បើត្រឡប់ទៅមើលមុនការប្រកួតទល់ គឺ Pedri និង Lamine Yamal បាននិយាយខ្លះៗអំពីការប្រកួតទល់នឹង PSG។ Yamal បាននិយាយ ថា៖ «សម្ពាធ? ខ្ញុំត្រឡប់មកវិញហើយ ហើយបេសកកម្មក៏ត្រឡប់មកវិញផងដែរ»។ ចំណែក Pedri វិញបាននិយាយ ថា៖ «PSG គឺជាក្រុមមួយ ដែលបានបង្ហាញរួចមកហើយកាលពីរដូវកាលមុន ថាពួកគេជាក្រុមមួយល្អបំផុតក្នុងពិភពលោក ហើយចំណែកពួកយើង ខ្ញុំមើលឃើញថា គឺល្អបំផុត»។

ក្រោយការប្រកួតបញ្ចប់ ដោយយកឈ្នះលើ Barcelona ខ្សែប្រយុទ្ធ Ramos បានឆ្លើយតបអំពីពាក្យសម្តីរបស់ Pedri និង Yamal វិញ ថា៖ «ពួកយើងគឺជាជើងឯក អឺរ៉ុប។ ខ្ញុំមិនអាចនិយាយច្រើនជាងនេះទេ។ ប្រសិនបើអ្នកល្អបំផុត អ្នកត្រូវតែបង្ហាញនៅលើទីលាន មិនមែននិយាយច្រើនបែបនេះទេ»។

គួរបញ្ជាក់ថា ការប្រកួតនៅក្នុងវគ្គសន្សំពិន្ទុ League Phase ពាន UCL កាលពីយប់រំលងអាធ្រាត្រថ្ងៃ ពុធ ឈានចូលថ្ងៃ ព្រហស្បតិ៍ ទី ០២ ខែ តុលា ឆ្នាំ ២០២៥ នេះ ក្រុម PSG បានយកឈ្នះលើក្រុម Barcelona ដល់ក្នុងដី ក្នុងលទ្ធផល ២ ទល់នឹង ១។ គ្រាប់បាល់ ២ គ្រាប់របស់ PSG គឺរកបានដោយកីឡាករ Senny Mayulu នៅនាទីទី ៣៨ និង Goncalo Ramos នៅនាទីទី ៩០។ ចំណែក ១ គ្រាប់របស់ Barcelona វិញ គឺរកបានដោយកីឡាករ Ferran Torres នៅនាទីទី ១៩៕

ប្រែសម្រួល៖ សេម កុសល
ប្រភព៖ GOAL

The post Ramos បានបោះសម្តីផ្លែផ្កាទៅ Pedri និង Lamine Yamal ក្រោយផ្តួល Barcelona យប់មិញ appeared first on Kampuchea Thmey Daily.

ជាការពិត Barcelona និង Real Madrid គឺជាគូប្រជែងដ៏តឹងតែងនឹងគ្នាអស់រយៈពេលជាយូរមកហើយ នៅក្នុងលីគ La Liga របស់ អេស្ប៉ាញ។ ជាធម្មតា គឺកម្រមានកីឡាកររបស់ក្លិបទាំង ២ ផ្លាស់ប្តូរក្លិបគ្នាលេងទៅវិញទៅមកណាស់។ លើកលែងតែកីឡាករប៉ុន្មាននាក់ប៉ុណ្ណោះ ដូចជាលោក Ronaldo Nazario, Alfonso Albéniz, កីឡាករមួយចំនួនទៀត និងលោក Luis Figo នេះឯង។

ថ្លែងនៅក្នុងកិច្ចសម្ភាសមួយ លោក Figo ត្រូវបានគេស្នើឱ្យជ្រើសរើសកីឡាករ Barcelona ម្នាក់ ដែលលោកពេញចិត្តចង់ឱ្យផ្ទេរមកកាន់ Real Madrid។ ភ្លាមនោះ លោកបានឆ្លើយតបមកវិញដោយមិនលាក់លាម ថា Pedri។ លោក Figo បានមានប្រសាសន៍ ថា៖ «ប្រសិនបើឱ្យខ្ញុំចុះកិច្ចសន្យានរណាម្នាក់ពី Barcelona ទៅ Real Madrid ម្នាក់នោះគឺជា Pedri។ គាត់គឺមានទំនុកចិត្ត និងជាកីឡាករដ៏សំខាន់នៅក្នុងក្រុមរបស់ពួកយើង»។

យ៉ាងណាមិញ នេះគ្រាន់តែជាទស្សនៈលើកឡើងរបស់លោក Figo ប៉ុណ្ណោះ អំពីកីឡាករដែលលោកពេញចិត្តចង់ឱ្យផ្ទេរពីទឹកដី Camp Nou ទៅកាន់ទឹកដី Satiago Bernabeu។ ប៉ុន្តែ បើមើលអំពីតថភាពជាក់ស្តែង គឺមិនអាចទៅរួចនោះទេ ព្រោះក្លិបទាំងពីរ គឺជាគូប្រជែងនឹងគ្នា ហើយបើកីឡាករបច្ចុប្បន្នវិញ ក៏មិនមាននរណាម្នាក់មានឆន្ទៈចង់ផ្ទេរទៅនោះដែរ៕

ប្រែសម្រួល៖ សេម កុសល
ប្រភព៖ Sportskeeda

The post លោក Figo ចុចឈ្មោះតារាឆ្នើម Barcelona ម្នាក់ លោកពេញចិត្តចង់ឱ្យផ្ទេរទៅ Real Madrid appeared first on Kampuchea Thmey Daily.

Kross បានបង្ហាញការកោតសរសើរជាខ្លាំង លើ Pedri ហើយលោកក៏បានលើកឡើងយ៉ាងគួរឱ្យចាប់អារម្មណ៍ ថាយុវជនវ័យ ២២ ឆ្នាំរបស់ Barcelona រូបនេះជាកីឡាករល្អបំផុតក្នុងពិភពលោកនាពេលបច្ចុប្បន្ន នៅក្នុងតំណែងរបស់គេផងដែរ។

ដកស្រង់ពាក្យសម្តីដើមចេញពី Managing Barca ខ្សែបម្រើសញ្ជាតិ អាល្លឺម៉ង់ វ័យ ៣៤ ឆ្នាំបាននិយាយយ៉ាងដូច្នេះថា៖ «នៅក្នុងក្រសែភ្នែករបស់ខ្ញុំ Pedri ជាកីឡាករម្នាក់ ដែលសំខាន់ជាង Lamine Yamal, Raphinha ឬ Lewandowski ទៅទៀត។… Pedri គឺជាកីឡាករបច្ចុប្បន្ន ដែលល្អបំផុតនៅលើពិភពលោក ក្នុងតំណែងរបស់គាត់»។

គួរដឹងថា Pedri នៅរដូវកាលនេះ កំពុងក្លាយជាកម្លាំងស្នូលដ៏សំខាន់របស់ Barcelona ដោយរូបគេបង្ហាញខ្លួនសរុបបានចំនួន ៥៤ ប្រកួត រកបានគ្រាប់បាល់ចំនួន ៦ គ្រាប់ និង assist ចំនួន ៧ លើក៕

ប្រែសម្រួល៖ សេម កុសល
ប្រភព៖ Sportskeeda

The post Kroos ចុចឈ្មោះកីឡាករ Barcelona ម្នាក់ សំខាន់ជាង Yamal, Raphinha, Lewandowski appeared first on Kampuchea Thmey Daily.

Yamal បច្ចុប្បន្នកំពុងក្លាយជាកម្លាំងស្នូលមិនអាចខ្វះបានម្នាក់របស់ក្រុមដែលមានមូលដ្ឋាននៅតំបន់ កាតាឡាន់។ ជាក់ស្តែងនៅរដូវកាលនេះ រូបគេកំពុងតែបង្ហាញសមត្ថភាពបានយ៉ាងល្អ និងកំពុងជួយជ្រោម​ជ្រែង Barcelona នៅក្នុងពានរង្វាន់ ៣ ដូចជា La Liga, Copa del Rey និង UEFA Champions League។

យ៉ាងណា បើនិយាយអំពីសមត្ថភាពផ្ទាល់ខ្លួនវិញ កីឡាករសញ្ជាតិ អេស្ប៉ាញ រូបនេះ គឺពិតជាមានភាពប៉ិនប្រសប់​មែនទែន ជាមួយនឹងការញាក់បាល់នៅទីលាន ហើយភាគច្រើន នៅក្នុងស្ថានភាព ១ ទល់នឹង ១ ជាមួយខ្សែការពារក្រុមគូប្រកួត គឺគេពិតជាពិបាកដណ្តើមបាល់ពីគាត់ខ្លាំងណាស់។

កត្តានេះហើយ ទើបធ្វើឱ្យ Pedri លើកឡើងដោយមិនស្ទាក់ស្ទើរ ថា នៅពេលក្នុងក្រុមមានវត្តមានគេ គឺប្រៀបដូចក្នុងក្រុមកំពុងមាន Leo Messi អ៉ីចឹងដែរ។ ដកស្រង់ពាក្យសម្តីដើមពីអ្នកកាសែត អ៉ីតាលី លោក Fabrizio Romano ខ្សែបម្រើវ័យ ២២ ឆ្នាំបាននិយាយយ៉ាងដូច្នេះថា ៖ «ជាមួយ Lamine គឺធ្វើឱ្យមានអារម្មណ៍ស្រដៀងគ្នា ដូចពួកយើងមាន Messi នៅក្នុងក្រុមអ៉ីចឹងដែរ។ នៅពេល Lamine ទទួលបានបាល់ អ្នកដឹងទេ គាត់គឺអាចទៅមុខ ដោយញាក់គូប្រកួតដំបូងបានយ៉ាងងាយស្រួល…»៕

ប្រែសម្រួលអត្ថបទ៖ សេម កុសល
ប្រភព៖ Fabrizio Romano

The post Pedri ថា Yamal មានចំណុចមួយ ធ្វើឱ្យខ្លួនមានអារម្មណ៍ដូចមាន Messi ក្នុងក្រុម appeared first on Kampuchea Thmey Daily.

ទាំង Barcelona និង Real Madrid សុទ្ធតែមានឱកាសឡើងទៅកាន់វគ្គផ្តាច់ព្រ័ត្រពាន UCL រដូវកាលនេះ ហើយមិនត្រឹមតែប៉ុណ្ណោះ ពួកគេក៏អាចមានឱកាសជួបគ្នាផងដែរ។ ពាន UCL បានឈានមកដល់វគ្គ ៨ ក្រុមហើយ ក្នុងនោះ Real Madrid ត្រូវជួបជាមួយ Arsenal, Barcelona ត្រូវជួបជាមួយ Borussia Dortmund, PSG ត្រូវជួបជាមួយ Aston Villa និង Bayern Munich ត្រូវជួបជាមួយ Inter Milan។

ថ្មីៗនេះនៅក្នុងកិច្ចសម្ភាសមួយជាមួយ SPORT ខ្សែបម្រើសញ្ជាតិ អេស្ប៉ាញ វ័យ ២២ ឆ្នាំ ត្រូវបានគេសួរនាំអំពីលទ្ធភាពក្នុងការជួបគ្នារវាង Barca និង Real Madrid នៅវគ្គផ្តាច់ព្រ័ត្រ ហើយភ្លាមនោះរូបគេបានឆ្លើយតបទៅវិញថា៖ «ខ្ញុំនឹងចុះហត្ថលេខាសម្រាប់ Barca-Madrid នៅវគ្គផ្តាច់ព្រ័ត្រក្នុងទីក្រុង Munich។ វាគឺគ្មានអ្វីដែលត្រូវខ្លាចឡើយ។ វាមានន័យថា ពួកយើងនឹងឈានដល់វគ្គផ្តាច់ព្រ័ត្រ។ ខ្ញុំប្រាកដថា អ្នកគាំទ្រនឹងពេញចិត្តលើរឿងនេះ»៕

ប្រែសម្រួលអត្ថបទ៖ សេម កុសល
ប្រភព៖ Sportskeeda

The post Pedri ថា អត់មានអ្វីត្រូវខ្លាចទេ បើប៉ះ R. Madrid នៅវគ្គផ្តាច់ព្រ័ត្រ UCL appeared first on Kampuchea Thmey Daily.