វិបត្តិហិរញ្ញវត្ថុដែលបន្តអស់រយៈពេលយូររបស់ Barcelona បានបង្កើតការចាប់អារម្មណ៍យ៉ាងខ្លាំង បន្ទាប់ពីមានរបាយការណ៍អះអាងថា ព្រះអង្គម្ចាស់ Mohammed bin Salman កំពុងពិចារណាផ្តល់សំណើដ៏ធំមហាសាលចំនួន ១១.៧ ពាន់លានដុល្លារអាមេរិក ដើម្បីទិញ។ ចំនួនទឹកប្រាក់ដ៏អស្ចារ្យនេះ ត្រូវបានគេដឹង ថា អាចគ្រប់គ្រាន់សម្រាប់ Barcelona សងបំណុលរបស់ខ្លួន ហើយវាក៏នឹងអាចផ្លាស់ប្តូរអនាគតក្លិបនេះឱ្យកាន់តែធំផងដែរ។

ទោះជាយ៉ាងណា សំណើនេះនឹងជួបប្រទះនូវឧបសគ្គធំមួយពាក់ព័ន្ធផ្នែកច្បាប់ និងរចនាសម្ព័ន្ធ។ Barcelona គឺជាក្លិបដែលជាសម្បត្តិរួមរបស់សមាជិក (socio-ownership model) មានន័យថា មិនអាចលក់ក្លិបទាំងមូលឱ្យបុគ្គលណាមួយ ឬអង្គភាពបរទេសណាមួយបានឡើយ។ ដូច្នេះ ការចង់ទិញយកក្លិបនេះផ្តាច់មុខទាំងស្រុង គឺស្ទើរតែមិនអាចទៅរួចឡើយ។

អ្នកវិភាគជាច្រើននៅអេស្ប៉ាញជឿ ថា សំណើដែលត្រូវបានរាយការណ៍នេះ គ្រាន់តែបង្ហាញពីគោលបំណង ឬជាការស្ទង់មតិជំហានដំបូងប៉ុណ្ណោះ ប៉ុន្តែមិនមែនជាការប៉ុនប៉ងពិតប្រាកដក្នុងការផ្លាស់ប្តូរម្ចាស់កម្មសិទ្ធិក្លិបភ្លាមៗនោះទេ។

ទោះបីជាយ៉ាងណាក៏ដោយ ទំហំទឹកប្រាក់ដ៏ធំមិនធ្លាប់មានក្នុងប្រវត្តិសាស្ត្របាល់ទាត់នេះ បានបង្កើតការពិភាក្សាយ៉ាងទូលំទូលាយ និងការចាប់អារម្មណ៍ខ្លាំង ដោយសារបច្ចុប្បន្ន Barcelona កំពុងជាប់គាំងជាមួយវិបត្តិហិរញ្ញវត្ថុ ហើយក្នុងពេលជាមួយគ្នានេះ ក៏មានការចាប់អារម្មណ៍ពីព្រះអង្គម្ចាស់របស់ អារ៉ាប៊ីសាអ៊ូឌីត ដែលកំពុងពង្រីកខ្លាំងលើការ​វិនិយោគបាល់ទាត់អន្តរជាតិ៕

ប្រែសម្រួល៖ សេម កុសល
ប្រភព៖ GOAL

The post ព្រះអង្គម្ចាស់ អារ៉ាប៊ីសាអ៊ូឌីត ចង់ចាយលុយជាង ១០ ពាន់លានដុល្លារ ទិញក្លិបយក្សមួយនៅ អេស្ប៉ាញ appeared first on Kampuchea Thmey Daily.

​មក​ដឹង​ពី​ទំនាក់​ទំនង​ស៊ីជម្រៅ​​​រវាង​គ្រួសារ​​ក្រុម​គ្រួសារ​​របស់​ប្រធានាធិបតី ​ដូណាល់​ និង​​​ខ្សែ​​ស្តេច​​​​ប្រទេស​អារ៉ាប៊ី​សាអូឌីត​ ដែល​កំពុង​ដឹកនាំ​​កិច្ច​ប្រជុំ​ចរចា​ជា​ប្រវត្តិសាស្រ្ត​​រវា​​​ង​​​​​រដ្ឋបាល​អាមេរិក​​និង​​រដ្ឋបាល​រុស្ស៊ី​​ក្នុងជម្លោះ​អ៊ុយក្រែន​។

ទាំងស្ថិត​នៅ​ក្នុងអំណាច​​​ក្នុងអាណត្តិ​ទី​​១​របស់​លោក ដូណាល់ ត្រាំ ​អំឡុង​ពេល​អស់​អំណាច និង​​​ការកាន់​អំណា​ច​ជាថ្មី​ម្តងទៀត លោក ដូណាល់ និង​​​ក្រុមគ្រួសារ​បស់​លោក តែង​​តែ​រក្សា​ទំនាក់​ទំនង​ល្អ ល្អូកល្អើន​ជាមួយ​​ខ្សែ​រាជវង្ស​​​​​​​​​អារ៉ាប៊ី​សាអូឌីត​ក្នុង​វិថី​ជំនួញ​។​

​​ក្រោយ​អស់​តួនាទីជាទីប្រឹក្សាជាន់ខ្ពស់នៅសេតវិមានក្នុងឆ្នាំ២០២១​ ពេលដែល​លោកត្រាំ​ផុត​អាណត្តិទី១​  កូ​ន​ប្រសារ​​របស់​ប្រធានាធិបតីអាមេរិក​លោក ដូណាល់ ​​​ត្រាំ លោក Jared Kushner ​ដែល​រៀបការ​ជាមួយ​នាង Ivanka Trump បានបង្កើតក្រុមហ៊ុន Affinity Partners ដែលជាក្រុមហ៊ុនភាគហ៊ុនឯកជនដែលមានមូលដ្ឋាននៅទីក្រុង Miami ។

ក្រុមហ៊ុននេះទទួលបានការវិនិយោគចំនួន ២ពាន់លានដុល្លារពីមូលនិធិទ្រព្យសម្បត្តិអធិបតេយ្យរបស់ប្រទេសអារ៉ាប៊ីសាអូឌីត ដែលជាមូលនិធិវិនិយោគសាធារណៈ (PIF) ដែលគ្រប់គ្រងដោយព្រះអង្គម្ចាស់ Mohammed bin Salman។ ការវិនិយោគដ៏ច្រើនសន្ធឹកសន្ធាប់នេះត្រូវបានធ្វើឡើង បើទោះបីជាមានការព្រួយបារម្ភជាបឋមពីក្រុមប្រឹក្សាយោបល់របស់ PIF អំពីភាពគ្មានបទពិសោធន៍របស់ក្រុមហ៊ុន​​គ្រប់គ្រង​ដោយ​កូន​ប្រសារលោកត្រាំ​ក្តី​ និងហានិភ័យដែលពាក់ព័ន្ធ​ផ្សេង​ៗ​ជា​ច្រើន​​ទៀត​ក៏ដោយ​​។

​ក្រុមហ៊ុន Affinity Partners មានគោលបំណងប្រើប្រាស់​​មូលនិធិ​​ពី​អារ៉ាប៊ី​សាអូឌីត​ទាំងនេះដើម្បីវិនិយោគនៅក្នុងក្រុមហ៊ុនអាមេរិក និងអ៊ីស្រាអែលដែលពង្រីកទៅក្នុងតំបន់ដូចជាប្រទេសឥណ្ឌា អាហ្វ្រិក និងផ្នែកផ្សេងទៀតនៃអាស៊ី។

ក្រុមហ៊ុន​របស់​កូន​ប្រសារ​លោក ដូណាល់ ត្រាំ បានដឹកនាំការវិនិយោគរបស់អារ៉ាប៊ីសាអូឌីតទៅក្នុងក្រុមហ៊ុនបច្ចេកវិទ្យារបស់អ៊ីស្រាអែល ដែលជាការកត់សម្គាល់ពីការអភិវឌ្ឍន៍ដ៏សំខាន់មួយ ដោយសារអវត្តមាននៃទំនាក់ទំនងការទូតផ្លូវការរវាងអារ៉ាប៊ីសាអូឌីត និងអ៊ីស្រាអែលនៅពេលនោះ។

ការ​ទទួល​យក​ការ​វិនិយោគ​នេះ ​បាន​ជំរុញ​ឱ្យ​មាន​ការ​តាមដាន​​​និង​ការ​រិះគន់។ អ្នកជំនាញខាង​ក្រមសីលធម៌ និងសមាជិកសភាបានលើកឡើងពីការព្រួយបារម្ភអំពីជម្លោះផលប្រយោជន៍ដែលអាចកើតមាន ដោយលើកឡើងថា ការផ្តល់មូលនិធិនេះអាចត្រូវបានគេយល់ថាជារង្វាន់សម្រាប់ជំហរអំណោយផលរបស់ Kushner ចំពោះអារ៉ាប៊ីសាអូឌីត អំឡុងពេលដែលលោកកាន់តំណែង​​​​ក្នុង​រដ្ឋបាល​របស់​លោក​ដូណាល់​ត្រាំ។

ជាការឆ្លើយតប គណៈកម្មាធិការត្រួតពិនិត្យសភាអាមេរិកបានផ្តួចផ្តើមការស៊ើបអង្កេតនៅឆ្នាំ២០២២​ ដើម្បីពិនិត្យមើលថាតើផលប្រយោជន៍ហិរញ្ញវត្ថុផ្ទាល់ខ្លួនរបស់លោក Kushner​ មានឥទ្ធិពលមិនត្រឹមត្រូវលើគោលនយោបាយការបរទេសរបស់សហរដ្ឋអាមេរិកដែរឬទេ។

គិត​ត្រឹម​ចុងឆ្នាំ២០២៤​ របាយការណ៍បង្ហាញថា ខណៈពេលដែល​​ក្រុមហ៊ុន Affinity Partners បានប្រមូលបាន​ទឹកប្រាក់​ប្រហែល១៥៧​លានដុល្លារសម្រាប់​គ្រប់​គ្រង​ ប៉ុន្តែ​​ក្រុមហ៊ុន​នេះ​មិនទាន់​រក​បាន​​ប្រាក់ចំណេញណាមួយដល់អ្នកវិនិយោគរបស់ខ្លួននៅឡើយទេ។ លទ្ធផលហិរញ្ញវត្ថុនេះបានធ្វើឱ្យមានការព្រួយបារម្ភកាន់តែខ្លាំងអំពីប្រតិបត្តិការរបស់ក្រុមហ៊ុន និងលក្ខណៈនៃទំនាក់ទំនងរបស់ខ្លួនជាមួយវិនិយោគិនបរទេស។

ការបណ្តាក់ទុនក្រោយសេតវិមានរបស់ Jared Kushner ដែលជាដៃគូសហការ បានបង្កើតទំនាក់ទំនងហិរញ្ញវត្ថុដ៏សំខាន់ជាមួយអារ៉ាប៊ីសាអូឌីត តាមរយៈការវិនិយោគយ៉ាងច្រើនពីមូលនិធិទ្រព្យសម្បត្តិអធិបតេយ្យរបស់ព្រះរាជាណាចក្រ​អារ៉ាប៊ីសាអូឌីត៕​

ដោយ រ៉ាន់ រើយ

The post គ្រួសារ​លោក​ដូណាល់​ ត្រាំ មាន​ទំនាក់​ទំន​ង​យ៉ាងជិតស្និទ្ធ​ ស៊ីជម្រៅ​​អ្នកដឹកនាំ​អារ៉ាប៊ីសាអូឌីត​ appeared first on Kampuchea Thmey Daily.

លោក Biden នឹង​ជួប​ទាំង​ព្រះអង្គម្ចាស់ និង​បិតា​របស់ទ្រង់ គឺ​ស្តេច Salman។

កាលពី២ឆ្នាំមុន លោក Biden បានប្តេជ្ញាកាត់ផ្តាច់អារ៉ាប៊ីសាអូឌីតចេញពីគេ ជុំវិញឃាតកម្មលើអ្នកកាសែត Jamal Khashoggi ឆ្នាំ២០១៨ ដោយភ្នាក់ងារអារ៉ាប៊ីសាអូឌីត។

ទោះបីជាយ៉ាងណាក៏ដោយ ព្រះអង្គម្ចាស់ បានបដិសេធការជាប់ពាក់ព័ន្ធណាមួយ ប៉ុន្តែចារកម្មអាមេរិកបានសន្និដ្ឋានថា ទ្រង់បានយល់ព្រមឲ្យមានការធ្វើឃាតនោះ។

ប្រធានបទនៃកិច្ចពិភាក្សាសម្រាប់មេដឹកនាំទាំង២នឹងរួមមានការផ្គត់ផ្គង់ថាមពល សិទ្ធិមនុស្ស និងកិច្ចសហប្រតិបត្តិការសន្តិសុខ។

អារ៉ាប៊ីសាអូឌីត គឺជាប្រទេសផលិតប្រេងធំបំផុតរបស់ពិភពលោក ហើយការព្យាយាមស្តារទំនាក់ទំនងឡើងវិញនេះ គឺកើតឡើងបន្ទាប់ពីការឡើងថ្លៃប្រេង ដែលជំរុញដោយសង្គ្រាមរបស់រុស្ស៊ីនៅអ៊ុយក្រែន។

អាមេរិក​ត្រូវ​បាន​គេ​រំពឹង​ថា ​នឹង​ជំរុញ​មន្ត្រី​អារ៉ាប៊ីសាអូឌីត​ឲ្យ​ប្តេជ្ញា​បង្កើន​ផលិតកម្ម។

មន្ត្រីសេតវិមានបានបដិសេធនិយាយថាតើលោក Biden នឹងលើកឡើងពីករណីឃាតកម្មលើលោក Khashoggi ដែលជាអ្នកសរសេរអត្ថបទរបស់កាសែត Washington Post និងជាអ្នករស់នៅសហរដ្ឋអាមេរិកដែរឬក៏អត់។

ជំនួបនេះបានបង្កឲ្យមានការខឹងសម្បាដល់គណបក្សប្រជាធិបតេយ្យផ្ទាល់ខ្លួនរបស់ប្រធានាធិបតីអាមេរិក ដែលចង់ឲ្យលោកប្រើកិច្ចប្រជុំកំពូលនេះ ដើម្បីប្រឆាំងអារ៉ាប៊ីសាអូឌីតលើកំណត់ត្រាសិទ្ធិមនុស្ស៕

ប្រែសម្រួល៖ Vann Vann

ប្រភព៖ BBC

ចុចអាន៖ អារ៉ាប៊ីសាអូឌីត ប្រកាសបើកដែនអាកាសរបស់ខ្លួនចំពោះ ក្រុមហ៊ុនអាកាសចរណ៍ទាំងអស់

The post លោក Joe Biden ត្រៀមជួបស្តេច អារ៉ាប៊ីសាអូឌីត ទោះមានការរិះគន់ appeared first on Kampuchea Thmey Daily.

សេចក្តីរាយការណ៍បាននិយាយថា ព្រះអង្គម្ចាស់បានយល់ព្រមឲ្យមានប្រតិបត្តិការមួយនៅក្នុងទីក្រុង អ៊ីស្តង់ប៊ុល ប្រទេសទួរគី ដើម្បីចាប់ខ្លួនឬសម្លាប់អ្នកកាសែត Khashoggi។

លោក Khashoggi ជាអ្នកសរសេរឲ្យកាសែត Washington Post ដែលរិះគន់ព្រះអង្គម្ចាស់ Mohammed និងជាអ្នករស់នៅសហរដ្ឋអាមេរិក។ គាត់ត្រូវបានគេបញ្ឆោតឲ្យទៅស្ថានកុងស៊ុលអារ៉ាប៊ីសាអូឌីតប្រចាំនៅទីក្រុងអ៊ីស្តង់ប៊ុល កាលពីខែតុលាឆ្នាំ២០១៨ បន្ទាប់មកត្រូវបានសម្លាប់និងបំបែកសាកសព។

ប្រធានាធិបតីអាមេរិកលោក Joe Biden បានបញ្ជាឲ្យរបាយការណ៍នេះ ត្រូវបានបញ្ចេញដែលជាផ្នែកមួយ នៃការពិនិត្យទំនាក់ទំនង ស្របពេលទីក្រុងវ៉ាស៊ីនតោនកំពុងដកខ្លួនពីព្រះអង្គម្ចាស់ Mohammed។

រឿងនេះកើតឡើងបន្ទាប់ពីការហៅទូរស័ព្ទលើកដំបូង រវាងលោក Biden និងព្រះមហាក្សត្រ Salman កាលពីល្ងាចថ្ងៃសុក្រ នៅពេលសេតវិមានបានបញ្ជាក់យ៉ាងច្បាស់ថា លោក Biden គ្មានចេតនានិយាយទៅកាន់រាជទាយាទព្រះជន្ម៣៥វស្សានោះទេ៕

ប្រែសម្រួលដោយ៖ Vann Vann

ប្រភព៖ CNA

The post អាមេរិក៖ រាជទាយាទអារ៉ាប៊ីសាអូឌីត ជាអ្នកអនុញ្ញាតឲ្យសម្លាប់អ្នកកាសែត Khashoggi appeared first on Kampuchea Thmey Daily.