ព័ត៌មានជាតិ

អាជ្ញាធរផ្ដល់អំណោយដល់ជនរងគ្រោះដោយអគ្គិភ័យឆេះផ្ទះចំនួន២ខ្នង

បានផុស

៥ years មុន

នៅ

ថ្ងៃសៅរ៍ ២៧ មីនា ២០២១

ដោយ

ជនរងគ្រោះជាម្ចាស់ផ្ទះដែលត្រូវភ្លើងឆេះអស់ទាំងស្រុងចំនួន២ខ្នងកន្លងមកនោះ បានទទួលអំណោយពីឯកឧត្តម ហង្ស ស៊ីផា ប្រធានក្រុមការងារថ្នាក់កណ្តាលចុះជួយខេត្តបន្ទាយមានជ័យ លោក អាង ណារិទ្ធ ប្រធានមន្ទីរដែនដីនិងសំណង់ខេត្តបន្ទាយមានជ័យ និងជាក្រុមការងារថ្នាក់ខេត្តចុះជួយសង្កាត់ព្រះពន្លា លោក ព្រឹម សាលី ប្រធានសាខាពន្ធដាខេត្តបន្ទាយមានជ័យ និងជាក្រុមការងារថ្នាក់ខេត្តចុះជួយសង្កាត់ព្រះពន្លា លោក មុំ ប៊ុណ្ណា ចៅសង្កាត់ព្រះពន្លានិងមន្ត្រីអមដំណើរជាច្រើននាក់ទៀត នៅព្រឹក ថ្ងៃទី២៧ ខែ មីនា ឆ្នាំ ២០២១ នៅក្នុងភូមិក្បាលស្ពាន សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អំណោយដែលទទួលបានក្នុង១គ្រួសារទទួលបានភួយ៣ អង្ក៣០គីឡូ ទឹកស៊ីអ៊ីវ៣យួរ ទឹកត្រី៣យួរ ទឹកសុទ្ធ១កេះ ស័ង្កសី ២៥សន្លឹក និងថវិការ៧០ម៉ឺនរៀល ។

គួរបញ្ជាក់ផងដែថា កាលវេលាម៉ោង៤ល្ងាចថ្ងៃទី២៤ខែមីនា ឆ្នាំ២០២១ នៅភូមិក្បាលស្ពាន សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ មានករណីអគ្គិភ័យឆាបឆេះផ្ទះចំនួន២ខ្នងទាំងស្រុងក្នុងនោះរដ្ឋបាលខេត្ត រដ្ឋបាលក្រុង សមត្ថកិច្ច និងប្រជាពលរដ្ឋបាននាំគ្នាជួយពន្លត់ភ្លើងយ៉ាង សស្រាក់ សស្រាំមិនយូរបណ្តាលឲ្យភ្លើងរលត់ជាស្ថាពរ។

ក្នុងពិធីចែកអំណោយនោះឯកឧត្តម ហង្ស ស៊ីផា បានប្រាប់ឲ្យដឹងថា ក្រុមការងាររបស់លោកបាននាំយកអំណោយចែកជូនម្ចាស់ផ្ទះដែលត្រូវភ្លើងឆេះផ្ទះនោះយកទៅឲ្យដល់កន្លែងផ្ទាល់ដៃតែម្តង។ ហើយលោកបានផ្តាំផ្ញើដល់ប្រជាពលរដ្ឋទាំង២គ្រួសារត្រូវចាប់ផ្តើមធ្វើផ្ទះឡើងវិញរស់នៅបន្តនិងប្រកបមុខរបរចិញ្ចឹមជីវិត និងបង្កបង្កើនផលដំណាំឡើងវិញ និងត្រូវថែទាំសុខភាពឲ្យបានល្អផងដែរ៕

អត្ថបទ ៖ វ៉ាន់ណាង