ការប្រកួតពានធំៗទាំង ៣ របស់ទ្វីប អឺរ៉ុប បានរកឃើញក្រុម និងគូប្រកួតនីមួយៗ ដែលបានឡើងដល់វគ្គផ្តាច់ព្រ័ត្រហើយ។ ពាន Champions League គឺក្រុម Arsenal របស់ អង់គ្លេស ត្រូវជួបនឹងក្រុម ក្រុម Paris Saint-Germain របស់ បារាំង។ ការប្រកួតរវាងក្រុមទាំង ២ នឹងធ្វើនៅប្រទេស ហុងគ្រី នាថ្ងៃទី ៣០ ខែ ឧសភា ឆ្នាំ ២០២៦។

ចំណែកពាន UEFA Europa League វិញ ក្រុម Aston Villa របស់ អង់គ្លេស បាន​ឡើងទៅជួបក្រុម Freiburg របស់ អាល្លឺម៉ង់។ ជំនួបវគ្គផ្តាច់ព្រ័ត្ររវាងក្រុមទាំង ២ នឹងធ្វើឡើងនៅប្រទេស តួកគី នាថ្ងៃទី ២១ ខែ ឧសភា ឆ្នាំ ២០២៦។

ចំណែកពានកម្រិតទី ៣ UEFA Conference League គឺក្រុម Crystal Palace របស់ អង់គ្លេស ត្រូវឡើងទៅជួបក្រុម Rayo Vallecano របស់ អេស្ប៉ាញ។ ជំនួបវគ្គផ្តាច់ព្រ័ត្ររវាងក្រុមទាំង ២ នឹងធ្វើឡើងនៅប្រទេស អាល្លឺម៉ង់ នាថ្ងៃទី ២៨ ខែ ឧសភា ឆ្នាំ ២០២៦។

តាមទិន្នន័យខាងលើឃើញ ថា ក្រុមមកពី អង់គ្លេស នៅរដូវកាល ២០២៥-២០២៦ នេះ កំពុងជោគជ័យខ្លាំងក្នុងពាន អឺរ៉ុប ដោយពួកគេមានក្រុមចំនួន ៣ ឡើងដល់វគ្គផ្តាច់ព្រ័ត្រក្នុងពានទាំង ៣ កម្រិតនេះទាំងអស់៕

អត្ថបទ៖ សេម កុសល

The post ក្រុម អង់គ្លេស កំពុងធ្វើព្យុះភ្លៀងក្នុងពានអឺរ៉ុប ដោយក្រុម ៣ ឡើងវគ្គផ្តាច់ព្រ័ត្រពានទាំង ៣ កម្រិត appeared first on Kampuchea Thmey Daily.

ការប្រកួតពានធំៗទាំង ៣ របស់ទ្វីប អឺរ៉ុប បានរកឃើញក្រុម និងគូប្រកួតនីមួយៗ ដែលបានឡើងដល់វគ្គពាក់កណ្តាលផ្តាច់ព្រ័ត្រហើយ។ ពាន Champions League គឺក្រុម Arsenal របស់ អង់គ្លេស ជួបក្រុម Atletico Madrid របស់ អេស្ប៉ាញ និង Bayern Munich របស់ អាល្លឺម៉ង់ ត្រូវជួបក្រុម Paris Saint-Germain របស់ បារាំង។

ចំណែកពាន Europa League វិញ គឺក្រុម Aston Villa របស់ អង់គ្លេស ត្រូវជួបក្រុម Nottm Forest របស់ អង់គ្លេស និង SC Freiburg របស់ អាល្លឺម៉ង់ ត្រូវជួបក្រុម Braga របស់ ព័រទុយហ្គាល់។ ចុងក្រោយពាន Conference League គឺ ក្រុម Crystal Palace របស់ អង់គ្លេស ត្រូវជួបក្រុម Shakhtar Donetsk របស់ អ៊ុយក្រែន និង Strasbourg របស់ បារាំង ត្រូវជួបក្រុម Rayo Vallecano របស់ អេស្ប៉ាញ។

តាមទិន្នន័យខាងលើឃើញ ថា ក្រុមមកពី អង់គ្លេស មានច្រើនជាងគេរហូតដល់ទៅ ៤ ក្រុម។ ដោយឡែកក្រុមមកពី អេស្ប៉ាញ មាន ២ ក្រុម ក្រុមមកពី បារាំង មាន ២ ក្រុម ក្រុមមកពី អាល្លឺម៉ង់ មាន ២ ក្រុម ក្រុមមកពី ព័រទុយហ្គាល់ មាន ១ ក្រុម និងក្រុមមកពី អ៊ុយក្រែន មាន ១ ក្រុម៕

អត្ថបទ៖ សេម កុសល

The post លីគ អង់គ្លេស មានក្រុមច្រើនជាងគេ ឡើងដល់វគ្គ ១/២ ក្នុងពានរបស់ទ្វីប អឺរ៉ុប ទាំង ៣ appeared first on Kampuchea Thmey Daily.

ក្រុមតោខៀវ Chelsea ដែលស្ថិតក្រោមការដឹកនាំរបស់លោក Enzo Maresca បានក្លាយជាម្ចាស់ពាន Conference League ជាផ្លូវការហើយ ក្រោយយកឈ្នះលើក្រុម Real Betis ក្នុងវគ្គផ្តាច់ព្រ័ត្រកាលពីយប់មិញ ដោយលទ្ធផល ៤ ទល់នឹង ១។

ក្នុងនោះក្រុម Real Betis ជាអ្នករកបានគ្រាប់បាល់នាំមុខមុន ដែលស៊ុតបញ្ចូលទីដោយកីឡាករ Abde Ezzalzouli នៅនាទីទី ៩។ លុះឈានចូលវគ្គទី ២ Chelsea បានរកគ្រាប់បាល់វាយបក ៤ គ្រាប់មកវិញ ដែលស៊ុតបញ្ចូលទីដោយកីឡាករ Enzo Fernandez នៅនាទីទី ៦៥, Nicolas Jackson នៅនាទីទី ៧០, Jadon Sancho នៅនាទីទី ៨៣ និងគ្រាប់ចុងក្រោយរកបានដោយកីឡាករ Moises Caicedo នៅនាទីទី ៩០+១។

ជុំវិញការឈ្នះពាន Conference League នេះ បានធ្វើឱ្យ Chelsea ក្លាយជាក្រុមដំបូងគេក្នុងប្រវត្តិសាស្ត្រ ដែលអាចឈ្នះពាន អឺរ៉ុប បានគ្រប់ទាំង ៣ តែម្តង ពោលគឺពាន Champions League, Europa League និង Conference League។

គួរបញ្ជាក់ថា Chelsea ធ្លាប់ឈ្នះពាន Champions League បានចំនួន ២ ដង, ពាន Europa League បាន ២ ដង និងពាន Conference League បាន ១ ដង៕

អត្ថបទ៖ សេម កុសល

The post ឈ្នះពាន UECLយប់មិញ Chelsea បានបំបែកកំណត់ត្រាធំមួយ ដែលគ្មានក្លិបណាធ្លាប់ធ្វើបាន appeared first on Kampuchea Thmey Daily.