនឹងត្រូវតំណាងជាតិអោយកម្ពុជាក្នុងការប្រកួតបវរកញ្ញាភេទទីបីអន្តរជាតិ Miss International Queen 2024 នៅឯប្រទេសថៃខាងមុខនេះ៕

អត្ថបទ៖ ចាន់រ៉ា

The post ស្ថាប័នMQCសម្តែងការខកចិត្ត និងបកស្រាយក្រោយផ្ទុះការរិះគន់វែកញែករឿងម្ចាស់មកុដឆ្នាំនេះ appeared first on Kampuchea Thmey Daily.

ឆ្នាំនេះដឹងតែកក្រើក! គ្រូ អគ្គីនេត្រ និង កក្កដា សុភ័ណ្ឌ លេចវត្តមានប្រឡង Miss Queen Cambodia

អ៊ិន ពិសី — Mon, 02 Jan 2023 07:25:12 +0000

ទស្សនិកជនដែលនិយមតាមដាន ស្រលាញ់ និងគាំទ្រលើវិស័យដើរម៉ូដក្នុងស្រុកបានដឹងហើយថា បច្ចុប្បន្នការដើរម៉ូដ ឬប្រកួតបវរកញ្ញានៅកម្ពុជា កំពុងតែទទួលបានការពេញនិយម និងចាប់អារម្មណ៍គាំទ្រច្រើនពីមហាជនគ្រប់មជ្ឈដ្ឋាន។

ដោយសារតែកត្តានេះ ក៏មានការរៀបចំកម្មវិធីប្រឡងបវរកញ្ញាភេទទី ៣ ឬ Miss Queen Cambodia ខណៈការប្រឡងនេះកន្លងមកគឺបានកំពុងរៀបចំធ្វើឡើងនៅក្នុងស្រុក ដោយមានបវរកញ្ញាភេទទី ៣ ច្រើនរូបមកប្រជែងគ្នា ដើម្បីប្រជែងមកុដ។ ចំណែកឯឆ្នាំនេះ ទស្សនិកជនប្រាកដជាភ្ញាក់ផ្អើលគ្រប់គ្នា ដោយសារមានការប្រកាសថា គ្រូ អគ្គីនេត្រ និង កក្កដា សុភ័ណ្ឌ បានលេចវត្តមានចូលប្រកួត Miss Queen Cambodia ផងដែរ។

នៅលើផេកផ្លូវការរបស់ Miss Queen Cambodia ក៏បានធ្វើការបង្ហោះនូវរូបភាពរបស់គ្រូអគ្គីនេត្រ និង កក្កដា សុភ័ណ្ឌ ដែលជាបេក្ខភាពត្រៀមប្រឡងបវរកញ្ញាភេទទី ៣ ទៀតផង។

តាមរយៈនេះបានធ្វើឲ្យមហាជនមួយចំនួនធំ សម្ដែងការភ្ញាក់ផ្អើលគ្រប់គ្នា ខណៈមានខ្លះបានលើកឡើងថា ឆ្នាំនេះដឹងតែផ្ទុះហើយនេះ។

ចំណែក កក្កដា សោភ័ណ្ឌ បានប្រកាសដែរថា ឆ្នាំនេះ ខ្ញុំ នឹងចូលប្រកួត Miss Queen Cambodia 2023 ដើម្បីធ្វើជាម្ចាស់មកុដឲ្យបាន សូមពាក្យជូនពរម្នាក់មួយផងបងប្អូន ពេលនេះខ្ញុំបានដាក់ពាក្យរួចហើយ។

សូមបញ្ជាក់ថា ការប្រឡងនេះបាននិងកំពុងរៀបចំធ្វើឡើងដោយមានបវរកញ្ញាភេទទី ៣ ជាច្រើនរូប មកប្រជែងគ្នា ដើម្បីប្រជែងមកុដ។ ចំពោះអ្នកឈ្នះ នឹងបន្តទៅកាន់ឆាកអន្តរជាតិ ហើយនឹងទទួលបានការហ្វឹកហាត់បន្ថែមទៀត មុនពេលបានឡើងដល់ឆាកដ៏ពិសេសនៅប្រទេសថៃ៕

អត្ថបទ ៖ ចាន់រ៉ា

The post ឆ្នាំនេះដឹងតែកក្រើក! គ្រូ អគ្គីនេត្រ និង កក្កដា សុភ័ណ្ឌ លេចវត្តមានប្រឡង Miss Queen Cambodia appeared first on Kampuchea Thmey Daily.

Miss Queen Cambodia Archives - Kampuchea Thmey Daily

អ្នកគាំទ្ររំភើបចិត្តនឹងវត្តមាន PanCake ចូលប្រកួត MQC និងប្រាប់ថា ទោះលទ្ធផលបែបណានៅតែគាំទ្រ

សៃ ហ្វុន ៖ បវរកញ្ញាចេញទៅប្រកួតតំណាងប្រទេសចង់បានបំផុត ២ ចំណុចនេះដ៏សំខាន់

ស្ថាប័នMQCសម្តែងការខកចិត្ត និងបកស្រាយ​ក្រោយផ្ទុះការរិះគន់វែកញែករឿងម្ចាស់មកុដឆ្នាំនេះ

ឆ្នាំនេះដឹងតែកក្រើក! គ្រូ អគ្គីនេត្រ និង កក្កដា សុភ័ណ្ឌ លេចវត្តមានប្រឡង Miss Queen Cambodia

ស្ថាប័នMQCសម្តែងការខកចិត្ត និងបកស្រាយក្រោយផ្ទុះការរិះគន់វែកញែករឿងម្ចាស់មកុដឆ្នាំនេះ