ព័ត៌មានជាតិ

ជនជាប់ឃុំ ១ ៦៣១នាក់ ត្រូវបញ្ជូនមកដាក់ក្នុងពន្ធនាគារដើមវិញ

បានផុស

៦ years មុន

នៅ

ថ្ងៃព្រហស្បតិ៍ ១២ វិច្ឆិកា ២០២០

ដោយ

ជនជាប់ឃុំ ចំនួន ១៦៣១នាក់ ត្រូវបានបញ្ជូនមកដាក់ក្នុងពន្ធនាគារដើមវិញ ក្រោយជំនន់ទឹកភ្លៀងស្រក នៅព្រឹកថ្ងៃទី១២ ខែ វិច្ឆិកា ឆ្នាំ២០២០ ស្ថិតក្នុងទីតាំងពន្ធនាគារខេត្តបន្ទាយមានជ័យ ក្នុងភូមិគាប សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោមការដឹកនាំបញ្ជាផ្ទាល់ដោយលោក ឧត្តមអគ្គានុរក្ស ថ្នាក់លេខ១ ឆែម សាវុធ អគ្គនាយក នៃអគ្គនាយកដ្ឋានពន្ធនាគារ។ លោក អ៊ុង ស៊ីផាន ឯកឧត្តម ឧត្តម អគ្គានុរក្សថ្នាក់លេខ២ ជាប្រធានពន្ធនាគារខេត្តបន្ទាយមានជ័យ បានឲ្យដឹងថា អ្នកទោសដែលជាប់ឃុំឃាំងមានចំនួន១.៦៣១នាក់ ត្រូវជម្លៀសចេញពីពន្ធនាគារ ខេត្តបន្ទាយមានជ័យ យកទៅដាក់ពន្ធនាគារខេត្តចំនួន ៤ខេត្ត ទី១. ខេត្តឧត្តរមានជ័យ២០០នាក់, ទី២. ខេត្តសៀមរាប ៨៥៥នាក់, ទី៣. ខេត្តកំពង់ធំ ២០០នាក់ និងទី៤. មណ្ឌលអប់រំកែប្រែទី៣ ត្រពាំងថ្លុង ៣៧៩នាក់ សរុប ១.៦៣១នាក់។ ក្នុងនោះបញ្ចូនមកដាក់ក្នុងពន្ធនាគារខេត្តវិញ ១ខេត្តឧត្តរមានជ័យ ៨៨នាក់, ២ខេត្តសៀមរាប ៨២៦នាក់, ៣ខេត្តកំពង់ធំ ១៩០នាក់, ៤មណ្ឌលអប់រំកែប្រែទី៣ ត្រពាំងថ្លុង២១៤នាក់សរុបមកវិញ១.៣១៩នាក់ ពាក់ព័ន្ធនិងការដោះលែងដោយផុតកំណត់ទោស។ លោក អ៊ុង ស៊ីផាន បានបញ្ជាក់ទៀតថា ក្នុងនោះជនជាប់ឃុំ ត្រូវបានបន្ធូរបន្ថយទោស លើកលែងទោស ក្នុង១ឆ្នាំមានចំនួន៣លើក។