នយោបាយ
អ្នកនាំពាក្យ ៖ ការសុំចូលរួមធ្វើនយោបាយរបស់អតីតសកម្មជន ស៊ីអិនអភី គឺជាការភ្ញាក់រឭក
ភ្នំពេញ ៖ អ្នកនាំពាក្យគណបក្សប្រជាជនកម្ពុជា លោក សុខ ឥសាន បានអះអាងថា ការសុំចូលរួមជីវភាពនយោបាយរបស់អតីតសកម្មជន អតីតគណបក្សសង្គ្រោះជាតិ (CNRP) ចំនួន៤ នាក់ នៅខេត្តស្វាយរៀង គឺជាភ្ញាក់រឭករបស់សាមីជនខ្លួនឯងសុទ្ធសាធ គ្មានអ្នកណាបង្ខិតបង្ខំនោះទេ ហើយការចូលរួមនេះ ដោយសារអស់ជំនឿលើទណ្ឌិតមេឧទ្ទាមក្រៅច្បាប់ និងគូកនភូតកុហកច្រើនពេក។
លោក សុខ ឥសាន លើកឡើងថា កាលពីថ្ងៃទី៨ ខែតុលា មានមន្ត្រីស្នូលរបស់អតីតគណបក្សប្រឆាំងចំនួន៤រូប បានសុំរួមជីវភាពនយោបាយជាមួយគណបក្សប្រជាជនកម្ពុជាខេត្តស្វាយរៀង ដោយសាអស់ជំនឿលើទណ្ឌិតមេឧទ្ទាមក្រៅច្បាប់ និងគូកនភូតពេក។ លោកបញ្ជាក់ថា “ការសុចូលរួមជីវភាពនយោបាយរបស់សកម្មជន៤ នាក់នៅខេត្តស្វាយរៀង គឺជាភ្ញាក់រឭករបស់សាមីជនសុទ្ធសាធ ដូចមានលិខិត និងស្នាមមេដៃជាតឹកតាងស្រាប់។ បើសកម្មជនមករួមរស់ជាមួយណបក្សប្រជានកម្ពុជាបន្តបន្ទាប់អញ្ចឹង ទណ្ដិតមេឧទ្ទាមក្រៅច្បាប់ និងក្រុមបក្ខពួកកាន់តែឯកោហើយ”។
គួររំលឹកថា កាលពីថ្ងៃទី០៨ ខែតុលា ឆ្នាំ២០២០ អតីតថ្នាក់ដឹកនាំតាមមូលដ្ឋានរបស់អតីតគណបក្សសង្គ្រោះជាតិចំនួន៤ រូបនៅស្វាយរឿង សម្រេចចូលរួមជីវភាពនយោបាយជាមួយគណបក្សប្រជាជនកម្ពុជា ប៉ុន្តែក្រុមជ្រុលនិយមមួយចំនួនបែរជាអះអាងថា អាជ្ញាធរខេត្តស្វាយរៀងបានបង្ខិតបង្ខំពួកគេទៅវិញ។
ពួកគាត់បានបញ្ជាក់នៅលើលិខិតរបស់ខ្លួនថា ឈប់ដើរតាមគណបក្សដែលតុលាការរំលាយទៀតហើយ ហើយក៏ឈប់ដើរតាមជនក្បត់ជាតិ ដូចជា សម រង្ស៊ី កឹម សុខា និងបក្សពួកមួយចំនួនទៀត និងប្តេជ្ញាធ្វើពលរដ្ឋល្អ គាំទ្ររដ្ឋាភិបាលដែលមានសម្តេចតេជោ ហ៊ុន សែន ដែលជាថ្នាក់ដឹកនាំត្រឹមត្រូវ រួមគ្នាការពារសន្តិភាព ដែលមានសព្វថ្ងៃ។
អតីតថ្នាក់ដឹកនាំទាំង៤រូបនោះ រួមមាន ទី១, ឈ្មោះ ព្រុំ សាមាន អាយុ៥៨ឆ្នាំ រស់នៅភូមិស្វាយ សង្កាត់ចេក ក្រុងស្វាយរៀង ទី២, ឈ្មោះ ពេជ ឃន អាយុ៥៩ រស់នៅភូមិថ្មលពាប ឃុំអង្គប្រស្រែ ស្រុករមាសហែក ទី៣, ឈ្មោះ កង ផាន អាយុ៦០ឆ្នាំ រស់នៅភូមិត្រពាំងរំដេញ ឃុំអង្គប្រស្រែ ស្រុករមាសហែក និងទី៤, ឈ្មោះ ម៉ៅ សោប អាយុ៦២ រស់នៅភូមិត្រពាំងរំដេញ ឃុំអង្គប្រស្រែ ស្រុករមាសហែក៕
កោះកែវ
-
ព័ត៌មានជាតិ១ សប្តាហ៍ មុន
តើលោក ឌី ពេជ្រ ជាគូស្នេហ៍របស់កញ្ញា ហ៊ិន ច័ន្ទនីរ័ត្ន ជានរណា?
-
ព័ត៌មានជាតិ៤ ថ្ងៃ មុន
បណ្តាញផ្លូវជាតិធំៗ ១៣ ខ្សែ ចាយទុនរយលានដុល្លារ កំពុងសាងសង់គ្រោងបញ្ចប់ប៉ុន្មានឆ្នាំទៀតនេះ
-
ព័ត៌មានជាតិ២ ថ្ងៃ មុន
មកដល់ពេលនេះ មានប្រទេសចំនួន ១០ ភ្ជាប់ជើងហោះហើរត្រង់មកប្រទេសកម្ពុជា
-
ព័ត៌មានអន្ដរជាតិ៦ ថ្ងៃ មុន
អាហារចម្លែកលើលោកទាំង ១០ បរទេសឃើញហើយខ្លាចរអា
-
ព័ត៌មានជាតិ៤ ថ្ងៃ មុន
និយ័តករអាជីវកម្មអចលនវត្ថុ និងបញ្ចាំ៖ គម្រោងបុរីម៉ន ដានី ទី២៩ នឹងបើកដំណើរការឡើងវិញ នៅដើមខែធ្នូ
-
ព័ត៌មានជាតិ៤ ថ្ងៃ មុន
ច្បាប់មិនលើកលែងឡើយចំពោះអ្នកដែលថតរឿងអាសអាភាស!
-
ជីវិតកម្សាន្ដ១ សប្តាហ៍ មុន
ទិដ្ឋភាពពិធីស្ដីដណ្ដឹងពិធីការិនី ហ៊ិន ច័ន្ទនីរ័ត្ន និង លោក ឌី ពេជ្រ ពោរពេញដោយស្នាមញញឹម
-
ព័ត៌មានជាតិ២ ថ្ងៃ មុន
សមត្ថកិច្ច ចាប់ឃាត់ខ្លួនបានហើយ បុរសដែលវាយសត្វឈ្លូសហែលទឹកនៅខេត្តកោះកុង