ព័ត៌មានអន្ដរជាតិ
កូរ៉េខាងត្បូងពង្រាយយន្តហោះចម្បាំង ក្រោយយន្តហោះចិន និងរុស្ស៊ី ១៩ គ្រឿងចូលក្នុងតំបន់ការពារដែនអាកាស
កូរ៉េខាងត្បូងបាននិយាយកាលពីថ្ងៃអង្គារ ទី ២២ ខែធ្នូថា ខ្លួនបានពង្រាយយន្តហោះចម្បាំងជាការឆ្លើយតបទៅនឹងការឈ្លានពានចូលក្នុងតំបន់កំណត់អត្តសញ្ញាណការពារដែនអាកាសរបស់ប្រទេសកូរ៉េខាងត្បូងពីសំណាក់យន្តហោះយោធា ១៩ គ្រឿងរបស់ចិន និងរុស្ស៊ី ។
បើយោងតាមអគ្គសេនាធិការចម្រុះរបស់កូរ៉េខាងត្បូង (JCS) បានឲ្យដឹងថា យន្ដហោះចម្បាំងចិនចំនួន ៤ គ្រឿងបានចូលទៅក្នុងតំបន់កំណត់អត្តសញ្ញាណការពារអាកាសកូរ៉េ (KADIZ) អមដោយយន្តហោះរុស្ស៊ីចំនួន ១៥ គ្រឿង ខណៈយោធាកូរ៉េខាងត្បូងក៏បានបញ្ជូនយន្តហោះចម្បាំងរបស់កងទ័ពអាកាសដើម្បីចាត់វិធានការតាមបែបយុទ្ធសាស្ត្រផងដែរ ។
យោធាកូរ៉េខាងត្បូងបាននិយាយនៅក្នុងសេចក្តីថ្លែងការណ៍មួយថា យោធាចិនបានជូនដំណឹងដល់កូរ៉េខាងត្បូងថា យន្តហោះរបស់ខ្លួនបានធ្វើការហ្វឹកហាត់ជាប្រចាំមុនពេលដែលយន្តហោះចិនចូលក្នុងតំបន់ KADIZ ។
JCS បាននិយាយនៅក្នុងសេចក្តីថ្លែងការណ៍មួយថា “ឧប្បត្តិហេតុនេះហាក់ដូចជាសមយុទ្ធយោធារួមគ្នារវាងចិន និងរុស្ស៊ី ប៉ុន្តែវាតម្រូវឲ្យមានការវិភាគបន្ថែមទៀត” ។
ទន្ទឹមនោះកាលពីខែកក្កដាឆ្នាំមុនយន្តហោះចម្បាំងកូរ៉េខាងត្បូងបានបាញ់ព្រមានរាប់រយគ្រាប់សំដៅទៅលើយន្តហោះយោធារុស្ស៊ីលើការយាមល្បាតរួមគ្នាជាមួយចិន នៅពេលយន្តហោះទាំងនោះចូលដែនអាកាសកូរ៉េខាងត្បូង ៕
ប្រែសម្រួលដោយ ៖ ជីវ័ន្ត
ប្រភព ៖ CNA
ចុចអាន ៖ សិង្ហបុរី ហាមឃាត់អ្នកដំណើរមកពីចក្រភពអង់គ្លេសដោយសារជំងឺក្លាយពូជប្រភេទថ្មី
ចុចអាន ៖ ចិនបាញ់បង្ហោះយានដឹកគ្រាប់រ៉ុកកែត CZ-8 ជំនាន់ថ្មីដោយជោគជ័យ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ១ សប្តាហ៍ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៧ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល