ផ្ទុះការវែកញែក! ប៊ី សុធារី ប្រកាសថា ខ្លួនបានដាក់ពាក្យប្រកួត Miss Cosmo Cambodia 2025

នេះជាដំណឹងធ្វើឱ្យអ្នកគាំទ្រមានការចាប់អារម្មណ៍ថ្មីទៀតហើយ បន្ទាប់អតីតបវរកញ្ញាលេចធ្លោកកញ្ញា ប៊ី សុធារី បានចេញមុខប្រកាសជាសាធារណ: ថានាងបានត្រៀមខ្លួននិងដាក់ពាក្យរួចហើយដើម្បីចូលប្រកួតកម្មវិធី Miss Cosmo Cambodia 2025 ។

ការប្រកាសចូកប្រកួតកម្មវិធីសម្រស់ Miss Cosmo Cambodia 2025 នេះ ស្របពេលដែលថ្មីៗនេះ មានការបែកធ្លាយថា ស្រីស្អាត ប៊ី សុធារី បានវិលមកកាន់ឆាកប្រកួតជាថ្មីម្តងទៀត។ តាមរយ:ដំណឹងនេះ សាម៉ីខ្លួនក៏បានចេញមុខទទួលស្គាល់ថាជាការពិតផងដែរ។ រឿងដែលចាប់អារម្មណ៍ថែមទៀតមុននេះ គេឃើញលោកស្រី អុឹម សុគន្ធា បានបង្ហោះសារយ៉ាងក្តៅគគុកមួយពាក់ព័ន្ធរឿងបវរកញ្ញាម្នាក់ផងដែរ។

កញ្ញា ប៊ី សុធារី បានបញ្ជាក់ឱ្យដឹងថា ជំរាបសួរបងប្អូនខ្មែរទាំងអស់គ្នាដូចដែលអ្នកទាំងអស់គ្នា បានឃើញនូវរូបភាព និង វីដេអូបែកធ្លាយពីការត្រឡប់មកឆាកប្រកួតម្ដងទៀត ក្នុងមួយរយ:នេះ សូមបញ្ជាក់ថានាងពិតជាបានដាក់ពាក្យប្រកួត Miss Cosmo Cambodia 2025 ប្រាកដមែន ។

កញ្ញា ប៊ី សុធារី បានបន្តថា ពេលនេះ នាងសុំត្រឹមក្ដីស្រលាញ់ ជំនឿចិត្ត និងឱកាស ពីសាធារណជនគ្រប់រូប ជឿជាក់លើកញ្ញាម្ដងទៀត ដើម្បីឱ្យកញ្ញាអាចបន្តដំណើរទៅមុខ ដោយយកសមត្ថភាពរបស់នាង ទៅប្រកួតដើម្បីដណ្ដើមយកម្កុដ Miss Cosmo Cambodia 2025 ក្នុងការតំណាងឱ្យកម្ពុជាទាំងមូលនៅលើឆាក Miss Cosmo International 2025 ។

សូមបញ្ជាក់ថា ប៊ី សុធារី ធ្លាប់ឆ្លងកាត់ការប្រកួតដូចជា Miss Universe Cambodia 2017; កម្មវិធី Miss Charm Cambodia 2023 និងឆ្នាំ២០២៤ នាងបានចូលរួមការ​ប្រកួត​វិស័យបវរកញ្ញា​ជា​ថ្មី​ម្តងទៀត Miss Grand តំណាងឱ្យខេត្តកំពង់ឆ្នាំង ខណ:កាលណោះ នាងទទួលបានជ័យជនះក្លាយជាម្ចាស់កមុដ។ ប៉ុន្តែដោយសារមានបញ្ហា ប៊ី សុធារី មិនអាចចេញទៅប្រកួតលើឆាកអន្តរជាតិបាន៕ អត្ថបទ៖ ចាន់រ៉ា