មុនរដូវកាលថ្មី ២០២៥-២០២៦ ចាប់ផ្តើម ក្រុមរបស់លោក Ruben Amorim ហាក់មានភាពមមាញឹកខ្លាំងមែនទែនក្នុងការបញ្ចេញកីឡាករចាស់ ផ្លាស់ចូលកីឡាករថ្មី។ ថ្មីៗនេះពួកគេទើបតែចុះកុងត្រាយកបានខ្សែប្រយុទ្ធ Matheus Cunha ពី Wolves ហើយជំហានបន្ទាប់ លេចឮថា ពួកគេកាន់តែកៀកនឹងយកបានខ្សែប្រយុទ្ធម្នាក់ទៀត គឺកីឡាករ Bryan Mbeumo ពី Brentford។

ទោះបីជាយ៉ាងណា ផែនការរបស់ក្រុមបិសាចក្រហម គឺមិនទាន់អស់ត្រឹមនេះនោះទេ ដោយពួកគេនៅចិញ្ចឹមចិត្តចង់បានខ្សែប្រយុទ្ធម្នាក់ទៀត ដើម្បីមកពង្រឹងក្រុម។ ប៉ុន្មានថ្ងៃនេះ មានសារព័ត៌មានធំៗនៅបរទេសចុះផ្សាយថា លោក Amorim បានចេញមុខដោយផ្ទាល់ ដើម្បីចរចាជាមួយអតីតកូនក្រុមរបស់ខ្លួននៅ Sporting កីឡាករ Viktor Gyokeres ប៉ុន្តែចុងក្រោយកីឡាកររូបនេះបានបដិសេធ និងពេញចិត្តក្នុងការផ្លាស់ទៅកាន់ក្រុម Arsenal ជាង។

យ៉ាងណា Man United នៅតែមានផែនការបន្ទាប់របស់ខ្លួន ដោយអ្នករាយការណ៍របស់សារព័ត៌មានកីឡា Sky Sports លោក Florian Plettenberg បានអះអាងថា Man United បច្ចុប្បន្នបានកំណត់គោលដៅលើខ្សែប្រយុទ្ធថ្មី ២ នាក់ផ្សេងជំនួសវិញ ក្នុងនោះមានកីឡាករ Benjamin Sesko របស់ RB Leipzig និង Nicolas Jackson របស់ Chelsea។

គួរឱ្យដឹងថា ខ្សែប្រយុទ្ធ វ័យ ២២ ឆ្នាំ Benjamin Sesko គឺជាកីឡាករវ័យក្មេងដ៏លេចធ្លោរម្នាក់របស់ក្រុម RB Leipzig ហើយរូបគេនៅសល់កិច្ចសន្យាជាមួយក្រុមរហូតដល់ខែ មិថុនា ឆ្នាំ ២០២៩។ ចំណែក Jackson វិញ គឺនៅសល់កិច្ចសន្យាជាមួយ Chelsea ដល់ខែ មិថុនា ឆ្នាំ ២០៣៣ ឯណោះ ប៉ុន្តែថ្មីៗនេះមានព័ត៌មានរសើបថា ក្រុមតោខៀវ កំពុងពិចារណាចង់លក់រូបគេចេញនៅរដូវក្តៅនេះ៕

ប្រែសម្រួល៖ សេម កុសល
ប្រភព៖ Sportbible

The post Man United សម្លឹងឃើញខ្សែប្រយុទ្ធ ២ រូបផ្សេង ក្រោយ Viktor Gyokeres បដិសេធសំណើផ្ទេរ appeared first on Kampuchea Thmey Daily.

នាមួយរយៈចុងក្រោយនេះ ខ្សែប្រយុទ្ធសញ្ជាតិ ស៊ុយអែត វ័យ ២៧ ឆ្នាំត្រូវបានគេផ្សព្វផ្សាយព្រោងព្រាតនៅលើបណ្តាញសង្គមអំពីទំនាក់ទំនងជាមួយ Man United ហើយក្នុងពេលជាមួយគ្នានេះ រូបគេក៏មានទំនាក់ទំនងជាមួយក្រុមកាំភ្លើងធំ Arsenal ផងដែរ។

កាលពីរដូវកាលមុន ២០២៤-២០២៥ ក្រុម Man United ដែលស្ថិតក្រោមការដឹកនាំរបស់លោក Ruben Amorim គឺធ្វើពុំសូវបានល្អនោះទេ ជាពិសេសនៅតំបន់ប្រយុទ្ធ ដែលមាន Ramus Hojlund និង Joshua Zirkzee។

ក្រុមបិសាចក្រហមកំពុងគិតគូយ៉ាងខ្លាំងអំពីបញ្ហានេះ។​ ពួកគេទើបតែចុះកិច្ចសន្យាយកបានខ្សែប្រយុទ្ធ Matheus Cunha ពី Wolves និងផែនការបន្ទាប់ពួកគេចង់បាន Bryan Mbeumo របស់ Bentford និង Viktor Gyokeres របស់ Sporting។

កាលពីថ្ងៃ ចន្ទ កន្លងទៅ សារព័ត៌មាន Sky Sports បានរាយការណ៍ថា Man United បានដាក់សំណើលើកដំបូងទៅកាន់ Gyokeres ហើយ។ ប្រភពដដែលបានបង្ហាញថា ក្រុមបិសាចក្រហមកំពុងស្ទាបស្ទង់អំពីតម្លៃនៃកិច្ចសន្យារបស់ខ្សែប្រយុទ្ធក្រុម Sporting រូបនេះ។ យ៉ាងណា នេះគ្រាន់តែជាជំហានដំបូងប៉ុណ្ណោះ មុននឹងអ្វីៗត្រូវបានដាក់សំណើចុះកិច្ចសន្យាជាផ្លូវការទៅភាគីក្លិប និងសមីកីឡាករផ្ទាល់។

គួរបញ្ជាក់ថា Gyokeres គឺនៅសល់កិច្ចសន្យា ៣ ឆ្នាំទៀតជាមួយ Sporting ពោលគឺដល់ខែ មិថុនា ឆ្នាំ ២០២៨៕

ប្រែសម្រួល៖ សេម កុសល
ប្រភព៖ Manchester Evening News

The post ទីបំផុត Man United ដាក់សំណើទៅតារាជើង​ស៊ុត Viktor Gyokeres ហើយ appeared first on Kampuchea Thmey Daily.

លោក Nani បានមានប្រសាសន៍យ៉ាងដូច្នេះថា៖ «គាត់គឺជាកីឡាករម្នាក់ ដែលបានត្រៀមខ្លួនរួចរាល់ក្នុងការមកលេងនៅ Premier League សូមជឿលើខ្ញុំ។ កាលពីឆ្នាំមុន ពេលនេះ ខ្ញុំបាននិយាយបដិសេធ ដោយសារនៅ Premier League មានខ្សែការពារ ដែលអាចចាប់គាត់បាន។ គាត់ចូលចិត្តរត់ច្រើនជាមួយបាល់។ ខ្ញុំពិតជាចង់ឃើញគាត់ផ្លាស់មក Man United ណាស់»។

លោក Nani បានបន្ថែមទៀតថា៖ «ប្រសិនបើគាត់ផ្លាស់មកកាន់ Manchester United ហើយធ្វើអ្វី ដូចដែលគាត់ធ្វើនៅទីនេះ (ព័រទុយហ្គាល់) ខ្ញុំនឹងសប្បាយចិត្ត។ គាត់អាចរកគ្រាប់បាល់ជាច្រើនគ្រាប់រៀងរាល់សប្តាហ៍ ហើយនៅពេលមិនអាចរកគ្រាប់បាល់ គាត់អាចបញ្ជូនបាល់ (assist) ឱ្យមិត្តរួមក្រុម។ គាត់អាចបង្កើតឱកាសជូនក្រុម។ គាត់គឺមានកម្លាំងខ្លាំងណាស់។ គាត់អាចរត់នៅលើទីលាន ជាមួយល្បឿនដដែលពេញ ៩០ នាទី»។

ជាការពិតណាស់ Man UTD បច្ចុប្បន្នកំពុងមានបញ្ហាធំនៅត្រង់តំបន់ប្រយុទ្ធកណ្តាល។ ទោះបីជាពួកគេមាន Rasmus Hojlund និង Joshua Zirkzee ក៏ដោយ ក៏តំបន់ប្រយុទ្ធរបស់ពួកគេមិនទាន់រឹងមាំដែរ ជាក់ស្តែងខ្សែប្រយុទ្ធទាំង ២ នៅពេលបូកសរុបគ្រាប់បាល់បញ្ចូលគ្នា ទើបតែរកបានចំនួន ១៣ គ្រាប់ប៉ុណ្ណោះនៅរដូវកាលនេះ។

នាមួយរយៈចុងក្រោយនេះ បណ្តាញសារព័ត៌មានធំៗនៅបរទេស បានចុះផ្សាយ​ថា Man UTD កំពុងចាប់អារម្មណ៍ចង់បាន Viktor Gyokeres មកដោះស្រាយតំបន់ប្រយុទ្ធ ខណៈដំណឹងនេះក៏បានទទួលការគាំទ្រពីលោក Nani ផងដែរ។ បុរសសញ្ជាតិ ព័រទុយហ្គាល់ វ័យ ៣៨ ឆ្នាំយល់ចាត់​ទុក​ Gyokeres គឺជាកីឡាករដ៏សក្តិសមក្នុងការមកលេងនៅទឹកដី Old Trafford ពីព្រោះគេជាកីឡាករម្នាក់ ដែលអាចមានសមត្ថភាពទាំងស៊ុតបញ្ចូលទី និងបញ្ជូនបាល់ឱ្យមិត្តរួមក្រុម (assist)៕

ប្រែសម្រួលអត្ថបទ៖ សេម កុសល
ប្រភព៖ Fabrizio Romano

The post Nani ថា Viktor Gyokeres មានចំណុចពិសេស ២ អាចក្លាយជាខ្សែប្រយុទ្ធដ៏សក្តិសមរបស់ Man UTD appeared first on Kampuchea Thmey Daily.