phea KPT, Author at Kampuchea Thmey Daily

ចិនរឹតបន្តឹងវិធានការកូវីដជាថ្មី ក្រោយករណីឆ្លងក្នុងសហគមន៍កាន់តែកើនឡើង

phea KPT — Wed, 06 Jan 2021 02:43:05 +0000

អាជ្ញាធរចិន បានប្រកាសរឹតបន្តឹងវិធានការការពារជំងឺកូវីដ ១៩ ជាថ្មី ក្រោយករណីឆ្លងក្នុងប្រទេស កំពុងកើនឡើងខ្លាំងជាថ្មី ពិសេសករណីឆ្លងរាតត្បាតក្បែររដ្ឋធានីនយោបាយសំខាន់បំផុតរបស់ខ្លួន គឺទីក្រុងប៉េកាំង។

តំបន់ភាគខាងជើង ឈាងខាងកើតខេត្តហឺប៉ី ដែលឡោមព័ន្ធជុំវិញទីក្រុងប៉េកាំង កាលពីថ្ងៃអង្គារ៍ម្សិលមិញ បានប្រកាសអាសន្នបន្ទាន់ ក្រោយរកឃើញករណីឆ្លងរាតត្បាតក្នុងសហគមន៍ជាច្រើនមិនធ្លាប់មានក្នុងរយៈពេល ៦ខែ ចុងក្រោយនេះ។

យោងតាមសេចក្តីរាយការណ៍ ខេត្តហឺប៉ី កាលពីម្សិលមិញ មានរកឃើញករណីឆ្លងក្នុងសហគមន៍សរុបដល់ទៅ ២០ករណី ស្របពេលករណីនាំចូលនៅតែបន្តជារឿងរាល់ថ្ងៃ។

ដើម្បីបញ្ចៀសហានិភ័យធ្ងន់ធ្ងរដូចអ្វីកើតឡើងក្នុងទីក្រុងអ៊ូហាន អំឡុងចុងឆ្នាំ២០១៩ រដ្ឋាភិបាលចិន បានសម្រេចរឹតបន្តឹងវិធានការគម្លាតសង្គមជាថ្មី ក្នុងនោះរាប់បញ្ចូលទាំងការធ្វើតេស្តទ្រង់ទ្រាយធំ ការបិទសាលារៀន និងរឹតបន្តឹងលើអ្នកដំណើរមកពីគ្រប់តំបន់ហានិភ័យខ្ពស់ឆ្លងកូវីដ ១៩។ ក្រៅពីនេះ ចិនក៏នឹងស៊ើបអង្កេតតាមដានលើគ្រប់ទំនិញនាំចូលទាំងអស់ ដើម្បីប្រាកដថា មិនបានវីរុសកូវីដ ១៩ តោងមកជាប់ទំនិញទាំងនោះឡើយ។

គិតមកទល់នឹងពេលនេះ ចិនមានរកឃើញករណីឆ្លងកូវីដសរុប ៨៧២១៥នាក់ ក្នុងនោះ ៤៦៣៤នាក់បានស្លាប់ ស្របពេលករណីឆ្លងសរុបជុំវិញពិភពលោក ត្រូវគេរកឃើញកើនដល់ជិត ៨៧លាននាក់ គិតត្រឹមព្រឹកថ្ងៃពុធនេះ និងស្លាប់សរុប ១ ៨៧៥ ៤៥១នាក់៕

ប្រែសម្រួល៖ សុភា
ប្រភព៖ Reuters

The post ចិនរឹតបន្តឹងវិធានការកូវីដជាថ្មី ក្រោយករណីឆ្លងក្នុងសហគមន៍កាន់តែកើនឡើង appeared first on Kampuchea Thmey Daily.

George W. Bush ប្រកាសចូលរួមពិធីស្បថស្បែឡើងកាន់តំណែងរបស់ លោក Joe Biden

phea KPT — Wed, 06 Jan 2021 02:20:39 +0000

អតីតប្រធានាធិបតីទី ៤៣ របស់អាមេរិក លោក George W. Bush នៅថ្ងៃពុធនេះ បានប្រកាសជាផ្លូវការ នឹងចូលរួមក្នុងពិធីផ្ទេរតំណែងប្រធានាធិបតីសម្រាប់លោក Joe Biden ដែលយកឈ្នះប្រធានាធិបតី Donald Trump ក្នុងការបោះឆ្នោតអំឡុងខែវិច្ឆិកា ឆ្នាំ២០២០។

យោងតាមលោក Freddy Ford អ្នកនាំពាក្យរបស់លោក Bush អតីតប្រធានាធិបតីមកពីបក្សសាធារណរដ្ឋរូបនេះ មានគម្រោងចូលរួមក្នុងពិធីផ្ទេរតំណែងប្រធានាធិបតីផ្លូវការ ពីលោក Trump ទៅឲ្យលោក Biden ដែលនឹងធ្វើឡើងនាថ្ងៃ ២០ មករាខាងមុខ។

លោក Freddy Ford បាននិយាយថា អតីតប្រធានាធិបតី Bush និងភរិយា នឹងត្រឡប់មកកាន់រដ្ឋធានីវ៉ាស៊ីងតោន ដើម្បីចូលរួមពិធីស្បថស្បែរឡើងកាន់តំណែងសម្រាប់ប្រធានាធិបតីថ្មី Joe Biden និងអនុប្រធានាធិបតី Kamala Harris។

ការប្រកាសរបស់លោក Bush បានធ្វើឲ្យអ្នកវិភាគយល់ឃើញយ៉ាងច្បាស់ពីការវិវត្តដ៏ចម្រូងចម្រាស់ក្នុងការបោះឆ្នោតអាមេរិកនាពេលកន្លងមក បើទោះជាលោក Trump នៅតែទាមទាររាប់សន្លឹកឆ្នោតឡើងវិញ និងចាត់ទុកលទ្ធផលបោះឆ្នោតមិនប្រក្រតីក្តី ប៉ុន្តែវត្តមានរបស់លោក George W. Bush គឺបង្ហាញពីការបង្រួបបង្រួមជាតិរវាងបក្សសាធារណរដ្ឋ និងបក្សប្រជាធិបតេយ្យ ដើម្បីដោះស្រាយវិបត្តិនយោបាយក្នុងប្រទេស៕

ប្រែសម្រួល៖ សុភា
ប្រភព៖ Reuters

The post George W. Bush ប្រកាសចូលរួមពិធីស្បថស្បែឡើងកាន់តំណែងរបស់ លោក Joe Biden appeared first on Kampuchea Thmey Daily.

ថៃបន្តរកឃើញអ្នកឆ្លងកូវីដ ១៤៤នាក់នៅរសៀលនេះ

phea KPT — Mon, 28 Dec 2020 08:24:49 +0000

មជ្ឈមណ្ឌលរដ្ឋបាលស្ថានភាពកូវីដ ១៩ របស់ប្រទេសថៃ CCSA នៅរសៀលថ្ងៃច័ន្ទនេះ បានបញ្ជាក់ថា ប្រទេសខ្លួនបន្តរកឃើញករណីឆ្លងកូវីដ ១៩ ថ្មីសរុប ១៤៤នាក់បន្ថែមទៀត ដោយខេត្តកំពុងមានការរាតត្បាត គឺកើតដល់ ៤៣ ខេត្ត/ក្រុង។

របាយការណ៍ថ្មីនេះ ធ្វើឡើងក្រោយ CCSA កាលពីព្រឹកមិញ បានទទួលស្គាល់ថា ស្ថានភាពរាតត្បាតជំងឺកូវីដ ១៩ ទូទាំងប្រទេស គឺធ្ងន់ធ្ងរជាងរលករាតត្បាតទី១ ទៅទៀត ក្រោយការផ្ទុះនៅផ្សារបង្គារ ក្នុងខេត្តសាមុត សាខន។

លោកវេជ្ជបណ្ឌិត Taweesilp Visanuyothin អ្នកនាំពាក្យ CCSA បាននិយាយថា ក្នុងចំណោមអ្នកឆ្លងថ្មី ១៤៤នាក់ មាន ១១៥នាក់ ជាពលរដ្ឋក្នុងសហគមន៍ ១៤នាក់ជាពលករចំណាកស្រុក និង ១៥នាក់ផ្សេងទៀត សុទ្ធជាអ្នកស្ថិតក្នុងកន្លែងធ្វើចត្តាឡីស័ក ក្រោយត្រឡប់ពីបរទេស។

កាលពីថ្ងៃអាទិត្យ មនុស្ស ១២១នាក់ បានឆ្លងកូវីដ ១៩ ក្នុងនោះ ៩៤នាក់ ជាឆ្លងក្នុងសហគមន៍ នាំ កើនជិត ២០០០នាក់ ត្រឹមប៉ុន្មានថ្ងៃ បើធៀបទៅនិងតួលេខឆ្លងមុនផ្ទុះការរាតត្បាតនៅសាមុត សាខន ដែលមានត្រឹម ៤៣៣១នាក់ ខណៈតួលេខឆ្លងសរុបចុងក្រោយបំផុត ថៃមានរកឃើញដល់ទៅ ៦២៨៥នាក់។

ប្រែសម្រួល៖ សុភា
ប្រភព៖ Bangkok Post

The post ថៃបន្តរកឃើញអ្នកឆ្លងកូវីដ ១៤៤នាក់នៅរសៀលនេះ appeared first on Kampuchea Thmey Daily.

ថៃទទួលស្គាល់ស្ថានភាពរាតត្បាតកូវីដ ១៩ ពេលនេះធ្ងន់ធ្ងរមិនធ្លាប់មាន ក្រោយរកឃើញថ្មី ១២១នាក់

phea KPT — Mon, 28 Dec 2020 03:28:24 +0000

មជ្ឈមណ្ឌលរដ្ឋបាលស្ថានភាពកូវីដ ១៩ របស់ប្រទេសថៃ CCSA នៅថ្ងៃច័ន្ទដើមសប្តាហ៍នេះ បានទទួលស្គាល់ថា ស្ថានភាពរាតត្បាតជំងឺកូវីដ ១៩ ទូទាំងប្រទេស គឺធ្ងន់ធ្ងរជាងរលករាតត្បាតទី១ ទៅទៀត ក្រោយមនុស្ស ១២១នាក់ ត្រូវគេរកឃើញឆ្លងកូវីដថ្មី ក្នុងនោះ ៩៤នាក់ ឆ្លងក្នុងសហគមន៍ ពាក់ព័ន្ធការផ្ទុះនៅផ្សារបង្គារ ក្នុងខេត្តសាមុត សាខន។

លោកវេជ្ជបណ្ឌិត Taweesilp Visanuyothin អ្នកនាំពាក្យ CCSA បាននិយាយថា ចំនួនអ្នកឆ្លងក្នុងសហគមន៍ បានហក់ឡើងលើសមួយពាន់នាក់ ត្រឹមរយៈពេលប៉ុន្មានថ្ងៃប៉ុណ្ណោះ ដោយលោកថែមទាំងប្រកាសថា ការរាតត្បាតពេលនេះ គឺធ្ងន់ធ្ងរខ្លាំងជារលករាតត្បាតលើកទី១ ដែលផ្ទុះកាលពីដើមឆ្នាំ។

កាលពីថ្ងៃអាទិត្យ មនុស្ស ១២១នាក់ បានឆ្លងកូវីដ ១៩ ក្នុងនោះ ៩៤នាក់ ជាឆ្លងក្នុងសហគមន៍ នាំឲ្យតួលេខឆ្លងសរុបកើនឡើង ៦១៤១នាក់ គឺកើនជិត ២០០០នាក់ ត្រឹមប៉ុន្មានថ្ងៃ បើធៀបទៅនិងតួលេខឆ្លងមុនផ្ទុះការរាតត្បាតនៅសាមុត សាខន ដែលមានត្រឹម ៤៣៣១នាក់។

មកទល់នឹងពេលនេះ ការរាតត្បាតចេញពីផ្សារបង្គារ នៅសាមុត សាខន បានរីករាលដាល់ដល់ ៣៨ខេត្ត/ក្រុង ទូទាំងប្រទេសនេះ៕

ប្រែសម្រួល៖ សុភា
ប្រភព៖ Bangkok Post

The post ថៃទទួលស្គាល់ស្ថានភាពរាតត្បាតកូវីដ ១៩ ពេលនេះធ្ងន់ធ្ងរមិនធ្លាប់មាន ក្រោយរកឃើញថ្មី ១២១នាក់ appeared first on Kampuchea Thmey Daily.

សង្ស័យខឹងចាញ់ឆ្នោត? Trump អត់ស៊ីញេលើកញ្ចប់ថវិកាជំនួយកូវីដ មនុស្សរាប់លាននាក់កំពុងខឹងខ្លាំង

phea KPT — Sat, 26 Dec 2020 09:34:09 +0000

ពលរដ្ឋអាមេរិករាប់លាននាក់កំពុងបាត់បង់ការងារ នឹងលែងទទួលបានថវិកាជំនួយពីរដ្ឋាភិបាលអាមេរិក ចាប់ពីថ្ងៃសៅរ៍ ទី២៦ ធ្នូនេះតទៅ ក្រោយប្រធានាធិបតី Donald Trump បានបដិសេធមិនស៊ីញេលើច្បាប់បញ្ចេញថវិកាជំនួយអំឡុងពេលជំងឺរាតត្បាត និងការចំណាយប្រចាំឆ្នាំរបស់រដ្ឋាភិបាល ដែលទំហំទឹកប្រាក់សរុប ២,៣ទ្រីលានដុល្លារ។

ការបដិសេធពីសំណាក់ប្រធានាធិបតីចាញ់ឆ្នោតរូបនេះ ដោយសម្អាងថា ថវិកាទាំងនេះ មិនបានជួយអ្វីជាដុំកំភួនដល់ពលរដ្ឋអាមេរិកនោះឡើយ។

ការសម្រេចចិត្តរបស់លោក Trump ធ្វើឲ្យសមាជិកសភាមកពីបក្សសាធារណរដ្ឋ និងបក្សប្រជាធិបតេយ្យស្រឡាំងកាំង នៅពេលលោកនិយាយថា លោកមិនសប្បាយចិត្តជាមួយទឹកប្រាក់ដ៏មហាសាលនេះឡើយ។

ក្នុងនោះទឹកប្រាក់ ៨៩២ពាន់លាន គឺសម្រាប់ផ្តល់ជំនួយចាំបាច់អំឡុងពេលរាតត្បាតជំងឺកូវីដ ១៩ រាប់បញ្ចូលទាំងផលប្រយោជន៍ផ្សេងសម្រាប់ពលរដ្ឋគ្មានការងារធ្វើ ដែលត្រូវអស់សុពលភាពជំនួយត្រឹមថ្ងៃ ២៦ ធ្នូនេះ ក៏ដូចជា ទឹកប្រាក់ ១,៤ទ្រីលានដុល្លារ សម្រាប់ការចំណាយប្រចាំឆ្នាំរបស់រដ្ឋាភិបាល។

គ្មានហត្ថលេខារបស់លោក Trump ពលរដ្ឋអត់ការងារធ្វើជាង ១៤លាននាក់នៅអាមេរិក និងបាត់បង់ប្រយោជន៍បន្ថែមដែលជំនួយរដ្ឋាភិបាល៕

ប្រែសម្រួល៖ សុភា
ប្រភព៖ Reuters

The post សង្ស័យខឹងចាញ់ឆ្នោត? Trump អត់ស៊ីញេលើកញ្ចប់ថវិកាជំនួយកូវីដ មនុស្សរាប់លាននាក់កំពុងខឹងខ្លាំង appeared first on Kampuchea Thmey Daily.

ទោះកូវីដឆ្លងខ្លាំងក៏ដោយ ថៃរំពឹងចំណាយជិត ៣ពាន់លានដុល្លារ សម្រាប់ពិធីឆ្លងឆ្នាំថ្មី

phea KPT — Sat, 26 Dec 2020 08:13:53 +0000

ទោះជាស្ថានភាពឆ្លងរាតត្បាតកូវីដ ១៩ ទូទាំងប្រទេសកំពុងធ្ងន់ធ្ងរក៏ដោយ ក៏រដ្ឋាភិបាលថៃ នៅតែសម្រេចឲ្យមានការរៀបចំពិធីបុណ្យឆ្លងឆ្នាំថ្មី ២០២១ ហើយតាមការស្ទង់មតិ ការចំណាយក្នុងពិធីឆ្លងឆ្នាំថ្មីនេះ រំពឹងក្រោម ១០០ពាន់លានបាត និងចាត់ទុកជាឆ្នាំដែលថៃ ចំណាយទាបបំផុតសម្រាប់ពិធីបុណ្យនេះ។

យោងតាមការស្ទង់មតិធ្វើឡើងដោយសាកលវិទ្យាល័យនៃសភាពាណិជ្ជកម្មថៃ ឆ្នាំនេះថៃ រំពឹងចំណាយប្រាក់សរុប ៩១,៥ពាន់លានដុល្លារ គឺឆ្លាក់ចុះ ៣៣,៦% នៃទឹកប្រាក់ចំណាយសរុប ១៣៨ពាន់លានបាតកាលពីឆ្នាំទៅ។

លោក Thanavath Phonvichai បាននិយាយថា ជាមួយនឹងរលករាតត្បាតថ្មី ធ្វើឲ្យពលរដ្ឋថៃ ព្រួយបារម្ភខ្លាំង ទើបការគ្រោងចំណាយសម្រាប់ឆ្នាំនេះ គឺធ្លាក់ចុះ។ លោកថា ជាមធ្យមពលរដ្ឋថៃត្រៀមចំណាយ ៩៨៧៦បាត សម្រាប់ម្នាក់ៗ ក្នុងពិធីបុណ្យឆ្លងឆ្នាំថ្មី គឺធ្លាក់ចុះជិត ៥ពាន់បាត បើធៀបទៅនឹងឆ្នាំ ២០១៩ ដែលពលរដ្ឋថៃម្នាក់ៗ បានចំណាយប្រាក់ប្រមាណ ១៥៦១៥បាត។

ជាមួយការស្ទង់មតិខាងលើ លោក Thanavath បានព្រមានថា រដ្ឋាភិបាលមិនគួរប្រើច្បាប់បិទប្រទេសនោះឡើយ ព្រោះនឹងប៉ះពាល់ធ្ងន់ធ្ងរដល់សេដ្ឋកិច្ចជាតិគ្រប់វិស័យទាំងអស់។ លោកថា នៅឆ្នាំ ២០២១ ពលរដ្ឋចង់ឲ្យរដ្ឋាភិបាលគ្រប់គ្រងស្ថានការណ៍ជំងឺកូវីដ ១៩ ឲ្យបានល្អប្រសើរ ដើម្បីជួយពួកគេមានលំនឹងសម្រាប់ប្រកបការរកទទួលទាន។

លោក Thanavath វាយតម្លៃទៀតថា បើសិនជារដ្ឋាភិបាលប្រកាសបិទប្រទេសមែននោះ មានន័យថា ថៃត្រូវខាតបង់ ៧ពាន់លានបាតក្នុងមួយថ្ងៃ ឬ ២០០លានបាត ប្រមាណ ៦ពាន់លានដុល្លារអាមេរិក ក្នុងមួយខែ៕

ប្រែសម្រួល៖ សុភា
ប្រភព៖ Bangkok Post

The post ទោះកូវីដឆ្លងខ្លាំងក៏ដោយ ថៃរំពឹងចំណាយជិត ៣ពាន់លានដុល្លារ សម្រាប់ពិធីឆ្លងឆ្នាំថ្មី appeared first on Kampuchea Thmey Daily.

ថៃកាន់តែធ្ងន់កហើយ! ឆ្លងមួយថ្ងៃជាងមួយរយនាក់ បាងកកឆ្លងច្រើនជាងគេ

phea KPT — Sat, 26 Dec 2020 07:31:35 +0000

នៅថ្ងៃសៅរ៍នេះ ទីក្រុងបាងកក និងខេត្តផេតចាបុរី កំពុងផ្ទុះការឆ្លងរាតត្បាតវីរុសកូវីដ ១៩ យ៉ាងធ្ងន់ធ្ងរ ដោយបាងកករកឃើញករណីឆ្លង ១៨នាក់ ខេត្តផេតចាបុរី ៧នាក់ ខណៈសរុបករណីឆ្លងថ្មី គឺ ១១០នាក់ឯណោះ។

យោងតាមមជ្ឈមណ្ឌលរដ្ឋបាលស្ថានភាពជំងឺកូវីដរបស់ប្រទេសថៃ ក្នុងចំណោមអ្នកឆ្លងថ្មីទាំង ១១០នាក់ មាន ៦៤នាក់ជាប់ពាក់ព័ន្ធការផ្ទុះរាតត្បាតនៅសាមុត សាខន ៣០នាក់ជាពលរដ្ឋចំណាកស្រុក និង ១៦នាក់ផ្សេងទៀត ជាអ្នកដំណើរមកពីក្រៅប្រទេស។

តាមការបញ្ជាក់ ករណីឆ្លងថ្មីសរុបនៅថ្ងៃនេះ គឺមានរាជធានីបាងកក និងខេត្តសរុប ១៦ផ្សេងទៀត ខណៈគិតមកទល់នឹងពេលនេះ ថៃរកឃើញករណីឆ្លងកូវីដទាំងនាំចូល និងឆ្លងក្នុងសហគមន៍ដល់ទៅ ៦០២០ ស្លាប់ ៦០នាក់៕

ប្រែសម្រួល៖ សុភា
ប្រភព៖ Bangkok Post

The post ថៃកាន់តែធ្ងន់កហើយ! ឆ្លងមួយថ្ងៃជាងមួយរយនាក់ បាងកកឆ្លងច្រើនជាងគេ appeared first on Kampuchea Thmey Daily.

ភេរវករជូនកាដូថ្ងៃគ្រីស្មាស់ឲ្យអាមេរិក ដោយបំផ្ទុះគ្រាប់បែកកណ្តាលក្រុង Nashville

phea KPT — Sat, 26 Dec 2020 03:45:17 +0000

រថយន្តបង្កប់គ្រាប់បែកមួយគ្រឿង ត្រូវក្រុមភេរវករមិនស្គាល់មុខ បានយកមកចតចោលលើដងផ្លូវក្នុងទីក្រុង Nashville និងបានបំផ្ទុះកាលពីព្រឹកថ្ងៃសុក្រ ត្រូវជាថ្ងៃនៃពិធីបុណ្យគ្រីស្មាស់។

ការបំផ្ទុះរថយន្តបង្កប់គ្រាប់បែកនេះ បានបណ្តាលឲ្យមនុស្សយ៉ាងហោចណាស់ ៣នាក់រងរបួស ប៉ុន្តែមិនជារបួសធ្ងន់ធ្ងរនោះទេ ខណៈប៉ុន្មានម៉ោងក្រោយផ្ទុះ ប៉ូលិសរកឃើញថា មានមនុស្សនៅក្បែររថយន្តដែលគេបង្កប់គ្រាប់បែកនោះ។

ចៅហ្វាយក្រុង Nashville លោក John Cooper ភ្លាមៗបានបញ្ជាឲ្យកងកម្លាំងរបស់លោក ធ្វើការឡោមព័ទ្ធកន្លែងកើតហេតុ ដោយអះអាងទៀតថា ការបំផ្ទុះនេះ មិនបានគំរាមកំហែងសន្តិសុខដល់ទីក្រុងល្បីល្បាញបំផុតរបស់ Tennessee មួយនេះឡើយ។

មកទល់នឹងពេលនេះ មិនទាន់មានក្រុមណាចេញមុខទទួលខុសត្រូវចំពោះហេតុការណ៍នេះឡើយ។

ខ្សែអាត់សំឡេងមួយត្រូវបានផ្សាយលើកញ្ចក់ទូរទស្សន៍ក្នុងតំបន់ ប៉ុន្មានម៉ោងក្រោយការផ្ទុះ គឺសំឡេងមនុស្សស្រី អំពាវនាវឲ្យពលរដ្ឋក្នុងទីប្រជុំជនរងគ្រោះ ធ្វើការជម្លៀសខ្លួនជាបន្ទាន់។

តាមកាមេរ៉ាសុវត្ថិភាពបង្ហាញដោយស្នងការប៉ូលិសក្រុង Nashville រថយន្តបង្កប់គ្រប់បែកមួយនេះ ត្រូវជនមិនស្គាល់យកមកចតចោលតាំងពីម៉ោង ១ និង ២២នាទីរំលងអធ្រាត ហើយផ្ទុះនៅម៉ោង ៦ព្រឹក៕

ប្រែសម្រួល៖ សុភា
ប្រភព៖ Reuters

The post ភេរវករជូនកាដូថ្ងៃគ្រីស្មាស់ឲ្យអាមេរិក ដោយបំផ្ទុះគ្រាប់បែកកណ្តាលក្រុង Nashville appeared first on Kampuchea Thmey Daily.

phea KPT, Author at Kampuchea Thmey Daily

ចិន​រឹតបន្តឹង​វិធានការ​កូវីដ​ជាថ្មី ក្រោយ​ករណី​ឆ្លង​ក្នុង​សហគមន៍​កាន់​តែ​កើន​ឡើង

George W. Bush ប្រកាស​ចូល​រួម​ពិធី​ស្បថស្បែ​ឡើង​កាន់​តំណែង​របស់​ លោក Joe Biden

ថៃបន្តរកឃើញ​អ្នក​ឆ្លង​កូវីដ ១៤៤នាក់នៅរសៀលនេះ

ថៃទទួលស្គាល់ស្ថានភាពរាតត្បាតកូវីដ ១៩ ពេលនេះធ្ងន់ធ្ងរមិនធ្លាប់មាន ក្រោយរកឃើញថ្មី ១២១នាក់

សង្ស័យខឹងចាញ់ឆ្នោត? Trump អត់ស៊ីញេលើកញ្ចប់ថវិកាជំនួយកូវីដ មនុស្សរាប់លាននាក់កំពុងខឹងខ្លាំង

ទោះ​កូវីដឆ្លង​ខ្លាំង​ក៏ដោយ ថៃរំពឹង​ចំណាយជិត ៣ពាន់លានដុល្លារ សម្រាប់​ពិធីឆ្លងឆ្នាំថ្មី

ថៃកាន់តែធ្ងន់កហើយ! ឆ្លងមួយថ្ងៃជាងមួយរយនាក់ បាងកកឆ្លង​ច្រើនជាង​គេ

ភេរវករជូនកាដូថ្ងៃគ្រីស្មាស់ឲ្យអាមេរិក ដោយបំផ្ទុះ​គ្រាប់បែកកណ្តាលក្រុង Nashville

ចិនរឹតបន្តឹងវិធានការកូវីដជាថ្មី ក្រោយករណីឆ្លងក្នុងសហគមន៍កាន់តែកើនឡើង

George W. Bush ប្រកាសចូលរួមពិធីស្បថស្បែឡើងកាន់តំណែងរបស់ លោក Joe Biden

ថៃបន្តរកឃើញអ្នកឆ្លងកូវីដ ១៤៤នាក់នៅរសៀលនេះ

ទោះកូវីដឆ្លងខ្លាំងក៏ដោយ ថៃរំពឹងចំណាយជិត ៣ពាន់លានដុល្លារ សម្រាប់ពិធីឆ្លងឆ្នាំថ្មី

ថៃកាន់តែធ្ងន់កហើយ! ឆ្លងមួយថ្ងៃជាងមួយរយនាក់ បាងកកឆ្លងច្រើនជាងគេ

ភេរវករជូនកាដូថ្ងៃគ្រីស្មាស់ឲ្យអាមេរិក ដោយបំផ្ទុះគ្រាប់បែកកណ្តាលក្រុង Nashville