តម្លៃត្រូវបានប្រកាសជាផ្លូវការ!​ តម្លែប្រកួតប្រជែងល្អ បំផ្ទុះទីផ្សាររថយន្តថាមពលថ្មីនៅកម្ពុជា

ចំណុចសំខាន់បំផុតនៃព្រឹត្តិការណ៍នេះ គឺការប្រកាសតម្លៃផ្លូវការដែលមានភាពប្រកួតប្រជែងខ្ពស់ តម្លៃលក់សមរម្យស្របជាមួយសមត្ថភាព លើសស្តង់ដាររបស់រថយន្តទាំងពីរ, រថយន្តទាំងពីរនេះបានកំណត់ស្តង់ដារតម្លៃថ្មីសម្រាប់ទីផ្សាររថយន្តថាមពលថ្មីនៅកម្ពុជា។

1. BYD Sealion 5 EV តម្លៃផ្លូវការ៖ 23,800 ដុល្លារអាមេរិក

BYD Sealion 5 EV ជារថយន្ត SUV អគ្គិសនីសុទ្ធដែលផ្តោតលើការធ្វើដំណើររបស់គ្រួសារ ដោយមាន ចម្ងាយបើកបរអគ្គិសនីឆ្ងាយ និងតម្លៃត្រឹមតែ 23,800 ដុល្លារអាមេរិក ដែលអនុញ្ញាតឱ្យ គ្រួសារកម្ពុជា ទូទៅ អាចក្លាយជាម្ចាស់រថយន្តអគ្គិសនីបានយ៉ាងងាយស្រួល។ រថយន្តនេះអាចបើកបរបានរហូតដល់ 520 គីឡូម៉ែត្រ ក្នុងការសាកថ្មពេញម្តង ព្រមទាំងបំពាក់ដោយកាប៊ីនធំទូលាយ ប្រព័ន្ធកាប៊ីនឆ្លាតវៃ ទំនើប និងមានមុខងារសុវត្ថិភាពដ៏ពេញលេញ។ លើសពីនេះ វាក៏មានមុខងារ ជំនួយចតរថយន្តឆ្លាតវៃ ដែលជួយឱ្យការ ចតរថយន្តនៅក្នុងទីក្រុងកាន់តែងាយស្រួល និងមានភាពច្បាស់លាស់ ដោយមានប្រសិទ្ធភាពក្នុងការ ដោះស្រាយបញ្ហា កន្លែងចតរថយន្តនៅតំបន់ទីប្រជុំជន បំពេញតម្រូវការប្រើប្រាស់បានគ្រប់ស្ថានភាព មិនថាជាការធ្វើដំណើរប្រចាំថ្ងៃ ការចតរថយន្តក្នុងទីក្រុង ឬការធ្វើដំណើរកម្សាន្តជាមួយក្រុមគ្រួសារនោះទេ រថយន្តនេះបានជួយកាត់បន្ថយចំណាយយ៉ាងច្រើន ក្នុងការធ្វើដំណើរសម្រាប់គ្រួសារកម្ពុជា។

2. BYD Shark 6 Advanced តម្លៃលក់ផ្លូវការ៖ 43,800 ដុល្លារអាមេរិក

BYD Shark 6 Advanced គឺជារថយន្តភីកអាប់ Plug-in Hybrid លំដាប់ កំពូលដែលត្រូវបាន ដំឡើងនៅកម្ពុជា (CKD)។ រថយន្តនេះបំពាក់ដោយប្រព័ន្ធ DM Super Hybrid របស់ BYD ដែលផ្តល់នូវ ថាមពលខ្លាំង កម្លាំងអតិបរមារហូតដល់ 541 HP និងអាចបង្កើនល្បឿនពី 0–100 គីឡូម៉ែត្រ/ម៉ោង ក្នុង រយៈពេលត្រឹម 5.7 វិនាទី។ វារួមបញ្ចូលទាំងសមត្ថភាពបង្កើនល្បឿនដ៏ល្អឥតខ្ចោះ កម្លាំងបើកបរ off-road ខ្លាំង និងការប្រើប្រាស់ថាមពលទាប។ ជាមួយកាប៊ីនប្រណិត និងមុខងារ V2L សម្រាប់ផ្គត់ផ្គង់ថាមពល ទៅឧបករណ៍ខាងក្រៅ រថយន្តនេះអាចប្រើប្រាស់បានច្រើនមុខងារ មិនថាសម្រាប់ដឹកទំនិញ អាជីវកម្ម ការធ្វើដំណើរប្រចាំថ្ងៃ ឬការបោះជំរំក្រៅផ្ទះ។ ការដំឡើងនៅក្នុងស្រុកធ្វើឲ្យរថយន្តនេះមានតម្លៃកាន់តែ សមរម្យ ហើយថ្លៃចំណាយប្រើប្រាស់រយៈពេលវែងទាបជាងរថយន្តភីកអាប់ប្រើប្រេងឥន្ធនៈ។

រថយន្តទាំងពីរម៉ូដែលនេះ ផ្អែកលើបច្ចេកវិទ្យាថាមពលថ្មីដ៏ទំនើបរបស់ BYD រួមជាមួយតម្លៃ ដ៏សមរម្យ ផ្តល់នូវតម្លៃប្រើប្រាស់លើសគូប្រកួតក្នុងថ្នាក់ដូចគ្នា និងបង្ហាញពីសមត្ថភាព ផលិតផលដ៏លេចធ្លោ នៅក្នុងទីផ្សាររថយន្តថាមពលថ្មីរបស់កម្ពុជា។

ពិធីបង្ហាញរថយន្ត២ម៉ូឌែលយ៉ាងអស្ចារ្យ បង្ហាញសមត្ថភាពផលិតផលគ្រប់ជ្រុងជ្រោយ

ក្នុងពិធីនេះ​ រថយន្ត Sealion 5 EV និង Shark 6 Advanced បានបង្ហាញខ្លួនជាផ្លូវការ ទទួលបាន ការសាទរយ៉ាងកក់ក្តៅពីភ្ញៀវទាំងអស់។ អ្នកជំនាញខាងរថយន្ត និងអ្នកសារព័ត៌មាន ដែលបានសាកល្បង រថយន្តជាមុន ហើយបានចែករំលែកបទពិសោធន៍ អំពីចំណុចពិសេសរបស់រថយន្តទាំងពីរ៖

Sealion 5 EV – SUV អគ្គិសនីបើកបរបានឆ្ងាយសម្រាប់គ្រួសារកម្ពុជា

អ្នក Review រថយន្តក្នុងស្រុកដ៏ល្បី ChanTola TG បានសាកល្បងប្រើប្រាស់ ហើយបានចែករំលែក បទពិសោធន៍នៅក្នុងកម្មវិធី។ គាត់បង្ហាញថា Sealion 5 EV មានការរចនាទាន់សម័យ ស្រស់ស្អាត លំហក្នុងរថយន្តធំទូលាយ មានផាសុកភាព និងបំពាក់ដោយប្រព័ន្ធអន្តរកម្មឆ្លាតវៃ ព្រមទាំងមុខងារ សុវត្ថិភាពយ៉ាងពេញលេញ។ សម្រាប់អ្នកប្រើប្រាស់នៅក្នុងទីក្រុង រថយន្តនេះក៏បំពាក់ដោយមុខងារជំនួយ ចតរថយន្តឆ្លាតវៃ  ដែលមានភាពងាយស្រួលក្នុងការប្រើប្រាស់ ដោយអាចចតរថយន្តបានយ៉ាងត្រឹមត្រូវ ដោយស្វ័យប្រវត្តិមិនចាំបាច់បញ្ជាដោយអ្នកបើកបរ។ មុខងារនេះសមស្របយ៉ាងខ្លាំងសម្រាប់ កន្លែងចត រថយន្តដ៏ស្មុគស្មាញនៅតាម ដងផ្លូវក្នុងរាជធានីភ្នំពេញ។ លើសពីនេះ ការកំណត់សមត្ថភាពរថយន្ត ត្រូវបាន បង្កើតឡើងឱ្យសមស្របនឹងស្ថានភាពផ្លូវទាំងក្នុងទីក្រុង និងតំបន់ជាយក្រុងរបស់កម្ពុជា ដែលធ្វើឱ្យ Sealion 5 EV ក្លាយជាជម្រើសរថយន្តអគ្គិសនីដ៏ល្អសម្រាប់គ្រួសារកម្ពុជា ក្នុងការជំនួសរថយន្តប្រើប្រេងឥន្ធនៈ។

Shark 6 Advanced – ភីកអាប់ Plug-in Hybrid ផលិតនៅកម្ពុជា

ក្នុងនាមជារថយន្តភីកអាប់ថាមពលថ្មីដែលដំឡើងនៅរោងចក្រខេត្តព្រះសីហនុ រថយន្តនេះបំពាក់ ដោយបច្ចេកវិទ្យាស្នូល DMO 4-in-1 Off-road Hybrid ដ៏ទំនើបរបស់ BYD ដែលបានបំបែកដែនកំណត់ បច្ចេកវិទ្យារបស់រថយន្តភីកអាប់ប្រើប្រេងឥន្ធនៈបែបប្រពៃណី។ អ្នក Review រថយន្ត មកពី TAC បានធ្វើ តេស្តបើកបរយ៉ាងស៊ីជម្រៅជាមុន ហើយចែករំលែកបទពិសោធន៌នៅក្នុងកម្មវិធី លោកថា ប្រព័ន្ធ Hybrid ដ៏ទំនើបនេះ រួមបញ្ចូលគ្នានូវសមត្ថភាពខ្ពស់ ការសន្សំសំចៃថាមពល ស្ថេរភាព និងភាពអាចសម្របខ្លួនបាន យ៉ាងល្អ។ វាផ្តល់នូវថាមពលបើកបរខ្លាំង និងរលូន ព្រមទាំងមានប្រសិទ្ធភាពក្នុងការប្រើប្រាស់ថាមពល។ ជាមួយសមត្ថភាពអូសទាញ ដឹកទំនិញ និងបើកបរលើផ្លូវលំបាក ក៏ដូចជាផាសុកភាពសម្រាប់ការប្រើប្រាស់ ប្រចាំថ្ងៃ រួមជាមួយមុខងារ V2L សម្រាប់ផ្គត់ផ្គង់ថាមពលទៅឧបករណ៍ខាងក្រៅ បានធ្វើឱ្យ Shark 6 Advanced ក្លាយជារថយន្តដែលនាំមុខគេទាំងអស់ក្នុងថ្នាក់ដូចគ្នា ទាំងផ្នែកបច្ចេកវិទ្យា និងការប្រើប្រាស់ ជាក់ស្តែង។

Sealion 5 DM-i ស៊េរីថ្មី ៖ រថយន្ត Super Hybrid ជំនាន់ថ្មី បំពាក់ថ្មធំ គ្រោងដាក់លក់ នៅ ត្រីមាស ទី 4 ឆ្នាំ 2026

ក្រៅពីរថយន្តថ្មីទាំងពីរម៉ូដែលដែលបានសម្ភោធដាក់លក់ជាផ្លូវការ ក្នុងកម្មវិធីនេះ BYD ក៏បាននាំមក នូវការបង្ហាញយ៉ាងភ្ញាក់ផ្អើលជាលើកដំបូងនៃរថយន្ត Sealion 5 DM-i ស៊េរីថ្មី ដោយបង្ហាញជាមុន ដល់ទីផ្សារ កម្ពុជា អំពីសមត្ថភាពដ៏លេចធ្លោរបស់រថយន្ត SUV Super Hybrid ជំនាន់ថ្មីនេះ។ រថយន្តនេះបំពាក់ដោយ ថ្មដែលមានសមត្ថភាពផ្ទុកថាមពលខ្ពស់ រួមជាមួយបច្ចេកវិទ្យា BYD Super Hybrid ដែលផ្តល់នូវសមត្ថភាព បើកបរដ៏អស្ចារ្យ។ វាអាចបើកបរដោយថាមពលអគ្គិសនីសុទ្ធបានជាង 300 គីឡូម៉ែត្រ និងមានចម្ងាយបើកបរ សរុបរហូតដល់ 1,735 គីឡូម៉ែត្រ។ សមត្ថភាពនេះបានលុបបំបាត់ដែនកំណត់នៃរថយន្ត Hybrid ទូទៅ ដែលអាចបើកបរដោយអគ្គិសនីបានតែក្នុងចម្ងាយខ្លី ដោយអនុញ្ញាតឱ្យអ្នកប្រើប្រាស់ ធ្វើដំណើរប្រចាំថ្ងៃក្នុង ទីក្រុងដោយប្រើថាមពលអគ្គិសនីសុទ្ធ និងធ្វើដំណើរផ្លូវឆ្ងាយដោយមិនបារម្ភអំពីការសាកថ្ម ។ រថយន្តនេះ អាចឆ្លើយតប បានយ៉ាងពេញលេញ ចំពោះតម្រូវការធ្វើដំណើរគ្រប់ស្ថានភាពរបស់អ្នកប្រើប្រាស់នៅកម្ពុជា។ លើសពីនេះ Sealion 5 DM-i ស៊េរីថ្មី ក៏ប្រើប្រាស់ភាសារចនាខាងក្រៅជំនាន់ចុងក្រោយរបស់ BYD ដែលធ្វើ ឱ្យរូបរាងកាន់តែទំនើប ទាក់ទាញ និងមានភាពលេចធ្លោជាងមុន។

រថយន្ត SUV Super Hybrid ដែលមានសមត្ថភាពកាន់តែប្រសើរគ្រប់ជ្រុងជ្រោយនេះ Sealion 5 DM-i ស៊េរីថ្មី ត្រូវបានរំពឹងថានឹងដាក់លក់ជាផ្លូវការនៅទីផ្សារកម្ពុជា ក្នុងត្រីមាសទី 4 ឆ្នាំ 2026។

បន្តចាក់ឬសពង្រឹងការវិនិយោគនៅកម្ពុជា បង្កើតប្រព័ន្ធសេវាកម្មរថយន្តថាមពល ថ្មីពេញលេញ

នៅក្នុងពិធីសម្ពោធនេះ លោក Danny Chan នាយកប្រតិបត្តិការផ្នែកលក់រថយន្ត BYD អាស៊ីប៉ាស៊ីហ្វិក សាខាកម្ពុជា បានឡើងថ្លែងសុន្ទរកថា ដោយបង្ហាញយ៉ាងលម្អិតអំពីយុទ្ធសាស្ត្រ និងការប្តេជ្ញាចិត្តរបស់ BYD ក្នុងការពង្រឹងវត្តមាននៅទីផ្សារកម្ពុជារយៈពេលវែង។ BYD ប្រកាន់ខ្ជាប់នូវ ទស្សនវិជ្ជា «បច្ចេកវិទ្យាជាស្នូល នវានុវត្តន៍ជាទុន» ដោយបានអភិវឌ្ឍបច្ចេកវិទ្យាស្នូលដោយខ្លួនឯង រួមមាន Blade Battery, e-Platform, DM Super Hybrid និង កាប៊ីនឆ្លាតវៃ។ ចាប់តាំងពីឆ្នាំ 2022 មក BYD បានឈរនៅលំដាប់លេខ 1 ពិភពលោកផ្នែកការលក់រថយន្តថាមពលថ្មីរយៈពេល 4 ឆ្នាំជាប់ៗគ្នា ហើយផលិតផលរបស់ខ្លួនត្រូវបាននាំចេញទៅកាន់ប្រទេសជាច្រើននៅអាស៊ីអាគ្នេយ៍ អឺរ៉ុប និងមជ្ឈិមបូព៌ា។ នៅកម្ពុជា BYD ក៏បានវិនិយោគ និងអភិវឌ្ឍប្រព័ន្ធគាំទ្រឧស្សាហកម្មជាច្រើន រួមមាន៖

1. រោងចក្រដំឡើងរថយន្តក្នុងស្រុក បំពេញចន្លោះប្រហោងក្នុងឧស្សាហកម្ម៖ រោងចក្រដំឡើងរថយន្ត ដឹកអ្នកដំណើររបស់ BYD នៅក្រុងព្រះសីហនុ បានចាប់ផ្តើមដំណើរការកាលពីខែធ្នូឆ្នាំមុន ហើយបច្ចុប្បន្ន អាចដំឡើងរថយន្ត Sealion 5 DM-i និង Shark 6 Advanced នៅក្នុងប្រទេសកម្ពុជា។ នេះជារោងចក្រផលិតរថយន្តថាមពលថ្មីសម្រាប់ដឹកអ្នកដំណើរដំបូងគេនៅកម្ពុជា ដែលបានបញ្ចប់ ការសាងសង់ និងដាក់ឱ្យដំណើរការ រួមចំណែកលើកកម្ពស់ខ្សែសង្វាក់ឧស្សាហកម្មរថយន្តក្នុងស្រុក។

2. សហការជាមួយគ្រឹះស្ថានអប់រំ ដើម្បីអភិវឌ្ឍធនធានមនុស្សក្នុងវិស័យរថយន្តថាមពលថ្មី៖
ក្នុងឱកាស ទិវាជាតិអប់រំបច្ចេកទេស និងបណ្តុះបណ្តាលវិជ្ជាជីវៈ (TVET DAY) កាលពីខែមិថុនា ឆ្នាំនេះ ក្រុមហ៊ុន BYD និងក្រសួងការងារ និងបណ្តុះបណ្តាលវិជ្ជាជីវៈកម្ពុជា បានចុះអនុស្សរណៈយោគយល់ (MoU) ដើម្បីរួមគ្នាបង្កើតកម្មវិធីបណ្តុះបណ្តាលជំនាញរថយន្តថាមពលថ្មី និងរៀបចំការបណ្តុះបណ្តាល ជំនាញ បច្ចេកទេសជាប្រចាំ។

3. បណ្តាញលក់ និងសេវាកម្មក្រោយការលក់គ្របដណ្តប់ទូទាំងប្រទេស៖ បច្ចុប្បន្ន BYD មានសាខាលក់ ចំនួន 10 កន្លែង ដែលគ្របដណ្តប់រាជធានីភ្នំពេញ និងបណ្តាខេត្តសំខាន់ៗ។ ស្របពេលជាមួយគ្នានេះ ក្រុមហ៊ុនក៏មានមជ្ឈមណ្ឌលសេវាកម្មក្រោយការលក់ដែលកំពុងដំណើរការ និងកំពុងសាងសង់សរុបចំនួន 7 កន្លែង។ មជ្ឈមណ្ឌលសេវាកម្មផ្លូវជាតិលេខ 3 បានបើកដំណើរការកាលពីខែមិថុនា ខណៈដែលមជ្ឈមណ្ឌល សេវាកម្ម កោះនរា គ្រោងនឹងបើកដំណើរការនៅខែសីហា។

4. វិនិយោគបង្កើតប្រព័ន្ធផ្គត់ផ្គង់គ្រឿងបន្លាស់ក្នុងស្រុក៖ BYD បានវិនិយោគទឹកប្រាក់ 6 លានដុល្លារអាមេរិក ដើម្បីសាងសង់មជ្ឈមណ្ឌលគ្រឿងបន្លាស់ដ៏ធំមួយនៅកម្ពុជា ដែលគ្រោងដាក់ឱ្យដំណើរការក្នុងឆ្នាំ 2026។ មជ្ឈមណ្ឌលនេះនឹងមានអត្រាផ្គត់ផ្គង់គ្រឿងបន្លាស់រហូតដល់ 99% ដោយអាច ដឹកជញ្ជូនគ្រឿងបន្លាស់ នៅក្នុងរាជធានីភ្នំពេញក្នុងរយៈពេល 1.5 ម៉ោង និងទៅកាន់បណ្តាខេត្តក្នុងរយៈពេល 24 ម៉ោង ដើម្បីជួយដោះស្រាយតម្រូវការជួសជុល និងថែទាំរថយន្តរបស់អតិថិជនបានយ៉ាងឆាប់រហ័ស។

លោក Danny Chan បានមានប្រសាសន៍ថា BYD តែងតែប្រកាន់ខ្ជាប់នូវទស្សនវិជ្ជាសេវាកម្ម «លក់រថយន្តមួយគ្រឿង រាប់អានមិត្តម្នាក់»។ ក្រុមហ៊ុនមិនត្រឹមតែផ្តល់ជូនរថយន្តដែលមានគុណភាពខ្ពស់ ប៉ុណ្ណោះទេ ប៉ុន្តែថែមទាំងបានកសាងប្រព័ន្ធសេវាកម្មដ៏ពេញលេញ ដែលរួមមានការលក់ ការជួសជុល ការផ្គត់ផ្គង់គ្រឿងបន្លាស់ និងការបណ្តុះបណ្តាលបុគ្គលិកជំនាញ ដើម្បីផ្តល់ភាពជឿជាក់ និងលុបបំបាត់ក្តី បារម្ភរបស់អតិថិជនក្នុងការទិញ និងប្រើប្រាស់រថយន្ត។

បច្ចេកវិទ្យានាំមុខទីផ្សារ តម្លៃប្រកួតប្រជែងល្អ ជំរុញការអភិវឌ្ឍរថយន្តអគ្គិសនីនៅកម្ពុជា

ការសម្ភោធដាក់លក់រថយន្តទាំងពីរនេះ គឺជាជំហានសំខាន់មួយក្នុងការពង្រឹងវត្តមានរបស់ BYD នៅកម្ពុជា។ តាមរយៈផលិតផលដែលឆ្លើយតបតម្រូវការអ្នកប្រើប្រាស់ តម្លៃប្រកួតប្រជែងល្អ និងប្រព័ន្ធសេវាកម្មក្នុងស្រុកដ៏រឹងមាំ BYD បានបំពេញចន្លោះទីផ្សាររបស់រថយន្ត SUV អគ្គិសនីសម្រាប់ គ្រួសារ និងរថយន្តភីកអាប់ថាមពលថ្មី។ នៅពេលខាងមុខ BYD Cambodia នឹងបន្តពង្រីកប្រតិបត្តិការ ក្នុងស្រុក កែលម្អផលិតផល បង្កើនបណ្តាញសេវាកម្ម និងប្រព័ន្ធគាំទ្របន្ថែម ដើម្បីផ្តល់នូវដំណោះស្រាយ ការធ្វើដំណើរបៃតងដែលមានគុណភាពខ្ពស់ កាន់តែងាយស្រួល និងជំរុញឧស្សាហកម្មរថយន្តកម្ពុជា ឆ្ពោះទៅរកភាពឆ្លាតវៃ និងការប្រើប្រាស់ថាមពលអគ្គិសនីប្រកបដោយគុណភាពខ្ពស់។

The post BYD បន្តពង្រីកផលិតផល Hybrid បើកបរឆ្ងាយ  Sealion 5 DM-i ស៊េរីថ្មី គ្រោងចូលទីផ្សារកម្ពុជា នៅត្រីមាសទី៤ ឆ្នាំនេះ appeared first on Kampuchea Thmey Daily.

ការពង្រីកវិសាលភាព​ទីផ្សារទ្រព្យសកម្មឌីជីថល​ក្នុងរយៈពេលពីរឆ្នាំចុងក្រោយនេះ បាននាំមកនូវឱកាសថ្មីៗសម្រាប់អ្នក​វិនិយោគនៅទូទាំងតំបន់អាស៊ីអាគ្នេយ៍ និងតំបន់ដទៃទៀត។ ប៉ុន្តែ ស្របពេល​ជាមួយគ្នានោះ​ ​ក៏បាននាំមកនូវហានិភ័យថ្មីៗផងដែរ។ បញ្ហាឆបោក (fraud) ការវាយប្រហារតាមរយៈការលួចទិន្នន័យ (phishing attacks) និងការជ្រៀតចូលគណនី បានកើនឡើងទន្ទឹមគ្នានឹងការរីកចម្រើននៃបណ្តាផ្លែតហ្វម (platforms) នានា ដែលកំពុងបម្រើសេវាកម្មជូនអ្នកប្រើប្រាស់រាប់រយលាននាក់នៅទូទាំងសកលលោក។ ថាតើ​​ឧស្សាហកម្មនេះឆ្លើយតបទៅនឹងបញ្ហាប្រឈមទាំងនោះដោយ​របៀបណា កំពុងក្លាយជាចំណុចដ៏មានសារៈសំខាន់ មិនចាញ់ផលិតផលដែលឧស្សាហកម្មនេះ​កំពុងផ្តល់ជូននោះឡើយ។

ក្រុមហ៊ុន Bitget ដែលជាផ្លែតហ្វមជួញដូរទ្រព្យសកម្មចម្រុះដ៏ធំបំផុតមួយក្នុងពិភពលោក បានចេញផ្សាយរបាយការណ៍សន្តិសុខប្រចាំឆ្នាំ២០២៥ របស់ខ្លួន រួមជាមួយការបើកយុទ្ធនាការប្រចាំឆ្នាំដែល​មាន​ឈ្មោះថា “ខែប្រឆាំងការឆបោក” (Anti-Scam Month) កាលពីខែមិថុនា ឆ្នាំ២០២៦ កន្លងទៅនេះ។ ទិន្នន័យដែលបានបោះពុម្ពផ្សាយទាំងនោះ បានបង្ហាញឱ្យឃើញយ៉ាងលម្អិតនូវទំហំនៃការគំរាមកំហែងផ្នែកសន្តិសុខ ដែលអ្នកប្រើប្រាស់ផ្លែតហ្វមហិរញ្ញវត្ថុឌីជីថលកំពុងជួបប្រទះ ក៏ដូចជាហេដ្ឋារចនាសម្ព័ន្ធដែលត្រូវការចាំបាច់ដើម្បី​ប្រយុទ្ធប្រឆាំង​​នឹងបញ្ហាទាំងនេះ។​

​ក្នុងឆ្នាំ២០២៥ ប្រព័ន្ធសន្តិសុខរបស់ Bitget បាន​ប្លុក​​​ការប៉ុនប៉ងវាយប្រហារប្រកប​ដោយ​ចេតនា​អាក្រក់ (malicious attack requests) បានច្រើនជាង ១៥០លានដង និងបានកំណត់អត្តសញ្ញាណអាសយដ្ឋាន IP ដែលមានហានិភ័យខ្ពស់ និងមានចេតនា​​មិនល្អបានជាង ១៣,០០០ អាសយដ្ឋាន។ ប្រព័ន្ធសន្តិសុខគេហទំព័ររបស់ផ្លែតហ្វមនេះ បានកត់ត្រាការស្ទាក់ចាប់ការវាយប្រហារបានជាង​ ២,៨ ប៊ីលានដង តាមរយៈវិធាន​​ការពារដែលបានកំណត់​តាម​តម្រូវការ​បុគ្គលជាក់ស្ដែង និងបានរារាំងការប៉ុនប៉ងវាយប្រហារដើម្បីបិទប្រព័ន្ធដំណើរការ (DDoS attack) បានជាង ១,៥ ប៊ីលានដង ក្នុងអំឡុងឆ្នាំ ២០២៥ នោះ។ លើសពីនេះ មាន​ករណី​ការពារអ្នកប្រើប្រាស់ចំនួន ១៨,១៣៥ ករណី ដែលត្រូវបានដោះស្រាយក្នុងអំឡុងពេលនោះ ផ្លែតហ្វមនេះបានទាមទារ និងស្ដារថវិកាត្រឡប់មកវិញបានប្រមាណ ៣២,៣ លានដុល្លារអាមេរិក ជូនដល់អ្នកប្រើប្រាស់ដែលរងផលប៉ះពាល់ដោយសារឧប្បត្តិហេតុសន្តិសុខ និងសកម្មភាពឆបោក។

លោក Hon Ng ប្រធានមន្ត្រីច្បាប់ ​របស់ក្រុមហ៊ុន Bitget បានមានប្រសាសន៍ថា៖ “ឧស្សាហកម្មនេះកំពុងឈានចូលដល់យុគសម័យទ្រព្យសកម្មចម្រុះ ដែលអ្នកប្រើប្រាស់អាចចូលទៅកាន់ផលិតផល និងទីផ្សារកាន់តែទូលំទូលាយ តាមរយៈផ្លែតហ្វមតែមួយ។ នៅពេលដែលការចូលប្រើប្រាស់នេះកាន់តែរីកធំឡើង ការទទួលខុសត្រូវលើផ្នែកសន្តិសុខក៏ត្រូវតែកើនឡើងដូចគ្នា​ផងដែរ”។

ប្រធានបទសម្រាប់​ឆ្នាំនេះ គឺ “ទ្រព្យសកម្មកាន់តែច្រើន ខែលការពារកាន់តែរឹងមាំ៖ រក្សាសុវត្ថិភាពក្នុងយុគសម័យទ្រព្យសកម្មចម្រុះ” (More Assets, Stronger Shield: Stay Safe in the Multi-Asset Era) ដែលជា​ការ​ឆ្លុះបញ្ចាំងពីការផ្លាស់ប្តូររចនាសម្ព័ន្ធនៃរបៀបដំណើរការរបស់ផ្លែតហ្វមហិរញ្ញវត្ថុឌីជីថល។ នៅពេលដែលផ្លែតហ្វមនានាពង្រីកវិសាលភាពខ្លួនហួសពីទ្រព្យសកម្មឌីជីថល ដើម្បីផ្តល់លទ្ធភាព​​ចូលទៅកាន់ទីផ្សារភាគហ៊ុន ទំនិញយុទ្ធសាស្ត្រ ​និងឧបករណ៍ហិរញ្ញវត្ថុផ្សេងៗទៀត នោះប្រភេទនៃការឆបោក និងការគំរាមកំហែងផ្នែកសន្តិសុខ ក៏នឹងពង្រីកវិសាលភាពទៅតាមនោះដែរ។ អ្នកប្រើប្រាស់ដែលធ្លាប់តែស្គាល់ច្បាស់ពីហានិភ័យនៅក្នុងទីផ្សារមួយ អាចនឹងខ្វះការប្រុងប្រយ័ត្នចំពោះការគំរាមកំហែងជាក់លាក់ណាមួយ ដែលកើតឡើងនៅក្នុងទីផ្សារផ្សេងទៀត។

ក្រុមហ៊ុន Bitget បានឱ្យដឹងថា ការកែលម្អហេដ្ឋារចនាសម្ព័ន្ធសន្តិសុខរបស់ខ្លួន​ក្នុងឆ្នាំ២០២៥ រួមមាន ការពង្រឹងការផ្ទៀងផ្ទាត់ភាពត្រឹមត្រូវ (authentication) ដោយប្រើប្រាស់ពិធីសារ​សន្តិសុខស្ដង់ដារក្នុងឧស្សាហកម្ម ការពង្រីកការផ្ទៀងផ្ទាត់ភាពត្រឹមត្រូវពហុកត្តា (Multi-Factor Authentication – MFA) សម្រាប់សកម្មភាពគណនីដែលមានហានិភ័យខ្ពស់ និងការដាក់ឱ្យប្រើប្រាស់ការវិភាគអាកប្បកិរិយាផ្អែកលើបច្ចេកវិទ្យាបញ្ញាសិប្បនិម្មិត (machine learning-based behavioural analysis) ដើម្បីស្វែងរកសកម្មភាពគួរជាទីសង្ស័យ។ ផ្លែតហ្វមនេះក៏បានពង្រីកមជ្ឈមណ្ឌលប្រឆាំងការឆបោក​​ និងបានដំណើរការកម្មវិធី “Smarter Eyes Challenge” ដែលជាលំហាត់អនុវត្តការស្វែងរកការលួចទិន្នន័យ (phishing) និងការឆបោក ដែលមានអ្នកចូលរួមជិត ៥០,០០០ នាក់។

ការអប់រំអ្នកប្រើប្រាស់ គឺជាស្នូលចម្បងនៃកិច្ចខិតខំ​នេះ។ ក្រុមហ៊ុន Bitget បានរាយការណ៍ថា យុទ្ធនាការ “ខែប្រឆាំងការឆបោក​” របស់ខ្លួនក្នុងឆ្នាំ២០២៤ និង២០២៥ បានជ្រាបទៅដល់មនុស្សប្រហែល ១,៣៨ ប៊ីលាននាក់នៅទូទាំងសកលលោក តាមរយៈមាតិកាអប់រំ ធនធានសន្តិសុខ និងគំនិតផ្តួចផ្តើមសហគមន៍។ ក្រុមហ៊ុនក៏បានសហការជាមួយក្រុមហ៊ុនសន្តិសុខបច្ចេកវិទ្យាប្លុកឆេន​ជំនាញៗ លើការចែករំលែកព័ត៌មានគិញ​​ស្ដី​ពីការគំរាមកំហែង និងការស្រាវជ្រាវប្រឆាំងនឹងការ​បោកបន្លំ។

ទិដ្ឋភាពសន្តិសុខនៃផ្លែតហ្វមទ្រព្យសកម្មឌីជីថល ក៏កំពុងមានទំនាក់ទំនងកាន់តែខ្លាំងឡើងជាមួយនិយតករ ក៏ដូចជាអ្នកប្រើប្រាស់ផងដែរ។ ប្រកាសរបស់ធនាគារជាតិនៃកម្ពុជា លេខ ប៧-០២៤-៧៣៥ ប្រក ស្តីពីប្រតិបត្តិការទាក់ទងនឹងទ្រព្យសកម្មគ្រីបតូ (cryptoasset activities) ដែលបានចូលជាធរមានក្នុងខែធ្នូ ឆ្នាំ២០២៤ បានរួមបញ្ចូលនូវតម្រូវការសន្តិសុខបច្ចេកវិទ្យា (cybersecurity) និងការគ្រប់គ្រងហានិភ័យ ជាកាតព្វកិច្ចចម្បងសម្រាប់អ្នកផ្តល់សេវាទ្រព្យសកម្មគ្រីបតូដែលមានអាជ្ញាបណ្ណ ដែលនេះសបញ្ជាក់ឱ្យឃើញពីការយល់ដឹងថា ការការពារអ្នកប្រើប្រាស់នៅក្នុងវិស័យនេះ ទាមទារឱ្យមានទាំងក្របខណ្ឌច្បាប់ និងក្របខណ្ឌបច្ចេកទេសដើរទន្ទឹមគ្នា។

ដោយឡែក​ នៅ​ខែមិថុនា ឆ្នាំ២០២៦ នេះ ក្រុមហ៊ុន Bitget បានប្រកាស​ផ្តល់ទិន្នន័យទីផ្សារកម្រិតទី២ (Level 2 market data) សម្រាប់ភាគហ៊ុនសហរដ្ឋអាមេរិក ដោយឥតគិតថ្លៃដល់អ្នកប្រើប្រាស់ដែលមានលក្ខណៈសម្បត្តិគ្រប់គ្រាន់។ ទិន្នន័យកម្រិតទី២ នេះ ផ្តល់នូវតម្លាភាព និងមើលឃើញកាន់តែស៊ីជម្រៅទៅលើរាល់ការបញ្ជាទិញ និងលក់នៅក្នុងទីផ្សារ ដែលព័ត៌មានទាំងនេះកាលពីមុន គឺមានផ្តល់ជូនតែចំពោះស្ថាប័ន​អ្នកជួញដូរ​ (institutional traders) និងផ្នែកជួញដូរជំនាញប៉ុណ្ណោះ ដោយសារតម្លៃអាជ្ញាបណ្ណទិន្នន័យទីផ្សារមានតម្លៃខ្ពស់។

លោកស្រី Gracy Chen នាយិកាប្រតិបត្តិ (CEO) របស់​ក្រុមហ៊ុន Bitget បានមានប្រសាសន៍ថា៖ “នៅក្នុងទីផ្សារបែបប្រពៃណី ទិន្នន័យ និងការយល់ដឹងស៊ីជម្រៅត្រូវតែទិញក្នុងតម្លៃខ្ពស់។ យើងកំពុងលុបបំបាត់របាំងនោះ ដោយការផ្តល់ជូននូវទិន្នន័យទីផ្សារភាគហ៊ុនកម្រិតអាជីពដល់អ្នកប្រើប្រាស់របស់យើង ដែលឥឡូវនេះពួកគេអាចប្រើប្រាស់ឧបករណ៍​ដែលកាលពីមុនត្រូវបានកម្រិតឱ្យប្រើនៅ​ក្នុង​ផ្នែកតូចមួយនៃទីផ្សារប៉ុណ្ណោះ”​។

ការបំពាក់ហេដ្ឋារចនាសម្ព័ន្ធសន្តិសុខដ៏ទូលំទូលាយ និងការធ្វើឱ្យទិន្នន័យទីផ្សារមានលក្ខណៈជាសកលសម្រាប់សហគមន៍​ គឺ​កំពុង​ចង្អុល​​ទៅកាន់ទិសដៅតែមួយ ពោលគឺ នៅពេលដែលផ្លែតហ្វមហិរញ្ញវត្ថុឌីជីថលកាន់តែមានភាពចាស់ទុំ គម្លាតរវាងអ្វីដែលធ្លាប់​មានសម្រាប់តែភាគីជំនាញ ឬស្ថាប័ន និងអ្វីដែលអ្នក​វិនិយោគ​ធម្មតាអាចចូលប្រើប្រាស់បាន គឺកាន់តែរួមតូចទៅៗ។ ការគ្រប់គ្រងការផ្លាស់ប្តូរនេះប្រកបដោយការទទួលខុសត្រូវ ទាំងក្នុងទិដ្ឋភាពនៃការការពារអ្នកប្រើប្រាស់ និងការអនុលោមតាមបទប្បញ្ញត្តិច្បាប់ គឺជាបញ្ហា​ប្រឈមដ៏ចម្បងសម្រាប់វិស័យនេះដែល​ត្រូវដោះស្រាយ​ក្នុងឆ្នាំខាងមុខៗ។

ចំណាំ៖ ការជួញដូរទ្រព្យសកម្មឌីជីថល គឺស្ថិតនៅក្រោមបទប្បញ្ញត្តិនៅក្នុងប្រទេសកម្ពុជា ស្របតាមការណែនាំដែលចេញដោយធនាគារជាតិនៃកម្ពុជា។ អ្នកអានត្រូវបានណែនាំឱ្យពិគ្រោះជាមួយបទប្បញ្ញត្តិក្នុងស្រុកជាធរមាន និងស្វែងរកការប្រឹក្សាហិរញ្ញវត្ថុឯករាជ្យ មុនពេលចូលរួមជាមួយផ្លែតហ្វមទ្រព្យសកម្មឌីជីថលណាមួយ។

The post ហានិភ័យកាន់តែ​​កើនឡើង​​ពេលដែល​​ទីផ្សារទ្រព្យសកម្មឌីជីថលកាន់តែ​រីកចម្រើន ជាហេតុ​​ទាមទារ​ឱ្យ​មាន​ការទទួលខុសត្រូវ​កាន់តែ​ច្រើនដើម្បី​​ដោះស្រាយបញ្ហាទាំងនោះ appeared first on Kampuchea Thmey Daily.

ឧត្តមភាព​សេវារូបវន្តបុគ្គល

ការទទួលស្គាល់ ABA ជា ធនាគារបម្រើសេវារូបវន្តបុគ្គលឆ្នើមប្រចាំឆ្នាំ រយៈពេលប្រាំមួយឆ្នាំជាប់ៗគ្នា បញ្ជាក់ជាថ្មីនូវភាពនាំមុខយូរអង្វែងក្នុងវិស័យធនាគារលើផ្នែករូបវន្តបុគ្គល និងសមត្ថភាពជាបន្ដបន្ទាប់ ក្នុងការផ្តល់នូវបទពិសោធសេវាធនាគារដ៏ទំនើប ដែលផ្តោតលើអតិថិជនជាចម្បង។

ភាពជោគជ័យនេះ កើតចេញពីអេកូស៊ីស្ទែមរូបវន្តបុគ្គលដ៏រឹងមាំ រួមមានជាអាទី៍ បណ្តាញសាខាទូទាំង ប្រទេស ហេដ្ឋារចនាសម្ពន្ធស្វ័យសេវា ភាពជាដៃគូយុទ្ធសាស្រ្ត និងផ្លែតហ្វមធនាគារឌីជីថលដ៏ទំនើប។ តួឯកដ៏សំខាន់នៃអេកូស៊ីស្ទែមនេះ គឺ ABA Mobile ជាកម្មវិធីធនាគារលើទូរស័ព្ទដៃឈានមុខរបស់កម្ពុជា ដែលបន្តពង្រឹងសមត្ថភាពជាមួយនវានុវត្តន៍ដូចជា មុខងារណាវី ដែលជាជំនួយការនិម្មិត ដំណើរការដោយបច្ចេកវិទ្យាបញ្ញានិម្មិត (AI), មុខងារវិភាគ ដែលជាជំនួយការគ្រប់គ្រងហិរញ្ញវត្ថុផ្ទាល់ខ្លួន និងមុខងារផ្តោតលើអតិថិជនផ្សេងទៀត  សម្រាប់តម្រូវការប្រើប្រាស់ដ៏សម្បូរបែប។

ភាពនាំមុខលើផ្នែកសាជីវកម្ម

ABA ទទួលបានពាន ធនាគារបម្រើសេវាសាជីវកម្ម និងវិនិយោគឆ្នើមប្រចាំឆ្នាំ ជាលើកដំបូង ពី Asian Banking and Finance ​ដើម្បីជាការទទួលស្គាល់ចំពោះការពង្រីកសេវាធនាគារសាជីវកម្មដ៏រឹងមាំ និងសមត្ថភាពរបស់ខ្លួនក្នុងការផ្តល់ដំណោះស្រាយហិរញ្ញវត្ថុ ដល់អាជីវកម្មតូចធំគ្រប់ប្រភេទ។

បច្ចុប្បន្ន ABA មានផ្តល់សេវាកម្មដូចជា កម្ចីសាជីវកម្ម ហិរញ្ញប្បទានពាណិជ្ជកម្ម ការគ្រប់គ្រងសាច់ប្រាក់ សេវាកម្ម Escrow និងសេវាធនាគារឌីជីថលតាមរយៈផ្លែតហ្វម ABA Business ដោយជួយដល់ក្រុមហ៊ុនបង្កើនប្រសិទ្ធភាព គ្រប់គ្រងហានិភ័យ និងគាំទ្រដល់ការរីកចម្រើនយូរអង្វែង។

លើសពីការផ្ដល់សេវាធនាគារស្ដង់ដារ ABA បន្តគាំទ្រដល់ការអភិវឌ្ឍយូរអង្វែងរបស់កម្ពុជា តាមរយៈ ការវិនិយោគ និងហិរញ្ញប្បទានយុទ្ធសាស្រ្ត។ ក្នុងឆ្នាំនោះផងដែរ ធនាគារបានក្លាយជាអ្នកវិនិយោគធំជាងគេ នៃសញ្ញាបណ្ណបៃតង និងសញ្ញាបណ្ណកសិកម្មដំបូងគេបង្អស់របស់កម្ពុជា ព្រមទាំងគាំទ្រហេដ្ឋារចនាសម្ពន្ធធំៗ និងគម្រោងថាមពលកកើតឡើងវិញ (renewable energy) តាមរយៈហិរញ្ញប្បទានគម្រោង។

គំនិតផ្តួចផ្តើមទាំងនេះ គូសបញ្ជាក់ពីការប្តេជ្ញាចិត្តរបស់ ABA ចំពោះហិរញ្ញវត្ថុប្រកបដោយចីរភាព និងតួនាទីរបស់ខ្លួនក្នុងការគាំទ្រកំណើនសេដ្ឋកិច្ច និងការអភិឌ្ឍប្រទេសជាតិយូរអង្វែង។

លោក Askhat Azhikhanov នាយកប្រតិបត្តិនៃធនាគារ ABA មានប្រសាសន៍ថា “ពានរង្វាន់ទាំងពីរនេះ ទទួលស្គាល់នូវសមត្ថភាពរបស់យើងខ្ញុំ ក្នុងការផ្តល់នូវបទពិសោធធនាគារល្អឯកសម្រាប់អតិថិជនជារូបវន្តបុគ្គលរាប់លាននាក់ ខណៈផ្តល់ដំណោះស្រាយហិរញ្ញវត្ថុដ៏សម្បូរបែបជូនអាជីវកម្មតូចធំប្រភេទដែលគាំទ្រដល់ការវិនិយោគ ការរីកចម្រើន និងវឌ្ឍនភាពសេដ្ឋកិច្ចយូរអង្វែង របស់កម្ពុជា”។

“យើងខ្ញុំសូមថ្លែងអំណរគុណយ៉ាងជ្រាលជ្រៅដល់អតិថិជនគ្រប់រូបសម្រាប់ទំនុកចិត្ត និងសូមអរគុណដល់បុគ្គលិកគ្រប់ជាន់ថ្នាក់សម្រាប់ការបំពេញការងារបានយ៉ាងល្អប្រសើរ។ ការទទួលស្គាល់ទាំងនេះ គឺជាកម្លាំងបន្ថែម ដែលជំរុញយើងខ្ញុំបន្តវិនិយោគទៅលើធនធានមនុស្ស បច្ចេកវិទ្យា និងអេកូស៊ីស្ទែម ដើម្បីឲ្យយើងខ្ញុំផ្តល់គុណតម្លៃកាន់តែប្រសើរ ព្រមទាំងរួមចំណែកដល់វឌ្ឍនភាពសេដ្ឋកិច្ចប្រកបដោយចីរភាពរបស់កម្ពុជា”។

ឆ្ពោះទៅមុខ

ដោយផ្អែកលើភាពនាំមុខលើសេវារូបវន្តបុគ្គល និងការបន្ដពង្រីកសមត្ថភាពសេវាធនាគារសាជីវកម្ម ABA បន្តប្តេជ្ញាផ្តល់ដំណោះស្រាយហិរញ្ញវត្ថុប្រកបដោយនវានុវត្ត ដើម្បីបន្ត​ផ្តល់​នូវ​សេវាកម្ម​តាម​តម្រូវការ​អតិថិជន​គ្រប់ៗ​រូប។

តាមរយៈការបន្តវិនិយោគលើបច្ចេកវិទ្យា និងពង្រឹងសមត្ថភាពបម្រើសេវាធនាគារទាំងក្នុងផ្នែករូបវន្តបុគ្គល និងសាជីវកម្ម ABA នឹងបន្តក្លាយជាដៃគូហិរញ្ញវត្ថុជាទីទុកចិត្តរបស់លោកអ្នក ដែលពង្រឹងសមត្ថភាពអតិថិជន គាំទ្រអាជីវកម្ម និងរួមចំណែកដល់វិបុលភាពយូរអង្វែងរបស់កម្ពុជា។

The post ធនាគារABA ឈ្នះពានរង្វាន់ពីរពីកម្មវិធីAsian Banking and Finance Awards 2026 appeared first on Kampuchea Thmey Daily.

កិច្ចសហប្រតិបត្តិការនេះ នឹងធ្វើការរួមបញ្ចូលផ្លែតហ្វមសេវាធនាគារឌីជីថលឈានមុខក្នុង​ទីផ្សាររបស់ ABA ជាមួយនឹងជំនាញការបស់ អេទីកា ក្នុងការផ្តល់នូវសេវាធានារ៉ាប់រងទូទៅ ប្រកបដោយ​ភាពងាយស្រួល និងជាទីទុកចិត្ត។

ភាពជាដៃគូនេះត្រូវបានប្រកាសជាផ្លូវការ តាមរយៈពិធីចុះហត្ថលេខាក្រោមអធិបតីភាពលោកស្រី តាន់ លីនណា អគ្គនាយិការងនៃនិយតករធានារ៉ាប់រងកម្ពុជា និងមានការចូលរួមពីតំណាងជាន់ខ្ពស់មកពីធនាគារ ABA និងក្រុមហ៊ុន Etiqa។

ចាប់ផ្តើមជាមួយធានារ៉ាប់រងអគ្គិភ័យ ហើយបន្ដទៅដល់ធានារ៉ាប់រងលើយានយន្ដ និងធានារ៉ាប់រងលើការធ្វើដំណើរ

ភាពជាដៃគូនេះ ចាប់ផ្តើមដោយការដាក់ដំណើរការសេវាធានារ៉ាប់រងអគ្គិភ័យ ស្របទៅតាមការអភិវឌ្ឍទីក្រុងយ៉ាងឆាប់រហ័សរបស់កម្ពុជា និងការកើនឡើងនៃតម្រូវការសម្រាប់ការការពារទ្រព្យសម្បត្តិពេញលេញ។ ផលិតផលនេះ សម្រាប់ទាំងអតិថិជនកម្ចី និងអតិថិជនមិនមានកម្ចី តាមរយៈបណ្តាញលក់ដ៏ទូលំទូលាយរបស់ ABA ទូទាំងប្រទេស។

នៅក្នុងដំណាក់កាលបន្ទាប់ ធានារ៉ាប់រងលើយានយន្ដ និងធានារ៉ាប់រងលើការធ្វើដំណើរ នឹងដាក់បញ្ចូលទៅក្នុងកម្មវិធី ABA Mobile ស្របទៅតាមការរស់នៅដ៏សកម្មរស់រវើករបស់ប្រជាពលរដ្ឋខ្មែរ ដែលត្រូវការការការពារលើយានជំនិះ និងការធ្វើដំណើរផ្ទាល់ខ្លួន។

ទិញតាមឌីជីថល បានធានារ៉ាប់រងភ្លាមៗ ស្នើសំណង – គឺគ្រប់យ៉ាង ចុចតែតាម ABA Mobile

ចំណុចពិសេសនៃភាពជាដៃគូនេះ គឺបទពិសោធសេវាធានារ៉ាប់រងឌីជីថលទាំងស្រុងប្រកប ដោយភាពងាយស្រួល។ តាមរយៈការចេញបណ្ណសន្យារ៉ាប់រងភ្លាមៗ ផលិតផលថ្មីនេះ នឹងធានាបានថា អតិថិជនទទួលបានការការពារភ្លាមៗ ក្រោយពីធ្វើការទិញដោយជោគជ័យលើ ABA Mobile ។ តាមកម្មវិធី ABA Mobile អតិថិជនអាច

• ទិញធានារ៉ាប់រង
• ទទួលបានបណ្ណសន្យារ៉ាប់រងភ្លាមៗ
• ដាក់ស្នើសំណង
• ទទួលបានការប្រឹក្សាពីផ្នែកគាំទ្រអតិថិជន

សន្ធានកម្មនេះ ប្រើប្រាស់ប្រជាប្រិយភាពយ៉ាងទូលំទូលាយ និងកេរ្ដិ៍ឈ្មោះរឹងមាំជាទីទុកចិត្តរបស់ ABA Mobile ក្នុងនាមជាផ្លែតហ្វមធនាគារ និងសេវាទូទាត់ឌីជីថលឈានមុខរបស់កម្ពុជា ដោយផ្តល់ជូនអតិថិជននូវភាពងាយស្រួលក្នុងការគ្រប់គ្រង ទាំងសេវាធនាគារ និងសេវាធានារ៉ាប់រង នៅកន្លែងតែមួយ។

លោក Zhiger Atchabarov នាយកប្រតិបត្តិរង និងជានាយកប្រតិបត្តិការនៃធនាគារ ABA មានប្រសាសន៍ថា “ជាមួយភាពជាដៃគូនេះ ធនាគារ ABA កំពុងបោះជំហានដ៏សំខាន់ឆ្ពោះទៅកាន់វឌ្ឍនភាពថ្មីក្នុងការប្រែក្លាយជាអេកូស៊ីស្ទែមហិរញ្ញវត្ថុមានសន្ធានកម្មពេញលេញ។ សេវាធានារ៉ាប់រងទូទៅគឺជាធាតុផ្សំដ៏សំខាន់ដែលបំពេញបន្ថែមដល់សេវាធនាគារប្រចាំថ្ងៃ”។

តាមរយៈកិច្ចសហការរួមគ្នាជាមួយក្រុមហ៊ុន អេទីកា យើងនឹងធ្វើឲ្យសេវាធានារ៉ាប់រងកាន់តែទូលំទូលាយ ដែលអតិថិជនងាយស្រួលទទួលបាន ហើយមានប្រយោជន៍ជាក់ស្ដែងសម្រាប់ពួកគាត់ – ដោយដាក់បញ្ចូលសេវាធានារ៉ាប់រងនេះដោយផ្ទាល់ទៅក្នុង ABA Mobile ជាអេបដែលអតិថិជនកំពុងប្រើប្រាស់សម្រាប់គ្រប់គ្រងហិរញ្ញវត្ថុប្រចាំថ្ងៃរបស់ពួកគាត់ស្រាប់។ វត្តមានសេវាធានារ៉ាប់រង ក្នុង ABA Mobile មិនត្រឹមតែអាចឲ្យយើងខ្ញុំផ្ដល់សេវាធនាគារប៉ុណ្ណោះទេ ប៉ុន្ដែជាការផ្ដល់នូវការការពារហិរញ្ញវត្ថុយ៉ាងពេញលេញ នៅកន្លែងតែមួយ ជាមួយបទពិសោធដ៏រលូនស្រួល”។

អ្នកស្រី Rozan Asmath អគ្គនាយិកាប្រតិបត្តិនៃក្រុមហ៊ុនធានារ៉ាប់រង អេទីកា មានប្រសាសន៍ “ក្រុមហ៊ុនធានារ៉ាប់រង អេទីកា មានសេចក្ដីរីករាយយ៉ាងក្រៃលែង ដែលបានបង្កើតភាពជាដៃគូយុទ្ធសាស្ដ្រជាមួយធនាគារ ABA ដើម្បីសម្រួលដល់ការទទួលបានធានារ៉ាប់រងទូទៅតាមបណ្ដាសាខា ABA និងនៅក្នុងកម្មវិធីធនាគារលើទូរស័ព្ទដៃ ABA Mobile។ ការដាក់បញ្ចូលផលិតផល និងសេវាធានារ៉ាប់រងទូទៅរបស់ អេទីកា ទៅក្នុង ABA Mobile ឆ្លុះបញ្ចាំងពីការប្ដេជ្ញាចិត្តរួមរបស់ស្ថាប័នទាំងពីរ សំដៅផ្ដល់នូវដំណោះស្រាយគាំពារនានាយ៉ាងរលូនស្រួល និងសាមញ្ញ ដែលអាចឲ្យប្រជាពលរដ្ឋកម្ពុជាប្រើប្រាស់ប្រកបដោយទំនុក”។

ក្នុងនាមជាផ្នែកមួយនៃក្រុមហ៊ុន អេទីកា ដែលជាស្ថាប័នផ្តល់សេវាធានារ៉ាប់រងនៅតំបន់អាស៊ាន ក្រោមសម្ពន្ធមេយប៊ែង ក្រុមហ៊ុនធានារ៉ាប់រងទូទៅ អេទីកា ផ្តល់ជូននូវដំណោះស្រាយការពារដ៏ទូលំទូលាយសម្រាប់បុគ្គល និងអាជីវកម្មនៅទូទាំងប្រទេសកម្ពុជា។ ភាពជាដៃគូជាមួយធនាគារ ABA នេះ គឺជាគំនិតផ្តួចផ្តើមមួយក្នុងចំណោមគំនិតផ្តួចផ្តើមជាច្រើន ដែលមានគោលបំណងពង្រីកវត្តមានរបស់យើង និងជំរុញផលិតផលនវានុវត្ត ដើម្បីគាំទ្រដល់ទិដ្ឋភាពសេវាធានារ៉ាប់រងរបស់ប្រទេសកម្ពុជាដែលបន្ដរីកចម្រើនទៅមុខជាលំដាប់។

ការបង្កើនវិសាលភាព និងលទ្ធភាពទទួលបានសេវាធានារ៉ាប់រងរបស់កម្ពុជា

ធនាគារ ABA និងក្រុមហ៊ុនធានារ៉ាប់រង អេទីកា បង្ហាញនូវការប្តេជ្ញាចិត្តរួម ចំពោះការពង្រឹងភាពធន់នៃហិរញ្ញវត្ថុ និងការពង្រីកលទ្ធភាពទទួលបានសេវាធានារ៉ាប់រងជាទីទុកចិត្ត និងមានគុណភាពខ្ពស់។ កិច្ចសហការរបស់ក្រុមហ៊ុនទាំងពីរ បានកំណត់នូវស្ដង់ដារថ្មីមួយសម្រាប់ភាពងាយស្រួល លទ្ធភាពចូលប្រើសេវាឌីជីថល និងបទពិសោធរបស់អតិថិជននៅក្នុងទិដ្ឋភាពវិស័យធានារ៉ាប់រងទូទៅរបស់កម្ពុជា។

អំពី ABA
ABA គឺជាធនាគារពាណិជ្ជធំបំផុតរបស់កម្ពុជា គិតលើទ្រព្យសកម្មសរុប ប្រាក់បញ្ញើ ប្រាក់កម្ចី និងប្រាក់ចំណេញ យោងតាមរបាយការណ៍ត្រួតពិនិត្យរបស់ធនាគារជាតិនៃកម្ពុជាឆ្នាំ 2021-2025។
ធនាគារ ABA មាន 106 សាខា, ទីតាំងស្វ័យសេវា ABA 24/7 ចំនួន 45 កន្លែង, ម៉ាស៊ីនស្វ័យសេវាជាង 1,900 នៅទូទាំងប្រទេស, សេវាធនាគារអនឡាញ និងកម្មវិធីធនាគារតាមទូរស័ព្ទដ៏ទំនើប អនុញ្ញាតឲ្យអតិថិជនជាង 6 លាននាក់ ប្រើប្រាស់សេវាហិរញ្ញវត្ថុដ៏ទំនើបសម្បូរបែបនេះ។ អតិថិជនរបស់ធនាគារ រួមមានសាជីវកម្ម សហគ្រាសធុនតូច និងមធ្យម អាជីវកម្មមីក្រូ និងរូបវន្ដបុគ្គល។

អំពីក្រុមហ៊ុនធានារ៉ាប់រងទូទៅ អេទីកា (កម្ពុជា)

ក្រុមហ៊ុន ធានារ៉ាប់រងទូទៅ អេទីកា (កម្ពុជា) គឺជាក្រុមហ៊ុនផ្តល់សេវាធានារ៉ាប់រង ដែលផ្តល់នូវដំណោះស្រាយក្នុងការការពារយ៉ាងទូលំទូលាយ ជាលក្ខណៈបុគ្គល និងអាជីវកម្មទូទាំងប្រទេសកម្ពុជា។ ជាផ្នែកមួយនៃបណ្តាញក្រុមហ៊ុន Etiqa ក្រោមសម្ព័ន្ធ Maybank Group ប្រទេសម៉ាឡេស៊ី ក្រុមហ៊ុនផ្តោតលើការផ្តល់សេវាដែលយកអតិថិជនជាស្នូល ដោយផ្តល់នូវសេវាធានារ៉ាប់រងដែលមានភាពរហ័ស ងាយស្រួល និងគួរឱ្យទុកចិត្ត ព្រមទាំងគាំទ្រដោយបទពិសោធន៍អតិថិជនដ៏ល្អប្រសើរ។

ផលិតផលរបស់ក្រុមហ៊ុនរួមមាន ធានារ៉ាប់រងគ្រោះថ្នាក់បុគ្គល ធានារ៉ាប់រងយានយន្ត ធានារ៉ាប់រងការធ្វើដំណើរ ធានារ៉ាប់រងគេហដ្ឋាន ធានារ៉ាប់រងទ្រព្យសម្បត្តិ ធានារ៉ាប់រងអគ្គិភ័យ និងធានារ៉ាប់រងផ្សេងៗជាច្រើនទៀត ដែលត្រូវបានរៀបចំឡើងដើម្បីឆ្លើយតបទៅនឹងតម្រូវការចម្រុះ និងភាពបត់បែនរបស់អតិថិជន។

ដោយមានទីស្នាក់ការកណ្តាលនៅរាជធានីភ្នំពេញ ក្រុមហ៊ុន ធានារ៉ាប់រងទូទៅ អេទីកា (កម្ពុជា) បន្តពង្រីកវត្តមាន និងអភិវឌ្ឍន៍នវានុវត្តន៍ផលិតផល ដើម្បីគាំទ្រដល់ការរីកចម្រើននៃវិស័យធានារ៉ាប់រងនៅកម្ពុជា៕

The post ធនាគារ ABA សហការជាមួយក្រុមហ៊ុនធានារ៉ាប់រងអេទីកាពង្រីកវិសាលភាពសេវាធានារ៉ាប់រងទូទៅតាមឌីជីថល ដើម្បីប្រជាពលរដ្ឋទូទាំងប្រទេសងាយស្រួលទទួល appeared first on Kampuchea Thmey Daily.

ប្រទេសកម្ពុជា ថ្ងៃទី០១ ខែកក្កដា ឆ្នាំ២០២៦ – ក្រុមហ៊ុន KPLASS ដែលជាក្រុមហ៊ុនផលិត និងជាម៉ាកផលិត ផលកៅអៀកបំបាត់ការឈឺចាប់បច្ចេកវិទ្យាហ្វាអ៊ិនហ្វ្រារ៉េដ (Far-Infrared) មកពីប្រទេសសិង្ហបុរីបានបង្ហាញ រូបរាងថ្មីនៃសំបកវេចខ្ចប់សម្រាប់ផលិតផលឈានមុខគេចំនួន ៣ ប្រភេទនៅក្នុងប្រទេសកម្ពុជាដែលរួមមាន៖ កៅអៀកបំបាត់ក្អក (Far Infrared Cough Relief Patch) ដែលទើបតែឈ្នះពានរង្វាន់ថ្មីៗ រួមជាមួយកៅអៀកបំបាត់ការឈឺចាប់ (Pain Relief Patch) និងកៅអៀកបំបាត់ការឈឺសន្លាក់ (Joint Pain Relief Patch)។ ផលិតផលនេះត្រូវបានរចនាឡើងដើម្បីជួយសម្រួលដល់រាងកាយតាមបែបធម្មជាតិ។ លោកអ្នកនឹងអាចរកទិញផលិតផលដែលមានសំបកវេចខ្ចប់ថ្មីនេះបាន នៅតាមឱសថស្ថាន និងផ្សារទំនើបឈានមុខគេទូទាំងប្រទេសក្នុងពេលឆាប់ៗនេះ។ សំបកវេចខ្ចប់ថ្មីនេះត្រូវបានរចនាឡើងយ៉ាងទាក់ទាញ និងងាយស្រួលចំណាំ ជាមួយការណែនាំអំពីការប្រើប្រាស់កាន់តែច្បាស់ ដើម្បីឆ្លើយតបទៅនឹងតម្រូវការសុខភាពប្រចាំថ្ងៃរបស់អ្នកប្រើប្រាស់ក្នុងប្រទេសកម្ពុជា។

កៅអៀកបំបាត់ក្អក KPLASS ប្រើបច្ចេកវិទ្យា Far Infrared រួមបញ្ចូលជាមួយការព្យាបាលផ្ដោតចំចំណុចសរសៃសំខាន់ៗ។ ផលិតផលនេះខុសពីកៅអៀកកម្ដៅធម្មតាដែលផ្ដល់កម្ដៅត្រឹមតែផ្ទៃខាងលើនៃស្បែក កាំរស្មីរបស់ Far Infrared អាចជ្រាបចូលទៅស្រទាប់ខាងក្នុងបានជ្រៅជាងមុនដែលជួយសម្រួលដល់ចរន្តឈាម និងមុខងាររាងកាយផ្សេងៗទៀត។ នៅពេលបិទកៅអៀកនេះលើចំណុចសរសៃសំខាន់ៗដូចជា TianTu និង DanZhong កៅអៀកនេះនឹងបញ្ចេញកម្ដៅឧណ្ហៗតាមរយៈចំណុចទាំងនោះដើម្បីជួយឱ្យលំហូរចរន្តឈាមកាន់តែប្រសើរ កាត់បន្ថយការរលាក និងជួយសម្រាលអាការក្អកតាមបែបធម្មជាតិ។

ថ្មីៗនេះ ម៉ាក KPLASS ត្រូវបានទទួលស្គាល់នៅក្នុងព្រឹត្តិការណ៍ពិព័រណ៍ពិភពលោក Osaka ឆ្នាំ២០២៥ (Osaka World Expo 2025) ជាមួយនឹងពានរង្វាន់អន្តរជាតិជាច្រើនរួមមាន៖ «ផលិតផលកិត្តិយសពិសេស (Special Honour Product) ពានរង្វាន់ផលិតផលច្នៃប្រឌិត (Innovative Product Award) ពានរង្វាន់ក្រុមហ៊ុនផលិតឆ្នើម (Distinguished Manufacturer Award) និង ពានរង្វាន់ការចូលរួមចំណែកឆ្នើម (Outstanding Contribution Award)។ ពានរង្វាន់ទាំងនេះ គឺជាសក្ខីភាពដែលបង្ហាញពីការយកចិត្តទុកដាក់ខ្ពស់របស់ KPLASS ក្នុងការលើកកម្ពស់សុខុមាលភាព តាមរយៈដំណោះស្រាយថែទាំសុខភាពបែបធម្មជាតិ ប្រកបដោយសុវត្ថិភាព និងនវានុវត្តន៍។

លោក Michael Hu ស្ថាបនិក និងជានាយកប្រតិបត្តិនៃក្រុមហ៊ុន KPLASS Singapore បានមានប្រសាសន៍ថា៖ «ការទទួលស្គាល់ពីព្រឹត្តិការណ៍ពិព័រណ៍ពិភពលោក Osaka គឺជាសក្ខីភាពសបញ្ជាក់ពីការខិតខំប្រឹងប្រែងឥតឈប់ឈររបស់យើង ក្នុងការនាំមកនូវនវានុវត្តន៍ថ្មីៗសម្រាប់សុខភាព និងសុខុមាលភាព។ តាមរយៈការរួមបញ្ចូលបច្ចេកវិទ្យា Far Infrared ជាមួយការព្យាបាលតាមបែបចំណុចសរសៃ យើងមានគោលបំណងផ្ដល់ជូននូវផលិតផលដែលមានសុវត្ថិភាព និងប្រសិទ្ធភាពខ្ពស់សម្រាប់អ្នកប្រើប្រាស់គ្រប់រូប។ លើសពីនេះ យើងនៅតែបន្តបេសកកម្មក្នុងការពង្រីកទីផ្សារផលិតផលទាំងនេះ ឱ្យកាន់តែរីកសុះសាយនៅទូទាំងតំបន់អាស៊ីប៉ាស៊ីហ្វិក»។

បន្ថែមលើផលិតផលសម្រាប់មនុស្សពេញវ័យ KPLASS ក៏កំពុងត្រៀមខ្លួននាំចូលកៅអៀកបំបាត់ការក្អកសម្រាប់កុមារ (Far Infrared Child Cough Relief Patch) មកកាន់ទីផ្សារកម្ពុជាផងដែរ។ ផលិតផលនេះបង្កើតឡើងយ៉ាងសម្រិតសម្រាំងសម្រាប់កុមារអាយុចាប់ពី ៣ ខែ ដល់ ៦ ឆ្នាំ ដោយមានប្រសិទ្ធភាពខ្ពស់ក្នុងការសម្រួលអាការក្អកតាមរយៈបច្ចេកវិទ្យា Far Infrared និងការព្យាបាលតាមចំណុចសរសៃដែលជាវិធីសាស្ត្រដ៏ទុកចិត្តបំផុតសម្រាប់ក្រុមគ្រួសារនៅទូទាំងតំបន់។

ស្របពេលដែលអ្នកប្រើប្រាស់កាន់តែចាប់អារម្មណ៍លើផលិតផលសុខភាពបែបធម្មជាតិ និងបច្ចេកវិទ្យាទំនើប វត្តមានរបស់ KPLASS ក៏កំពុងរីកចម្រើនយ៉ាងរហ័សនៅក្នុងតំបន់ ជាពិសេសនៅក្នុងទីផ្សារប្រទេសកម្ពុជាតែម្ដង។ នៅប្រទេសសិង្ហបុរី ម៉ាក KPLASS ត្រូវបានហាង Watsons ផ្ដល់ចំណាត់ថ្នាក់ជា «កៅអៀកបំបាត់ការក្អកដែលលក់ដាច់បំផុត» ប្រចាំឆ្នាំ ២០២២ ឆ្នាំ ២០២៤ ឆ្នាំ ២០២៥ និង ឆ្នាំ២០២៦។ ជាមួយគ្នានេះដែរ កៅអៀកបំបាត់ក្អកសម្រាប់កុមារក៏កំពុងទទួលបានការគាំទ្រកាន់តែច្រើនពីសំណាក់អ្នកប្រើប្រាស់ផងដែរ។

កៅអៀកបំបាត់ការឈឺចាប់ KPLASS នឹងមានលក់នៅតាមបណ្តាឱសថស្ថាន និងបណ្តាផ្សារទំនើបឈានមុខគេទូទាំងប្រទេសកម្ពុជាដែលចែកចាយដោយក្រុមហ៊ុន Cyspharma Co., Ltd. ដែលជាដៃគូចែកចាយផ្តាច់មុខថ្មីប្រ​ចាំប្រទេសកម្ពុជា។ សម្រាប់ព័ត៌មានបន្ថែម និងព័ត៌មានថ្មីៗបំផុត សូមចូលទៅកាន់គេហទំព័រ www.kplass.sg។​

អំពីក្រុមហ៊ុន KPLASS

KPLASS គឺជាម៉ាកយីហោរបស់ប្រទេសសិង្ហបុរីដែលប្រើប្រាស់បច្ចេកវិទ្យាឈានមុខគេ និងនវានុវត្តន៍ផ្នែកថែទាំសុខភាពដើម្បីជួយសម្រាលរាល់ការឈឺចាប់ និងភាពមិនផ្សេងៗនៃរាងកាយប្រចាំថ្ងៃ។ តាមរយៈការប្រើប្រាស់បច្ចេកវិទ្យា Far-Infrared ដែលមានលក្ខណៈធម្មជាតិ សុវត្ថិភាព និងមានប្រសិទ្ធភាពខ្ពស់ ផលិតផលរបស់ KPLASS ជួយសម្រាលអាការក្អក និងការឈឺចាប់លើផ្នែកផ្សេងៗនៃរាងកាយបានយ៉ាងល្អប្រសើរ។ ដោយផ្អែកលើបទពិសោធន៍ស្រាវជ្រាវ និងការផលិតអស់រយៈពេល ២៥ ឆ្នាំពីក្រុមហ៊ុនមេ KPLASS បានបង្កើតភាពលេចធ្លោនៅលើទីផ្សារ តាមរយៈការបញ្ចូលគ្នានូវបច្ចេកវិទ្យា Infrared ជាមួយការព្យាបាលតាមចំណុចសរសៃបែបបុរាណ (Traditional Chinese Medicine Acupoints)។ នេះជាជម្រើសថែទាំសុខភាពបែបទំនើបដែលមិនប្រើថ្នាំ និងផ្ដល់ភាពងាយស្រួលដល់អ្នកប្រើប្រាស់គ្រប់រូប។ លោកអ្នកអាចប្រើប្រាស់បច្ចេកវិទ្យា Infrared ដ៏មានប្រសិទ្ធភាពនេះនៅផ្ទះបានយ៉ាងសាមញ្ញ និ​ង​មានផាសុកភាព។

សម្រាប់ព័ត៌មានបន្ថែមសម្រាប់ប្រព័ន្ធផ្សព្វផ្សាយ សូមទំនាក់ទំនង៖ ROOTS PR

Foo Yee Zen | yeezen@rootsasia.com | +6019-214-3088

Zuhair Zarudin | zuhair@rootsasia.com | +6017-398-0387

The post KPLASS ប្រកាសសម្ពោធសំបកវេចខ្ចប់ថ្មី សម្រាប់ផលិតផលកៅអៀកបំបាត់ការឈឺចាប់បច្ចេកវិទ្យា Far-Infrared appeared first on Kampuchea Thmey Daily.

នាងបាននិយាយថា៖ “ម្ដាយរបស់ខ្ញុំ គឺជាអ្នកជម្រុញទឹកចិត្តដ៏ធំមួយមកកាន់ខ្ញុំ។ គាត់បានបើកដំណើរការក្រុមហ៊ុនផ្ទាល់ខ្លួនរបស់គាត់ក្នុងវិស័យសុខាភិបាល និងវេជ្ជសាស្រ្តអស់រយៈពេលជាយូរមកហើយ ហើយខ្ញុំតែងតែមានគោលបំណងដើរតាមគន្លងរបស់គាត់ និងបើកដំណើរការអាជីវកម្មស្រដៀងគ្នាមួយជារបស់ខ្លួនឯង។”

ពានរង្វាន់នេះជួយគាំទ្រទៅលើការសិក្សារបស់ម៉ូនីតាឆ្ពោះទៅកាន់បរិញ្ញាបត្រផ្នែកពាណិជ្ជកម្ម និងបរិញ្ញាបត្រផ្នែកវិទ្យាសាស្ត្រ ក្នុងឆ្នាំសិក្សា ២០២៦ នេះ។
“មុខវិជ្ជាវិទ្យាសាស្រ្តនៅសាកលវិទ្យាល័យ Monash គឺពិតជាអស្ចារ្យ ហើយអាគារសិក្សាពិតជាធំខ្លាំងណាស់។ ខ្ញុំពិតជារំភើបដែលបានទៅសិក្សានៅក្នុងបរិយាកាសថ្មី ហើយជួបជាមួយមនុស្សមកពីមជ្ឍដ្ឋានផ្សេងៗគ្នា។”

អាហារូបករណ៍នេះ គឺជាការផ្លាស់ប្តូរជីវិតដ៏សំខាន់មួយសម្រាប់គ្រួសាររបស់ម៉ូនីតា។ នាងបានបន្តនិយាយថា៖ “យើងមានសមាជិកផ្សេងទៀតដែលត្រូវរ៉ាប់រង ដូច្នេះអាហារូបករណ៍នេះនឹងជួយសម្រាលទៅដល់បន្ទុកហរិញ្ញវត្ងុរបស់ពួកយើង។ ប្រទេសអូស្ត្រាលី ក៏នៅជិតប្រទេសយើងផងដែរ ដែលផ្តល់ភាពងាយស្រួលឱ្យក្រុមគ្រួសាររបស់ខ្ញុំទៅលេងខ្ញុំ។”

ពានរង្វាន់ Vice-Chancellor’s ASEAN Award របស់សាកលវិទ្យាល័យ Monash គឺជាការវិនិយោគចំនួន 2.5 លានដុល្លារអូស្ត្រាលី ទៅលើនិស្សិតថ្នាក់បរិញ្ញាបត្រដែលមានសមិទ្ធផលខ្ពស់មកពីទូទាំងតំបន់ ដែលត្រូវបានបង្កើតឡើងដើម្បីបន្ធូរបន្ថយថ្លៃសិក្សាតាមរយៈការកាត់បន្ថយថ្លៃសិក្សា ជំនួយសម្រាប់ការផ្លាស់ទីលំនៅ និងការផ្តល់មូលនិធិសម្រាប់ការចំណាយពាក់ព័ន្ធផ្សេងទៀត។ និស្សិតត្រូវបានជ្រើសរើសតាមរយៈដំណើរការប្រកួតប្រជែង ដោយមានសិទ្ធិទទួលបាននៅទូទាំងប្រទេសកម្ពុជា ប្រ៊ុយណេ ឥណ្ឌូនេស៊ី ឡាវ ម៉ាឡេស៊ី មីយ៉ាន់ម៉ា ហ្វីលីពីន សិង្ហបុរី ថៃ និងវៀតណាម។

ចាប់តាំងពីការប្រកាសអំពីកម្មវិធីនេះនៅពាក់កណ្តាលឆ្នាំ ២០២៥ សាកលវិទ្យាល័យ បានប្តេជ្ញាផ្តល់ជំនួយបន្ថែមចំនួន ១ លានដុល្លារអូស្ត្រាលី ដល់ពានរង្វាន់ ASEAN Pathway ដែលជួយគាំទ្រដល់និស្សិតអាស៊ានដែលមានសមិទ្ធផលខ្ពស់ឱ្យចុះឈ្មោះចូលរៀននៅមហាវិទ្យាល័យ Monash ដែលជាស្ថាប័នតម្រង់ទិសមួយដែលផ្តល់កម្មវិធីដូចជាសញ្ញាបត្រ និងឆ្នាំសិក្សាមូលដ្ឋាន ដើម្បីជួយនិស្សិតឱ្យផ្លាស់ប្តូរទៅសាកលវិទ្យាល័យ។

លោកស្រីសាស្ត្រាចារ្យ Sharon Pickering ជា Vice-Chancellor នៃសាកលវិទ្យាល័យ Monash និងជាប្រធានសាកលវិទ្យាល័យ បានមានប្រសាសន៍ថា៖ រឿងរ៉ាវរបស់ម៉ូនីតាសង្ខេបពីមូលហេតុដែល Monash ប្ដេជ្ញាផ្ដល់ការអប់រំលំដាប់ពិភពលោកដែលអាចផ្តល់ទៅដល់ប្រទេសជិតខាងក្នុងតំបន់របស់យើង។
«ពានរង្វាន់អាស៊ានមិនត្រឹមតែជាការគាំទ្រផ្នែកហិរញ្ញវត្ថុប៉ុណ្ណោះទេ តែជាការទទួលស្គាល់នូវសក្តានុពល ការបណ្តុះមហិច្ឆតា និងការបង្កើតឱកាសសម្រាប់សិស្សដែលនឹងបន្តធ្វើការរួមចំណែកដ៏មានអត្ថន័យនៅក្នុងសហគមន៍របស់ពួកគេ និងលើសពីនេះ។ វាក៏បង្ហាញអំពីការពង្រឹងបរិវេណសាលារបស់យើងជាមួយនឹងទស្សនៈ និងថាមពលចម្រុះដែលសិស្សដូចជាម៉ូនីតានាំមកជាមួយពួកគេផងដែរ»។
ប្រហែល ១០ ភាគរយ នៃក្រុមនិស្សិតជំនាន់ដំបូងរបស់ Monash ក្នុងឆ្នាំ១៩៦១ គឺមកពីក្រៅប្រទេសដែលភាគច្រើនមកពីប្រទេសម៉ាឡេស៊ី សិង្ហបុរី និងហុងកុង។ ដោយមាននិស្សិតអាស៊ានជាង ១៦,០០០ នាក់ ដែលបានចុះឈ្មោះចូលរៀននាពេលបច្ចុប្បន្ន និងអតីតនិស្សិតអាស៊ានជិត ៦០,០០០ នាក់ ដែលពានរង្វាន់ទាំងនេះឆ្លុះបញ្ចាំងពីចំណងមិត្តភាពដ៏ជ្រាលជ្រៅ និងយូរអង្វែងរបស់ Monash ទៅកាន់ថ្នាក់តំបន់។

ដោយចំណងមិត្តភាពដ៏យូរអង្វែងទាំងនេះ ថ្មីៗនេះមហាវិទ្យាល័យ Monash បានបង្កើតភាពជាដៃគូជាមួយសាកលវិទ្យាល័យ ប៊ែលធី អន្តរជាតិ នៅក្នុងប្រទេសកម្ពុជា ដើម្បីផ្តល់កម្មវិធីសិក្សាថ្នាក់ឆ្នាំសិក្សាមូលដ្ឋាននៃសាកលវិទ្យាល័យ Monash ក្នុងឆ្នាំសិក្សា២០២៦។ កម្មវិធីសិក្សាមុនចូលសាកលវិទ្យាល័យដែលទទួលស្គាល់ជាលក្ខណៈអន្តរជាតិនេះ ជួយនិស្សិតអភិវឌ្ឍជំនាញភាសាអង់គ្លេស និងជំនាញសិក្សារបស់ពួកគេ ព្រមទាំងស្វែងយល់ពីមុខវិជ្ជាដែលត្រូវនឹងវគ្គសិក្សានាពេលអនាគត។ នៅពេលបញ្ចប់ការសិក្សា និស្សិតដែលមានពិន្ទុចូលរៀនដែលត្រូវការ អាចចូលរៀនថ្នាក់បរិញ្ញាបត្រដោយផ្ទាល់នៅគ្រប់សាខានៃសាកលវិទ្យាល័យ Monash រួមទាំងនៅប្រទេសអូស្ត្រាលី ម៉ាឡេស៊ី និងឥណ្ឌូនេស៊ី។

លោកស្រីសាស្ត្រាចារ្យ Pickering ក៏បានមានប្រសាសន៍បន្ថែមថា៖ “អាស៊ីអាគ្នេយ៍ គឺជាតំបន់ដ៏មានសក្ដានុពល ដែលសម្បូរទៅដោយភាពចម្រុះខាងវប្បធម៌ និងទេពកោសល្យ។ នៅ Monash យើងប្តេជ្ញាចិត្តយ៉ាងមុតមាំក្នុងការផ្តល់អានុភាពទៅដល់មេដឹកនាំ និងអ្នកច្នៃប្រឌិតជំនាន់ក្រោយមកពីបណ្តាប្រទេសអាស៊ាន និងដើម្បីលើកកម្ពស់អនាគតដ៏ល្អប្រសើរ និងសហការគ្នាកាន់តែច្រើននៅទូទាំងតំបន់របស់យើង”។

សាកលវិទ្យាល័យ Monash ជាយូរមកហើយតែងតែបន្តការចូលរួមដ៏មានគោលបំណងជាមួយតំបន់អាស៊ី ដោយមានសាខានៅប្រទេសម៉ាឡេស៊ី និងឥណ្ឌូនេស៊ី ទីតាំងនៅប្រទេសចិន និងឥណ្ឌា ព្រមទាំងបណ្តាញអតីតនិស្សិត និងអ្នកស្រាវជ្រាវដែលកំពុងរីកចម្រើននៅទូទាំងតំបន់អាស៊ាន។ សាកលវិទ្យាល័យនេះជាប់ចំណាត់ថ្នាក់លេខ ៣១ ក្នុងចំណាត់ថ្នាក់សាកលវិទ្យាល័យពិភពលោក QS ឆ្នាំ ២០២៧ ហើយបាននាំមុខគេជានិច្ចក្នុងការផ្តល់ការអប់រំ ភាពជាដៃគូ និងការជ្រើសរើសនិស្សិតនៅក្នុងតំបន់ឥណ្ឌូ-ប៉ាស៊ីហ្វិក។

អំពីសាកលវិទ្យាល័យ Monash
សាកលវិទ្យាល័យ Monash គឺជាសាកលវិទ្យាល័យលំដាប់កំពូលមួយនៅក្នុងប្រទេសអូស្ត្រាលី ដែលមានបណ្តាញសាខាអន្តរជាតិនៅក្នុងប្រទេសចិន ម៉ាឡេស៊ី ឥណ្ឌូនេស៊ី ឥណ្ឌា និងអ៊ីតាលី។ សាកលវិទ្យាល័យ Monash ជាប់លំដាប់នៃសាកលវិទ្យាល័យឈានមុខគេដែលផ្តោតលើការស្រាវជ្រាវរបស់អូស្ត្រាលី ហៅកាត់ថា Go8 និងតែងតែជាប់ចំណាត់ថ្នាក់ក្នុងចំណោមសាកលវិទ្យាល័យកំពូលទាំង ៥០ ទូទាំងពិភពលោក (QS World University Rankings និង Times Higher Education)។
សម្រាប់អ្នកជំនាញ ព័ត៌មាន មតិយោបល់ និងការវិភាគបន្ថែម សូមចូលទៅកាន់គេហទំព័រ Monash News៕

The post និស្សិតកម្ពុជាត្រូវបានស្វាគមន៍ក្រោមកម្មវិធីពានរង្វាន់អាស៊ានថ្មីរបស់សាកលវិទ្យាល័យ Monash appeared first on Kampuchea Thmey Daily.

ជាផ្នែកមួយនៃសកម្មភាពនានាដើម្បីប្រារព្ធទិវាអន្តរជាតិប្រយុទ្ធប្រឆាំងគ្រឿងញៀនឆ្នាំ២០២៦ ក្រុមហ៊ុនមិត្តហ្វូនបានចាប់ដៃគូជាមួយអាជ្ញាធរជាតិប្រយុទ្ធប្រឆាំងគ្រឿងញៀន (NACD) ក្នុងការរៀបចំកម្មវិធីរំលឹកខួបដែលបានប្រព្រឹត្តទៅនៅកោះពេជ្រ រាជធានីភ្នំពេញ ក្រោមប្រធានបទ៖ «រួមគ្នាឆ្លើយតបបញ្ហាគ្រឿងញៀនក្នុងបរិបទថ្មីប្រកបដោយភាពច្នៃប្រឌិត»។ កម្មវិធីនេះបានទាក់ទាញការចូលរួមពីតំណាងបណ្តាក្រសួងនានារបស់រដ្ឋាភិបាល ដៃគូអភិវឌ្ឍន៍ អង្គការជាតិ និងអន្តរជាតិ ព្រមទាំងយុវជន និងសាធារណជនយ៉ាងច្រើនកុះករ។ ពួកគេបានរួមគ្នាពង្រឹងសារៈសំខាន់នៃការលើកកម្ពស់ការយល់ដឹង និងការជំរុញឱ្យមានសកម្មភាពរួមគ្នាក្នុងការបង្ការ និងប្រយុទ្ធប្រឆាំងនឹងការសេពគ្រឿងញៀន។  

ការចូលរួមរបស់ក្រុមហ៊ុនមិត្តហ្វូននៅក្នុងព្រឹត្តិការណ៍នេះ បានឆ្លុះបញ្ចាំងពីការប្តេជ្ញាចិត្តរយៈពេលវែងរបស់ក្រុមហ៊ុនចំពោះការអភិវឌ្ឍន៍ប្រកបដោយចីរភាព ដោយការបញ្ចូលការទទួលខុសត្រូវសង្គមទៅក្នុងប្រតិបត្តិការអាជីវកម្មរបស់ខ្លួន។ ទន្ទឹមនឹងការវិនិយោគជាបន្តបន្ទាប់លើហេដ្ឋារចនាសម្ព័ន្ធទូរគមនាគមន៍ និងបច្ចេកវិទ្យាឌីជីថល ក្រុមហ៊ុនមិត្តហ្វូនក៏បានគាំទ្រយ៉ាងសកម្មដល់គំនិតផ្តួចផ្តើមនានាក្នុងវិស័យអប់រំ សុខាភិបាល សុខុមាលភាពសង្គម និងកម្មវិធីអភិវឌ្ឍន៍សហគមន៍ផ្សេងៗទៀតនៅទូទាំងប្រទេសកម្ពុជា។

សម្រាប់ក្រុមហ៊ុនមិត្តហ្វូន ការកសាងសង្គមឱ្យកាន់តែប្រសើរឡើង គឺលើសពីការផ្តល់នូវការតភ្ជាប់ប្រព័ន្ធឌីជីថល។ វាក៏មានន័យថាជាការបង្កើតផលវិជ្ជមានដល់សង្គម តាមរយៈកិច្ចសហការរវាងអាជីវកម្ម ស្ថាប័នរដ្ឋាភិបាល និងសហគមន៍ផងដែរ។ ដោយផ្អែកលើជំនឿចិត្តនេះ ក្រុមហ៊ុននឹងបន្តគាំទ្រគំនិតផ្តួចផ្តើមទាំងឡាយណាដែលលើកកម្ពស់គុណភាពជីវិត និងរួមចំណែកដល់បរិយាកាសរស់នៅប្រកបដោយសុវត្ថិភាពសម្រាប់ប្រជាពលរដ្ឋកម្ពុជា។

សម្លឹងទៅមុខ ក្រុមហ៊ុនមិត្តហ្វូននឹងបន្តធ្វើការយ៉ាងជិតស្និទ្ធជាមួយអាជ្ញាធររដ្ឋាភិបាល និងដៃគូនានា ដើម្បីអនុវត្តកម្មវិធីសហគមន៍ដែលមានអត្ថន័យ ដែលរួមចំណែកដល់គោលដៅអភិវឌ្ឍន៍ប្រកបដោយចីរភាពរបស់កម្ពុជា ព្រមទាំងបញ្ជាក់ជាថ្មីនូវតួនាទីរបស់ខ្លួនក្នុងនាមជាក្រុមហ៊ុនទូរគមនាគមន៍មួយដែលប្តេជ្ញាចិត្តចំពោះការអភិវឌ្ឍន៍រយៈពេលវែងរបស់ប្រទេសជាតិ និងសុខុមាលភាពរបស់ប្រជាជនកម្ពុជា៕

The post មិត្តហ្វូនលើកកម្ពស់ការទទួលខុសត្រូវសង្គមតាមរយៈការចូលរួមក្នុងយុទ្ធនាការផ្សព្វផ្សាយប្រឆាំងគ្រឿងញៀននៅកម្ពុជា appeared first on Kampuchea Thmey Daily.

គោរពជូនពរពីអ្នកឧកញ៉ា ឃុន សៀ និងលោកជំទាវ ព្រមទាំងបុត្រាបុត្រី។

The post អ្នកឧកញ៉ា ឃុន សៀ អបអរសាទរ ខួបអនុស្សាវរីយ៍ទី៧៥ ថ្ងៃបង្កើតគណបក្សប្រជាជនកម្ពុជា appeared first on Kampuchea Thmey Daily.