ក្រោយពីបានឆ្លង​យោ​បបល់ ព្រមទាំងឯកភាពពីលោកឧត្តមសេនីយ៍​ទោ ដាញ់ អេងប៊ុនចាន់ ស្នង​ការនៃស្នងការដ្ឋាន​នគរបាលខេត្តបាត់ដំបង រួចមក នៅថ្ងៃទី១ ខែកក្កដា ឆ្នាំ២០២៦ លោកវរ​សេនី​យ៍​ឯក​ ស​ គឹម​ឡុង​ អធិការនគរ​បាលស្រុកមោងឫស្សី​ បានដឹកនាំកម្លាំងស​ហការជាមួយ លោកវរ​សេនីយ៍ឯក​ ពេជ្រ​ សារ៉ែន​ អធិការនគរ​បាលក្រុ​ង​បាត់ដំបង​ និងលោក​វរសេនីយ៍ឯក​ ឆា​យ​ ម៉ាប់​ អធិ​ការ​នគរបាលស្រុកឯក​ភ្នំ​ ចុះស្រាវជ្រាវមុខសញ្ញាដែលជាជនឆបោក រហូតធ្វើការខ្លួនជនសង័្សយឈ្មោះ យិន រស្មី ភេទ​ស្រី អាយុ​៣៥ឆ្នាំ រស់នៅបុរីមួយកន្លែងក្នុងស្រុកឯកភ្នំ​ បន្ទាប់ពីជនសង័្សយខាងលេីបានធ្វេីសកម្មភាពបោកប្រាស់ប្រជាពលរដ្ឋនៅស្រុកឯកភ្នំ និងស្រុកមោងឫស្សី ពិសេសគឺអ្នករស់នៅភូមិកូនខ្លុង ឃុំព្រែកតូច ស្រុកមោងឬស្សី ជាច្រេីននាក់​ ដោយប្រេី​ប្រាស់មុខរបរដាក់ទូរលក់គ្រឿងកា​ឡៃ ហើយប្រាប់អ្នកទិញថា ជាគ្រឿងប្លាទីន និងទ​ទួ​ល​បញ្ចាំទ្រព្យសម្បត្តិ តែនៅពេលដែលជននេះ យ​កទ្រព្យសម្បត្តិដែលគេដាក់​បញ្ចាំទៅគឺមិនទទួល​ខុស​ត្រូវ ថែមទាំងព្យាយាមគេចខ្លួនពីមូលដ្ឋានស្រុកឯកភ្នំ និងស្រុកមោងឫស្សី​ ដែលសកម្មភាពនេះប្រព្រឹត្តចាប់តាំងពីខែ​មីនា​ ឆ្នាំ២០២៦​ រហូតមក។

ក្នុងពេលឃាត់ខ្លួនសមត្ថកិច្ចបានដក​ហូតសម្ភារជាគ្រឿងអលង្គការកាឡៃមួយចំនួនធំស្ថិតនៅក្នុងឃ្លុបម៉ូតូដែលជនសង្ស័យកំពុងជិះ​ ហេីយជនសង័្សយក៏បានទទួ​ល​ស្គាល់នូវសកម្មភាពដែលខ្លួនប្រព្រឹត្តនាពេលកន្លងមកផងដែរ។

ពេលនេះសមត្ថកិច្ចកំពុងបន្តនីតិវិធីដោយរៀបចំសំណុំរឿងបញ្ជូនមកផែនជំនាញនៅស្នងការដ្ឋាននគរបាលខេត្ត ដើម្បីបញ្ជូនខ្លួនទៅកាន់សាលាដំបូងខេត្តដើម្បីអនុវត្តតាមច្បាប់៕

អត្ថបទ៖ សោ និយមរ័ត្ន

The post នគរបាលស្រុកចំនួន៣ នៃខេត្តបាត់ដំបង ស្រាវជ្រាវឃាត់ខ្លួនស្ត្រីម្នាក់ពាក់ព័ន្ធករណីឆបោក appeared first on Kampuchea Thmey Daily.

តាមរយ:ការស្រាវជ្រាវ កម្លាំងជំនាញកំណត់បានថា ជនសង្ស័យបានប្រើប្រាស់គណនីហ្វេសប៊ុកឈ្មោះ “Zeii Neth” ជាមធ្យោបាយទាក់ទងជាមួយជនរងគ្រោះដើម្បីគំរាមកំហែងហែកកេរ្តិ៍ និងកំហែងទារប្រាក់ពីជនរងគ្រោះ។

បច្ចុប្បន្នជនសង្ស័យទាំង០២នាក់ នាយកដ្ឋានបានកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ និងត្រូវបានចៅក្រម នៃសាលាដំបូងរាជធានីភ្នំពេញ សម្រេចឃុំខ្លួនបណ្ដោះអាសន្នពីបទ«គំរាមកំហែងហែកកេរ្តិ៍» ដោយឃុំខ្លួននៅមណ្ឌលអប់រំកែប្រែទី១(ព្រៃស ម១) និង មណ្ឌលអប់កែប្រែទី២(ព្រៃស ម២)។

នាយកដ្ឋានប្រឆាំងបទល្មើសបច្ចេកវិទ្យា ក៏បានក្រើនរំលឹកដល់សាធារណជន សូមមេត្តាពិនិត្យ និងពិចារណាអោយបានហ្មត់ចត់ មុនសម្រេចចិត្តក្នុងការខ្ចីប្រាក់តាមរយ:អនឡាញ ជាពិសេសត្រូវពិនិត្យថា តើអ្នកផ្តល់កម្ចីនោះមានស្ថាប័នកម្ចីស្របច្បាប់ដែរឬទេ មុននឹងសម្រេចចិត្តក្នុងការខ្ចី ជៀសវាងទទួលនូវហនិភ័យនានានៅពេលក្រោយ៕

The post បង្រ្កាបករណីកំហែងយកប្រាក់ និងគំរាមកំហែងហែក​កេរ្តិ៍ ក្រោមរូបភាពកម្ចីតាមអនឡាញខុសច្បាប់ appeared first on Kampuchea Thmey Daily.

ក្រសួងការងារ បាននិងកំពុងសហការជាមួយអាជ្ញាធរពាក់ព័ន្ធដើម្បីស្រាវជ្រាវ និងចាត់វិធានការតាមផ្លូវច្បាប់ជាធរមាន។ ក្រសួងការងារ និងបណ្ដុះបណ្ដាលវិជ្ជាជីវៈ ចាត់ទុកសកម្មភាពរបស់បុគ្គល និងក្រុមទាំងនេះ គឺជាការប្រព្រឹត្តផ្ទុយច្បាប់ និងលិខិត បទដ្ឋានគតិយុត្តក្នុងវិស័យការងារ និងជាបទល្មើសព្រហ្មទណ្ឌដែលត្រូវផ្តន្ទាទោសតាមក្រមព្រហ្មទណ្ឌនៃព្រះរាជាណាចក្រកម្ពុជា។

តាមរយៈលិខិតបដិសេធរបស់ក្រសួងការងារ បានឲ្យដឹងថា ការចេញមកបដិសេធនេះ បន្ទាប់ពីថ្មីៗនេះមានបុគ្គល និងក្រុមខិលខូចបានបង្កើតក្រុមតេឡេក្រាម ដែលមានឈ្មោះថា ” គ្រុបផុសរើសកម្មកររោងចក្រទូទៅ 招聘工人和职员一般只在“ដោយយករូបសញ្ញា (Logo) របស់ក្រសួងការងារ និងបណ្តុះបណ្តាលវិជ្ជាជីវៈ មកប្រើប្រាស់ ជារូបប្រូហ្វាល់របស់ខ្លួន ក្នុងគោលបំណងបោកប្រាស់ និងធ្វើឱ្យសាធារណជនមានការភាន់ច្រឡំមកលើក្រសួង។

បើតតាមក្រសួងការងារ ក្រុមតេឡេក្រាមនេះបង្កើតឡើងដោយគណនីតេឡេក្រាមឈ្មោះ I’m 小龙 I’m 小龙” និងអេតមីន (Admin) ចំនួន ៣នាក់ ព្រមទាំងបានយកឈ្មោះក្រុមហ៊ុន ខេអិល រ៉ាយស៊ីង អ៊ិនដាសស្មៀល ឯ.ក KL RISING INDUSTRIAL CO., LTD ដែលមានអាសយដ្ឋាននៅភូមិថ្នល់ជាតិ សង្កាត់ច្រកម្ទេស ក្រុងបាវិត ខេត្តស្វាយរៀង មកធ្វើការផ្សព្វផ្សាយជ្រើសរើសកម្មករនិយោជិត ដោយក្រុមហ៊ុនសាមីពុំបានដឹងឡើយ។

ក្រសួងការងារ ក៏បានបញ្ជាក់ថា ច្បាប់ស្តីពីការងារ ប្រកាសលេខ ៤៦៣ ក.ប/ប្រ.ក ចុះថ្ងៃទី២៨ ខែតុលា ឆ្នាំ២០១៦ និងសេចក្តីជូនដំណឹងលេខ ០២៥/២៥ ក.ប/ស.ជ.ណ.ខ.ល ចុះថ្ងៃទី៧ ខែសីហា ឆ្នាំ២០២៥ របស់ក្រសួងការងារ និងបណ្តុះបណ្តាលវិជ្ជាជីវៈ មិនអនុញ្ញាតឱ្យបុគ្គល ឬទីភ្នាក់ងារឯកជនផ្តល់សេវារកការងារឱ្យធ្វើក្នុងស្រុក ធ្វើការផ្សព្វផ្សាយជ្រើសរើសកម្លាំងពលកម្ម និងរកការងារឱ្យធ្វើដោយគ្មានការអនុញ្ញាតជាមុនពីក្រសួង ហើយក៏មិនត្រូវទាមទារឱ្យប្រជាពលរដ្ឋបង់កម្រៃសេវា ឬអត្ថប្រយោជន៍ផ្សេងៗជាថ្នូរនឹងការទទួលបានការងារធ្វើឡើយ។

ក្រសួងការងារ ចាត់ទុកសកម្មភាពរបស់បុគ្គល និងក្រុមទាំងនេះ គឺជាការប្រព្រឹត្តផ្ទុយច្បាប់ និងលិខិត បទដ្ឋានគតិយុត្តក្នុងវិស័យការងារ និងជាបទល្មើសព្រហ្មទណ្ឌដែលត្រូវផ្តន្ទាទោសតាមក្រមព្រហ្មទណ្ឌនៃព្រះរាជាណាចក្រកម្ពុជា។ ក្រសួងការងារ និងបណ្ដុះបណ្ដាលវិជ្ជាជីវៈ ក៏បានស្នើឲ្យប្រជាពលរដ្ឋ ក៏ដូចជាកម្មករនិយោជិត និងសាធារណជនដែលមានបំណងស្វែងរកការងារ សូមទំនាក់ទំនងមកទីភ្នាក់ងារជាតិមុខរបរ និងការងារ ឬមជ្ឈមណ្ឌលការងាររាជធានី ខេត្ត ឬតាមរយៈប្រព័ន្ធ Hotline លេខ ១២៩៧ និង QR Code (ស្វែងរកការងារ-MLVT) ដូចមានភ្ជាប់ជូនខាងក្រោម៕

The post ក្រសួងការងារ កំពុងស្រាវជ្រាវ​លើជនមួយក្រុមដែលប្រើប្រាស់ Logo របស់ក្រសួងដើម្បីឆបោកក្នុងការជ្រើសរើសកម្មករនិយោជិត appeared first on Kampuchea Thmey Daily.

ការនាំខ្លួននាយរងផ្នែកចរាចរណ៍នៃអធិការដ្ឋាននគរបាលខណ្ឌសែនសុខ ទៅសួរនាំនេះ ធ្វើឡើងបន្ទាប់ពីមានការផ្សព្វផ្សាយព័ត៌មាននៅតាមបណ្តាញសង្គមដោយចោទប្រកាន់ថា លោកស្រីអនុសេនីយ៍ឯក ឈុំ សុភារុណ ឋានៈនាយរងផ្នែកចរាចរណ៍នៃអធិការដ្ឋាននគរបាលខណ្ឌសែនសុខ បានទទួលយកលុយចំនួន ១៦០,០០០ ដុល្លារ (ដប់ប្រាំមួយម៉ឺនដុល្លារអាមេរិក) ដើម្បីរត់ការឯកសារឲ្យជនជាតិចិនតៃវ៉ាន់ចំនួន១០នាក់ ប៉ុន្តែរត់ការមិនបានសម្រេច។

បើតាមក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលរាជធានីភ្នំពេញ លោកស្រីអនុសេនីយ៍ឯក ឈុំ សុភារុណ នាយរងផ្នែកចរាចរណ៍នៃអធិការដ្ឋាននគរបាលខណ្ឌសែនសុខ ត្រូវបានកម្លាំងការិយាល័យនគរបាលព្រហ្មទណ្ឌនៃអគ្គស្នងការដ្ឋាននគរបាលជាតិ អញ្ជើញទៅបំភ្លឺ នៅថ្ងៃទី២៧ ខែមករា ឆ្នាំ២០២៦នេះ ដើម្បីសួរនាំតាមជំនាញរបស់សមត្ថកិច្ច៕

The post នាំខ្លួននាយរងផ្នែកចរាចរណ៍ខណ្ឌម្នាក់ទៅសួរនាំ ក្រោយ​រងការចោទប្រកាន់ ស៊ីដាច់លុយ១៦ម៉ឺនដុល្លារពីជនជាតិចិន appeared first on Kampuchea Thmey Daily.

តាមរយៈការស្រាវជ្រាវ សមត្ថកិច្ចកំណត់បានថា ជនសង្ស័យរូបនេះបានចូលរួមជាមួយជនអនាមិកប្រព្រឹត្តបទល្មើសខាងលើ និងទទួលបានផលពីអំពើបទល្មើសនេះផងដែរ។

ជនសង្ស័យត្រូវបាននាយកដ្ឋានឃាត់ខ្លួន និងកសាងសំណុំរឿងបញ្ជូនទៅកាន់អយ្យការអមសាលាដំបូងរាជធានីភ្នំពេញ ដើម្បីបន្តនីតិវិធីតាមផ្លូវច្បាប់។

ជាថ្មីម្ដងទៀត នាយកដ្ឋានប្រឆាំងបទល្មើសបច្ចេកវិទ្យា នៅតែក្រើនរំលឹកដល់សារធារណជនទាំងអស់ សូមប្រុងប្រយ័ត្នខ្ពស់ពីការផ្ដល់ឱកាសការងារតាមអនឡាញមិនស្គាល់ប្រភពច្បាស់លាស់ អាចត្រូវបានជនអនាមិកបញ្ចុះបញ្ចូល អូសទាញ រហូតក្លាយជាអ្នកប្រព្រឹត្ត និងទទួលផលនៃបទល្មើសផ្សេងៗ ដែលជាសកម្មភាពល្មើសច្បាប់ និងត្រូវខុសត្រូវចំពោះមុខច្បាប់ជាធរមាន៕

The post នាយកដ្ឋានប្រឆាំងបទល្មើសបច្ចេកវិទ្យា បង្ក្រាប និងឃាត់ខ្លួនជនសង្ស័យម្នាក់ពាក់ព័ន្ធករណីឆបោកតាមប្រព័ន្ធតេឡេក្រាម appeared first on Kampuchea Thmey Daily.

ក្នុងប្រតិបត្តិការនេះ សមត្ថកិច្ចបានឃាត់ខ្លួន​ជនសង្ស័យចំនួន២៨នាក់ រួមមានស្ត្រី ៦នាក់។ ក្នុងចំណោមនោះ មាន ជនជាតិ​វៀតណាម ២៧នាក់ និងបុរសជនជាតិខ្មែរ ១នាក់ ត្រូវបានសង្ស័យថា ពាក់ព័ន្ធនឹងសកម្មភាពឆបោកតាមបណ្តាញ រួមទាំងការលួងលោមស្នេហា និងកំហែងទារប្រាក់តាមអ៊ីនធឺណិត។

ក្រៅពីការឃាត់ខ្លួនជនសង្ស័យ សមត្ថកិច្ចក៏បានរឹបអូសវត្ថុតាងជាច្រើន រួមមាន ម៉ូនីទ័រ ៣៩គ្រឿង CPU ចំនួន ១១គ្រឿង ទូរស័ព្ទ ១០០គ្រឿង និងស៊ីមកាតជាច្រើនទៀត។

សមត្ថកិច្ចជំនាញកំពុងបន្តស្រាវជ្រាវជាមួយភាគីពាក់ព័ន្ធ ដើម្បីវែកមុខមេខ្លោង និងបន្តចាត់វិធានការតាមផ្លូវច្បាប់។ ជនសង្ស័យទាំងអស់ត្រូវបានប្រគល់ជូនស្នងការដ្ឋាន​នគរបាល​រាជធានីភ្នំពេញ ដើម្បីអនុវត្តនីតិវិធី​បន្ថែម។ រីឯទីតាំងត្រូវបាន បិទបណ្តោះអាសន្នក្នុងគោលបំណង​ស្រាវជ្រាវបន្ថែម។

សមត្ថកិច្ចបានបញ្ជាក់ថា យុទ្ធនាការបោសសម្អាតបទល្មើសឆបោកតាមបច្ចេកវិទ្យាទូទាំងប្រទេស នឹងបន្តអនុវត្តវិធានការតឹងរ៉ឹង និងគ្មានការលើកលែងចំពោះមេខ្លោង និងបណ្តាញឆបោកគ្រប់ប្រភេទ ដើម្បីការពារសុវត្ថិភាពសាធារណៈ និងបង្ក្រាបឧក្រិដ្ឋកម្មតាមបណ្តាញឱ្យមានប្រសិទ្ធភាពបន្តទៀត៕

អត្ថបទ៖ សំណាង

The post ​ជនសង្ស័យOnline Scam ២៨នាក់ ត្រូវបានឃាត់ខ្លួននៅខណ្ឌច្បារអំពៅ appeared first on Kampuchea Thmey Daily.

តាមរបាយការណ៍ពី thethaiger លោកវរសេនីយ៍ឯក Chatree Chukaew អធិការនៃស្ថានីយ៍ប៉ូលិសក្រុងភូកេត បានលាតត្រដាងករណីដ៏ឈឺក្បាលនេះ បន្ទាប់ពីរិបអូសបានគ្រឿងសំអាងដែលលក់តាមអ៊ីនធឺណិតជាង ២ម៉ឺនមុខ។ ទំនិញដែលរឹបអូសបានគឺផ្អែកលើមូលដ្ឋានទិន្នន័យរបស់អតិថិជនពីមុនមកនិងពីប្រភពផ្សេងៗ រួមទាំងឈ្មោះដែលប្រមូលបានពីទីផ្សារងងឹត។

ក្នុងអំឡុងពេលស្វែងរក មន្ត្រីបានរកឃើញឈ្មោះអតិថិជនចំនួន ១០ម៉ឺននាក់់ ដែលរក្សាទុកនៅលើកុំព្យូទ័រយួរដៃ។ យ៉ាងណាក៏ដោយ ការស៊ើបអង្កេតកំពុងដំណើរការដើម្បីកំណត់ប្រភពព័ត៌មាន និងការតភ្ជាប់ណាមួយទៅកាន់បណ្តាញឧក្រិដ្ឋកម្មផ្សេងទៀត។

សរុបទំនិញដែលរឹបអូសបានរួមមានទំនិញចំនួន ២០,៨២៩ មុខ៖ ទំនិញខុសច្បាប់ចំនួន ៧,៤៩២ មុខ ទំនិញវេចខ្ចប់ចំនួន ៥,២២៣ មុខ ទំនិញវេចខ្ចប់ចំនួន ៣,៨៩០ មុខ ទំនិញត្រៀមដឹកជញ្ជូនចំនួន ១,០៩៩ មុខ និងទំនិញដែលបានប្រគល់មកវិញចំនួន ៣,១២៥ មុខ។

លើសពីនេះ មន្ត្រីកំពុងរៀបចំពង្រីកការស៊ើបអង្កេតរបស់ពួកគេ ទៅលើបញ្ជីជនរងគ្រោះ និងប្រភពព័ត៌មាន ដើម្បីបន្តចាត់វិធានការផ្លូវច្បាប់បន្ថែមទៀត៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

ក្រៅពី Lampang រញ្ជួយដីវាយប្រហារខេត្ត Tak ក្នុងទឹកដីថៃ មួយទៀត

The post ករណីថ្មីនៅ ថៃ បញ្ឆោតជនរងគ្រោះជិត១០ម៉ឺននាក់ បង់ប្រាក់លើទំនិញមិនបានកម្មង់ appeared first on Kampuchea Thmey Daily.

ការចាប់ខ្លួនជនសង្ស័យនេះធ្វើឡើងនៅវេលាម៉ោង៩និង៣០នាទីព្រឹក ថ្ងៃទី១២ ខែវិច្ឆិកា ឆ្នាំ២០២៥ នៅចំណុចភូមិដើមស្លែង សង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ។ ជនសង្ស័យដែលត្រូវឃាត់ខ្លួនមានឈ្មោះ ហួរ ពិសិដ្ឋ ភេទប្រុស អាយុ៣១ឆ្នាំ មុខរបរកម្មករសំណង់ ស្នាក់នៅភូមិដើមស្លែង១ សង្កាត់ច្បារអំពៅ២។

តាមពាក្យបណ្តឹងរបស់ស្រ្តីរងគ្រោះឈ្មោះ ផាន់ គុន្ធា អាយុ៣១ឆ្នាំ មានទីលំនៅភូមិដើមស្លែង១ សង្កាត់ច្បារអំពៅ២ បានរៀបរាប់ថា កាលពីវេលាម៉ោង៦ព្រឹកថ្ងៃទី១០ ខែវិច្ឆិកា ជនសង្ស័យបានសុំខ្ចីម៉ូតូរបស់ស្ត្រីរងគ្រោះម៉ាកសង់សេរី២០០៩ ពណ៌ខ្មៅ ពាក់ស្លាកលេខ កំពង់ធំ 1 B 07 09 ថាទៅទិញបាយមួយភ្លែត។ ពេលបានម៉ូតូហើយជនសង្ស័យបែរជាយកទៅលក់ និងយកលុយទៅចាយវាយអស់។ លុះដល់វេលាម៉ោង៩និង៣០នាទីព្រឹកថ្ងៃទី១២ ខែវិច្ឆិកា ទើបក្រុមគ្រួសារនារីរងគ្រោះប្រទះឃើញជនសង្ស័យកំពុងដើរក្នុងភូមិ ក៏ចាប់ខ្លួនឲ្យប៉ូលិសប៉ុស្តិ៍ច្បារអំពៅ២ ចាត់ការតាមផ្លូវច្បាប់។

តាមចម្លើយសារភាព ជនសង្ស័យបានសារភាពថាខ្លួនបានខ្ចីម៉ូតូពីនារីរងគ្រោះយកទៅទិញបាយ ប៉ុន្តែបែកគំនិតយកម៉ូតូទៅលក់ឲ្យគេនៅខេត្តកំពង់ចាមបានលុយ២៥០ដុល្លារ និងយកទៅសុីចាយអស់ហើយ៕

អត្ថបទ៖ នរា

The post ចាប់ខ្លួនកម្មករសំណង់ម្នាក់ ក្រោយខ្ចីម៉ូតូស្ដ្រីរងគ្រោះទៅលក់យកលុយចាយអស់ appeared first on Kampuchea Thmey Daily.