Pogba បច្ចុប្បន្នបានក្លាយជាកីឡាករផ្ទេរ ដោយគ្មានតម្លៃខ្លួន បន្ទាប់ពីរូបគេគ្មានក្លិបលេងអស់រយៈពេលកន្លះរដូវកាល ក្រោយត្រូវបានក្លិប Juventus ផ្តាច់កិច្ចសន្យាចោលកាលពីថ្ងៃទី ១ ខែ ធ្នូ ឆ្នាំ ២០២៤ ដោយសារជាប់ពាក់ព័ន្ធនឹងការប្រើប្រាស់សារធាតុហាមឃាត់។

យ៉ាងណា នៅរដូវកាលកាលថ្មីនេះ Pogba ទំនងជានឹងទទួលបានឱកាសបង្ហាញខ្លួននៅលើទីលានឡើងវិញឆាប់ៗ បន្ទាប់ពីសារព័ត៌មាន ESPN បានចុះផ្សាយថា អតីតខ្សែបម្រើក្រុម Manchester United និង Juventus នឹងចុះកិច្ចសន្យាជាមួយក្លិប Monaco នៅរដូវក្តៅនេះ។ ប្រភពដដែលបានបន្ថែមថា Pogba បានយល់ព្រមលក្ខខណ្ឌផ្ទាល់មាត់ជាមួយ Monaco ក្នុងកិច្ចសន្យារយៈពេល ២ រដូវកាល។

គួរឱ្យដឹងថា Pogba ដើមឡើយត្រូវបានគេដាក់ពិន័យមិនឱ្យពាក់ព័ន្ធនឹងបាល់ទាត់រយៈពេល ៤ ឆ្នាំ ដោយសារពិនិត្យឃើញវិជ្ជមានប្រើប្រាស់សារធាតុហាមឃាត់ ប៉ុន្តែចុងក្រោយ ត្រូវបានគេបានបន្ថយមកត្រឹមតែរយៈពេល ១៨ ខែ វិញ។ ដូច្នេះនៅរដូវកាលថ្មីនេះ ខ្សែបម្រើសញ្ជាតិ បារាំង វ័យ ៣២ ឆ្នាំនឹងអាចចូលប្រកបអាជីពជាកីឡាករបាល់ទាត់បានធម្មតាវិញ៕

ប្រែសម្រួល៖ សេម កុសល
ប្រភព៖ ESPN

The post ទីបំផុត Pogba រកបានក្លិបថ្មី ក្រោយព្រមព្រៀងលក្ខខណ្ឌផ្ទាល់មាត់ជាមួយក្លិបគីឡូ UCL មួយ appeared first on Kampuchea Thmey Daily.

ជាការពិតណាស់ Paul Pogba បានអវត្តមានពីបាល់ទាត់ ទាំងជាមួយក្លិប និងជម្រើសជាតិ អស់រយៈពេល ១៨ ខែមកហើយ បន្ទាប់ពីត្រូវបានគេដាក់បម្រាមមិនឱ្យពាក់ព័ន្ធបាល់ទាត់ ដោយសារពិនិត្យឃើញវិជ្ជមាន អំពីការប្រើប្រាស់សារធាតុហាមឃាត់។

ទោះបីជាខ្សែបម្រើវ័យ ៣១ រូបនេះ មិនទាន់មានក្លិបលេង និងបានអវត្តមានពីជម្រើសជាតិរយៈពេលយូរ ពោលគឺតាំងពីព្រឹត្តិការណ៍ World Cup ២០២២ ប៉ុន្តែលោក Didier Deschamps នៅតែជឿជាកលើសមត្ថភាពរបស់​គាត់​នៅ​អាចវិលមកកាន់ជម្រើសជាតិ បារាំងវិញបាន។

ទាក់ទងនឹងរឿងខាងលើ លោក Deschamps បានមានប្រសាសន៍ថា៖ «គាត់នៅតែអាចត្រឡប់មកវិញបានម្តងទៀត ប៉ុន្តែគាត់​មិន​ទាន់​មាន​ក្លិបលេងឡើយ។ ពួកយើងកំពុងតែជជែកគ្នា ហើយខ្ញុំមិនអាចប្រាប់អ្នកអំពីព័ត៌មានលម្អិតបានឡើយ។ បាទ គាត់មានសមត្ថភាព និងស្មារតីក្នុងការត្រឡប់មកកាន់កម្រិតខ្ពស់ឡើងវិញ…»។

គួរបញ្ជាក់ថា Pogba ឥឡូវនេះមិនទាន់មានក្លិបលេងនៅឡើយទេ បន្ទាប់ពីក្លិប Juventus ផ្តាច់កុងត្រាចោលកាលពីខែ ធ្នូ ឆ្នាំ ២០២៤ ប៉ុន្តែកន្លងមក រូបគេក៏មានពាក្យចចាមអារ៉ាមផ្លាស់ទៅកាន់ក្លិបមួយចំនួនដែរ ដូចជា Marseille, Manchester United, Manchester City ក្លិបនៅ MLS និង Saudi Pro League៕

ប្រែសម្រួលអត្ថបទ៖ សេម កុសល
ប្រភព៖ GOAL

The post លោក Deschamps ថា Pogba នៅតែមានសមត្ថភាពត្រឡប់មកកាន់ជម្រើសជាតិ បារាំង វិញ appeared first on Kampuchea Thmey Daily.

យោងតាមកាសែត Daily Mail កីឡាករ Pogba កំពុងពិភាក្សាជាមួយក្លិប Juventus ជុំវិញការបញ្ចប់កិច្ចសន្យារបស់គាត់នៅទីក្រុង Turin។ ការហាមប្រាម​ចូលលេងបាល់ទាត់របស់អតីតខ្សែបម្រើ Manchester United ត្រូវបានកាត់បន្ថយដោយតុលាការកីឡា សម្រេចកាត់បន្ថយទោសពី៤ឆ្នាំ មកត្រឹមតែ១៨ខែ ហើយរូបគេអាចចាប់ផ្តើមអាជីពបាល់ទាត់បានឡើងវិញ​នៅក្នុងខែមីនា ឆ្នាំ​២០២៥។

ចំពោះលក្ខខណ្ឌលើកិច្ចព្រមព្រៀងរវាង Pogba និង Juventus នឹងត្រូវបញ្ចប់នៅពេលឆាប់ៗខាងមុខ។ កិច្ចសន្យាបច្ចុប្បន្ន​មានសុពលភាពរហូតដល់ខែមិថុនា ឆ្នាំ២០២៦។ ចំពោះ Pogba មានបំណងស្វែងរកក្លិបថ្មីដើម្បីបន្ដអាជីពបាល់ទាត់ ព្រោះខ្លួនមិនទាន់មានបំណងបោះបង់អាជីព​នេះ​ឡើយ។

Pogba មិន​បានលេងទាត់​បាល់​ចាប់​តាំង​ពី​ខែ​កញ្ញា ឆ្នាំ២០២៣ ​ហើយក្នុង​ខែ​មីនាឆ្នាំក្រោយនេះ​អាច​ជាពេលវេលាចាប់ផ្តើមថ្មី​របស់​គាត់ ក្រោយ​ចាកចេញពី Juventus៕

ប្រែសម្រួល៖ ផា រតនា

The post Pogba ពិភាក្សាជាមួយ Juventus ដើម្បីបញ្ចប់​កុងត្រា ស្វែងរកក្លិបថ្មី appeared first on Kampuchea Thmey Daily.