​​​កាលពី​៨​ឆ្នាំ​មុន ក្នុងខែ​ធ្នូ​ដូចគ្នា អតីត​​ប្រធានាធិបតី​ Park Geun-hye ដែល​ជាស្ត្រី​និង​ជា​កូនស្រី​របស់​​អតីត​​ប្រធានាធិបតី Park Chung-hee ​ដែល​ត្រូវ​បាន​ប្រជាជន​កូរ៉េខាងត្បូង​ចោទ​ប្រកាន់​ថា​ជា​មេដឹកនាំ​ផ្តាច់​ការនោះ ត្រូវ​បាន​​សភា​​បោះឆ្នោតទម្លាក់​​ដោយ​ត្រឹមតែ​ចោទ​ប្រកាន់​​​ពី​ការ​រំលោភអំណាច ការ​ធ្វើ​ឲ្យបែក​ធ្លាក់​ការ​សម្ងាត់រដ្ឋ និង​មានរឿងអាស្រូវ​ពុករលួយ​ខ្លះៗ​ប៉ុណ្ណោះ។

​ប៉ុន្តែ​​ ករណី​​​ប្រធានាធិបតី​ Yoon Suk Yeol ដែ​ល​ធ្លាប់​​​ជា​​​អ្នក​កាន់ច្បាប់​អស់​រយៈពេល​២៧ឆ្នាំក្នុង​តួនាទី​ជា​អគ្គរដ្ឋអាជ្ញា និង​ធ្លាប់​កាន់​សំណុំរឿង​ចោទ​ប្រកាន់ លោកស្រីអតីតប្រធានាធិបតី Park Geun-hye ​និង Lee Myung-bak ឲ្យ​ពួក​គេ​ជាប់​ពន្ធនាគារ មាន​លក្ខណៈធំជាង​​បទចោទ​ដែល​​អតីត​ប្រធានាធិបតី​ទាំង​ពីរ​ខាងលើ​បាន​ធ្វើ​ទៅទៀត​​។​

របប​សភា​កូរ៉េខាងត្បូង​បាន​ផ្តួលរំលំ​ លោកស្រី Park Geun-hye នៅក្នុងខែធ្នូ​ឆ្នាំ២០១៦ ដែលត្រូវបានចោទប្រកាន់ដោយសភា ហើយ​តុលាការ​ធម្មនុញ្ញកូរ៉េខាងត្បូង​ក្នុងរយៈពេល​៣ខែ​ក្រោយ​មក​ពេល​គឺ​នៅ​ខែមីនា​២០១៧ បាន​ចេញ​សេចក្តីសម្រេច​​​ចាត់ទុក​​ការសម្រេច​របស់​សភា​​មានភាពត្រឹមត្រូវ ហើយ​ឈានដល់ការចោទប្រកាន់ និងការជាប់ពន្ធនាគារ​ចំពោះ​អតី​តប្រធានាធិបតី​​ស្រី្តរូប​នេះ​​។

លោកស្រី Geun-hye បាន​ក្លាយ​ជា​​ប្រធានាធិបតីចាប់តាំងពីឆ្នាំ ២០១៣​ គឺជាកូនស្រីរបស់អតីតមេដឹកនាំផ្តាច់ការ Park Chung-hee នាងគឺជាប្រធានាធិបតីស្ត្រីដំបូងគេរបស់ប្រទេសកូរ៉េខាងត្បូងហើយបានបង្ហាញពីខ្លួនឯងថាជាអ្នកមិនពុករលួយ។

ប៉ុន្តែ​នាង​ត្រូវ​បាន​គេ​ចោទ​ប្រកាន់​ថា ​បាន​ទទួលឬ​ទារ​ប្រាក់​រាប់​សិប​លាន​ដុល្លារ​ពី​ក្រុមហ៊ុន​រួម​ទាំង​ក្រុមហ៊ុន Samsung ផង​ដែរ។ ការចោទប្រកាន់បន្ថែមរួមមានការចែករំលែកឯកសារ​សម្ងាត់​ ការធ្វើ​ឱ្យ​មាន​ការ​រិះគន់គោលនយោបាយរបស់នាង និងការបណ្តេញមន្ត្រីដែលប្រឆាំងនឹងនាង។

លោកស្រី Geun-hye ត្រូវបានកាត់ទោសក្នុងឆ្នាំ ២០២១​ ឱ្យជាប់គុក២០​ឆ្នាំ និងរង​ពិន័យជាប្រាក់យ៉ាងច្រើន​។ ប៉ុន្តែនៅចុងឆ្នាំនោះ នាងត្រូវបានលើកលែងទោសដោយ​អតីត​ប្រធានាធិបតី Moon Jae-in។ លោក Moon Jae-in ដែល​ចាក​ចេញ​ពី​អំណាច​​​ក្រោយ​កាន់​អំណាច​​៦ឆ្នាំ​ ហាក់​មិនទាន់​ឃើញប្រឈម​រឿង​អាស្រូវ​ក្នុងនយោបាយកូរ៉េ។

​លោក Moon Jae-in ត្រូវ​បាន​គេ​មើលឃើញ​ថា កំពុង​បង្ហាញ​​ជីវិត​ក្រោយ​នយោបាយ​ជាអ្នក​ចូលចិត្តការដាំដុះ​កសិកម្ម ប៉ុន្តែ​នៅថ្ងៃ​ដែល​ លោក Yoon Suk Yeol ប្រកាសច្បាប់​អាជ្ញាសឹក​ លោក Moon Jae-in ក៏បាន​ចេញ​សារ​​​​លើ​បណ្តាញសង្គម​​អំពាវនាវ​ឲ្យសភា​​កូរ៉េធ្វើការរូមគ្នា​ដើម្បី​ស្តារលទ្ធិប្រជាធិបតេយ្យ៕

ដោយ រ៉ាន់ រើយ​

The post រយៈពេល​៨ឆ្នាំ ប្រធានាធិបតី​កូរ៉េខាងត្បូង​​២រូប​ត្រូវ​សភា​ដក​ហូត​អំណាច​​​ក្នុងខែ​ធ្នូដូចគ្នា​ appeared first on Kampuchea Thmey Daily.

លោកស្រី Park ត្រូវបានចោទប្រកាន់ក្នុងឆ្នាំ ២០១៧ បន្ទាប់ពីការតវ៉ាប្រឆាំងនឹងអំពើពុករលួយផ្តោតលើការចោទប្រកាន់ដែលលោកស្រីបានអនុញ្ញាតឲ្យមិត្តភក្តិជិតស្និទ្ធជ្រៀតជ្រែកនៅក្នុងកិច្ចការរបស់ជាតិ ហើយត្រូវបានជាប់ពន្ធនាគាររយៈពេល ២០ ឆ្នាំពីបទទទួលសំណូក និងរំលោភអំណាច ។

តំណាងការិយាល័យរដ្ឋអាជ្ញាប្រចាំនៅក្រុងសេអ៊ូលបានប្រាប់ AFP ថា លោកស្រីមិនបានបង់ប្រាក់ពិន័យសរុបចំនួន ២១.៥ ពាន់លានវ៉ុនតាមការកំណត់កាលពីខែមុន ហើយអាជ្ញាធរបានរឹបអូសយកផ្ទះរបស់លោកស្រី Park” ។

លោកបានបន្ថែមថា ពួកគេបានស្នើសុំឲ្យអ្នកទទួលជាផ្លូវការលក់វានៅឯការដេញថ្លៃជាសាធារណៈ ។

ផ្ទះពីរជាន់របស់លោកស្រី Park នៅក្នុងសង្កាត់អ្នកមាននៅភាគខាងត្បូងទីក្រុងសេអ៊ូលត្រូវបានគេប៉ាន់ស្មានតម្លៃ ២.៨ ពាន់លានវ៉ុន នៅពេលតុលាការបង្កកទ្រព្យសម្បត្តិរបស់លោកស្រីនៅឆ្នាំ ២០១៨ ។ នេះបើយោងតាមរបាយការណ៍របស់ប្រព័ន្ធផ្សព្វផ្សាយ ។

រួមទាំងការរំលោភច្បាប់បោះឆ្នោតរយៈពេលពីរឆ្នាំជាប់គ្នាផងដែរនោះលោកស្រី Park ជាប្រធានាធិបតីស្ត្រីដំបូងបង្អស់របស់ប្រទេសប្រឈមនឹងការជាប់ពន្ធនាគាររយៈពេល ២២ ឆ្នាំ ហើយលោកស្រីអាចនឹងឈានដល់វ័យ ៨០ ឆ្នាំប្រសិនបើលោកស្រីបញ្ចប់ការកាត់ទោសពេញលេញ ។

គួរបញ្ជាក់ថា រហូតមកដល់ពេលនេះអតីតប្រធានាធិបតីដែលកំពុងរស់នៅក្នុងប្រទេសកូរ៉េខាងត្បូងចំនួន ៤ នាក់ហើយត្រូវបានផ្តន្ទាទោសពីបទឧក្រិដ្ឋ នៅពេលគូប្រជែងនយោបាយរបស់ពួកគេបានធ្វើទៅជាប្រធានាធិបតីនៅឯសេតវិមាន ៕

ប្រែសម្រួលដោយ ៖ ជីវ័ន្ត

ប្រភព ៖ CNA

ចុចអាន ៖ តុលាការកាត់ទោសអតីតប្រធានាធិបតីកូរ៉េខាងត្បូង ជាប់ពន្ធនាគារ ២០ ឆ្នាំ

ចុចអាន ៖ កូរ៉េខាងត្បូងពង្រាយយន្តហោះចម្បាំង ក្រោយយន្តហោះចិន និងរុស្ស៊ី ១៩ គ្រឿងចូលក្នុងតំបន់ការពារដែនអាកាស

The post ក្ដៅៗ! រដ្ឋអាជ្ញាកូរ៉េខាងត្បូងរឹបអូស និងដាក់ដេញថ្លៃផ្ទះរបស់អតីតប្រធានាធិបតីលោកស្រី Park Geun-hye appeared first on Kampuchea Thmey Daily.

សេចក្តីសម្រេចនេះមានន័យថា លោកស្រី Park ដែលត្រូវបានបណ្តេញចេញពីតំណែង និងត្រូវបានចាប់ខ្លួនក្នុងឆ្នាំ ២០១៧ អាចជាប់ពន្ធនាគាររយៈពេល ២២ ឆ្នាំ បន្ទាប់ពីមានការផ្តន្ទាទោសដាច់ដោយឡែកពីគ្នាមួយទៀតពាក់ព័ន្ធនឹងការជ្រៀតជ្រែកខុសច្បាប់នៅក្នុងការជ្រើសរើសបេក្ខជនរបស់គណបក្សលោកស្រីមុនការបោះឆ្នោតសភាឆ្នាំ ២០១៦ ។

លោកស្រី Park វ័យ ៦៨ ឆ្នាំបានពិពណ៌នាថា លោកស្រីជាជនរងគ្រោះនៃការសងសឹកនយោបាយ ។ លោកស្រីបានបដិសេធមិនចូលរួមសវនាការរបស់ខ្លួនតាំងពីខែតុលា ឆ្នាំ ២០១៧ ហើយក៏មិនបានចូលរួមក្នុងសេចក្តីសម្រេចនៅថ្ងៃព្រហស្បតិ៍នេះផងដែរ ។

លោកស្រី Park ដែលជាកូនស្រីរបស់មេដឹកនាំផ្តាច់ការយោធាឈ្មោះ Park Chung-hee ត្រូវបានផ្តន្ទាទោសពីបទឃុបឃិតជាមួយមិត្តភក្តិជិតស្និទ្ធរបស់លោកស្រីគឺលោកស្រី Choi Soon-sil ដើម្បីទទួលសំណូករាប់លានដុល្លារ និងការជំរិតទារប្រាក់ពីក្រុមជំនួញធំៗមួយចំនួនរបស់ប្រទេសនេះរួមទាំងក្រុមហ៊ុន Samsung ផងដែរ អំឡុងពេលលោកស្រីកាន់តំណែងពីឆ្នាំ ២០១៣ ដល់ឆ្នាំ ២០១៦ ។

បន្ថែមពីនេះលោកស្រីក៏ត្រូវបានចោទប្រកាន់ពីបទទទួលយកមូលនិធិប្រចាំខែខុសច្បាប់ពីមេចារកម្មរបស់លោកស្រីផងដែរ ។

បន្ទាប់ពីការតវ៉ារាប់សប្តាហ៍ និងរាប់លានដងលោកស្រី Park ត្រូវបានចោទប្រកាន់ដោយសមាជិកសភាកាលពីខែធ្នូ ឆ្នាំ ២០១៦ ហើយបានចុះចេញពីតំណែងជាផ្លូវការនៅខែមីនា ឆ្នាំ ២០១៧ បន្ទាប់ពីតុលាការធម្មនុញ្ញបានអនុម័តការចោទប្រកាន់នេះ ៕

ប្រែសម្រួលដោយ ៖ ជីវ័ន្ត

ប្រភព ៖ CNA

ចុចអាន ៖ ប្រទេសអាស៊ីមួយទៀតរកឃើញវីរុសកូរ៉ូណាក្លាយពូជប្រភេទថ្មី

ចុចអាន ៖ កូរ៉េខាងត្បូងពង្រាយយន្តហោះចម្បាំង ក្រោយយន្តហោះចិន និងរុស្ស៊ី ១៩ គ្រឿងចូលក្នុងតំបន់ការពារដែនអាកាស

The post តុលាការកាត់ទោសអតីតប្រធានាធិបតីកូរ៉េខាងត្បូង ជាប់ពន្ធនាគារ ២០ ឆ្នាំ appeared first on Kampuchea Thmey Daily.