ដំណើរឆ្ពោះទៅតំបន់ព្រំដែនរបស់កញ្ញា ប៊ី សុធារី និងបវរញ្ញាខ្មែរខាងលើក្រៅពីការសួរសុខទុក្ខនាងបានបង្ហាញការឈឺចាប់ខ្លាំងនិងដឹងគុណចំពោះវីរកងទ័ពដ៏អង់អាចក្លាហាន ពីសំណាក់កងទ័ពនៅទីនោះ ដែលបានលះបង់សាច់ស្រស់ឈាមស្រស់ការពារទឹកដីប្រជាជន និងប្រទេសជាតិ។

កញ្ញា ប៊ី សុធារី បាននិយាយទាំងទឹកភ្នែកទៅកាន់វីរកងទ័ពថា “ខ្ញុំពិតអរគុណខ្លាំងណាស់ដល់បងៗវីរ:កង ទ័ពដែលបានហ៊ានលះបង់ខ្លួនឯងដើម្បីការពារទឹកដី និងប្រជាជនខ្មែរទាំងមូលទោះបីពួកខ្ញុំពុំបានជាប់សាច់ឈាមនឹងបងៗក៏ដោយហើយពួកខ្ញុំនឹងដឹងគុណពួកបងៗអស់មួយជីវិត”។

ប៊ី សុធារី បន្ថែមថា កន្លងមកនាងធ្លាប់តែឭឪពុកម្តាយនិយាយពីរឿងសង្គ្រាមកាលពីខ្លួននៅក្មេង ឥឡូវកញ្ញាបានជួបនិងឃើញផ្ទាល់ហើយថាសង្គ្រាមបានបង្កការឈឺចាប់បែបណាសម្រាប់ជនភៀសសឹក និងកងទ័ពដែលបានពលីហើយរបួសក្នុងសមរភូមិសង្គ្រាម។ កញ្ញាបន្តថា ខ្លួនពិតឈឺចាប់និងក្តុកក្តួលខ្លាំងណាស់នៅពេលដែលរំលឹកដល់រឿងនេះហើយសង្ឃឹមថាសន្តិភាពនឹងទទួលបានវិញឆាប់ៗដែលអាចឱ្យវីរកងទ័ពឆាប់បានវិលត្រឡប់ទៅជួបជុំគ្រួសារវិញ ៕ ដោយ: ចាន់រ៉ា

The post ប៊ី សុធារី ទប់ទឹកភ្នែកមិនជាប់ ពេលដឹកនាំបវរកញ្ញាខ្មែរជាច្រើនរូប ទៅសួរសុខទុក្ខវីរកងទ័ពនៅព្រំដែន appeared first on Kampuchea Thmey Daily.

តួយ៉ាង គម្រោងដែលនឹងត្រូវជួបគ្នានេះ គឺធ្វើតាមការលើកឡើងរៀងៗខ្លួនកាលពីសប្តាហ៍មុន ទាក់ទងនឹងការធ្វើសាក្សីចំពោះភាពស្អាតស្អំត្រឹមត្រូវ ខណៈក៏ដើម្បីរំងាប់មន្ទិលរបស់សាធារណៈទាក់ទងនឹងការពិតនៃការបញ្ចេញស្តុកមិនអស់សោះរបស់ប្រេនដ៏ល្បីមួយក្នុងចំណោមប្រេនល្បីជាច្រើនទៀត ដែលធ្លាប់ផលិតពីរោងចក្រផ្ទះលេខ២។

គួររំលឹក កាលថ្មីៗនេះ មហាជននិងអ្នកគាំទ្រមានការចាប់អារម្មណ៍គ្រប់គ្នាបន្ទាប់បវរកញ្ញា ប៊ី សុធារី បានលើកឡើងជាចម្ងល់ទៅកាន់អ្នកលក់អនឡាញ ពិសេសម្ចាស់ប្រេនល្បីៗ ជុំវិញរឿងលក់ស្តុកអត់ចេះអស់របស់ផលិតផលសៀម។

បន្ទាប់ពីកញ្ញា ប៊ី សុធារី លើកឡើងនិយាយពីរឿងរ៉ាវដែលជាចម្ងល់បែបនេះ ក៏ស្រាប់តែភ្លាមៗនោះ គេឃើញមានការផ្ទុះប្រតិកម្ម និងវែកញែកពីសំណាក់អ្នកគាំទ្រ ពិសេសម្ចាស់ប្រេនធំៗពាក់ព័ន្ធរឿងនេះ។ ក្នុងនោះគេក៏ឃើញម្ចាស់ប្រេនល្បីគឺ អ្នកស្រី មាស ច័ន្ទដាលីន បានបញ្ចេញប្រតិកម្មឆ្លើយតបទៅកញ្ញា ប៊ី សុធារី ផងដែរ។

ទោះបីយ៉ាងណា ប៊ី សុធារី បានចេញមុខបកស្រាយដោយបានបញ្ជាក់ថា ខ្លួនមិនបានវាយប្រហារនណាទេ គឺគ្រាន់តែប្រកាន់គោលជំហរផ្ទាល់ខ្លួនឯងមិនគាំទ្រផលិតផលសៀមប៉ុណ្ណោះ។ សុធារី និយាយថា នេះគ្រាន់តែចម្ងល់របស់នាងប៉ុណ្ណោះហេតុអ្វីបានជាផលិតផលខ្លះឃើញមានបន្តលក់នៅលើទីផ្សារបស់ខ្មែរមកដល់ពេលបច្ចុប្បន្ន ។

ប៊ី សុធារី បន្តថា ប្រសិនជាគាត់ស្អាតស្អំមែន ឬបានផលិតយូរមកហើយមែនគាត់គួរតែបញ្ចេញលេខកូដ ឬការបរិច្ឆេតនៃការផលិតរបស់គាត់ឱ្យយើងបានដឹងថាផលិតផលនោះពិតជាបានផលិតនៅមុនពេលដែលយើងកើតមានបញ្ហាជាមួយសៀមពិតមែន ឬ យ៉ាងណា។ កញ្ញាថា “ខ្ញុំមិនចង់ឲ្យមានការបន្តលក់ ផលិតផលសៀមនៅលើទីផ្សាយើងទៀតទេហើយស ម្រាប់ខ្ញុំគឺនៅតែប្រកាន់គោលជំហររបស់ខ្ញុំដោយពហិកាមិនប្រើប្រាស់ផលិតផលសៀម”។

ជុំវិញរឿងរ៉ាវនេះ សាធារណជនបង្ហាញការគាំទ្រជំនួនដែលអ្នកទាំងពីរត្រៀមជួបគ្នាបន្តិចទៀតផងដែរ៕

The post ប៊ី សុធារី នឹងជួបគ្នាជាមួយម្ចាស់ផលិតផលសម្រស់ដ៏ល្បី មាស ចាន់ដាលីន ១១ថ្ងៃត្រង់នេះ appeared first on Kampuchea Thmey Daily.

កាលថ្មីៗនេះ មហាជននិងអ្នកគាំទ្រមានការចាប់អារម្មណ៍គ្រប់គ្នាបន្ទាប់បវរកញ្ញា ប៊ី សុធារី បានលើកឡើងជាចម្ងល់ទៅកាន់អ្នកលក់អនឡាញ ពិសេសម្ចាស់ប្រេនល្បីៗ ជុំវិញរឿងលក់ស្តុកអត់ចេះអស់របស់ផលិតផលសៀម។

បន្ទាប់ពីកញ្ញា ប៊ី សុធារី លើកឡើងនិយាយពីរឿងរ៉ាវដែលជាចម្ងល់បែបនេះ ក៏ស្រាប់តែភ្លាមៗនោះ គេឃើញមានការផ្ទុះប្រតិកម្ម និងវែកញែកពីសំណាក់អ្នកគាំទ្រ ពិសេសម្ចាស់ប្រេនធំៗពាក់ព័ន្ធរឿងនេះ។ ក្នុងនោះគេក៏ឃើញម្ចាស់ប្រេនល្បីគឺ អ្នកស្រី មាស ច័ន្ទដាលីន បានបញ្ចេញប្រតិកម្មឆ្លើយតបទៅកញ្ញា ប៊ី សុធារី ផងដែរ។

ទោះបីយ៉ាងណា ប៊ី សុធារី បានចេញមុខបកស្រាយដោយបានបញ្ជាក់ថា ខ្លួនមិនបានវាយប្រហារនណាទេ ខ្លួនគ្រាន់តែប្រកាន់គោលជំហរផ្ទាល់ខ្លួនឯងមិនគាំទ្រផលិតផលសៀមប៉ុណ្ណោះ។ សុធារី និយាយថា នេះគ្រាន់តែចម្ងល់របស់នាងប៉ុណ្ណោះហេតុអ្វីបានជាផលិតផលខ្លះឃើញមានបន្តលក់នៅលើទីផ្សារបស់ខ្មែរមកដល់ពេលបច្ចុប្បន្ន ។

ប៊ី សុធារី បន្តថា ប្រសិនជាគាត់ស្អាតស្អំមែន ឬបានផលិតយូរមកហើយមែនគាត់គួរតែបញ្ចេញលេខកូដ ឬការបរិច្ឆេតនៃការផលិតរបស់គាត់ឱ្យយើងបានដឹងថាផលិតផលនោះពិតជាបានផលិតនៅមុនពេលដែលយើងកើតមានបញ្ហាជាមួយសៀមពិតមែន ឬ យ៉ាងណា។

សុធារី បញ្ជាក់ថា “ខ្ញុំមិនចង់ឲ្យមានការបន្តលក់ ផលិតផលសៀមនៅលើទីផ្សាយើងទៀតទេហើយស ម្រាប់ខ្ញុំគឺនៅតែប្រកាន់គោលជំហររបស់ខ្ញុំដោយពហិ ការមិនប្រើប្រាស់ផលិតផលសៀម”។

កញ្ញាប៊ី សុធារីបានបន្ថែមថា អ្វីដែលនាងចង់ដឹងពេល នេះគឺចង់ឲ្យចេញមុខមកបកស្រាយឱ្យបានច្បាស់ថាហេតុអ្វីអីវ៉ាន់នៅច្រើនម្លេសមកដល់ឥឡូវគឺលក់មិនចេះអស់ព្រោះពួកគាត់ជាម្ចាស់ប្រេនធំហើយនាងក៏មិ នចង់និយាយទៅលើតំណាងចែកចាយបន្តនោះទេ៕ ចាន់រ៉ា

The post រឿងលក់ផលិតផលសៀមមិនចេះអស់ ប៊ី សុធារី ថា បើម្ចាស់ប្រេនហៅខ្លួនទៅមើលស្តុក ខ្លួនក៏ហ៊ានទៅធ្វើសាក្សី appeared first on Kampuchea Thmey Daily.

ម៉្យាង ក៏ដោយសារតែការចងចាំនូវទង្វើឈឺចាប់កន្លងមក ដែលគេមើលរំលងកម្ពុជាព្រោះភាពក្រីក្រ ហេតុនេះហើយ កញ្ញាយល់ថា ការគាំទ្រផលិតផលខ្មែរ ជារឿងចាំបាច់ដែលត្រូវធ្វើ ដោយជឿថា ការគាំទ្រផលិតផលផលិតក្នុងស្រុក នឹងជួយឱ្យសេដ្ឋកិច្ចរបស់កម្ពុជាកាន់តែរីកចម្រើន។

ក្រោយប្រមុខរាជរដ្ឋាភិបាលកម្ពុជា និងថៃ ឈានដល់ការចុះហត្ថលេខាលើកិច្ចព្រៀងសន្តិភាពរួមគ្នា នៅថ្ងៃទី២៦ តុលា ឆ្នាំ២០២៥ នៅប្រទេសម៉ាឡេសុី បវរកញ្ញាកម្ពុជា កញ្ញា ប៊ី សុធារី បានសម្តែងក្តីសោមន្យចំពោះលទ្ធផលនៃកិច្ចខិតខំរបស់រាជរដ្ឋាភិបាលកម្ពុជា ក្នុងការឆន្ទៈធ្វើឱ្យបទឈប់បាញ់មានប្រសិទ្ធភាព និងសន្តិភាពតាមបន្ទាត់ព្រំដេនកម្ពុជា-ថៃ ឡើងវិញ។

ដ្បិតតែ ប៊ី សុធារី បានសម្តែងក្តីសោមន្យចំពោះលទ្ធផលនៃកិច្ចខិតខំរបស់រាជរដ្ឋាភិបាលកម្ពុជា ក្នុងការឆន្ទៈធ្វើឱ្យបទឈប់បាញ់មានប្រសិទ្ធភាព និងសន្តិភាពតាមបន្ទាត់ព្រំដែនកម្ពុជា-ថៃ ឡើងវិញក៏ពិតមែន ប៉ុន្តែបវរកញ្ញាកម្ពុជារូបនេះ នៅតែរក្សាជំហររបស់ខ្លួនផងដែរ ក្នុងការប្តេជ្ញាបន្តពហិការផលិតផលពីអ្នកជិតខាងកម្ពុជាមួយនោះ និងអំពាវនាវឱ្យសាធារណជនខ្មែរ បន្តរួមចំណែកជំរុញការគាំទ្រផលិតផលិតផលិតក្នុងស្រុក។

ស្របនឹងឆន្ទៈបន្តពហិការហើយងាកមកផ្តោតលើការគាំទ្រផលិតជាតិ ប៊ី សុធារី យល់ថា ការគាំទ្រផលិតផលក្នុងស្រុក នឹងជួយឱ្យសេដ្ឋកិច្ចរបស់កម្ពុជា កាន់តែរីកចម្រើន ឈានឆ្ពោះទៅកាន់ឆាកអន្តរជាតិ បានស្គាល់បានដឹងកាន់តែច្រើនពីកម្ពុជា។

អាស្រ័យហេតុនេះ កញ្ញាអំពាវនាវដល់ពលរដ្ឋខ្មែរទាំងក្នុង និងក្រៅស្រុក បន្តផុសផុលគាំទ្រផលិតផលខ្មែរ ដើម្បីរួមចំណែកលើកតម្កើងសេដ្ឋកិច្ចជាតិ៕

The post ប៊ី សុធារី អំពាវនាវឱ្យបន្តផុសផុលគាំទ្រផលិតផលផលិតក្នុងស្រុក ដើម្បីជំរុញសេដ្ឋកិច្ចកម្ពុជា ឱ្យកាន់តែរីកចម្រើន appeared first on Kampuchea Thmey Daily.

ដំណឹងនេះបានធ្វើឱ្យមហាជនអ្នកគាំទ្របង្ហាញកាគាំទ្រ និងលើកទឹកចិត្តដល់កញ្ញា ប៊ី សុធារី ដែលបន្តឆន្ទ: ដើម្បីចូលរួមប្រកួតនៅក្នុងវិស័យមួយនេះដោយមិនរុញរា។ កាន់តែធ្វើឲ្យអ្នកគាំទ្រសរសើរទឹកចិត្ត ប៊ី សុធារី បានប្តេជ្ញាដណ្តើមមកុដ MCC 2025 ក្នុងការតំណាងឱ្យប្រទេសកម្ពុជាលើឆាកអន្តរជាតិទៀតផង។

ប្រភពពីអ្នកជិតដិតកញ្ញា ប៊ី សុធារី បានបង្ហើបឱ្យដឹងថា Queen Bee ប៊ី សុធារី គាត់តែងតែនិយាយប្រាប់ថា គាត់ពិតជាស្រលាញ់ វិស័យបវកញ្ញាខ្លាំងណាស់ ហើយគាត់ពិតជាចង់តំណាងឱ្យប្រទេសកម្ពុជាប្រជាជនកម្ពុជាទៅលើឆាកអន្តរជាតិ ដើម្បីលើកមុខមាត់ប្រទេសជាតិយើង។

ប្រភពបានបន្តថា ដូចនេះ សុធារី សូមក្ដីស្រលាញ់ជំនឿចិត្តនិងឱកាសពីបងប្អូនខ្មែរគ្រប់រូបជឿជាក់លើនាងម្ដងទៀតដើម្បីឱ្យគាត់កាន់តែមានកម្លាំងចិត្តខំបន្តដំណើរទៅមុខដោយយកសមត្ថភាពរបស់គាត់ ដើម្បីប្រកួតដើម្បីដណ្ដើមយកម្កុដ Miss Cosmo Cambodia 2025 សម្រាប់តំណាងឱ្យកម្ពុជាទាំងមូលនៅលើឆាកអន្តរជាតិ Miss Cosmo International 2025 ។

កញ្ញា ប៊ី សុធារី បានបញ្ជាក់ឱ្យដឹងដែរថា អ្វីដែលនាងសុំពេលនេះក្ដីស្រលាញ់ជំនឿចិត្តឱកាសពីបងប្អូនខ្មែរគ្រប់រូបជឿជាក់លើនាងម្ដងទៀតដើម្បីឱ្យនាងបន្តដំណើរទៅមុខ ដោយយកសមត្ថភាពទៅប្រកួត ដើម្បីដណ្ដើមយកម្កុដ Miss Cosmo Cambodia 2025 ក្នុងការតំណាងឱ្យកម្ពុជាទាំងមូល នៅលើឆាក Miss Cosmo International 2025 ៕ អត្ថបទ៖ ចាន់រ៉ា

The post ប៊ី សុធារី ប្តេជ្ញាដណ្តើមមកុដ Miss Cosmo ក្នុងនាមតំណាងឱ្យប្រទេសកម្ពុជាលើឆាកអន្តរជាតិ appeared first on Kampuchea Thmey Daily.

ការប្រកាសចូកប្រកួតកម្មវិធីសម្រស់ Miss Cosmo Cambodia 2025 នេះ ស្របពេលដែលថ្មីៗនេះ មានការបែកធ្លាយថា ស្រីស្អាត ប៊ី សុធារី បានវិលមកកាន់ឆាកប្រកួតជាថ្មីម្តងទៀត។ តាមរយ:ដំណឹងនេះ សាម៉ីខ្លួនក៏បានចេញមុខទទួលស្គាល់ថាជាការពិតផងដែរ។ រឿងដែលចាប់អារម្មណ៍ថែមទៀតមុននេះ គេឃើញលោកស្រី អុឹម សុគន្ធា បានបង្ហោះសារយ៉ាងក្តៅគគុកមួយពាក់ព័ន្ធរឿងបវរកញ្ញាម្នាក់ផងដែរ។

កញ្ញា ប៊ី សុធារី បានបញ្ជាក់ឱ្យដឹងថា ជំរាបសួរបងប្អូនខ្មែរទាំងអស់គ្នាដូចដែលអ្នកទាំងអស់គ្នា បានឃើញនូវរូបភាព និង វីដេអូបែកធ្លាយពីការត្រឡប់មកឆាកប្រកួតម្ដងទៀត ក្នុងមួយរយ:នេះ សូមបញ្ជាក់ថានាងពិតជាបានដាក់ពាក្យប្រកួត Miss Cosmo Cambodia 2025 ប្រាកដមែន ។

កញ្ញា ប៊ី សុធារី បានបន្តថា ពេលនេះ នាងសុំត្រឹមក្ដីស្រលាញ់ ជំនឿចិត្ត និងឱកាស ពីសាធារណជនគ្រប់រូប ជឿជាក់លើកញ្ញាម្ដងទៀត ដើម្បីឱ្យកញ្ញាអាចបន្តដំណើរទៅមុខ ដោយយកសមត្ថភាពរបស់នាង ទៅប្រកួតដើម្បីដណ្ដើមយកម្កុដ Miss Cosmo Cambodia 2025 ក្នុងការតំណាងឱ្យកម្ពុជាទាំងមូលនៅលើឆាក Miss Cosmo International 2025 ។

សូមបញ្ជាក់ថា ប៊ី សុធារី ធ្លាប់ឆ្លងកាត់ការប្រកួតដូចជា Miss Universe Cambodia 2017; កម្មវិធី Miss Charm Cambodia 2023 និងឆ្នាំ២០២៤ នាងបានចូលរួមការ​ប្រកួត​វិស័យបវរកញ្ញា​ជា​ថ្មី​ម្តងទៀត Miss Grand តំណាងឱ្យខេត្តកំពង់ឆ្នាំង ខណ:កាលណោះ នាងទទួលបានជ័យជនះក្លាយជាម្ចាស់កមុដ។ ប៉ុន្តែដោយសារមានបញ្ហា ប៊ី សុធារី មិនអាចចេញទៅប្រកួតលើឆាកអន្តរជាតិបាន៕ អត្ថបទ៖ ចាន់រ៉ា

The post ផ្ទុះការវែកញែក! ប៊ី សុធារី ប្រកាសថា ខ្លួនបានដាក់ពាក្យប្រកួត Miss Cosmo Cambodia 2025 appeared first on Kampuchea Thmey Daily.

យ៉ាងមិញ ក្រឡេកមកចាប់អារម្មណ៍ទៅលើ កញ្ញា ប៊ី សុធារី វិញ នាងបានឆក់យកបេះដូងមហាជនខ្មែរ បន្ទាប់ពីនាងបញ្ចេញសម្លេងការពារមុខមាត់ជាតិ មិនទទួលយកការចោទប្រកាន់ខុសទំនងរបស់លោក Nawat នោះឡើយ។ មិនតែប៉ុណ្នោះ តារាស្រីរូបនេះ បានធ្វើឲ្យមហាជនកាន់តែពេញចិត្ត នៅក្នុងថ្ងៃធ្វើសន្និសីទកាសែតបកស្រាយអំពីមូលហេតុដែលនាំឲ្យមានវិវាទក្នុងកម្មវិធី ឈានដល់ថ្នាក់ កម្ពុជា មានការដកខ្លួនចេញ ផ្ដាច់កុងត្រាភ្លាមៗ។

តួយ៉ាង កញ្ញា ប៊ី សុធារី បានបោះចោលនូវតំណែងជាបវរកញ្ញា ទាំងមិនស្ដាយអីបន្ដិចសោះ ដែលធ្វើឲ្យអ្នកគាំទ្របង្ហាញការគោរពសរសើរនូវទឹកចិត្តលះបង់ដ៏ល្អមួយនេះ។ រូបនាងក៏បាននិយាយថា នាងនឹងបកទៅគាំទ្រសមិទ្ធផលកម្មវិធីដែលបង្កើតឡើងដោយស្នាដៃខ្មែរវិញម្ដង។

ងាកមកមើលអំពីប្រវត្តិនៃការប្រឡងវិញ បវរកញ្ញារូបនេះ ធ្លាប់ចូលរួមប្រកួតជាច្រើនកម្មវិធី មានធ្លាក់ខ្លះ មានជាប់ខ្លះ រហូតមកដល់តំណែងគ្រងមកុដ Miss Grand Cambodia 2024 នេះ។ កើតនៅក្នុងឆ្នាំ១៩៩៨ កញ្ញា ប៊ី សុធារី បានឈានជើងចូលវិស័យដើរម៉ូដនេះ តាំងពីអាយុ១៤ឆ្នាំមកម្ល៉េះ។

កាលពីឆ្នាំ២០១៤ នៅពេលអាយុ១៦ឆ្នាំ ជាមួយនឹងកម្ពស់ ១ម៉ែត្រ៦៣ សង់ទីម៉ែត្រ នាងបានដាក់ពាក្យប្រឡងដំបូងក្នុងកម្មវិធី Miss Southeast Asia 2014 ដែលនាងបានឈ្នះពានរង្វាន់ Miss Elegance និង Best Evening Gown។ បន្ទាប់មក នាងបានជាប់ចំណាត់ថ្នាក់ទី២ ក្នុងកម្មវិធី Super Model International 2015 ក្រោយមកនាងបានបន្ដដំណើរទៅប្រកួតនៅ កម្មវិធី Miss Cambodia 2016 ហើយក៏បានក្លាយជាម្ចាស់មកុដផងដែរ។

មហិច្ចតារបស់នារីម្នាក់នេះ មិនបញ្ចប់ត្រឹមនេះទេ កញ្ញា ប៊ី សុធារី ត្រូវបានគេជ្រើសឲ្យក្លាយជាបវរកញ្ញាតំណាងប្រទេសកម្ពុជា ក្នុងកម្មវិធី Miss Universe 2017 ហើយរូបនាងក៏ជា បវរកញ្ញាខ្មែរដំបូង ដែលបានចូលរួមប្រកួតនៅក្នុងកម្មវិធីលំដាប់ពិភពលោកមួយនេះ។

បន្ដមកដល់ឆ្នាំ ២០២៣ នារីម្នាក់ដែលមានបទពិសោធន៍ក្នុងការប្រឡងវិស័យបវរកញ្ញា ក៏បានឈ្នះតំណែងជា Miss Charm Cambodia 2023 ឈានទៅដល់ការប្រឡងលើឆាកអន្តរជាតិ ហើយក៏ជាឆ្នាំដំបូង ដែលធ្វើឲ្យកម្ពុជាទទួលបានពានរង្វាន់ Best National Costume ឈុតតំណាងជាតិស្អាតដាច់គេក្នុងចំណោម 38 ប្រទេសមកពីជុំវិញពិភពលោក។

កាត់មកដល់ឆ្នាំ២០២៤នេះ កញ្ញា ប៊ី សុធារី ក៏បានសម្រេចជោគជ័យមួយទៀត ក្នុងដំណើរជាបវរកញ្ញាតំណាងជាតិ Miss Grand Cambodia 2024 ដែលកម្ពុជានឹងធ្វើជាម្ចាស់ផ្ទះ។ ដោយឡែក អ្វីគ្រប់យ៉ាងផ្ទុយស្រឡះ ផ្ទុះរឿងចម្រូងចម្រាស់ដែលធ្វើឲ្យរូបនាងបោះបង់ចោលតំណែងនេះទាំងមិនស្ដាយក្រោយ។

បើទោះបីជាយ៉ាងណាក្ដី រូបនាងបាននិយាយថា គោលដៅរបស់ខ្លួន មិនមែនត្រឹមតែក្លាយជាម្ចាស់មកុដនោះទេ ប៉ុន្ដែគោលបំណងធំជាងគេនោះគឺ ចង់ឲ្យពិភពលោក ស្គាល់ប្រទេសកម្ពុជា នាងមិនបានធ្វើដើម្បីខ្លួនឯង គឺនាងធ្វើដើម្បីជាតិសាសន៍របស់នាង។

ក្រៅពីការងារជាអ្នកដើរម៉ូត រូបនាង ក៏មានទេពកោសល្យសិល្បៈជាច្រើនទៀត ដូចជា ការសម្ដែងជាដើម ដែលនាងបានប្រលោកទៅក្នុងវិស័យភាពយន្ដខ្មែរ ហើយនាងក៏ជាតារាសម្ដែងដ៏ឆ្នើមមួយរូបផងដែរ៕

The post ទម្រាំបានគ្រងមកុដ កញ្ញា ប៊ី សុធារី ឆ្លងកាត់ការប្រឡងបវរកញ្ញាសឹងតែគ្រប់កម្មវិធី ចុងក្រោយមានបញ្ហាទៀត appeared first on Kampuchea Thmey Daily.

ការបេ្តជ្ញានេះ គឺស្របពេលដែលប៉ុន្មានថ្ងៃនេះ មានផ្ទុះនូវរឿងរ៉ាវដ៏ក្តៅគគុក បន្ទាប់ពីមើលឃើញនូវទង្វើរបស់អ្នកគ្រប់គ្រងកម្មវិធី Miss Grand International 2024 គឺលោក Nawat និងបវរកញ្ញាថៃនាង Lin Malin ដែលមិនឲ្យតម្លៃនិងមើលងាយប្រជាជនកម្ពុជា ថែមទាំងដកសិទ្ធិកម្ពុជាធ្វើជាម្ចាស់ផ្ទះ MGI 2024 ទៀតផង។

ក្នុងនាមជាកូនខ្មែរកញ្ញា ប៊ី សុធារី បានបង្ហាញឆន្ទ:រ បស់ខ្លួនថាខ្ញុំបានកើត និងរស់នៅលើទឹកដីមួយនេះក្រោមឈ្មោះថាជនជាតិខ្មែរប្រជាជនកម្ពុជា ខ្ញុំធំធាត់ឡើងជាមួយនឹងការអប់រំពីប្រទេសមួយនេះប្រទេសមួយនេះបានផ្ដល់ជីវិតចំណេះដឹង និងប្រាក់ចំណូលដល់ខ្ញុំនិងគ្រួសារខ្ញុំ ។

បវរកញ្ញា ប៊ី សុធារី បានបញ្ជាក់ទៀតថា ដូច្នេះហើយ ខ្លួនមានសិទ្ធិក្នុងការក្រោកឈរការពារប្រទេសមួយនេះ ការពារកន្លែងដែលនាងរស់នៅ ប្រទេសនាង គឺត្រូវតែទទួលបានភាពស្អាតស្អំមកវិញ។

សូមបញ្ជាក់ថា ក្រោយកើតមានរឿងរ៉ាវចម្រូវចម្រាស់ដកសិទ្ធិកម្ពុជាធ្វើជាម្ចាស់ផ្ទះ MGI 2024 កញ្ញា ប៊ី សុធារី ដែលជាបវរ កញ្ញាតំណាងកម្ពុជាក្នុងការដណ្តើមមកុដភ្លាមៗនោះបានប្រកាសផ្តាច់ខ្លួនពីការប្រកួតកម្មវិធីមួយនេះ៕ អត្ថបទ៖ ចាន់រ៉ា

The post ប៊ី សុធារី ប្តេជ្ញាទាមទារភាពស្អាតស្អំដើម្បីអ្នកគាំទ្រ និងពលរដ្ឋកម្ពុជា appeared first on Kampuchea Thmey Daily.